Како што велат за Плусинфо извори од МВР, Костадиновски е повреден и веднаш е пренесен во болница.

Според информациите кои ги добивме во него пукало непознато лице, кое со мотор се движел во близина на семејната куќа во Лисиче. Таткото на исчезнатиот Самиол непосредно пред пукањето бил пред пицеријата во близина на куќата, кај што живеел.

Од МВР нѐ информираа дека нивните екипи во моментов се на терен, а во повредениот Љ.К (57) пукало едно лице пред неговиот дом.

„Денеска во 08.38 во СВР Скопје е пријавено дека на подрачјето на Аеродром едно лице пукало и го повредило Љ.К (57) пред неговиот дом. Повредениот бил пренесен во комплекс клиники ,,Мајка Тереза“ за укажување лекарска помош. Полициски службеници излегле на местото и се преземаат мерки за расчистување на случајот“, велат од МВР.

Само за потсетување, 26-годишниот Костадиновски, кој е внук од сестра на лидерот на Обединети за Македонија и поранешен министер за внатрешни работи Љубе Бошкоски, исчезна на 4 март. Тој последен пат бил виден во близина на Чешката амбасада на Водно, како влегува во автомобил, во кој имало уште неколку лица.

Таткото на Самоил, Љупчо Костадиновски во обраќања до јавноста нудеше парична награда за пронаоѓањето на неговиот син.

The post ПУКАНО ВО ТАТКОТО НА ИСЧЕЗНАТИОТ САМИОЛ КОСТАДИНОВСКИ Повредениот Љупчо е пренесен во болница на лекување appeared first on plusinfo.mk.

По момчето се трага веќе 10 дена. Две лица се во притвор, но од Самоил ниту трага, ниту глас.

Неговата сопруга низ солзи се моли да го пронајдат жив и признава дека живее во страв како ќе ги расте децата без татко. Таа и Самоил веќе имаат едно дете, а сега е бремена и со второто.

Велат дека ниту пиел, ниту користел дрога. Бил спортист кој освојувал награди. За причината за киднапирањето немаат информација, но таткото изјави сомнеж дека во прашање се пари.

Основното јавно обвинителство Скопје донесе Наредба за спроведување истражна постапка против две лица за кои постои основано сомнение дека извршиле дејствија на кривично дело –  Грабнување од член 141 став 1 во врска со член 22 од Кривичниот законик.

Тие на 3 март заедно учествувале во дејствија на грабнување на едно лице во Кисела Вода. Осомничените, на возраст од 30 и 25 години, претходно по предлог на Обвинителството, а со решение на Судот беа задржани во краткотраен притвор во траење од два пати по 48 часа со цел обезбедување докази.

Бидејќи постојат околности што укажуваат на опасност од бегство, особени околности кои го оправдуваат стравот дека осомничените ќе се обидат да ги скријат или уништат трагите на кривичното дело, ќе влијаат врз сведоците или ќе го повторат делото, јавниот обвинител до судијата на претходна постапка од Основниот кривичен суд Скопје сега достави предлог за определување мерка притвор за двајцата осомничени.​

The post СО ЕДНО ДЕТЕНЦЕ ВО ПРЕГРАТКИТЕ И СО УШТЕ ЕДНО ВО СТОМАКОТ Сопругата на киднапираниот Самоил моли за помош (ВИДЕО) appeared first on plusinfo.mk.

„СДСМ треба да бидат покреативни. Имаат двојни аршини. Ако на СДСМ им пречи црната листа на САД дали тоа значи дека Љубе Бошкоски и Мендух Тачи кои се на црната листа на САД ќе ги исфрлат од коалицијата со која ја делат власта. СДСМ за власт и пари прават се, па дури и коалицираат со политичари кои се на црна листа на САД. Власта на СДСМ прави и бизнис со фирми кои се на црна листа на САД, и кои се анти-НАТО“, велат од ВРМО-ДПМНЕ.

The post ЗА ВЛАСТ И ЗА ПАРИ ПРАВАТ СÈ Во коалиција со СДСМ се Тачи и Љубе appeared first on plusinfo.mk.

Судечкиот совет, како што образложи судијката Александра Ристеска донесе ваква одлука поради тоа што обвинителството не докажало дека е сторено кривичното дело мачење и друго сурово, нечовечко или понижувачко постапување и казнување.

Освен Мијалков, кој во обвинението поднесено од поранешното СЈО, беше осомничен за кривично дело „мачење и друго сурово, нечовечко или понижувачко постапување и казнување” од член 142 став 1 в.в. со член 23 од КЗ, обвинети беа и шест поранешни припадници на единицата „Алфа“ помеѓу кои, Ивица Анчевски, Новица Станковски, Петар Милошевски, Филип Атанасов, Јован Боцевски и Метуш Шабани. Сите тие се ослободуваат од обвинението со денешната пресуда.

