Имани Диа Смит, детска актерка на Бродвеј, која се здоби со слава со улогата на младата Нала во продукцијата на Дизни „Кралот лав“, е трагично убиена, а за убиството е обвинето нејзиното момче.

На само 25-годишна возраст, Имани Диа Смит беше пронајдена со фатални убодни рани во резиденцијата Едисон во Њу Џерси на 21 декември 2025 година.

Imani Dia Smith, former Broadway child actress best known for her role as Young Nala in Disney’s The Lion King, has sadly passed away at the age of 25. pic.twitter.com/GwtO1PEsoX

— The DisInsider (@TheDisInsider) December 24, 2025

Според информациите од Обвинителството на округот Мидлсекс, полицијата добила повик на бројот 911 поради пријава за напад во дом на улицата Гроув Авенија. По пристигнувањето, службениците ја затекнале Смит со тешки повреди. Таа била пренесена во Универзитетската болница „Роберт Вуд Џонсон“, каде што била прогласена за почината.

На 23 декември полицијата го привела 35-годишниот Џордан Д. Џексон-Смол, кој е идентификуван како момче на Смит. Тој се соочил со обвиненија за убиство од прв степен, загрозување на дете од втор степен и неколку обвиненија за поседување на оружје.

По трагичната смрт на Имани, нејзиното семејство преку кампања на платформата GoFundMe, организирана од нејзината тетка Кира Хелпер, соопшти дека таа зад себе оставила тригодишен син, како и родители и браќа.

The post ЅВЕЗДАТА ОД „КРАЛОТ ЛАВ“ УБИЕНА ВО СВОЈОТ ДОМ Момчето на Имани Диа Смит обвинето за убиство од прв степен appeared first on plusinfo.mk.

Мотивот за убиството на Вања Ѓорчевска е користољубие, сметаат обвинителките Жаклина Крстевска-Јосифовска и Ана Стојковиќ-Димитровска, кои го застапуваат обвинението против петтемина обвинети за грабнувањата и убиствата на Ѓорчевска и велешанецот Панче Жежовски.

Одговарајќи им на новинарите зошто на денешното рочиште Обвинителството изведе како доказ дополнителна снимка на која се гледа како обвинетиот Велибор Манев става лопата во возилото „рено кангу“, обвинителката Стојковиќ-Димитроска кажа дека снимката е одговор на тврдењата на обвинетите дадени во нивните искази дека немале мотив да убиваат, туку само да грабнуваат луѓе.

Обвинителката Крстевска-Јосифовска на прашањето кои се доказите за мотивот одговори:

– Апсолутно, во случајот се работи за користољубие. Од самиот почеток до извршувањето на делата обвинетите заедно се договарале и се координирале да ги преземат сите дејствија со цел да остварат користољубие. Со убиството на Вања се докажува дека сите заедно ги презеле дејствијата само заради таа причина. Причината за тоа што не е побаран било каков износ на парични средства или било што друго очигледно било во контекст на целта којашто сакале да ја остварат, а не дека нема користољубие во случајот.

Нејзината колешка Стојковиќ-Димитровска, надоврзувајќи се, рече дека за мотивот дополнително ќе се изјаснат во завршните зборови.

– Денеска не беа изведувани докази на таа околност и ќе ни дозволите до крајот на постапката да се изјасниме.

Претходно, на самото рочиште, обвинителката вака ја објасни снимката со лопатата.

– На снимката од 24 ноември 2023 година во 4:29 часот, но реално време 3:29, се гледа како пред куќата на обвинетиот Манев стои обвинетиот Боре Видевски и чека. Манев излегува и се гледа дека од дворот на куќата излегува ‘рено кангу’ и во него влегува Видевски и се упатуваат во насока кон Велес. Овој дел од снимката веќе беше изведен и прикажан на главната расправа, а она што не беше изведено е следново. Откако возилото заминува во насока на Велес, на снимката се гледа како после една минута и нешто, во 3:32 часот, истото се враќа назад и застанува пред дворот. Обвинетиот Манев излегува, се упатува кон дворот, односно кон куќата и за кратко време, во 3:34 часот, се враќа во возилото и во десната рака држи лопата и ја внесува во возилото. Седнува на возачкото седиште и заминуваат кон Велес. Ова е датумот 24.11.2023 година, кога е направен првиот обид за грабнување на детето Вања Ѓорчевска.

