ЗАЕВ И ВЕРУШЕВСКИ НЕ СЕ ПОЈАВИЈА ДА СВЕДОЧАТ ЗА „БОМБИТЕ“ Повторно судење за предметот „Таргет-тврдина“

плусинфо — Mon, 04 Sep 2023 15:40:42 +0000

Експремиерот Зоран Заев и поранешниот разузнавач Зоран Верушевски денеска не се појавија во својство на сведоци во случајот „таргет-тврдина“ во судницата на Кривичниот суд. Тие не се соочија со прашањата на обвинителот Артан Ајро и со обвинетите, ексдиректорот на УБК Сашо Мијалков, поранешната министерка за внатрешни работи Гордана Јанкулоска, како и другите обвинети во случајот „Таргет-Тврдина“.

Според обвинителниот акт, преку три системи за следење на комуникациите во УБК, во периодот од 2008 до 2015 година незаконски биле следени 4.286 телефонски броеви за кои воопшто не биле издадени судски наредби. Комуникацијата била следена пред да бидат издадени и по завршување на траењето на важноста на судските наредби на 1.541 број или вкупно 5.827 телефонски броеви. Прислушувани биле повеќе од 20 илјади граѓани.

Доколку не се појават и на следното рочиште, по барање на застапниците на обвинението, двајцата клучни сведоци Заев и Верушевски би можеле да бидат спроведени со асистенција на полицијата.

Двајцата клучни сведоци сведочеа во „Тврдина-Таргет“ во октомври 2019 година. Судењето за „Тврдина-Таргет“ почна есента 2018 година. Во февруари 2021 беше донесена првостепена пресуда, а првообвинетиот Мијалков беше неправосилно осуден на 12 години затвор. Во март 2022 Апелацискиот суд ја прифати жалбата на одбраната, а во декември истата година ја укина пресудата и го врати предметот на повторено судење.

The post ЗАЕВ И ВЕРУШЕВСКИ НЕ СЕ ПОЈАВИЈА ДА СВЕДОЧАТ ЗА „БОМБИТЕ“ Повторно судење за предметот „Таргет-тврдина“ appeared first on plusinfo.mk.

Ново рочиште за „Тврдина-Таргет”

МИА — Wed, 02 Sep 2020 06:12:36 +0000

Со сведоци кои не биле присутни на претходнте рочишта денеска во Кривичниот суд Скопје, ќе продолжи главниот судски случај за аферата за прислушувањето, познат во јавноста како „Тврдина-Таргет“. На претходните рочишта во овој предмет сведочеа вработени во компанијата Ериксон, кои во своите искази наведоа дека за одржување на системите за следење на комуникациите во УБК тие биле организрани во дежурства, односно при нивна интервенција во системот секогаш имало преставник на УБК.

По завршување на оваа група на сведоци, кои од различни причини не се појавиле на претходните рочишта на ред ќе бидат новинарите и бизнисмените. Обвинителката Ленче Ристовска, за МИА, изјави дека за 2-3 рочишта максимум ќе почнат со презентација на оштетените лица како сведоци во предметот „Тврдина-Таргет“.

Главни обвинети во овој предмет се поранешниот директор на УБК, Сашо Мијалков и поранешната министерка за внатрешни работи, Гордана Јанкуловска, односно неколку вработени во поранешното УБК.

Судскиот процес го води судијата Џенета Бегтовиќ и Владимир Туфегџиќ. Додека обвинението е застапено од обвнителската тројка Трајче Пеливанов, Ленче Ристовска и Артан Ајро.

Обвинетите во овој случај според обвинението се товарат дека во период меѓу 2008-2015 година нелегално прислушувале над четири илјади телефонски броја. Судењето по предметот „Таргет-тврдина“ е започнато на 22.12.2017 година и уште е во фаза на доказна постапка.

The post Ново рочиште за „Тврдина-Таргет” appeared first on plusinfo.mk.

тврдина-таргет Archives - plusinfo.mk

ЗАЕВ И ВЕРУШЕВСКИ НЕ СЕ ПОЈАВИЈА ДА СВЕДОЧАТ ЗА „БОМБИТЕ“ Повторно судење за предметот „Таргет-тврдина“

Ново рочиште за „Тврдина-Таргет”