Случајот „Тортура” го водеше судијката Александра Ристеска, а застапник на обвининението беше Љубомир Лапе.

The post Падна „Тортура“: Мијалков и „алфите“ ослободени од обвинението за апсењето на Љубе Бошкоски appeared first on plusinfo.mk.

The post ЈО не понуди нов доказ во „Тортура“: Останува судот да констатира дека нема основа за осудителна пресуда appeared first on plusinfo.mk.

Случајот за овој предмет го водеше судијката Александра Ристовска, а обвинението го застапуваше јавниот обвинител Љубомир Лапе.

Случај „Тортура”, во врска со приведувањето на Љубе Бошковски, на 4 јуни 2011 година, беше отворен од поранешното СЈО. Во тек судската постапка овој предмет еднаш беше вратен од почеток, од причина што рочиште не се одржа повеќе од 90 дена и поради смена на поротник.

Првообвинет во овој случај е екс-директорот на УБК, Сашо Мијалков, и шест припадници на единицата „Алфи”.

The post Нема пресуда за „Тортура“, обвинението е нејасно за судот appeared first on plusinfo.mk.

– Каде, кога и како тоа ќе го стори, доколку би донел одлука да го стори зависело од него. Тоа однапред не го знаел па дури ни тимот задолжен за негово документирање (доколку го стори), а посебно не Мијалков, другите обвинети или другите вработени во БЈБ кои се задолжени за откривање на извршители на кривични дела. За тоа колку време би било потребно да се преземе акција откако се дознае одлуката на Бошковски да го изврши, до неговото извршување (ако биде) повторно зависело од одлуките на Бошковски. Според тоа, неспорно за сите е дека Бошковски е тој кој го определил времето и местото кога и каде ќе бидат преземени мерки за почеток на акцијата за негово лишување од слобода, колку таа ќе трае односно каква ќе биде одлуката на тие кои ја водат, колку и кои ресурси ќе се употребат – рекоа денеска адвокатите на Сашо Мијалков во завршните зборови од предметот „Тортура“.

Според нивните докази, БЈБ како дел од МВР, а не УБК единствено можела и била овластена да ја планира, организира и врши акцијата за лишување од слобода на Бошковски онака како што е преземена. Одбраната наведе дека за тоа доказ е утврдената хиерархија на делот од МВР во која припаѓа единицата Алфа, за која во БЈБ е одлучено да го реализира лишувањето од слобода на сторителот на делото.

– Тоа значи, било апсолутно невозможно единицата Алфа да биде командувана од УБК, неговите раководни лица или Мијалков. Така е затоа што за сите активности за кои била ангажирана, било задолжително одобрение и добиена согласност од началникот на СВР Скопје Апостол Стојановски. Сведок кој Јавното обивнителство, иако ја знаел неговата позиција и улога во одлучувањето за употребата на единицата, во текот на истрагата воопшто не го сослушал. Не го сослушал за да дознае и биде на чисто, кој побарал согласност од него единицата да се употреби при лишувањето од слобода на Бошковски, дали тоа е Мијалков или некој друг од УБК, а ако е друг, кој. Зошто обвинителот не кажа? – може само да се претпостави – рече одбраната на Мијалков.

Сведокот Апостол Стојановски е сослушан на предлог на одбраната. Тој кажал дека тој дал согласност за употреба на единицата Алфа како логистика на БЈБ, по барање на Одделението за организиран криминал. Веднаш го упатил нејзиниот командант, обвинетиот Анчевски во одделот за организиран криминал во МВР да прими задача.