The post ОБВИНИТЕЛКИТЕ СМЕТААТ ДЕКА ВАЊА БИЛА УБИЕНА ОД КОРИСТОЉУБИЕ Снимката со лопатата докажува дека не се работи само за грабнување? appeared first on plusinfo.mk.

Вооружени лица убија кандидатката за градоначалник на владејачката партија во мексиканската држава Веракруз. Во инцидентот загинаа уште 4 лица.

Есенија Лара Гутиерес од партијата Морено беше нападната на 11 мај во Тексистепек, при што се повредени 3 лица.

Тоа е второ убиство во Веракруз на кандидат за градоначалник пред локалните избори, што се закажани на 1 јуни.

Гувернерката на Веракруз, Росио Нале, изјави дека помеѓу убиените е и ќерката на Гутиерес.

– Ниедна функција не вреди да се умре за неа. Целата државна власт ќе биде присутна во наредните денови за да се обезбеди изборите да бидат слободни и демократски – истакна Нале на вчерашна прес-конференција, ветувајќи правда.

Снимка, објавена онлајн за време на пренос во живо, прикажува луѓе како трчаат и викаат додека се слушаат истрели на парада со мотори и со поддржувачи кои носат знамиња на Морена.

Yesenia Lara Gutiérrez, candidata de Morena a la alcaldía, es asesinada esta noche en atentado durante recorrido de campaña en Texistepec, Veracruz pic.twitter.com/b9CVbvy8Ry

— Ulin de la Cruz (@BarraXXI) May 12, 2025

The post 📽 ВО МЕКСИКО СЕ УБИЕНИ КАНДИДАТКА ЗА ГРАДОНАЧАЛНИК И НЕЈЗИНАТА ЌЕРКА Ужасната сцена се снимала во живо, луѓето бегале додека се слушале истрели appeared first on plusinfo.mk.

Израелската армија (ИДФ) уби бремена Палестинка во осми месец за време на напад на бегалскиот камп Нур Шамс во близина на Тулкарем, на окупираниот Западен Брег, соопшти денеска палестинското Министерство за здравство, објави Франс 24.

Во соопштението се додава дека сопругот на убиената е тешко ранет во израелскиот напад кој започна рано утринава.

23-годишната идна мајка била мртва кога пристигнала во локалната болница, соопшти Министерството.

„Медицинските тимови не можеа да го спасат животот на бебето поради окупацијата (од израелската војска) спречувајќи ги повредените да бидат префрлени во болница“, се вели во соопштението на Министерството.

Израелската војска изјави дека го разгледува тврдењето дека трудницата била убиена од израелски оган.

Инцидентот се случил околу зори, според изјавата на членот на народниот комитет во кампот, Мурад Алијан.

– Двајцата се обидуваа да го напуштат кампот пред да стигнат окупаторските сили во него. Тие беа застрелани додека беа внатре во нивниот автомобил, а сопругата со нејзиното бебе беше мачена, додека, пак, сопругот беше повреден – рече Алијан.

Израелските сили ја продолжуваат повеќенеделната воена операција на северниот окупиран Западен Брег, гаѓајќи ги бегалските кампови Џенин, Тулкарем и Фара.

Во нападите загинаа десетици Палестинци и неколку илјади раселени, додека делови од кампот и клучната инфраструктура беа уништени со булдожери, јави Ал Џезира, пренесе Танјуг.

