Премиерот Христијан Мицкоски денеска го повика Јавното обвинителство да ги провери тврдењата на СДСМ дека бегството на поранешниот припадник на ОВК Блерим Рамадани на Косово е реализирано со помош на луѓе од државни институции. Тврдењата на СДСМ, според Мицкоски, се ноторна лага.

– Добро е што конечно излегоа со тврдење. Го охрабрувам Јавното обвинителство уште денес да влезе, го повикувам јавниот обвинител кој е избран од СДС и ДУИ веднаш да влезе и да констатира фактичка состојба, а јас ви тврдам дека тоа што го изнесе пратеникот на СДСМ е ноторна лага – изјави Мицкоски по посетата на Агенцијата за катастар на недвижности.

Мицкоски го охрабри и раководството на МВР да поднесе тужба за клевета.

– Мораме на ваков начин да се заштитиме од ваквите лаги и конструкции. Чудно е што се конструираат вакви монструозни работи и практично тоа нам ни дава одговор со какви луѓе сме имале работа овие седум години кога тие сега од опозиција ова го конструираат. Практично, тие така и владееле, така функционирале – рече Мицкоски.

Пратеникот на СДСМ Митко Трајчулески денеска на прес-конференција соопшти дека имаат докази од „свиркачи“ дека Рамадани ја напуштил државава и заминал во Косово на 10 август со Наим Рамука, началник на северната граница со Косово, а на 14 август, кога и избегал од земјава, бил превезен од вработен во општина Чаир по наредба на Рамука. И во двата случаја границата на Блаце ја поминале по лентата за товарен сообраќај без никаква контрола.

Трајчулески побара од Основсното јавно обвинителство (ОЈО) итна истрага на случајот, да се декласифицираат снимките од камерите на ГП Блаце за да може и целата јавност да увиди дека е вистина тоа што го тврдат, како и неотповиклива оставка од Тошковски и сите лица за кои имаат информации дека се вклучени во организација на бегството на Рамадани.

Рамадани, врз основа на меѓународната потерница издадена до Интерпол од Србија, беше уапсен на 17 јули годинава на граничниот премин Јажинце и однесен на 30 дена екстрадиционен притвор во затворот во Шутка. На 1 август, мерката на Рамадани му беше преиначена во „куќен притвор“  и со оваа одлука се предвидуваше тој да остане во „куќен притвор“ до 16 август. На 15 август од страна на надлежен судски орган доставена е документација до МВР за распишување на централна потерница за Блерим Рамадани, бидејќи тој е недостапен за органите на прогонот.

The post ОБВИНИТЕЛОТ ИЗБРАН ОД СДСМ И ОД ДУИ НЕКА ГИ ПРОВЕРИ ТВРДЕЊАТА ЗА БЕГСТВОТО НА РАМАДАНИ Премиерот тврди дека СДСМ лаже appeared first on plusinfo.mk.

– Продолжуваме да ги следиме нивните нуклеарни капацитети секој ден и нашите проценки се дека нема закана од употреба на нуклеарно оружје или закана за територијата на НАТО – додаде функционерот во изјава за американски медиуми.

Рускиот министер за надворешни работи Сергеј Лавров изјави во понеделникот дека Западот не треба да го потценува зголемениот ризик од нуклеарен конфликт во Украина.

Русија претходно овој месец соопшти дека планира да ги распореди своите новопробани интерконтинентални балистички ракети „Сармат“, способни за нуклеарни напади врз САД до есен.

Западната загриженост за ризикот од нуклеарна војна се зголеми откако претседателот Владимир Путин ја почна руската инвазија на Украина на 24 февруари со говор во кој остро се осврна на нуклеарните сили на Москва и предупреди дека секој обид да се запре на патот на Русија „ќе ве доведе до такво последици кои никогаш не сте ги сретнале во вашата историја“, јавија западни медиуми.

The post САД НЕ ГЛЕДААТ ЗАКАНА ОД РУСИЈА Покрај реториката, Москва нема да употреби нуклеарно оружје appeared first on plusinfo.mk.

Портпаролот на Кремљ Дмитриј Песков ги отфрли како „целосна бесмислица“ тврдењата на британскиот таблоид Сандеј Тајмс за втор обид за труење на рускиот опозиционер Алексеј Навални додека бил во кома во болница во Омск.

„Извори во германските тајни служби им соопштија на своите партнери во Велика Британија дека додека Навални бил во вештачка кома и пред тој да биде испратен со специјален авион во Берлин, Русите направиле втор обид да го отрујат“, пишува весникот.

Според Аластер Хеј, професор по хемија на Универзитетот во Лидс, труењето било неуспешно затоа што лекарите му вбризгале атропин на Навални, а тој делува како противотров на отровот „Новичок“.

Песков денеска го оквалификува текстот како крајно срамен и како „нон сенс“.

Рускиот опозиционер мина 32 дена по тешкото труење со советскиот нервен агенс Новичок, при што долго време се наоѓаше во вештачка кома.