– Доказите потврдија дека акцијата ја воделе, планирале и во неа учествувале и извршиле исклучиво вработени во БЈБ и во неа учествувале според наводите на ЈО – 25 полициски службеници. Потврдија каде е преземена, по чија наредба, кој и што непосредно презел при и по лишувањето од слобода на Бошковски. Потврдија кои сѐ институции и органи презеле дејствија по барање од некого или службена должност во правец на тоа да се утврди дали обвинетите или било кој учесник во акцијата за лишување на сторителот на кривичното дело, презел дејствија со кои наводно се прекршени процедурите и правилата на постапување или содржат елементи на кривично дело за кое се гони по службена должност. Бидејќи тие докази не потврдија никакво учество на Мијалков во наводно планирање на таа акција или дејствија на било какво поттикнување на било кого како таа да се врши или што да се употреби при лишувањето од слобода на сторителот на делото, ЈО на долго и на широко и по свое наоѓање наведе низа свои претпоставки. Претпоставки засновани врз строго селектирани податоци и одбрани со единствена цел да ја потврдат неговата теорија на случај – дека Мијалков и другите обвинети ги сториле кривичните дела за кои се обвинети. Во тој (да го именувам занес на ЈО за широк опис на причините зошто смета дека е вистина тоа што го тврди), заборава дека и тој, како и судот е должен да преземе сѐ за да се утврди вистината. Заборава дека товарот на докажувањето е негов, а не на обвинетите. Така е затоа што во два наврата во завршниот збор тврди – дека обвинетите за она што ги обвинува се виновни затоа што не дале докази дека не се виновни. Заборава дека докази за тоа можел и бил должен да ги прибави уште во истрагата и пред тоа, но заради причини кои тој ги знае не ги прибавил. Не може а да не се толкува дека не ги прибавил намерно затоа што потврдуваат дека никој од обвинетите не сторил никакво кривично дело – рекоа адвокатите на Мијалков.

Тие наведоа дека Бошковски, кој како што самиот кажал, бил свесен за нечовечкото и сурово однесување кон него при лишувањето од слобода при што му се нанесени и видливи повреди на главата, иако можел, намерно не ги кажал и не посочил на никого.

– Јасно е дека така постапил затоа што никој кон него не ги презел или извршил. Јасно е дека токму затоа за нивното наводно постоење не кажал и соопштил не само на неговиот бранител – кој исто така бил поранешен министер за внатрешни работи, дежурниот полициски службеник кој го примил во Полициска станица, самиот не ги навел како забелешка во писмениот документ сочинет за неговиот прием во станицата, судијата кој истиот ден му го определил притворот, било кој од затворската управа и лекарот во затворот каде е примен. Не ѝ ги кажал веднаш ни на неговата сопруга кога била во полиција во присуство на неговиот бранител. Заклучокот е – неспорно е потврдено дека ни ЈО не може, а да не заклучи дека Бошковски за некакво нечовечко однесување кон него не кажал затоа што не се случило. Не кажал затоа што подоцна го смислил. Не кажал затоа што не се случило кога е лишен од слобода и дека, никој во ни еден момент спрема него не презел ништо што е спротивно на правилата или доколку се преземени било какви мерки на присилба или примена на сила за тоа постоела оправдана причина. Факт потврден од сите кои подоцна го испитувале постапувањето на полициските службеници кои ја спровеле и учествувале во акцијата – заклучи одбраната.

Адвокатите на Мијалков велат дека Бошковски е лишен од слобода на јавно место, фатен како земал пари за себе.

– Ден и место кога за себе зел 100.000 евра по трет пат (прв пат 10.000 евра, втор пат 20.000 евра) го определил тој и никој друг. Пари кои за негова несреќа многу луѓе ги виделе, но го виделе и обидот да се ослободи од нив како доказ откако добил наредба „стој полиција“. Наредба по која сфатил дека е откриен и фатен при извршување на кривично дело. Наредба по која почнал да бега и ги фрлил парите заедно со кесата неколку метра од него – на другата страна од неговото возило, со цел да не му бидат фатени во рацете, а не како што тврди исказот, дека едноставно ја испуштил слободно да падне кога ги подигнал рацете над главата на командата „стој полиција“, како доказ и наредба чие непочитување, заедно со одбивањето веднаш да му бидат ставени лисици на рацете е класичен пример за давање на активен отпор кој дава за право да се примени средство на принуда и во легната положба. Обид, кој за негова несреќа не успеал затоа што хартиената кеса со пари се скинала и парите се растуриле на јавниот паркинг така што секој можел да ги види. Причина поради која ни тој ни никој друг подоцна, никогаш не може да тврди дека му се подметнати. Обид кој претставува школски пример за давање отпор при лишување од слобода кој оправдува апсење на земја и преземање мерки за присилба заради доведување во послушност. Факти кои неспорно го потврдуваат тоа што од претходно се знаело – дека Бошковски е личност на која не може да ѝ се верува затоа што зборува невистини, склон е да кажува полувистини и измислува настани кои не се случиле – рекоа адвокатите.

Тие тврдат дека делото за кое Бошковски е осуден и поради кое било лишувањето од слобода, го извршил во три наврати.

– Невозможно е да се тврди дека некој е местен три пати, а притоа парите да ги става во џеб и местењето да не го пријави уште првиот пат. Документирано аудио и видео и докажано е дека тој нелегално, свесно три пати зел пари во кеш и на тој начин ја финансирал предизборната кампања. Оттука, Бошковски за да се „испере“ себеси и да го оттргне срамот за делото кое го сторил, и бил фатен на лице место со парите во рака, инсинуира дека бил наместен. Нешто поради што пател психички – додаде одбраната на Мијалков.