The post ИЗРАЕЛСКАТА ВОЈСКА УБИЛА БРЕМЕНА ПАЛЕСТИНКА Младата идна мајка била мртва кога пристигнала во болница appeared first on plusinfo.mk.

Дали бугарската криптокралица Руја Игнатова уживаше во украдените милијарди или беше убиена од самите луѓе платени да ја заштитат? Истражувајќи ги нејзините врски со бугарското подземје Би-Би-Си открива дека за нејзино обезбедување бил ангажиран грчки државјанин по име Христофорос Никос Аманатидис, попознат како Таки.

– Таки се појави повеќе од еднаш, не само еднократно. Тоа беше тема која се повторуваше – изјавил за Би-Би-Си Ричард Рајнхард, кој ја започна истрагата за OneCoin за американската служба за внатрешни приходи заедно со ФБИ.

Ова се совпаѓа со информациите што Би-Би-Си веќе ги имал – адвокатите на американската влада во 2019 година рекоа дека шефот на безбедноста на г-ѓа Игнатова е главна личност од организираниот криминал во Бугарија, но не го именуваа.

– Имаме докази дека еден многу значаен, ако не и најплодниот трговец со дрога на сите времиња во Бугарија, бил тесно поврзан со OneCoin – служел како лично обезбедување (на Руја Игнатова) – изјавил неименуван помошник-адвокат.

Бела бунда, дрога и криптовалути

Најбараната жена од американското федерално биро ФБИ имала успешна кариера пред да ја лансира криптовалутата OneCoin во 2014 година. Преку криптовалутата која работи на база на пирамидална шема таа измамила инвеститори во вредности од 4,5 милијарди долари. Игнатова била родена во Бугарија, а израснала во Германија.

Според Рајнхард, Игнатова била многу пософистициран криминалец отколку што мислат повеќето луѓе.

– Ова е како криминалец со бела бунда во комбинација со шверцер на дрога или мафијаш на стероиди.

Се чини дека оваа теорија е поддржана од протечените документи на Европол, видени од Би-Би-Си, кои покажуваат дека пред да исчезне Игнатова во 2017 година, бугарската полиција воспоставила врски меѓу неа и Таки.

Во документите, полицијата го сомничи Таки дека ја користел финансиската мрежа на OneCoin за перење приходи од трговија со дрога.

Last year a former chief cop was murdered in Sofia. Documents found in his home states that the fugitive #OneCoin founder Ruja #Ignatova was murdered on a yacht in Greece in Nov 2018. Her body was dismembered and thrown in the Ionian sea. https://t.co/6fPgQePFlk @FBI @OCCRP

— birdbg (@birdbg2) February 17, 2023

Митскиот Таки, „Ескобар“ на бугарската мафија

Во неговата родна Бугарија, Таки има речиси митски статус, како Ел Чапо или Пабло Ескобар. Тој е широко осомничен дека е шеф на бугарска организирана криминална организација и плоден шверцер на дрога. Тој и неговите соработници таму биле под истрага за вооружени грабежи, шверц на дрога и убиства, но никогаш не бил успешно гонет за ништо.

– Кога зборуваме за Таки, тој е шеф на мафијата во Бугарија. Тој е исклучително моќен – вели поранешниот бугарски заменик-министер, Иван Христанов, кој во 2022 година ги истражуваше наводите дека Таки предводел криминална мрежа со помош на корумпирани функционери.

– Таки е духот. Никогаш нема да го видиш. Слушаш само за него. Тој зборува со вас преку други луѓе. Ако не слушаш, едноставно исчезнуваш од земјата. Единствената личност што може да ја заштити [Игнатова] од сите тие истраги, вклучително и од странски агенции – тоа беше Таки – вели Христанов.

Му плаќала на Таки и до 100.000 евра за заштита

Бугарската влада не му одговорила на Би-Би-Си за обвинувањата за корумпирани функционери. Обвинителството во Софија вели дека „не ги прикрива злосторствата и лицата кои можеби извршиле злосторства“.

