Иранскиот министер за образование Алиреза Каземи синоќа соопшти дека во војната што се води против Иран досега загинале 310 ученици и наставници, додека повеќе од 750 училишта се оштетени. Дополнително, повеќе од 210 ученици и наставници се повредени во нападите.

Каземи наведе дека цели на нападите на американо-израелската коалиција што започнаа на 28 февруари биле нуклеарни постројки, училишта, болници, како и високопоставени верски и воени претставници.

„Околу 900 образовни и административни објекти, вклучувајќи кампови и спортски објекти, се оштетени или целосно разрушени“, рече Каземи, додавајќи дека најголеми штети врз образовната инфраструктура претрпеле провинциите Хормозган, Маркази, Техеран и Источен Азербејџан.

Иранското Министерство за надворешни работи веќе воспоставило комуникација со меѓународни организации, вклучувајќи УНЕСКО и УНИЦЕФ, со цел правно да бидат заштитени иранските ученици.

Каземи истакна дека непријателите на Иран намерно целеле цивилна инфраструктура и енергетски постројки, што довело до смрт на стотици цивили, вклучувајќи околу 170 деца од основното училиште во Минабу што беше ракетирано во текот на првиот ден од воените операции против Иран.

The post 310 УЧЕНИЦИ И НАСТАВНИЦИ ДОСЕГА ЗАГИНАЛЕ ВО БОМБАРДИРАЊЕТО НА ИРАН Повеќе од 750 училишта се погодени appeared first on plusinfo.mk.

Речиси 200 деца се убиени низ Блискиот Исток од саботата, од првиот напад на САД и Израел врз Иран, соопшти УНИЦЕФ.

Според податоците на организацијата, најмалку 181 дете се убиени во Иран, седум во Либан, три во Израел и едно во Кувајт.

„Децата не започнуваат војни, но за нив плаќаат неприфатливо висока цена. Воената ескалација низ Блискиот Исток веќе има разорно влијание врз децата“, порача УНИЦЕФ.

Во текот на првиот ден од американските и израелските напади врз Иран беше погодено училиште за девојчиња во градот Минаб на југот на земјата, при што, според Иранската револуционерна гарда, загинале најмалку 175 ученички.

Нападот се случил во саботата откако САД и Израел најавија заеднички напади врз Иран.

Иранскиот министер за надворешни работи Абас Аракчи ги обвини САД и Израел за убиството на ученичките.

„Ова се гробови што се копаат за повеќе од 160 невини девојчиња убиени во американско-израелското бомбардирање на основно училиште. Нивните тела се распарчени“, напиша Аракчи на социјалната мрежа Икс, објавувајќи и фотографија од свежо ископани гробови.

Израелската војска соопшти дека не знае за никакви израелски или американски напади во тој регион, додека САД најавија истрага и истакнаа дека нивните напади се насочени исклучиво кон воени цели.

The post РЕЧИСИ 200 ДЕЦА УБИЕНИ ОД ПОЧЕТОКОТ НА НАПАДИТЕ ВРЗ ИРАН Пресметка на УНИЦЕФ за жртвите на Блискиот Исток appeared first on plusinfo.mk.

Агенцијата на ОН за деца УНИЦЕФ денеска објави дека повеќе од 100 деца се убиени во Газа од почетокот на прекинот на огнот во октомври.

„Повеќе од 100 деца се убиени во Газа од почетокот на прекинот на огнот на почетокот на октомври“, изјави портпаролот на УНИЦЕФ, Џејмс Елдер, на онлајн брифинг на ОН од Газа.

„Преживувањето останува условно, и покрај фактот дека бомбардирањата и пукањата се намалија за време на прекинот на огнот – тие не престанаа“, додаде тој.

Елдер рече дека речиси сите деца, 60 момчиња и 40 девојчиња, загинале како резултат на воени напади, вклучувајќи воздушни напади, напади со беспилотни летала, гранатирање со тенкови, пукање и квадрокоптери, а неколку од експлодирање на воени остатоци.

Тој додаде дека бројот на убиени деца веројатно е потценет бидејќи се базира само на смртни случаи за кои има доволно информации.

The post ПОВЕЌЕ ОД 100 ДЕЦА УБИЕНИ ВО ГАЗА ОД ПОЧЕТОКОТ НА ПРИМИРЈЕТО Црна статистика на УНИЦЕФ appeared first on plusinfo.mk.

Полициската управа на Црна Гора вечерва објави фотографија од Ацо Мартиновиќ (45), осомничен за повеќекратните убиства во Цетиње, што ги изврши попладнево.

Тој е во бегство, по него трагаат специјалци.

Според она што досега е познато, Мартиновиќ убил најмалку 6 лица.

Мартиновиќ бил во конфликт со Д.К. со кого се сретнал во кафана во населбата Бајице. Потоа отишол дома за да земе пиштол, по што се вратил во кафеаната и почнал да пука. Во полициското соопштение пишува дека во угостителскиот објект Мартиновиќ убил најмалку 4 лица, меѓу кои и членови на неговото семејство, по што вооружен го напуштил објектот и побегнал.

По масакрот продолжил со крвавиот пир. Во населбата Богданов ги убил двете деца на сопственикот на ресторанот и ранил една жена.

Меѓу другите, убиени се: М.В., Р.М. и Б.М.

