Дебарската полиција поднесе кривична пријава против П.П.(33) од Дебар, поради постоење основи на сомнение за сторено кривично дело Безобзирно управување со моторно возило.

„Тој, на 18.11.2025 година во 00.05 часот, кај месноста Шуланска раскрсница во близина на граничниот премин Блато кај Дебар, управувајќи возило „волксваген амарок“ со дебарски регистарски ознаки, удрил во службено полициско моторно возило „дачиа дастер“, управувано од полицискиот службеник А.Ш. од Дебар“, соопшти полицијата.

Повредени лица нема, се додава во соопшението.

„Од извршеното алкотестирање кај П.П. се констатирани 1,86 промили алкохол во крвта по што тој веднаш е исклучен од сообраќај и лишен од слобода“, соопшти полицијата од Дебар.

The post ПИЈАН ВОЗАЧ УДРИЛ ВО ПОЛИЦИСКО ВОЗИЛО Пијаниот е уапсен, во сообраќајката нема повредени appeared first on plusinfo.mk.

Полицијата вчера уапси кавадарчанец, кој со со 2,02 промили алкохол во крвта престигнал 7 возила што биле застанати на црвено светло, информираа денеска од Секторот за внатрешни работи Велес.

„Вчера во 15.30 часот на улица Илинденска во Кавадарци, полициски службеници од ОВР  Кавадарци го лишија од слобода П.К., на возраст од 48 години од Кавадарци. При преземање мерки, по сторен сообраќаен прекршок, односно откако тој со патничко возило „рено“ со кавадаречки регистарски ознаки престигнал 7 возила што биле застанати на црвено светло на семафор, утврдено е дека го управувал возилото под дејство на алкохол, односно измерени му се 2,02 промили алкохол во крвта“, соопшти велешката полиција.

The post ДРВО ПИЈАН ПРЕСТИГНАЛ 7 ВОЗИЛА НА ЦРВЕНО Полицијата уапси кавадарчанец со 2,02 промили алкохол во крвта appeared first on plusinfo.mk.