Се верува дека во моментот Таки живее во Дубаи, каде што Игнатова купи луксузна пентхаус вила и каде што нејзините банкарски сметки добија десетици милиони долари од измамата со OneCoin.

Иако не е познато како Таки и Игнатова се запознале, ниту дали тој бил поврзан со OneCoin од самиот почеток, повеќе извори велат дека тие имале блиски лични односи и дека тој бил кум на нејзината ќерка.

Еден бугарски извор близок до Игнатова изјавил за Би-Би-Си дека можеби таа му плаќала на Таки до 100.000 евра месечно за заштита.

Ѝ ги фрлил останките од телото во Јонското Море

Се чини дека постојат и други финансиски врски меѓу Игнатова и Таки. Документите на Европол споменуваат сложен договор за продажба на парцела, на брегот на Црното Море во Бугарија, која поврзува една од компаниите на Игнатова со сопругата на Таки.

Документите на тајната полиција беа предадени на Би-Би-Си од Френк Шнајдер, поранешен шпион и советник на Игнатова. Шнајдер не бил подготвен да открие имиња, но рекол дека неговиот стар газда работи со „измамници“ и „гангстери“.

Во 2022 година, на бугарскиот истражувачки новинар Димитар Стојанов и на неговите колеги во истражувачкиот медиум bird.bg им беше предаден полициски извештај кој бил пронајден во домот на убиен бугарски полицаец.

Во документот, полициски доушник вели дека го слушнал шурата на Таки како пијан вели дека Игнатова била убиена по наредба на Таки кон крајот на 2018 година, а нејзиното тело било распарчено и фрлено од јахта во Јонското Море.

Стојанов вели дека ова е „многу, многу можно“.

„Само мртва е добра“

Автентичноста на полицискиот документ беше потврдена од бугарски официјални лица, а повеќе криминални соработници на Таки веруваат дека теоријата дека тој ја убил е вистинита, вели Стојанов. Сепак, Би-Би-Си не можел независно да го потврди тврдењето.

Образложението на соработниците е дека Таки сакал да ги елиминира неговите врски со измамата со OneCoin.

Меѓу нив е и Красимир Каменов, познат како Куро, кого Интерпол го бара под обвинение за убиство.

Стојанов вели дека Куро му рекол дека го слушнал Таки како разговара за неговата криминална работа пред Игнатова и кога Куро го прашал Таки дали треба да го прави тоа, Таки одговорил:

– Не грижи се, само мртва е добра.

Куро, исто така, тврдеше дека разговарал со ЦИА за Таки, вклучително и за тврдењето дека Таки го наредил убиството на Игнатова. Извори блиски до Куро потврдија за Би-Би-Си дека оваа средба се одржала кон крајот на 2022 година.

Во мај 2023 година, Куро беше убиен во неговиот дом во Кејп Таун во Јужна Африка, заедно со неговата сопруга и уште двајца кои работеа за него. Јужноафриканската полиција сè уште трага по убијците, но бугарскиот поранешен заменик министер Христанов смета дека убиството на Куро е поврзано со Таки.

The post БУГАРСКАТА КРИПТОКРАЛИЦА БЕШЕ УБИЕНА ОД СВОЈОТ ЗАШТИТНИК? Шефот на бугарското подземје ѝ ги фрлил останките во Јонското Море appeared first on plusinfo.mk.

Мажот Ж.Д. (61) влегол во полициска станица и признал дека во нивниот стан во Раковица ја убил сопругата А.Д.(57).

Според „Блиц“, жената по професија била шнајдерка и со години работела за „Ѕвездите на Гранд“, а пред само неколку дена го подготвувала стајлингот на ѕвездите за големото полуфинале кое се одигра синоќа.

Нејзините колеги од „Гранд“ ја паметат како насмеана, весела и комуникативна, а сакала да разговара и со колегите и со натпреварувачите.

