Полицијата уапси возачи во Кавадарци, Куманово, Неготино, Скопје и во Битола затоа што возеле под дејство на алкохол. Двајца од пијаните возачи предизвикале и сообраќајни несреќи.

„На 16.8.2025 во 12.10 часот на улицата Јане Сандански во Неготино, полициски службеници од ОВР Неготино го лишија од слобода Е.Л.(55) од Неготино, затоа што при контрола на патниот сообраќај констатирале дека управувал патничко возило под дејство на алкохол, односно му биле измерени 2,15 промили алкохол во крвта“, соопшти полицијата.

Исто така завчера, во 22.30 часот, полициски службеници од Кавадарци го уапсиле И.В.(24) од Кавадарци, затоа што било констатирано дека вози под дејство на алкохол, односно му биле измерени 1,58 промили алкохол во крвта.

„На 17.8.2025 околу 00.45 часот на улицата Цветан Димов во Скопје, полициски службеници од СВР Скопје го лишија од слобода А.С. (49) од Скопје, затоа што при вршење на увид на сообраќајна несреќа во која тој учествувал со патничко возило „форд“ со скопски регистарски таблици, било констатирано дека е под дејство на алкохол, односно му биле измерени 3,30 промили алкохол во крвта“, соопшти полицијата.

На булеварот Трета македонска ударна бригада во Куманово, полициски службеници завчера го лишија од слобода Г.В.(48) од Куманово, затоа што возел со 1,7 промил алкохол во крвта.

„На 16.8.2025 во 22:15 часот на ул. „Св. Нектариј Битолски” во Битола, полициски службеници од СВР Битола го лишија од слобода О.В.(48) од с.Баница, струмичко, затоа што при контрола на патниот сообраќај констатирале дека управувал патничко возило „фиат“ со струмички регистарски таблици, под дејство на алкохол, односно му биле измерени 1,82 промили алкохол во крвта“, соопшти полицијата.

Полицијата најави дека по целосно документирање на случаите, против сите пијани возачи ќе бидат поднесени пријави по член 297-а од Кривичниот законик за Бeзобѕирно управување со моторно возило.

The post СЕДНАЛ СО 3,3 ПРОМИЛИ АЛКОХОЛ ЗАД ВОЛАН, КАДЕ МУ БИЛ ПАМЕТОТ! Уапсени пијани возачи, двајца предизвикале сообраќајки appeared first on plusinfo.mk.

Полицијата вчера уапсила 2 лица од Неготино и од Кавадарци затоа што возеле пијани.

Синоќа во 21.40 часот на булеварот Маршал Тито во Неготино, полициски службеници од ОВР Неготино го лишиле од слобода М.М.(65) од Кавадарци, соопшти МВР.

„При сообраќајна контрола, сопрено е патничко возило „пежо“ со кавадаречки регистарски ознаки, што го управувал М.М. и по преземени мерки е констатирано дека е под дејство на алкохол.  Измерени му се 1,81 промил алкохол во крвта“, се вели во соопштението.

Во вториот случај, утрово во 1.10 часот на улицата Западен булевар во Кавадарци, полициски службеници од ОВР Кавадарци го лишиле од слобода Т.М.(34) од Кавадарци. Тој возел „опел“ со кавадаречки регистарски ознаки, а во крвта му се измерени 1,95 промил алкохол.

Од МВР најавуваат дека по документирање на настаните, против лицата ќе бидат поднесени пријави по член 297-а од Кривичниот законик за Безобѕирно управување со моторно возило.

The post ПОЛИЦИЈАТА „ОДВИКНУВА“ ОД АЛКОХОЛ ЗАД ВОЛАН Уапсени пијани кавадарчанец и неготинец appeared first on plusinfo.mk.

Полицијата ноќеска приведеде двајца возачи во Куманово и во кумановско затоа што управувале возила под дејство на алкохол.

„На 1.5.2025 во 00.10 часот на магистралниот пат Куманово-Крива Паланка полициски службеници од СВР Куманово го лишиле од слобода В.Ѓ.(46) од Скопје. При контрола во патниот сообраќај, полициски службеници сопреле патничко возило „рено“ со скопски регистарски ознаки, кое го управувал В.Ѓ. и по преземени мерки било констатирано дека е под дејство на алкохол, односно дека има 1,60 промили алкохол во крвта“, соопшти полицијата.

Тој веднаш бил исклучен од сообраќај и задржан во полициска станица.

„На 30.4.2025 во 22.15 часот во Куманово, полициски службеници од СВР Куманово го лишиле од слобода Ј.Т.(44) од Куманово. При контрола во патниот сообраќај, полициски службеници сопреле патничко возило „цитроен“ со кумановски регистарски ознаки, кое го управувал и по преземени мерки било констатирано дека е под дејство на алкохол, односно дека има 1,58 промили алкохол во крвта. Веднаш бил исклучен од сообраќај и задржан во полициска станица“, се вели во соопштението на полицијата.

По целосно документирање на настаните, против двајцата пијани возачи ќе бидат поднесени кривични пријави по член 297-а од Кривичниот законик за кривичното дело Безобѕирно управување со моторно возило.

Ова дело според законот може да се казни со парична казна и со затвор до 3 години.

Полицијата во изминативе месеци врши зачестени контроли во сообраќајот и масовно ги казнува оние возачи што ќе ги фати како ги прекршуваат сообраќајните правила.

The post ПОЛИЦИЈАТА ОДВИКНУВА ОД ВОЗЕЊЕ ПОД АЛКОХОЛ Уапсени уште двајца пијани возачи, ќе добијат кривична пријава за безобзирно возење appeared first on plusinfo.mk.