Потпретседателот на Владата Иван Стоиљковиќ поднесе тужба до лидерот на СДСМ Венко Филипче во врска со обвинувањата дека работи за српската тајна служба и дека е во дослух со рускиот претседател Владимир Путин.

Филипче ќе мора на суд да ги докаже обвинувањата, а отштетата што ќе ја плати ќе биде донирана во Психијатриската болница во Бардовци која не успела да ја превенира неговата состојба, пишува Стоиљковиќ.

„Болните фантазии и подмолните фиксации што Венко Филипче во континуитет веќе подолго време ги лансира од претседателската фотелја во СДСМ, конечно добија официјална дијагноза – во форма на судска тужба. Се разбира дека нема да барам демант или извинување. Глупаво е да очекуваш пристојност и разум од лик подготвен да гази по сопствениот образ за пет минути евтин аплауз на партиски прес-конференции и сто лајкови на социјалните мрежи. Сепак, неговиот очај за внимание на крајот ќе излезе корисен. Срамот што ќе го плати на суд, до последен денар ќе го донирам таму каде што примарната дејност е токму третирањето на вакви акутни состојби на умот – во Психијатриската болница во Бардовци. Како симболичен придонес за институцијата која, за жал, овој пат не успеала навреме да превенира“, напиша Стоиљковиќ во објава на Фејсбук.

The post ВИЦЕПРЕМИЕРОТ ИВАН СТОИЉКОВИЌ ПОДНЕСЕ ТУЖБА ЗА ФИЛИПЧЕ Парите од отштетата ќе ги донира во Психијатриската болница во Бардовци appeared first on plusinfo.mk.

Полицијата во Мајами ги тужи Мет Дејмон и Бен Афлек поради нивниот најнов филм „The Rip“, кој е достапен на стрим-платформите од јануари, а почнува со забелешка дека се заснова на вистински настани.
– Полицијата во Мајами ја тужи продуцентската куќа на американските глумци Мет Дејмон и Бен Афлек поради филмот „Кражба (The Rip)“. Тие тврдат дека трилерот на „Нетфликс“, инспириран од вистински настани, лажно ги прикажал редарите во градот како корумпирани криминалци.

Заплетот во филмот е инспириран од рацијата во Мајами Лејкс во 2016 година, кога полициската управа Мајами-дејд запленила повеќе од 24 милиони долари во готово, поврзани со перење пари – најголемата заплена во историјата на одделот. Полициските службеници кои учествувале во операцијата тврдат дека филмот содржи измислени сцени што ги прикажуваат како вмешани во корупција, соработка со нарко-картели и нелегална проневера на пари.

Се тврди дека, поради филмот, нивниот професионален углед е сериозно нарушен. Детективот Џонатан Сантана истакнува дека самиот наслов на филмот е навредлив и оти самиот тој после премиерата на филмот станал предмет на потсмев.

– Луѓето ме прашуваат колку пари сум украл, а ние не зедовме ниту еден долар, рече Сантана.

Правните стручњаци нè потсетуваат дека во вакви случаи, јавните личности, вклучително и полицајците, мора да докажат постоење на „вистинска злонамерност“, односно дека авторите знаеле дека информациите се лажни или ги објавиле без оглед на вистината – што е исклучително висок правен стандард, се наведува. Овој случај, инаку, повторно го отвора прашањето за границата меѓу уметничката слобода и заштитата на угледот на вистинските луѓе, за што долго време се дебатира во оваа индустрија и од филмските работници и од публиката.

The post МЕТ ДАЈМОН И БЕН АФЛЕК ДОБИЈА ТУЖБА ЗА КЛЕВЕТА Полицијата од Мајами тврди дека филмот „The Rip“, ѝ го урива угледот appeared first on plusinfo.mk.

„Најостро ги демантирам клеветите и измислените наводи изнесени од адвокатката Лејла Кадриу во интервју во емисијата „Вечерното шоу на Богдан Илиевски” на ТВ Алфа, емитувано на 07.02.2026 година“, вели јавниот обвинител Гаврил Бубевскки во своето писмено обраќање до јавноста.

„Наводите кои се однесуваат на моето постапување и на работата на поранешното СЈО се невистинити и креирани со цел да наштетат на мојот личен и професионалениот углед, за што веднаш по емисијата иницирав постапка со која од неа побарав извинување за јавно изнесените лаги. Доколку не добијам извинување во законски предвидениот рок, ќе поднесам граѓанска тужба за клевета и во суд ќе се докаже дека се што беше кажано во наведената емисија е апсолутна невистина.

Иако сметав дека изнесените клевети не заслужуваат да им се дава јавно внимание, сфаќам дека нашето општество веројатно не е доволно отпорно на лаги.

Вистината е дека јас никогаш во мојот живот не сум имал 4 мобилни телефони. Додека бев јавен обвинител во СЈО имав еден телефонски број кој го користев за цело време додека бев во тоа обвинителство. По враќањето во ОЈО Скопје исто така користам само еден телефон. Мојот единствен, во моментов приватен телефонски број го знаат сите новинари и многу граѓани, бидејќи вистински верувам во начелото на транспарентност и на тој телефон секогаш сум бил и останувам отворен и достапен за сите прашања.

