Македонија е далеку побезбедна отколку што беше пред две години, за тоа говорат бројките, граѓаните и фактите, а опозицијата нормално е дека ќе си дава изјави такви какви што си дава и нормално дека ќе обвинува, затоа што тоа и е работа, вели министерот за внатрешни работи Панче Тошковски.

Во врска со обвинувањата од СДСМ дека е нарушена безбедноста во Македонија, Тошковски порача дека би било добро опозицијата кога обвинува да прави компарација со претходно и реално да ги согледа фактите.

– Добро би било да има додадена вредност на тоа што го прави опозицијата, да не е само паушално и да не се само празни обвинувања, за да бидат присутни во етерот. Но, тоа е нивна работа и нека си оценат како ќе продолжат понатаму – рече Тошковски.

Прашан во врска со убиството во Батиници, кое е второ убиство за една година во тоа скопско село, Тошковски рече дека истрагата сè уште е во тек.

– МВР го расветли случајот од аспект на сторител и преземени дејствија. Постапуваме во насока на идентификување на локацијата на сторителот и не би сакал да навлегувам повеќе во детали. Не би можел да изнесам повеќе информации – изјави Тошковски.

The post МАКЕДОНИЈА Е ДАЛЕКУ ПОБЕЗБЕДНА ОДОШТО БЕШЕ ПРЕД 2 ГОДИНИ Истрагата за убиството во Батинци сè уште е во тек appeared first on plusinfo.mk.

Професионалниот војник беше убиен од насилникот Џ.М., кој сакал да се ожени со неговата 20-годишна ќерка, Е.М..

Таа во претходниот период ги одбивала неговите понуди, а тој ѝ се заканувал.

Вчера ѝ се јавил на телефон, а таа го одбила повикот. По ова, убиецот ги пресретнал таткото и ќерката пред селото Батинци и пукал, при што го убил таткото  А.М. (50).

Полицијата денеска ги соопшти детаљите за злосторството.

„На 11.7.2025 година околу 10.15 часот во СВР Скопје е пријавено дека на влезот на селото Батинци, скопско, Џ.М. пукал кон А.М. (50) од Батинци. А.М. бил пренесен во ГОБ „Свети Наум Охридски“ во Скопје, каде околу 11 часот им подлегнал на повредите. Според пријавеното од страна на Е.М. (20), ќерка на А.М., тие околу 8.30 часот биле на Клиниката за неврологија при Комплексот клиники „Мајка Тереза“ во Скопје, при што Џ.М., се обидел телефонски да контактира со неа. Таа одбила, затоа што во претходниот период Џ.М. ѝсе заканувал затоа што не сакала да се омажи за него. Потоа, А.М. и Џ.М. со возило се упатиле кон домот во селото Батинци, но на влезот на селото, патот им бил попречен од возило. Од возилото излегол Џ.М. и пукал кон А.М.“, соопшти полоцијата.

Се преземаат мерки за расчистување на случајот, се додава во соопштението.

УБИЕН ПРИПАДНИК НА АРМ ВО БАТИНЦИ Донесен во болница без знаци на живот

The post ВОЈНИКОТ ОД БАТИНЦИ Е УБИЕН ОД НАСИЛНИК ШТО САКАЛ ДА СЕ ОЖЕНИ СО ЌЕРКА МУ Девојката го одбила, тој ги пресретнал пред селото и пукал appeared first on plusinfo.mk.