Ја сакаа и пејачите и водителките кои со неверување ја примија веста за ова што се случи. Нејзините колеги од Гранд изразија сочувство до семејството, а од неа преку социјалните мрежи се простија и пејачите.

The post ТАГА ВО „ЅВЕЗДИТЕ НА ГРАНД“ Жената која ја убил сопругот била омилена кај водителите и пејачите appeared first on plusinfo.mk.

Не стивнува тагата во домот на семејството Илиќ чија ќерка и внука Данка ги убија Срѓан Јанковиќ и Дејан Драгијевиќ. Несреќното дете денеска ќе го прославеше вториот роденден, но за жал, наместо со свеќи на тортата, беше запалена со свеќи за покој на душата.

Полицијата се обидува веќе 40 дена да го пронајде телото на убиеното девојче, бидејќи убијците не го кажуваат местото каде го закопале.

Минатата година, токму на Ѓурѓовден, малата Данка  ја дуваше првата свеќа, а нејзината мајка Ивана Илиќ ја сподели фотографијата од нејзиниот роденден со опис:

– Мојот роденден.

Да потсетиме, Данка Илиќ, која исчезна во Бањско Поле, беше убиена истиот ден – 26 март, кога осомничените Срѓан Јанковиќ и Дејан Драгијевиќ ја удриле со службено возило на ЈКП „Водовод“ Бор, по што ја ставиле онесвестена во задниот дел од автомобилот, а кога се разбудила Дејан Драгијевиќ ја задушил, а потоа и го фрлиле телото на блиската депонија.

Но, Драгијевиќ со помош на неговиот брат кој во меѓувреме почина во ПС Бор и неговиот татко два дена подоцна го преместија телото на девојчето, а наводно никој не се сеќава каде. Полицијата со недели го копа секој дел од Злот и Бањско Поле, каде живее Драгијевиќ, односно каде исчезна малата Данка.

The post МАЛАТА ДАНКА ДЕНЕСКА ЌЕ ГО СЛАВЕШЕ ВТОРИОТ РОДЕНДЕН Полицијата и по 40 дена потрага не го најде нејзиното тело appeared first on plusinfo.mk.

Дони Синглтон (25) минатата недела купила венчаница, пишуваат локалните медиуми, а наскоро требало да се омажи за млад човек со кој е во врска од средно училиште. Девојката веќе почнала да испраќа покани до најблиските и пријателите, но трагично го завршила животот кога полудениот Џоел Кочи (40) ја избодел во трговскиот центар Бонди.

Ешли Вајлди, свршеникот на убиената девојка, кој е полицаец, по страшна игра на судбината, дошол во трговскиот центар да им помогне на своите колеги кои први реагирале по масакрот.

 

View this post on Instagram

 

A post shared by Mamamia (@mamamiaaus)

– Тој пристигна во Вестфилд во моментот кога полицијата сфати дека неговата вереница е една од жртвите – изјавил изворот за Дејли Телеграф.

Дони е една од трите ќерки на австралискиот претприемач Џон Синглтон. Работела во австралиската модна куќа White Fox Boutique како асистент во компанија за е-трговија.

 

View this post on Instagram

 

A post shared by 9News Sydney (@9newssydney)

– Дон беше слатка и љубезна личност која го имаше целиот живот пред себе. Таа беше навистина неверојатна. Сите сме уништени од оваа загуба. Нашето сочувство до нејзиниот партнер и семејството Синглтон. Таа засекогаш ќе остане запаметена како дел од нашето семејство – соопштија од компанијата.

Според локалните медиуми, Кочи ја нападнал Ешли Гуд (38) и нејзиното деветмесечно бебе пред да ја убие Дони Синглтон. Гуд почина во болница додека нејзината ќерка е во тешка, но стабилна состојба, откако беше подложена на итна операција во текот на ноќта. Третата жртва на нападот е мајка на две деца Џејд Јанг.