Ги отфрлам сите наводи за какво било влијание и стојам зад секоја одлука која сум ја донел.

Во голем дел од ситуациите кои беа претставени, како што е предавањето на прислушуваните материјали во СЈО, јас лично воопшто не сум бил присутен, за што имам и соодветни докази.

На страна од тоа, записник за тие материјали постои и тој е дел од доказите во предметот Таргет-Тврдина.

Од позиција на поранешна јавна обвинителка за чие оддалечување најпрвин од СЈО, а потоа и од редовното обвинителство, причините се многу добро познати во јавнообвинителската организација, каде и се водени и соодветни постапки за одговорност, Кадриу се обидува да го загрози мојот професионален интегритет и да влијае врз моето извршување на јавнообвинителската функција.

Мотивите за овој и други вакви слични настапи мене ми се јасни, но немам намера во ниту еден момент да им подлегнам на тие лаги и манипулации. Ќе ги искористам сите законски механизми за заштита, како што веќе направив и поднесов тужба и за лагите изнесени од уште еден адвокат – поранешен обвинител кој јавно настапува со истите намери и мотиви.

Очекувам во судска постапка да се докаже вистината наспроти лагите со кои „храбрите” поединци ја манипулираат јавноста подолг временски период, а со тоа да се утврди и нивната кредибилност како извори за информации во медиумите по однос на вистинските состојби во правосудството“ – се вели во јавното обраќање на обвинителот Бубевски.

The post ГАВИЛ БУБЕВСКИ БАРА ИЗВИНУВАЊЕ ОД ЛЕЈЛА КАДРИУ Во спротивно ќе тужи за клевета appeared first on plusinfo.mk.

Правниот застапник на вицепремиерот задолжен за политики на добро владеење, Арбен Фетаи, денеска поднесе тужба за клевета и нарушување на угледот против членот на ДУИ, Ќамил Ковачи. Тужбата е поднесена во Јавното обвинителство во Скопје.

Од Кабинетот на вицепремиерот информираат дека постапката се однесува на, како што наведуваат, „лагите и клеветите што Ковачи ги ширел на социјалните мрежи, прикажувајќи монтирани изјави што Фетаи никогаш не ги дал“.

„Целта е да се оцрни угледот на вицепремиерот и еден од лидерите на ВЛЕН, да се дезориентираат и излажат граѓаните и да се создаде лажен впечаток, заснован на лаги, монтажа и измислици“, стои во реакцијата од Кабинетот.

Од таму дополнуваат дека оваа постапка претставува јасна порака дека нема да се толерира ширење дезинформации и дека сите правни средства ќе бидат искористени за заштита на вистината.

„Ќе ги заштитиме граѓаните од дезинформации и нема да дозволиме клеветите, лагите и измамите да се претворат во политичко оружје“, порачуваат од Кабинетот на Фетаи.

The post ФЕТАИ СО ТУЖБА ПРОТИВ ЧЛЕН НА ДУИ Ќамил Ковачи обвинет за клевета и нарушување на угледот appeared first on plusinfo.mk.

Во тужбата, како што кажа претседателката на ДКСК Билјана Ивановска на денешната седница, Комисијата се товари дека јавно објавувала информации за директорот на АМС.

– Станува збор за предмет кој во континуитет се работи две години. Го изанализиравме функционирањето на АМС во целина, дадовме препораки кои директорот не ги реализира – рече Ивановска.

Членот на ДКСК Владимир Георгиев посочи дека фактите во извештајот на ДКСК за директорот на АМС, што се изнесени на една од претходните седници на Комисијата, се засноваат на факти за работењето на директорот доставени од Агенцијата или од други надлежни институции.

Членот на ДКСК Нури Бајрами, пак, посочи дека не му е јасно како едно службено лице не препознало дека седниците на ДКСК се јавни и дека Комисијата е можеби потранспарентна од тоа што е предвидено со закон.

The post НАУМЧЕ МОЈСОСКИ ЈА ТУЖИ АНТИКОРУПЦИСКА Комисијата се товари дека јавно објавувала информации за директорот на Агенцијата за млади и спорт appeared first on plusinfo.mk.

Василевски-Нинџа го тужи Стоилковски за изречени тврдења на прес конференција дека „режимот на СДСМ/ДУИ пресуди над 200 години затвор врз основа на изјавата на Александар Василевски-Нинџа, а тој сега шета слободен по улиците“.

Василевски-Нинџа во Граѓанскиот суд рече дека во предметот „крвав четврток“, кој се однесува на упадот на толпа во Собранието на 27 април 2017 година, се бранел, а не ги напаѓал другите. Нинџа посочи дека во случајот бил обвинет, а не сведок.