Алексеј Навални на 20 август колабираше за време на авионски лет во Русија, од Сибир кон Москва, по што пилотите принудно слетале во Омск, каде тој бил префрлен во локалната клиника. На 22 август Навални беше пренесен во Германија, во берлинската клиника „Шарите”. Повеќе европски специјализирани лаборатории потврдија дека рускиот политичар бил отруен со меѓународно забранет нервен боев отров од групата Новичок.

The post Песков ги отфрли тврдењата за втор обид за труење на Навални appeared first on plusinfo.mk.

Комерцијална банка АД Скопје денеска најостро ги демантира изнесените ставови на ВМРО Народна партија во врска со продажбата на поранешната деловна зграда на Банката.

Вчера ВМРО Народна партија во своето соопштение тврдеше дека купопродажбата на старата зграда на Комерцијална банка од страна на Република Македонија е направена на крајно нетранспарентен начин, без никаква правна процедура и најверојатно во четири очи.

Од Комерцијална банка појаснуваат дека поранешната деловна зграда на Комерцијална банка АД Скопје е продадена во 2012 година на најтранспарентен начин и во строго регулирана законска постапка по распишан Јавен повик од страна на Службата за општи и заеднички работи на Владата на Република Македонија со основен услов во Повикот нето вредноста на набавката да не биде повисока од 1.000 евра по метар квадратен.

– Понудата на Комерцијална банка за продажба на три деловни објекти во централното подрачје на Град Скопје со вкупна површина од 22.525 метри квадратни по вкупна цена од 21.736.625,00 евра, на Јавниот повик беше избрана за најповолна од страна на Владата.Понудата вклучуваше: две административно-деловни објекти кои во тој момент беа во функција на Банката, административна зграда Македонија табак и административна зграда ЕМО АД Охрид. Просечната понудена нето цена изнесуваше 965 евра по метар квадратен. Во истиот период, според анализите на релевантни институции за истражување на пазарот на недвижности, цената на деловни објекти од иста категорија во центарот на Скопје изнесува над 2.000 евра по метар квадратен. Банката ѝ овозможи на Владата купување на деловните објекти со одложено плаќање на 15 години, со грејс период од 5 години и фиксна каматна стапка од 3,75%, во период кога каматните стапки на пазарот се движеа над 8% – појаснуваат од Комерцијална банка.

Оттаму додаваат дека досега е отплатен износ од 5.970.324,80 евра, а остатокот по истата динамика ќе се отплатува до крајот на 2027 година.

– Истакнуваме дека поранешната деловна зграда на Комерцијална банка АД Скопје е продадена пред осум години, а обврската за нејзино тековно и инвестициско одржување е на сегашниот сопственик – подвлекуваат од Комерцијална банка.

The post Комерцијална банка: Георгиевски и ВМРО Народна партија кажаа лаги за продажбата на нашиот стар објект appeared first on plusinfo.mk.

Францускиот виролог Лук Монтање, кој ја освои Нобеловата награда за откривање на ХИВ вирусот во 2008 година, смета дека новиот коронавирус не е од природно потекло и бил развиен во лабораторија во кинескиот град Вухан, епицентарот на епидемијата.

– Тоа е вирус од вештачко потекло, дело на молекуларни биолози – рече Монтање во интервју за француското списание за здравство „Pourquoi Docteur“.

Според научникот, лабораторијата во Вухан се специјализирала за коронавируси уште од раните 2000-ти, а нејзините вработени имаат експертиза во оваа област. Извештаите дека вирусот потекнува од таканаречениот влажен пазар во Кина е „убава легенда“, бидејќи ковид-19 беше развиен во лабораторијата, рече тој.

Според него, присуството на елементи на ХИВ, па дури и маларија во геномот на новиот вирус, фрли сомнеж за лабораториското потекло.

Монтање исто така рече дека француските научници не биле првите што откриле честички на ХИВ во коронавирусот, бидејќи група индиски истражувачи претходно се обиделе да објават студија според која целиот геном на коронавирус има слични секвенци на вирусот СИДА.

Тој исто така изјави за телевизијата „CNews“ дека е сигурен дека новиот вид коронавирус не е природен, туку дека тоа е производ зад кој стојат стручни луѓе.

Монтање рече дека е направен манипулација со коронавирусот, но тој не знае зошто е тоа направено и не обвинува никого. Тој смета дека кинеските научници можеби се обиделе да пронајдат вакцина против ХИВ.

– Мојата работа е пронаоѓање факти. Не обвинувам никој, не знам кој го сторил тоа и зошто – рече научникот.

Запрашан од новинарите дали трагите од вирусот ХИВ, пронајдени во коронавирусот, биле едноставно природни мутации на вирусот во телото на пациентот, Лук Монтање одговорил во негативо и изјавил:

– Потребни ви се молекуларни алатки за да ја вметнете ХИВ секвенцата во геномот, а пациентот не го прави тоа, туку човек во лабораторија – рече тој.

Овој Нобеловец со своите тврдења предизвика бројни контроверзии во научните кругови, а во минатото беше исмејуван од колегите за некои негови теории.

The post Француски нобеловец тврди дека ковид-19 е развиен во кинеска лабораторија appeared first on plusinfo.mk.