Полицијата уапси малолетник од селото Блаце затоа што исекол 70 дабови дрвја на туѓа парцела.

„По преземени мерки и активности, полициски службеници од Полициското одделение Мирковци и од Одделението за криминалистички работи Чаир на 14.6.2026 околу 16 часот на подрачјето на Мирковци лишија од слобода 16-годишник од селото Блаце, скопско. Имено, постапувајќи по претходна пријава, полициските службеници на местото викано Вражји вир на подрачјето на Мирковци го затекнале малолетникот со моторна пила до него и исечени дрва. Екипа на Шумска полиција, исто така, излегла на местото и констатирала дека во парцела сопственост на Ч.Х. биле исечени 70 дабови стебла“, соопшти полицијата.

Моторната пила и дрвата се одземени и за настанот е известен јавен обвинител, се додава во соопштението.

„Дрвата ќе бидат вратени на сопственикот на парцелата. Против малолетникот ќе биде поднесена соодветна пријава“, соопшти полицијата.

The post УАПСЕН МАЛОЛЕТНИК, ИСЕКОЛ 70 ДАБОВИ СТЕБЛА Влегол со моторна пила на туѓа парцела appeared first on plusinfo.mk.

Полицијата приведе 16-годишен малолетник кој уценувал 34-годишен маж во Битола.

„Денеска (15.5.2025) полициски службеници од криминалистичката полиција при СВР Битола во координација со Основното јавно обвинителство Битола лишија од слобода 16-годишник од село Бистрица, битолско. Тој во повеќе наврати уценувал 34-годишен маж од Битола, заканувајќи му се дека доколку не му даде пари ќе објави експлицитни фотографии што ги добил од оштетениот, откако во комуникацијата преку социјална мрежа се претставувал со лажен женски идентитет“, соопшти оолицијата.

Малолетникот е приведен во полициска станица Битола, а парите се пронајдени кај него, се додава во соопштението.

По документирање на случајот, ќе следува соодветен поднесок.

The post МАЛОЛЕТНИК УЦЕНУВАЛ БИТОЛЧАНЕЦ СО ЕКСПЛИЦИТНИ ФОТОГРАФИИ Му се претставил како жена за да го намами appeared first on plusinfo.mk.

Постојат сомневања дека тинејџерот од Ниш вчера на својот профил на социјалната мрежа Инстаграм објавил порака во која се заканува дека утре (во недела) во Ниш ќе бидат убиени повеќе од 30 луѓе.

Седумнаесетгодишникот бил изведен пред надлежниот судија на Вишиот суд во Ниш, кој му одредил мерка притвор.

The post НА ИНСТАГРАМ СЕ ЗАКАНИЛ ДЕКА ЌЕ УБИЕ 30 ЛУЃЕ Уапсен е тинејџер од Ниш appeared first on plusinfo.mk.