The post Одбраната на Мијалков: Љубе Бошковски три пати зел пари за кампања, ни на сопругата не ѝ се пожалил за тортура, туку ја смислил подоцна appeared first on plusinfo.mk.

– Тој ја предизвика нашата интервенција. Иако јасно и гласно дадов наредба „стој, застани, полиција”. Додека трчаше до колата „Ланчија“ ни се обрати со вулгарни зборови „не ме местете педери, знам кој ме мести“. Преку возилото фрли една кеса. Пробувавме да го смириме, но Лубе Бошковски, беше во некоја афектна состојба – објасни обвинетиот Петар Милошески, кој наведе дека и при неговото лишување за цело време негов колега држел пиштол во рацете, но дека во ниту еден момент не го вперил во главата или лицето.

Случајот „Тортура“ го води судијката Александра Ристеска, додека обвинението го застапува јавниот обвинител Љубомир Лапе.

Прв обвинет во овој случај е поранешниот директор на УБК, Сашо Мијалков, кој во обвинението поднесено од поранешното СЈО е осомничен за кривично дело „Мачење и друго сурово, нечовечко или понижувачко постапување и казнување“ од член 142 став 1 в.в. со член 23 од КЗ. За истото кривично дело се осомничени и шест поранешни припадници на единицата „Алфа“.

The post Обвинет во случајот „Тортура“: Љубе Бошковски одби да се легитимира и ни упати вулгарни зборови appeared first on plusinfo.mk.

– Единицата „Алфи“ хиераркиски е поставена во БЈБ, односно СВР Скопје, од кои причини истата не може да биде командувана од друга страна – рече обвинетиот Анчевски.

Тој воедно истакна дека наредби воглавно добива од началникот на СВР Скопје, или од Секторот за организиран криминал, односно овие наредби потоа ги давал на раководителите на смени од единицата „Алфи”.

Прв пат за акцијата за приведување на Лубе Бошковски, тој наведе дека разбрал на 6 јули 2011 година, односно наредбата ја добил од началникот на СВР Скопје.

Обвинетиот Петар Милошевски, посочи дека на 6 јуни 2011 година добил наредба од негов претпоставен да во најбрз можен рок се појави позади Министерството за економија. Во тој период бил на работна задача тим лидер, односно одговорен за 3-4 полициски службеници.

– Раководителот ни објаснуваше дека ќе се одвива акција каде ќе биде уапсено лице кое има обезбедување и дека најверојатно се работи за дилер на дрога – изјави обвинетиот Милошевски.

Судењето „Тортура“, почна во март 2018 година против поранешниот директор на УБК Сашо Мијалков и шестмина припадници на единицата „Алфи“ во МВР, а се однесува на начинот на апсење на Љубе Бошковски.

The post Обвинетите „алфи“ сведочеа во предметот „Тортура“: Добивме наредба да уапсиме дилер на дрога appeared first on plusinfo.mk.

Со овие зборови Раде Милошоски, генерален секретар на Обединети за Македонија, партијата на Љубе Бошѓковски, отворено му се заканува на Марјан Стаменковски, сопственик на порталот Доказм, познат по често неумерените критики и написи за познати јавни личности.

Повод за оваа закана е написот на порталот под наслов „И онаа криминална будала сестра Љубе добила задача од Заев да удира на ВМРО“.

Генсекот на Обединети за Македонија прво го опоменува Стаменковски: „Марјан, прибери се ја поминуваш црвената линија…“ На крајот од коментарот, Милошоски пишува: „Толку од луѓето на Љубе, ти пишувај си… твое е ние да те потсетиме да си бидеш домаќин, се гледаме“.

Коментарот, иако се труди да биде суптилен, содржи експлицитна закана до Стаменковски.

Политичарите се јавни личности и за нив постои јавен интерес, па поради тоа треба да имаат повисок праг на чувствителност кога се изложени на неумерена јавна критика. Кога, пак, не можат да ја издржат, имаат на располагање законски средства да го штитат својот углед, а не вака да се закануваат.

Марјан Стаменковски еднаш веќе беше жртва на жесток физички напад, а сторителите до ден денес не се откриени и изведени пред лицето на правдата.

The post Генсекот на Обединети за Македонија се закани на сопственик на портал: Ти ветувам дека брзо ќе се видиш со луѓето на херојот Љубе! appeared first on plusinfo.mk.