Полицијата ноќеска уапсила двајца малолетни прилепчани, кои се фатени на дело при кражба од црква.

„На 18.7.2025 година во 4.35 часот на улицата Цар Самоил во Прилеп, полициски службеници од ОВР Прилеп лишиле од слобода двајца 17-годишни малолетници од Прилеп. Тие биле затекнати како вршат кражба од метално сандаче за доброволен прилог од црква. Приведени се во Полициска станица Прилеп и по документирање на настанот против нив ќе биде поднесена соодветна пријава“, соопшти прилепската полиција.

The post ФАТЕНИ СРЕДЕ НОЌ КАКО КРАДАТ ОД КУТИЈА ЗА ДОНАЦИИ ВО ЦРКВА Уапсени двајца малолетници во Прилеп appeared first on plusinfo.mk.

Како што јави белгиската државна телевизија РТБФ, при претресите, извршени на локации во градовите Брисел, Нинове, Шарлроа и Лиеж, не се пронајдени оружје или експлозив.

Телевизијата посочува дека „антитерористичката операција“ е спроведена врз основа на истрага со која биле опфатени лица кои се сметаат за „потенцијално насилни“ и кои се поврзани со екстремистички групи.

Портпаролот на белгиското Федерално јавно обвинителство, Ерик Ван Дер Сипт во изјава за интернет изданието ХЛН нагласи дека истрагата покажала оти приведените планирале да извршат терористички напад.

– Плановите се уште не се многу конкретни, но сепак се доволно сериозни за да ги уапсиме и сослушаме, додаде Ван Дер Сипт.

Како што јави дописникот на МИА од Брисел, во тек е сослушување на приведените од страна на полицијата, по што истражен судија во текот на денот или најдоцна утре ќе донесе одлука за евентуална понатамошна постапка против нив.

Инаку, тројцата уапсени малолетници се од градовите Нинове, Брисел и Шарлроа, додека возрасната личност е од Лиеж.

При вооружен напад од страна на туниски имигрант во Брисел лани во октомври беа убиени двајца шведски фудбалски навивачи.

Белгиските безбедносни служби се под зголемено ниво на внимателност по терористичките напади на бриселскиот меѓународен аеродром Завентем и на метро страница Мaлбек во центарот на Брисел во 2016 година, при што загинаа 32 лица.

The post ПЛАНИРАЛЕ ТЕРОРИСТИЧКИ НАПАД Во Белгија уапсени се тројца малолетници и еден возрасен appeared first on plusinfo.mk.