„Вчера, отидоа дотаму, да преку Жан Митрев, за кого како лекар не можам да кажам што мислам, ме обвинија за рекет за цела болница. Претераа. Ова веќе ги поминува сите можни граници. Што ќе смислат следно, утре ќе ме обвинат и за силување, за убиство? За што следно? Доста е веќе.

Сега ќе ги тужам. Мојот одговор преку суд ќе го добијат и наредбодавачите и извршителот“.

Вака на прес-конференција утринава изјави лидерот на СДСМ Венко Филипче. Филипче тврди дека секој ден е предмет на јавен линч, како што вели, преку груби лаги и постојана црна кампања и манипулации за „Дубаи, згради од 42 спрата, визи, Венеција, Сент Морис итн“.

„Пред некој ден ме споредија дури и со Џим Џонс, убиец на 300 деца. Го повикувам Жан Митрев нека отиде кај обвинител и нека поднесе Кривична пријава ако смее, па да одговара по Кривичен закон. Не го прават тоа затоа што знаат дека ќе одговараат, а не вака да ги тужам само за клевета. Е, затоа власта не сака реформи, не сака реформирано правосудство по европски стандарди, за токму ова да го прави“.

Според Филипче, ВМРО-ДПМНЕ ја поминалосекоја граница со, како што вели, црната кампања против него. Лидерот на СДСМ ја критикуваше власта спомнувајќи ги, според него, буџетот, „црниот капитал преку Алта банка“, наводната изолација од нашите стратешки партнери. Тој ја спореди власта со времето на Никола Груевски повторувајќи дека Македонија, според него, не е зрела за укинување на концептот на техничката Пржинска влада пред избори.

„Нема одговор на вистинските прашања. За дупката во буџетот од 2 милијарди евра, за тоа што нема пари да се зголемат платите и пензии, за мигрантите, за црниот капитал преку Алата банка, за корумпираните тендерски постапки насекаде во државата. За тоа што исплаќаат луѓе да ги поддржуваат преку јавните мрежи, преку државни институции. Видовме колку луѓе биле исплаќани преку Лотарија.

Следат списоци од скоро сите министерства и за одбрана, и за надворешни работи. Ќе видите тоа каков скандал е, па дали на тоа некој од власта ќе одговори.

Нема ништо за реалните проблеми со кои граѓаните се соочуваат секој ден. Само дефокус, јавен линч и црна кампања.

На листата сме на земји од третиот свет поради нивната политика на изолација, криминал, корупција и ноќни волци со кои што се среќаваат од врвот на владата. Ноќните волци блиски до Путин. Доста е веќе.

Граѓани на Македонија,

Оваа криминална власт доведе до тоа, да од политиката на сите да им се гади. Затоа на гласачите им е преку глава од ‘рече ВМРО’, ‘рече овој’, ‘рече оној’…

И тоа е целта од самиот почеток. Повторно се обидуваат да нè вратат во мракот, во времето од пред 10 години. Велат ‘конструктивна опозиција’? Со кого? Со ова? Сите гледаат што се прави.

На граѓаните им е потребен подобар живот, повисок стандард, повисоки плати, повисоки пензии, добра иднина, пат кон Европа, за тоа треба да зборуваме, тоа е политика“, вели Филипче.

The post ФИЛИПЧЕ ЌЕ ГО ТУЖИ Д-Р ЖАН МИТРЕВ ЗА КЛЕВЕТА Лидерот на СДСМ вели дека е предмет на јавен линч appeared first on plusinfo.mk.

„Системот може да ги замени обвинителите во процесот на донесување одлуки до одреден степен“, велат истражувачите во трудот објавен во „Менаџмент Преглед“.

А, најчестите осум криминали во Шангај се: измама со кредитни картички, коцкање, несовесно возење, намерен напад, попречување на полицаец, кражба, измама, па дури и политичко несогласување.

Тимот ја изгради машината од постоечка алатка за вештачка интелигенција, злокобно наречена Систем 206. Обвинителите во Кина веќе го користеа системот за да помогнат во процената на доказите и да утврдат дали осомничениот криминалец е опасен за јавноста или не.