По нападот полицијата соопшти дека пет од шестте жртви се жени на кои целел напаѓачот. Шестата жртва е припадник на обезбедувањето. За време на нападот беа повредени уште осум жени и двајца мажи. Според последните информации, дел од нив се во тешка состојба.

Кочи околу 15 часот и 20 минути упаднал во трговскиот центар мавтајќи со голем ловечки нож, по што бркал посетители. Снимките објавени на социјалните мрежи покажуваат дека преплашените купувачи трчаат да избегаат или се засолнуваат во продавниците додека се огласува сирената за евакуација.

Инспекторката Ејми Скот која патролирала во близина, прва пристигнала во трговскиот центар, по што го застрелала напаѓачот.

The post 📷 КУПИЛА ВЕНЧАНИЦА ПРЕД ДА БИДЕ УБИЕНА Ќерка на австралиски милијардер настрада во масакрот во трговскиот центар во Сиднеј appeared first on plusinfo.mk.

Брижит Гарсија лани на 26-годишна возраст стана најмладата градоначалничка во јужноамериканската земја.

Таа, меѓу другото, водеше кампања за подобар пристап до вода за пиење за приближно 17.000 жители на Сан Висенте, околу 100 километри источно од Гвајакил.

Телото на Гарсија и на нејзиниот портпарол Џаиро Лоор биле откриени во саботата вечерта во автомобил на плажата на Пацификот во близина на Сан Висенте, прецизира полицијата.

„Премногу сум потресен“, напиша на Икс поранешниот еквадорски претседател Рафаел Кореа, кој, како и Гарсија, припаѓа на левичарската партија Граѓанско револуционерно движење.

Луиза Гонзалес, која беше кандидат на партијата на ланските претседателски избори и загуби во вториот круг, напиша: „Никој не е безбеден во Еквадор“.

Лани во Еквадор беа убиени неколку политичари.

Безбедносната ситуација во Еквадор драстично е влошена. Стапката на убиства од околу 46,5 убиства на 100.000 жители лани беше највисока во историјата на земјата и една од највисоките во Латинска Америка.

Владата на претседателот Даниел Нобоа во јануари прогласи вонредна состојба, која сè уште е во сила, по повторените крвави тепачки во еквадорските затвори, од кои некои се контролирани од банди, и по бегството на водач на банда.

The post 📷 „НИКОЈ НЕ Е БЕЗБЕДЕН ВО ЕКВАДОР“ Убиена е градоначалничката на Сан Висенте, имаше само 27 години appeared first on plusinfo.mk.

Грета беше успешна манекенка од Москва, а вниманието на јавноста особено го привлече минатата година кога на социјалните мрежи напиша навреди за претседателот Владимир Путин. Меѓу другото, Грета го нарече Путин „психопат“ и рече дека кампањата за подобрување на Русија „ќе заврши со солзи“.

Грета исчезна еден месец подоцна, а никој не знаеше каде е цела година. Сега нејзиното тело е откриено во багажникот на автомобил, спакувано во куфер.

 

View this post on Instagram

 

A post shared by TheCivilEyes (@thecivileyes)

По расправија Грета била задавена од нејзиното момче Дмитриј Корвин (23), кој претходно покажувал знаци на насилство и љубомора. По една година истрага, го признал делото и рекол дека ја убил Грета по расправија за пари и дека тоа нема никаква врска со политичките ставови кои таа ги искажувала на социјалните мрежи.

По убиството, телото го спакувал во нов куфер, што ги навело инспекторите да помислат дека тој го планирал злосторството. Го ставил во багажникот и возел 300 километри до регионот Липецк, каде го оставил автомобилот.

Во меѓувреме Корвин продолжил продолжи да објавува слики и статуси на социјалните мрежи на Грета, за најблиските да помислат дека таа е сè уште жива.

The post 📷 ГО НАРЕЧЕ ПУТИН „ПСИХОПАТ“ И ЗАВРШИ СПАКУВАНА ВО КУФЕР Руска манекенка пронајдена мртва appeared first on plusinfo.mk.