Јавното обвинителство отвори истрага против двајца браќа од Скопје, на возраст од 43 и 44 години, осомничени дека се обиделе да убијат едно лице кај селото Шишево, при што во опасност биле доведени и уште две лица.

Според истрагата, инцидентот се случил на 6 јуни во близина на авто-плац во Шишево, а неговата позадина била расправија што започнала по мал сообраќаен инцидент. При разминување на патот, возилата на братот на оштетениот и на едниот од осомничените се допреле со ретровизорите, по што следувала вербална пресметка.

Обвинителството тврди дека еден од осомничените го фатил другиот возач за врат и му се заканувал, но сведоци успеале да ја смират ситуацијата. Сепак, конфликтот не завршил таму.

Откако нападнатиот ја зел сопругата од работа, го повикал својот брат за да провери дали патот е безбеден за враќање. Но, во близина на местото каде што претходно избувнала расправијата, двајцата осомничени, според обвинителството, ги чекале скриени во грмушки и вооружени со пиштоли.

Во моментот кога возилото поминувало покрај нив, едниот од браќата испукал два куршума. Еден од проектилите го погодил братот на претходно нападнатиот маж во главата, нанесувајќи му тангенцијална повреда. Со пукањето биле загрозени и уште две лица кои се наоѓале во близина.

Јавниот обвинител за двајцата осомничени побарал притвор. Тие се товарат врз основа на сомнение дека се соизвршители на кривично дело – Убиство според член 123 став 2 точка 3 во врска со член 19 (во обид).

Во предлогот до судот се наведува дека постои опасност од бегство, можност за влијание врз сведоци и ризик осомничените да го повторат или довршат делото за кое се гонат.

The post ИМ ГО ГРЕБНАЛ РЕТРОВИЗОРОТ, ГО ЧЕКАЛЕ ВО ГРМУШКА СО ПИШТОЛИ!? Двајца браќа ќе одговараат за обид за убиство во Шишево appeared first on plusinfo.mk.

42-годишен битолчанец заработи кривична пријава откако, според полицијата, со остри предмети ги нападнал своите две деца во семејниот дом, а потоа правел проблеми и во полициска станица.

Од СВР Битола информираат дека станува збор за В.Ф. (42), против кого се поднесени пријави за убиство во обид, загрозување на сигурноста и напад на службено лице.

Инцидентот се случил на 18 февруари во домот каде што живеат неговите деца. Според информациите, тој со остри предмети ги нападнал својот 21-годишен син и 16-годишната ќерка.

Ден подоцна, на 19 февруари, додека со него се водел службен разговор во Полициската станица Битола, осомничениот оштетил дел од инвентарот и нападнал полициски службеници кои извршувале службени дејствија.

По целосно документирање на случајот, против него е поднесена кривична пријава.

The post СО НОЖ ГИ НАПАДНАЛ ДЕЦАТА, ПА НАПРАВИЛ ХАОС ВО СТАНИЦА Битолчанец заработи сериозни обвиненија appeared first on plusinfo.mk.

41-годишен битолчанец е приведен откако со секира го нападнал сопствениот син, а потоа направил инцидент и во полициска станица.

Според информациите од полицијата, на 19 февруари околу 11:15 часот во Битола, полициски службеници од СВР Битола го лишиле од слобода Ф.В.(41) од Битола поради сомнение за „убиство во обид“ и „загрозување на сигурноста“.

Инцидентот се случил ден претходно, на 18 февруари, кога осомничениот физички го нападнал својот син и при тоа употребил и секира.

Од МВР информираат дека додека со него се водел службен разговор во Полициската станица Битола, тој повторно станал агресивен, нападнал полициски службеници и оштетил дел од инвентарот во станицата.

За случајот е известен јавен обвинител, а по негово целосно документирање против осомничениот ќе бидат поднесени соодветни пријави.

The post СО СЕКИРА ТРГНАЛ ДА ГО УБИЕ СОПСТВЕНИОТ СИН Приведениот 41-годишен битолчанец дивеел и во полициска станица appeared first on plusinfo.mk.

По претходно обезбедени оперативни сознанија, полициски службеници синоќа во 21:15 часот во Кочани го лишиле од слобода Н.В., на возраст од 32 години од Виница, поради основано сомнение за сторено кривично дело „убиство во обид“.

Тој, на 7 август пред угостителски објект во Виница, по претходна вербална расправија, со нож му нанел четири убодни рани на Д.С. од Виница, по што се дал во бегство, соопштија од Министерството за внатрешни работи.

The post СО НОЖ ГО ПРОБОЛ 4 ПАТИ И ИЗБЕГАЛ Приведен маж од Виница за убиство во обид appeared first on plusinfo.mk.

На 09.06.2024, пред спортска обложувалница во Охрид, по претходна расправија со И.М., пријавените физички го нападнале, при што додека второпријавениот го држел И.М, првопријавениот со остар предмет му нанел убодни рани.

The post ЕДНИОТ ГО ДРЖЕЛ, ДРУГИОТ ГО ИЗБОДЕЛ Двајца охриѓани осомничени за убиство во обид appeared first on plusinfo.mk.