Осомничениот се сретнал со оштетените  кога излегле во дворот на куќата и започнал расправија за пат кој го користеле заеднички и за кој и претходно имале несогласувања.

По расправијата, осомничениот извадил пиштол кој го поседувал без дозвола и започнал да пука кон оштетените. Едниот од нив возвратил со истрели од огнено оружје за кое имал дозвола, но осомничениот ги лишил од живот двајцата оштетени – татко и син.

Потоа продолжил да пука и кон останатите четири лица нивни роднини, нанесувајќи му огнострелни повреди на еден од нив. Кога на местото пристигнале припадници на СВР Тетово осомничениот давал отпор и не сакал да се предаде, но бил совладан и лишен од слобода.

Истрагата за него е поведена за кривично дело – Убиство според член 123 став 3, а ќе одговара и за обид за убиство, како и за недозволено држење оружје. По предлог на јавен обвинител, судијата на претходна постапка од Основниот суд во Тетово определи мерка притвор во траење од 30 дена за осомничениот.

The post ОТВОРЕНА ИСТРАГА ЗА УБИЕЦОТ ОД ЧЕЛОПЕК Ќе одговара за убиство и обид за убиство со нелегално оружје appeared first on plusinfo.mk.

-Колегите работат на расчистувањето на овој настан, станува збор за нерасчистени имотни односи во едно семејство. Тоа се првичните сознанија кои ни ги пратија колегите од терен. Очекуваме дека наскоро ќе се заокружи целиот процес и ќе имаме детални информации – изјави вечерва Спасовски, за време на работна посета на ЕВР Гази Баба, во одговор на новинарско прашање.

Попладнево две лица беа убиени, а едно е повредено во тетовски Челопек. Од СВР Тетово информираа дека е приведено осомниченото лице. Убиените и повредениот се роднини со осомничениот за убиството и ранувањето.

The post КРВАВ ЧИН ПОРАДИ НЕРАСЧИСТЕНИ ИМОТНИ ОДНОСИ Спасовски го откри мотивот за двојното убиство во Челопек appeared first on plusinfo.mk.