Претходно, Баша, поднесе нацрт-резолуција до Советот на Европа со која се повикува на конфискација на рускиот имот, создавање меѓународен фонд за депонирање на конфискуваните средства и ставање на располагање на овие средства за финансирање на проектите за обнова на Украина, објави агенцијата Балкан веб.

Според истиот извор по сличен предлог се расправа и во американскиот Конгрес, додека претседателката на Европската комисија, Урсула фон дер Лајен, побара Русија и нејзините олигарси да ја надоместат штетата на Украина и да ги покријат трошоците за обнова на земјата.

The post АЛБАНСКИ ДЕМОКРАТ ЌЕ БИДЕ ИЗВЕСТУВАЧ ЗА КОНФИСКАЦИЈА НА РУСКИ ИМОТ Баша ќе управува со фондот за депонирани средства за обнова на Украина appeared first on plusinfo.mk.

Албанскиот претседател Илир Мета за крвавите демонстрации што се случија во јануари пред 11 години, во кои беа убиени четири лица, за главни виновници ги посочи Еди Рама, тогаш во опозиција, и Љуљзим Баша, тогашен министер за внатрешни работи.

Гостуваjќи во емисијата „Now“, Мета кажа дека четворицата демонстранти „се убиени од Рама и од Баша”.

Тој во емисијата додал дека претходно бил информиран дека на протестот оранизиран од опозициската Социјалистичка партија за 21 јануари 2011 година  ќе бидат извршени убиства.

– Наутро ми ѕвони домашниот телефон. Доаѓа вест од мој стар пријател од странство. Ми вели дека во оваа ситуација оценува дека се планираат убиства – изјавил Мета, пренесува АБЦњуз.

Веднаш по оваа информација тој го информирал Сали Бериша, дека Рама и Баша планираат да убиваат луѓе на протестот.

– Отидов кај Бериша, тогаш премиер и му реков дека треба да побара од обвинителството да го испита ова прашање, бидејќи тие планираат да убиваат луѓе на протестот – изјави Мета.

Во време кога беше организиран протестот на власт беше Демократската партија, чиј лидер беше Бериша, во коалиција со Движењето за социјалистичка интеграција на Мета.

The post ЖЕСТОКО ОБВИНУВАЊЕ НА АЛБАНСКИОТ ПРЕТСЕДАТЕЛ Демонстрантите на протестот пред 11 години „биле убиени“ од Рама и од Баша?! appeared first on plusinfo.mk.

– Од 4.934 делегати, колку што учествуваа на Собранието, на тајното гласање учествуваа 4.491 при што за разрешување на Баша гласаа 4.446 од нив – информираше Беленд Келечи, кој е еден од повеќето пратеници кои се на страната на Бериша.

По соопштување на резултатот од гласањето, Бериша истакна дека од денеска почнува борбата за враќање на достоинството на партијата.

– Седиштето на партијата ќе го преземеме кога за тоа ќе одлучиме – нагласи Бериша.

Поради најави за можни судири меѓу двете страни и насилно заземање на седиштето, големи полициски сили и цистерни со вода се наоѓаат во близина на седиштето, претходно и околу стадионот „Ер Албанија“ каде што се одржа собирот.

Баша, пак, за вечерва најави состанок на Претседателството, а за 18 декември Национално собрание.

Недоразбирањата и расколот во партијата се случија откако Баша го исклучи Бериша од пратеничката група, по барање на американската амбададорка, Јури Ким, откако САД го прогласија за „персона нон грата“.

The post РАСКОЛ ВО ДЕМОКРАТСКАТА ПАРТИЈА НА АЛБАНИЈА Бериша свика собрание и го симна од лидер Љуљзим Баша appeared first on plusinfo.mk.

Партискиот лидер Љуљзим Баша во денешната објава на социјалните мрежи, наведува дека Албанија е најсиромашната земја во Европа, а тоа е затоа што таа е најкорумпираната земја.

-Албанија е најсиромашната земја во Европа, бидејќи е најкорумпираната земја во Европа. Со илјада и една грижа се соочуваат луѓето кои се борат за подобар живот, претприемачите кои се борат да преживеат во неконкурентна економија, старите лица со недоволни пензии, младите кои секој ден сè повеќе сонуваат да заминат подалеку од Албанија – пишува Баша.

Затоа, додава дека треба да се спроведе ветинг во политиката за да се стави крај на неказнивоста, да се „исчисти политиката од сите оние кои ја злоупотребија довербата на граѓаните, збогатувајќи се себеси и мал број луѓе околу нив”.

Според Баша, оние кои ја злоупотребиле довербата на граѓаните мора да си заминат, повторувајќи дека ветингот во политиката може да почне од него.

The post АЛБАНИЈА Е НАЈКОРУМПИРАНАТА ЗЕМЈА ВО СВЕТОТ Баша предлага ветинг за политичарите appeared first on plusinfo.mk.

„Победата е јасна! Им благодарам на сите граѓани кои гласаа за победата”, нагласи Баша.

Тој рече дека е убеден дека граѓаните масовно гласале за „Алијансата за промена“ и дека „на крајот, Албанија ќе победи“.

„Верувам дека комесарите ќе го завршат процесот на броење (гласови) со трпеливост, врз основа на законот“, нагласи Баша.

Наспроти неговата убеденост во победа, Еди Рама, кој синоќа кажа дка нема да ги коментира резултати до нивното официјално објавување, денешниот ден го започна со порака на социјалните мрежи на која напиша „Какво убаво утро во Тирана“, постирајќи фотографија од главниот град.

На изборите во Албанија учествуваа две изборни коалиции, коалицијата Демократска партија – Алијанса за промена од 13 партии, предводена од Демократската партија на Албанија (ПД) на Љуљзим Баша и коалицијата Алијанса за национално единство – Имиграција – час на надеж и конзервативци (АБЕОК), составена од четири политички партии.

Според излезната анкета на албански Топ-чанел, владејачката албанска Социјалистичка партија, Еди Рама, е предводник на изборите со 46,9 проценти од гласовите, додека опозициската Демократска партија на Љуљзим Баша е на пат да го заземе второто место со 43,5 проценти од гласовите.

Излезните анкети покажуваат и дека Социјалистичкото движење за интеграција(ЛСИ) на Моника Крумади сопруга на претседателот Илир Мета ќе го заземе третото место со 6,9 проценти од гласовите.

Претседател Илир Мета, кој ја формира ЛСИ, откако се отцепи од социјалистите, синоќа го пофали изборниот процес и повика на смиреност бидејќи се бројат гласовите од вчерашните парламентарни избори во земјата. Мета ја посочи клучната улога на луѓето што ги бројат гласовите и оцени дека одредени политички партии имаат корист од проекциите на резултатите и излезните анкети, пренесува албанскиот портал Егзит Њуз.

The post Баша синоќа прогласи победа, Рама денеска напиша „колку убаво утро во Тирана “ appeared first on plusinfo.mk.