Седум мажи и шест жени, сите турски државјани, кај кои биле пронајдени 147 пиштоли и голем број шаржери се уапсени кај Еврос во североисточна Грција, откако преку реката нелегално влегле во земјата, објавија грчките медиуми.

Грчката новинска агенција АНА-МПА, повикувајќи се на полициски извори пишува дека полицајците од Секторот за борба против организиран криминал на северна Грција имале информации за нелегалниот влез во Грција на турските државјани, а оружјето било пронајдено при проверка на нивниот багаж.

Според весникот „Катимерини“ процените на полицијата се дека пронајдените пиштоли требало да стигнат до турската банда „Далтонс“.

The post ПРОНАЈДЕНИ 147 ПИШТОЛИ КАЈ 7 ТУРЦИ И 6 ТУРЧИНКИ Во Грција уапсени 13 турски државјани appeared first on plusinfo.mk.