Полицијата во изминатите 24 часа лиши од слобода 16 возачи низ државата поради опасно и несовесно управување возило, при што дел од нив воопшто немале возачка дозвола, а дел возеле и покрај забрани или под дејство на алкохол.

Од уапсените, 14 возеле без возачка дозвола, меѓу кои има и малолетник. Еден возач бил фатен како вози иако му била изречена активна забрана, а друг без дозвола и под дејство на алкохол.

Во Скопје се регистрирани три случаи на возење без дозвола, во Тетово четири, во Битола пет, а по еден случај има во Македонски Брод и Велес. Во Велес е регистриран и малолетник зад волан.

Посебно е издвоен случај во кој едно лице во Велес возело без дозвола и под дејство на алкохол, додека друго лице управувало возило и покрај активна забрана.

Полицијата најави дека по целосно документирање на случаите ќе следуваат соодветни пријави.

Апел од надлежните е возачите да ги почитуваат правилата, да не седнуваат зад волан без дозвола, под забрана или под дејство на алкохол, со цел поголема безбедност во сообраќајот.

The post УАПСЕНИ 16 ВОЗАЧИ, ДУРИ 14 ОД НИВ БЕЗ ВОЗАЧКА Полицијата фати малолетници, пијани и со забрана appeared first on plusinfo.mk.

Во текот на изминатото деноноќие на целата територија на државата, полициските службеници лишија од слобода 14 возачи за безобѕирно управување возило, од кои деветмина управувале возило без возачка дозвола (тројца во прилепско и по еден во Желино, Гостивар, кичевско, Куманово, Скопје и Делчево), двајца под дејство на алкохол (Гевгелија и Скопје) и тројца со активна забрана за управување (Кичево, Куманово и Велес) – соопшти Министерството за внатрешни работи.

Од МВР апелираат до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

The post НИШТО НЕ ГИ СПРЕЧУВА ДА СЕДНАТ ЗАД ВОЛАН Полицијата уапси 14 возачи кои возеле пијани или без дозволи appeared first on plusinfo.mk.

Полицијата уапси 8  возачи за безобѕирно управување возило во текот на изминатото деноноќие на целата територија на државата, соопшти Министерство за внатрешни работи.

Пет возачи се лишени од слобода за управување на возило без возачка дозвола, двајца управувале возило и покрај тоа што имале активна забрана и еден управувал возило под дејство на алкохол.

„Две лица во Скопје возеле без возачка дозвола и по еден во битолско, Гостивар и во Струмица. Лицето во Струмица без дозвола управувало возило кое претходно го украл од двор во гевгелиско Прдејци. Возач во Македонска Каменица управувал трактор под дејство на алкохол, предизвикал сообраќајна незгода и го напуштил местото. Додека, по еден возач во Скопје и во Кичево управувале возило со активна забрана. По целосно документирање на случаите ќе бидат поднесени соодветни кривични пријави“ соопшти МВР.

Од Министерството апелираат до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит, доколку имаат изречена мерка за забрана за управување или доколку се под дејство на алкохол.

„Сите заеднички да придонесеме за побезбеден сообраќај“, апелира МВР.

The post ПИЈАН ВОЗЕЛ ТРАКТОР И НАПРАВИЛ СООБРАЌАЈКА, СТРУМИЧАНЕЦ ФАТЕН СО УКРАДЕНО ВОЗИЛО Уапсени 8 возачи за безобѕирно возење appeared first on plusinfo.mk.

Во засилени полициски контроли спроведени во изминатото деноноќие низ целата држава, лишени од слобода се девет возачи, а со еден родител бил извршен службен разговор поради безобѕирно управување со возило.

Од Министерство за внатрешни работи информираат дека најголем дел од санкционираните, седум лица, управувале возило без возачка дозвола. Четворица од нив биле затекнати во Скопје, а по еден во Гостивар, Кавадарци и Велес, каде меѓу нив имало и малолетник.

Дополнително, двајца возачи биле приведени во Струмица поради возење под дејство на алкохол, додека во Ресен бил уапсен возач кој управувал автомобил и покрај активна забрана за возење од Б категорија.

Од полицијата најавуваат дека по целосно документирање на случаите ќе следуваат соодветни кривични пријави. Воедно апелираат до сите учесници во сообраќајот да ги почитуваат правилата, да не седнуваат зад волан без дозвола или под дејство на алкохол и со тоа да придонесат за побезбедни патишта.

