Гувернерот на американската држава Њујорк Ендрју Куомо призна дека неговата канцеларија го криела од јавноста вистинскиот број на пациенти кои починале од ковид-19 во домовите за стари лица. На прес конференцијата тој рече дека тоа било погрешно и оти претставува „научена лекација за тоа што се случува кога не се објавуваат податоци“.

– Најмалку што сакав е да ја влошам и онака ужасната ситуација. На барањата на граѓаните и новинарите за објавување податоци не се одговараше навремено – појасни тој.

Повеќе од 15.000 луѓе починаа во домови за стари лица во Њујорк од ковид-19, но државата соопшти само 8.500. Иако вкупниот број на смртни случаи се појави во збирните податоци на државно ниво, не е прецизирано дека станува збор за корисници на домови за стари лица кои починале во болници.

Кон крајот на јануари, државната јавна обвинителка летиша Џејмс објави извештај според кој државното Министерство за здравство соопштило за 50 отсто помал број на смртни случаи од ковид-19 меѓу штитениците во домовите за стари лица.

Минатата седмица, високата советничка на Куомо, Мелиса ДеРоса, приватно се извинила на пратениците од демократската партија поради прикривањето на бројот на починати, појаснувајќи дека мотивот за таквата одлука било тоа што стравувале дека сојузните власти, за време на мандатот на Доналд Трамп, тоа некако би го „искористиле“ против државата Њујорк. За време на конференцискиот повик, како што пренесе Њујорк Пост, таа рече дека во тоа време сојузните власти побарале податоци за починатите во домовите за стари и изнемоштени лица, при што „токму во тоа време кога (Трамп) го претвори во голем политички фудбал“.

– Тој тогаш почна да твита дека сме ги убиле сите во домовите за стари лица – рече ДеРоса, додавајќи дека Трамп го насочил Министерството за правда да почне истрага.

На синоќешната прес конференција Куомо призна дека политички претставници во парламентот на Њујорк и Секретаријатот за правда барале податоци уште во август, како и голем број медиуми. Тој посочи дека било одговорено само на секретаријатот, додека другите барања не ги разгледувале.

По признанието на Куомо, следуваа гневни реакции и од републиканските и од демократските законодавци во Парламентот на Њујорк. Оценувајќи дека станува збор за „забошотување“ тие најавија дека повторно ќе размислат за одлуката на Куомо да му се дадат овластувања во вонредната ситуација предизвикана од пандемијата.

– Тој ја изневери довербата на јавноста и за тоа треба да сноси одговорност – напиша демократскиот сенатор Ендрју Гундарес.

The post Гувернерот на Њујорк призна дека криеле бројки на починати од ковид-19 appeared first on plusinfo.mk.

Бизнисот со ресторани е еден од најтешко погодените од новиот коронавирус. На 17 март сите ресторани беа затворени во Њујорк, а некои од нив продолжија да работат, но само за да ги исполнат нарачките за достава од дома.

Поради тоа е повеќе од јасен еден од најновите трендови во секторот, пишува „Business Insider“. Тој ги повикува готвачите да продолжат да работат и да заработат добар приход.

Некои од најдобрите дури заработуваат и повеќе од пред два месеци. Денес, тие добиваат помеѓу 120.000 и 200.000 американски долари годишно, што е за 100.000 долари повеќе додека работеле во ресторани.

Се разбира, богатите исто така можат да понудат различни бонуси. За некои се смета дека се согласуваат да ги зголемат платите на своите готвачи ако живеат на нивните имоти. Ова исто така го намалува ризикот од зарази на семејството.

Бизнис секторот со ресторани во Њујорк вработува околу 167.000 луѓе, со годишна продажба во износ од 50 милијарди американски долари.

The post Најновата мода меѓу богатите во светот appeared first on plusinfo.mk.

Дебра Брикс, координаторката на кризниот штаб во Белата куќа, предупреди дека е можен ввтор бран од епидемијата, доколку Американците не се придржуваат на мерките за социјално дистанцирање, пренесува „Ројтерс“.

Експертите сметаат дека епидемијата го достигна својот пик во одредени региони, но состојбата во Њујорк само статистички намалува затоа што расте бројот на заболени и починати во другите американски држави.

Сепак, градоначалникот на Њујорк Бил де Бласио денеска изјави дека бројот на хоспитализирани во најголемиот американски град се „стабилизираше“ и дека предвидениот број на респиратори е поголем од вистинските потреби.

– Доколку сега луѓето се опуштат, започнат да излегуваат надвор и да воспостават социјална интеракција, можно е да ни се случи втор бран од епидемијата – предупреди Брикс.

Пандемијата го спречи нормалниот живот во Америка – 94 проценти од Американците мора да останат во своите домови, а само во изминативе две недели 10 милиони луѓе останаа без работа.

The post Предупредување за САД: Можен е втор бран од епидемијата appeared first on plusinfo.mk.