– Во декември 2021 година, на средствата за јавно информирање, видов како лицето Наум Стоилковски дава изјава пред Министерството за правда, каде што кажува дека лицето Александар Василевски добил ослободување од страна на Пендаровски за лажните сведочења за случајот „27 април“, каде луѓето лежат 211 години, се осудени врз основа негова лажна изјава, а тој се договара со Заев и Маричиќ да биде помилуван. Тоа кај мене побуди чувство на загрозеност и страв, за мене и мојата фамилија. Тој кажа нешто што воопшто не е точно – рече Василевски-Нинџа во дел од исказот.

Василевски рече дека не ги познава ниту Зоран Заев ниту Бојан Маричиќ, кои беа премиер и министер за правда во тој период. Како потврда дека се плашел и дека безбедноста му була загрозена наведе дека бил преместуван од еден во друг затвор.

– Со осудените лица од случајот „27 април“ другарувавме и бевме едно семејство, делевме иста соба. Потоа почнаа хушкањата дека еден од виновниците за казната сум јас. А тоа хушкање почна од телевизиски интервјуа на претседателот на ВМРО-ДПМНЕ Христијан Мицкоски… Потоа бев пренесен во затвор „Скопје“ во Шутка. Наум Стоилковски е капакот кога реков дека мора се преземе некаква мерка, бидејќи притисокот веќе не можам да го трпам. Ме растревожи неговата изјава – додаде Нинџа пред судот.

Случајот го води судијката Наташа Тодорова, а тужениот го застапуваше адвокатката Ружица Николовска.

The post ИЗЈАВИТЕ НА МИЦКОСКИ И СТОИЛКОВСКИ МИ ГО ЗАГРОЗИЈА ЖИВОТОТ Нинџа објасни зошто го тужи портпаролот на ВМРО-ДПМНЕ appeared first on plusinfo.mk.

„Од страна на СДС и нивниот трајно неспособен премиер за мене беше кажано дека сум дезертирал од АРМ, сум кодошел, сум продавал некакви тајни на странски служби, сум крадел документи, дека некој ми ги скинал еполетите од униформата и што ли уште не. Станува збор за апсолутни невистини, напротив, токму обратно е. Овие клевети со кои СДС се обидува да ми нанесе штета на личноста се обид за дефокусирање од вистината дека Македонија ја води трајно неспособен премиер, кој одбил да ја брани својата држава. Одговорност за лагите мора да има. Тоа што Ковачевски не може да избегне од фактот дека приложил документ дека е трајно неспособен, не му дава за право да лаже со цел да дефокусира од себе. Се гледаме на Суд. За навредите нема да тужам затоа што тие повеќе говорат за тој што ги кажува отколку за тој кон кого се упатени“ – напиша Ковачки на својот профил на Фејсбук.

The post НАВРЕДИТЕ ТИ ГИ ПРОСТУВАМ, КЛЕВЕТИТЕ НЕ! Пратеникот Ковачки го тужи премиерот Ковачевски appeared first on plusinfo.mk.

Судијаката Сузана Димитриев, при читање на пресудата истакна дека се утврдува граѓанска одговорност на тужениот Александар Николовски од Охрид за клевета, затоа што на ден 20 август 2019 година во изјава дадена за ТВ Алфа во видео со наслов случај „Рекет – каде завршија милионите од Луј Витон чантата“, има изнесено невистинити факти штетни за честа и угледот на тужителот.

Николоски во изјавата тврди дека „вкупната сума на побарани, изрекетирани средства надминува 20 милиони евра“. – Досега ова никој не го демантираше што значи дека е рекетиран повеќе од еден бизнисмен. Рекетирани се многу бизнисмени побарани се многу пари тоа е операција која што не може да ја завршат еден или двајца луѓе. Тоа е операција која е добро смислена од врвот на СДСМ, координирана лично од Зоран Заев и понатаму управувано низ целата држава. Затоа е потребан кривична, но и политичка одговорност, гласи изјавата на Николовски.

– Тужбеното барања на тужителот Зоран Заев од Скопје, да се заложи тужениот Александар Николоски да му исплати на тужителот на име надомест на нематеријална штета износ од 60.000 денари за нарушен чест и углед со законска казнена камата според НБ на РСМ која важела на последниот ден од полугодието што му претходело на тековното полугодие зголемено за осум проценти поени, а сметано од пресудувањето до конечната исплата во рок од 15 дена од правосилноста на пресудата, се одбива како неосновано, рече судијката Димитриев.

Воедно, во пресудата се вели дека се задолжува тужениот Александар Николоски од Охрид ја објави изреката на пресудата на негов трошок „на простор не помал од една осмина од страница од првата до петтата страна од печатено средство за јавно информирање – дневен весник во рок од 15 дена од правосилноста на пресудата, а под страв на присилно извршување“.

Странките против ова пресудата имаат право на жалба.

The post ТУЖБЕНОТО БАРАЊЕ НА ЗАЕВ ДЕЛУМНО Е ПРИФАТЕНО Постои одговорност кај Николовски appeared first on plusinfo.mk.