Сепак, програмата е прилично ограничена бидејќи не може да „учествува во процесот на одлучување за поднесување обвиненија и [предлага] казни“, пишува во студијата. Тоа би барало вештачката интелигенција да може да идентификува и отстрани неважни информации во случајот и да го обработува човечкиот јазик во својата невронска мрежа.

Се разбира, има многу загриженост за моќниот компјутер кој ќе има способност да става луѓе во затвор. Еден адвокат рече дека со 97 отсто прецизност, „секогаш ќе има шанса за грешка“.

– Кој ќе преземе одговорност кога тоа ќе се случи? Обвинителот, машината или дизајнерот на алгоритмот? – изјави адвокатот за весникот.

Засега, вештачката интелигенција сè уште е во повој и допрва треба да биде широко распространета. Меѓутоа, ако неодамнешните трендови се некакви индикации, можеме да очекуваме дека компјутерите во иднина сè повеќе ќе ја вршат валканата работа на полицајците.

The post ВО КИНА РОБОТ ТЕ ТУЖИ, РОБОТ ТЕ СУДИ Компјутерска програма ќе одлучува кој е криминалец appeared first on plusinfo.mk.

– Надлежните институции сакаат да го забошотат и прикријат случајот, кој е школски пример за корупција и злоупотреба на службена должност. Очигледно само власта не сака тоа да го види. Ова е пример како Зоран Заев работеше во Струмица додека беше градоначалник, истото тоа го пресликал Бочварски во Штип. Јавно ја повикувам Антикорупциската комисија да го истражи овој случај. Доста молчи, доволно е. Тие антикорупционери кои што седат во фотелји во институцијата, не се само таму за да седат на државен трошок и претседателката на Антикорупциската комисија не е таму за да биде платена од народните пари за да ги штити СДСМ и Владата, туку треба да иницираат случаи и да работат. Еве им јавно повик да отворат случаи и да истражат дали имало било каков судир на интереси. До сега ниту еден случај немаат завршено како што треба до крај. Затоа евидентно е дека ги штитат Владата и СДСМ – вели Арсовски.

Според Арсовски, Општина Штип доделува милионски тендер на фирмата „Де Лукс“ ДОО од Штип во сопственост на Владимир и Венцислав Бочварски, чичко и татко на Благој Бочварски само еден ден откако овој истиот е именуван од градоначалник за  министер за транспорт и врски.

– Целата тендерска постапка се одвивала додека Благој Бочварски е градоначалник на Штип, а еден ден откако е именуван за министер, на 1-ви септември, се објавува неговата семејна фирма како добитник на тендерот. Мислам дека нема потреба ниту да се убедуваат, ниту да се обидуваат да убедат некого дека ова е чиста случајност или чиста професионалност. Не почитувани, ова е класична злоупотреба на службена должност. Тоа значи дека Бочварски знаел, па дури и имал најверојатно можност да влијае за семејната фирма да добие тендер кој што ќе биде платен од парите на граѓаните – вели Арсовски.

Арсовски вели дека  бидејќи вчера Бочварски се заканил на социјалните мрежи дека ќе го тужи токму него, најверојатно иритиран што јавноста дознала за какво семејство станува збор во штипско и како функционира, тој јавно го повикува да го тужи и на Суд да појасни дали неговото семејство земало ваков милионски тендер од институцијата или не земало. Таму ќе има шанса да докаже.

The post Арсовски: Бочварски тужи ме и на суд кажи дали твоето семејство зеде милионски тендер appeared first on plusinfo.mk.

– Против портпаролот на ВМРО-ДПМНЕ, Наум Стоилковски, ќе поднесам тужба за изнесените лаги и клевети и тој, за многу кратко време, јавно ќе се извини. Мицкоски, ти порачувам уште еднаш дека сите овие лаги и манипулации нема да те спасат од заминување – рече Коневски.

Тој денеска побара смени во ВМРО-ДПМНЕ, а на тоа му одговори Димче Арсовски, исто така, портпарол на ВМРО-ДПМНЕ. И на ова, Коневски возврати.

The post Коневски ќе го тужи Наум Стоилковски appeared first on plusinfo.mk.