• УБИЛ 2 ДЕЦА И 4 МАЖИ, РАНИЛ ТРОЈЦА ВО ЦЕТИЊЕ По тепачка во ресторан извадил оружје и пукал

Според досегашните сознанија, Мартиновиќ не е поврзан со ниту една организирана криминална група, но од порано бил препознаен како лице со афективно однесување. Тој бил апсен за недозволено поседување оружје.

„Апелираме до граѓаните на Цетиње да останат присебни и да останат во своите станбени објекти. Сите расположливи полициски единици се на терен и преземаат активности од нивна надлежност со цел да ја стават ситуацијата под контрола и да ги гонат сторителите. Ја информиравме јавноста дека се работи за ситуационен настан, кој не е последица на пресметкаа на високоризични организирани криминални групи“, соопшти денеска црногорската полиција.

The post ГИ УБИЛ ДЕЦАТА НА КАФЕАНЏИЈАТА, УБИЛ И СВОИ РОДНИНИ Полицијата во Цетиње трага по напаѓачот Ацо Мартиновиќ appeared first on plusinfo.mk.

Поворката, организирана од „Здравствените работници за Палестина“, започна на Вестминстерскиот мост пред болницата Свети Томас и заврши со говор пред седиштето на британската влада на Даунинг стрит.

Британските здравствени работници се појавија во униформа, носејќи мали ковчези на кои беа испишани имињата на убиените деца.

Демонстрантите носеа палестински знамиња и транспаренти на кои пишуваше „Стоп за геноцидот на Израел во Газа“. Тие извикуваа „прекин на огнот – сега“ и „веруваме дека ќе победиме“.

Тивки поворки истовремено се одржаа во повеќе места во светот, а меѓу другите, вакви протести беа најавени и во Торонто, Куала Лумпур, Сан Диего, Јоханесбург, Париз, Калкута, Белфаст и Даблин.

The post СТОТИЦИ МАЛИ БЕЛИ КОВЧЕЗИ ЗА УБИЕНИТЕ ДЕЦА ВО ГАЗА Протест на здравствените работници во Лондон appeared first on plusinfo.mk.

Цели населби на густо населениот град Газа се срамнети со земја со интензивни израелски гранатирања, ракетни и воздушни напади и во нив повеќе нема услови за живот. Иако независните набљудувачи се во голема мера блокирани, Министерството за здравство под контрола на Хамас соопшти дека се убиени повеќе од 22.300 луѓе, а ОН велат дека 1,9 милиони луѓе се раселени.

Во израелски напад на југот на Појасот Газа, во област која израелската армија ја прогласи за безбедна зона, според извори блиски до палестинската болница, денеска загинаа 12 лица од кои повеќето се деца.

Погодена е куќа во Муваси, мала рурална област во јужниот дел на Газа долж брегот на Средоземното Море која беше прогласена за наводно безбедна зона откако израелската армија соопшти дека Палестинци можат да се засолнат таму од зоната на конфликтот.

Во експлозијата загинаа маж и неговата сопруга, седум од нивните деца и три други деца, на возраст од пет до 14 години, според списокот на загинатите чии тела се пренесени во болницата Насер во Кан Јунис.

The post ДЕСЕТ ДЕЦА ЗАГИНА ВО ИЗРАЕЛСКИ НАПАД НА БЕЗБЕДНА ЗОНА Продолжуваат бруталните борби во Појасот Газа appeared first on plusinfo.mk.

Во соопштението се наведува дека помеѓу убиените 2.550 се жени.

Во Израел од почетокот на нападот на Хамас загинаа повеќе од 1.400 луѓе, а околу 240 се киднапирани и одведени во Појасот Газа.

Додека Министерството за здравство на палестинската управа на окупираниот Западен Брег соопшти дека од 7 октомври досега се убиени 152 Палестинци, а 2.100 се повредени.

The post 4.800 ДЕЦА ЗА ЕДЕН МЕСЕЦ ЗАГИНАЛЕ ВО ГАЗА Од 7 октомври убиени се 9.770 луѓе appeared first on plusinfo.mk.

Канцеларија на јавното обвинителство на Украина соопшти дека во воените дејствија на руската армија во земјата досега се убиени 90 деца.

Според информацијата објавена денеска преку платформата „Телеграм“, од почетокот на руската агресија во Украина се убиени 90, а ранети повеќе од сто деца. Најмногу од жртвите по региони има во Киев, следува регионот Харков, потоа во регионот Доњецк, Чернигив, Суми, Херсон, Миколаев и Житомир.

Во текот на вчерашниот ден се убиени две деца, а две ранети при ракетирање цивилни објекти во регионот Миколаев.

Во бомбардирањата и гранатирањата се оштетени 379 образовни установи, 159 од нив се целосно уништени. Најмногу од нив – 119 се во Доњецката област, потоа следуваат регионот Миколаев со 30, регионот Суми со 28, регионот Киев со 35, регионот Херсон со 21 и градот Киев со 24 уништени образовни објекти.

Конечните податоци допрва ќе се објавуваат бидејќи е невозможно да се направи увид на места каде во тек се интензивно воени дејствија, објавуваат украинските медиуми.

The post БОМБИТЕ УБИЈА 90 ДЕЦА Повеќе од 100 се повредени appeared first on plusinfo.mk.