Без електрична енергија утре ќе бидат делови од општината Бутел поради технички зафати во електродистрибутивната мрежа, соопшти Регионалниот центар за управување со кризи на Град Скопје, по добиено известување од ЕВН Македонија АД.

Од 08:30 до 15 часот без струја ќе бидат корисниците од дел од селото Љубанци, поточно делот кон Црквата „Св.Јован“ во Општина Бутел.

Од РЦУК посочуваат дека без електрична енергија во недела од 8 до 13 часот ќе бидат корисниците од дел од улица Џон Кенеди (корисниците во околината на Веро-Маркет) и дел од улица Кемал Сејфула, корисниците во близина на стадионот во Општина Чаир.

The post ДЕЛОВИ ОД ЧАИР И ОД БУТЕЛ ВИКЕНДОВ БЕЗ СТРУЈА Службите работат на технички зафати appeared first on plusinfo.mk.

По три децении се гради водовод во Љубанци и Љуботен, соопшти вицепремиерот и министер за транспорт, Александар Николоски. Министерот денеска заедно со премиерот Христијан Мицкоски беа во работна посета на општина Бутел, каде извршија увид во градежните работи за изградба на водовод за селата Љубанци и Љуботен.

„Проектот се реализира после три децениското барање на жителите на овие населени места да добијат чиста вода за пиење. Проектот е финансиран од буџетот на Министерството за транспорт во вредност од 106 милиони денари. Проектот се реализира со цел да се обзбедат поквалитетни услови за живот за сите граѓани во општина Бутел“, соопштија од Министерството за транспорт.

Во написот се вели дека е предвидено да се изгради нова пумпна станица на локацијата на постојниот резервоар за висока зона како и да се изградат нови резервоари за двете населени места.

„Со реализција на проектот се гради пумпна станица во Радишани, цевковод од пумпната станица Љуботен до резервоар Љуботен и цевковод од пумпна станица Љуботен до резервоар Љубанци“.

The post 📷 ПО 3 ДЕЦЕНИИ СЕ ГРАДИ ВОДОВОД ВО ЉУБАНЦИ И ВО ЉУБOTЕН Николоски и Мицкоски беа на увид на работите за пумпна станица и за цевковод appeared first on plusinfo.mk.