The post ВОЗЕЛЕ БЕЗ ДОЗВОЛА И ПОД АЛКОХОЛ Девет лица приведени за едно деноноќие, меѓу нив и малолетник appeared first on plusinfo.mk.

Вкупно 121 лице било лишено од слобода во октомври за безобѕирно управување на возило, покажува билансот од редовните полициски контроли, додека вкупно 4.821 прекршок бил евидентиран за брзо возење.

Од лицата уапсени за безобѕирно возење, 94 возачи возеле под дејство на алкохол, четворица под дејство на дрога, 15 лица возеле со брзина поголема од дозволената во населено место, а 8 надвор од населено место, јави Министерството за внатрешни работи.

Меѓутоа, бројките не запираат тука. Во истиот месец биле изречени 16.801 платен налог. Притоа, евидентирани се 4.165 прекршоци за неправилно паркирање и 1.888 мерки за возење без возачка дозвола.

Од друга страна, полицијата санкционирала 111 возачи на мотоцикли поради неносење заштитен шлем, 232 пешаци и 63 возачи на електрични тротинети. Казнети биле и 942 лица кои не користеле сигурносен појас. Според Законот за возила, 480 нерегистрирани и 176 технички неисправни возила биле отстранети од сообраќај.

Санкционирани се и 145 возачи со неправилно затемнети стакла, како и едно лице кое неовластено користело уред за светлосни и звучни сигнали.

Од Министерството нагласуваат дека сообраќајните контроли ќе продолжат со исто темпо и апелираат сите учесници во сообраќајот да ги почитуваат правилата и пропишаните мерки за побезбедни патишта.

The post 4.821 ПРЕКРШОК ЗА БРЗО ВОЗЕЊЕ, НАД 16.000 СООБРАЌАЈНИ ПРЕКРШОЦИ Полицијата имаше полни раце работа во октомври appeared first on plusinfo.mk.

Полицијата вчера уапсила 2 лица од Неготино и од Кавадарци затоа што возеле пијани.

Синоќа во 21.40 часот на булеварот Маршал Тито во Неготино, полициски службеници од ОВР Неготино го лишиле од слобода М.М.(65) од Кавадарци, соопшти МВР.

„При сообраќајна контрола, сопрено е патничко возило „пежо“ со кавадаречки регистарски ознаки, што го управувал М.М. и по преземени мерки е констатирано дека е под дејство на алкохол.  Измерени му се 1,81 промил алкохол во крвта“, се вели во соопштението.

Во вториот случај, утрово во 1.10 часот на улицата Западен булевар во Кавадарци, полициски службеници од ОВР Кавадарци го лишиле од слобода Т.М.(34) од Кавадарци. Тој возел „опел“ со кавадаречки регистарски ознаки, а во крвта му се измерени 1,95 промил алкохол.

Од МВР најавуваат дека по документирање на настаните, против лицата ќе бидат поднесени пријави по член 297-а од Кривичниот законик за Безобѕирно управување со моторно возило.

The post ПОЛИЦИЈАТА „ОДВИКНУВА“ ОД АЛКОХОЛ ЗАД ВОЛАН Уапсени пијани кавадарчанец и неготинец appeared first on plusinfo.mk.

Полицијата приведе двајца возачи во Тетовско за пребрзо возење.

„Полициски службеници од Полициската станица за безбедност на патниот сообраќај Тетово вчера во 10 часот го лишиле од слобода А.Р.(19) од село Синичане поради пребрзо возење. На автопатот Скопје-Тетово тој управувал патничко возило „голф“, со тетовски регистерски таблици, со брзина од 171 километри на час, на место каде максимално дозволена брзина е 100 километри на час. Во 18 часот, пак, на патот Гостивар-Тетово, лишен од слобода е Б.А.(27) од Тетово, кој управувал патничко возило „бмв“, со странски регистарски таблици, со брзина од 173 километри на час, на место каде максимално дозволена брзина е 80 километри на час“, соопшти МВР.

Тие биле задржани во полициска станица и по документирање на случаите, ќе им бидат изготвени соодветни поднесоци согласно член 297-а од КЗ „безобѕирно управување со моторно возило”.

The post ПОЛИЦИЈАТА ГИ „ЧИСТИ“ ПАТИШТАТА ОД БРЗИ ВОЗАЧИ Во станица „приземјени“ двајца што „летале“ над 170 километри на час appeared first on plusinfo.mk.