Премиерот Христијан Мицкоски денеска оцени дека годинава тутунот се откупува по највисока цена досега и дека од процесот се задоволни и тутунопроизводителите и откупувачите.

Според неговите зборови, во моментов се откупени меѓу 23 и 24 милиони килограми тутун, а просечната откупна цена изнесува околу 420 денари за килограм, што е приближно седум евра и претставува рекорд во однос на претходните години.

– Гледате, нема протести, нема блокади, нема незадоволство. Напротив, задоволни се и тутунопроизводителите и откупувачите. Кога на ова ќе се додаде и субвенцијата, тогаш цената достигнува околу 500 денари по килограм тутун – изјави Мицкоски.

Тој истакна дека при ваква цена, вкупната вредност на откупениот тутун достигнува околу 12 милијарди денари, односно приближно 200 милиони евра, средства кои, како што рече, директно ќе завршат кај тутунопроизводителите.

Премиерот потсети дека во минатото се откупувале значително помали количини – 15 до 16 милиони килограми, по цена од 120 до 130 денари по килограм, додека денес се откупуваат поголеми количини по повеќекратно повисока цена.

– Ова е исклучително квалитетен род и би рекол исклучително квалитетен бизнис. Навистина се прави добра работа – рече Мицкоски, одговарајќи на новинарски прашања по пуштањето во употреба на нова градинка во Сопиште.

The post ТУТУНОТ СЕ ОТКУПУВА ПО РЕКОРДНА ЦЕНА До 500 денари по килограм, производителите и откупувачите се задоволни appeared first on plusinfo.mk.

– Го споделувам задоволството на тутунарите со постигнатата цена, а тоа е 400 денари за првата класа и дополнителни 20 денари субвенција за првата класа што достигнува вкупна сума од 500 денари за килограм тутун. Согласно со податоците од земјоделскиот инспекторат, до вчера се откупени вкупно 13 милиони килограми тутун, со просечна цена од 399,88 денари и од откупениот тутун досега е исплатен околу 78 отсто. Мислам дека со ваквата динамика за многу брзо од денеска ќе го завршиме откупот на тутунот на задоволство и на компаниите и на производителите. Ова е уште еден показател дека власта, премиерот, Министерството се сериозно посветени да го вратат тутунопроизводството и по квантитет и по квалитет. И не само на тутунот, туку и на другите земјоделски култури. Нема поплаки од тутунарите, откупот се одвива со нормална динамика, без одбитоци и оној квалитет што го имаме дозволува целиот процес да се одвива без забелешки и без проблеми. Над 140 милиони евра ќе влезат во домовите на тутунопроизводителите – изјави Трипуновски.

Министерот за земјоделство најавува дека по празниците заедно со откупувачите и со Сојузот на тутунските здруженија ќе седнат да ги решат отворените прашања во Законот за тутун.

– Во Законот за тутун има некои отворени прашања. Во разговор со компаниите и со тутунските здруженија се договоривме по завршувањето на оваа реколта, по празниците, да седнеме на заедничка маса, да го ставиме законот пред нас и да ги затвориме, или да ги допрецизираме сите прашања. Тоа ќе биде во интерес на двете страни – и на откупувачите и на тутунопроизводителите, за да го зголемиме тутунопроизводството, да го пласираме овој наш познат бренд надвор од државата во поголеми количества зашто во изминатиов период имаме намалување на количествата. Ова ќе значи задржување на оваа битна категорија производители кои ќе имаат сериозен прилив во семејните буџети – рече Трипуновски.

Тој најави дека идната недела ќе има пет јавни повици за распределба на слободно земјоделско земјиште.

– Веќе се завршени сите официјални процедури и следната недела ќе бидат објавени јавни повици, мислам дека се вкупно пет јавни повици за распределба, од кои еден јавен повик ќе биде за легализација на подигнати долгогодишни насади. Со ова сакаме да го ставиме сето земјоделско земјиште во рацете на вистинските земјоделци за да се зголемува продуктивноста, да се обработува земјиштето и да го зголемуваме земјоделското производство во Република Македонија – изјави Трипуновски.

Одговарајќи на прашањето за незавидната состојба во водостопанските претпријатија, министерот Трипуновски смета дека состојбите во Акционерското друштво се подобруваат и со мерки и активности подготвено ќе се пречека новата сезона за наводнување.

– Изминатиот период саниравме најголем дел од работите го ставивме претпријатието во една функционална состојба. Акционерското друштво во тековниов период има распишано тендер за набавка на резервни делови, се работи на терен за санирање на мрежата за наредната сезона за наводнување да ја пречекаме подготвени. Дополнително, Владата, преку програмите што се формираат за санација и изградба на нови системи за 2025 година, се финализираа конкретните активности кои ќе ги реализираме за овој битен елемент во земјоделското производство да нема проблеми како во минатото – рече Трипуновски.

Според Сојузот на тутунските здруженија, со ова темпо откупот на тутунот ќе заврши околу празниците, иако законскиот рок е до 28 февруари. За откуп остануваат 3 до 4 милиони килограми тутун. Реколтата се проценува на околу 17 милиони килограми.

The post ТУТУНАРИТЕ СЕ ЗАДОВОЛНИ ОД ЗГОЛЕМЕНАТА ЦЕНА Досега се откупени 13 милиони килограми тутун по цена од 399 денари appeared first on plusinfo.mk.

– Тутунопроизводителите на стартот на производството се соочија со неповолни климатски услови. Имаше премногу влага при расадувањето што го оддолжи процесот, во растот на тутунот имаше голема суша, што го намали приносот, но, тоа го зголеми квалитетот и на крајот имаше дождови што пак, го зголемија производството – изјави Киро Ристески, претседател на Сојузот на тутунските здруженија на Македонија.

На ниво на држава, со откупувачите се склучени околу 30.000 договори за производство од 26.000 тони тутун.

Но, тоа не е вистинската слика, зашто на теренот има многу помалку тутун, односно околу 17.000 тони. Инаку, годинава се засадени над 13.000 хектари.

– Како Сојуз сме подготвени и утре да почне откупот на тутунот. Но, компаниите ги запазуваат законските рокови. Последниот ден за заверување на мострите е 15 ноември, така што, потоа може откупувачите да ја почнат кампањата. Крајниот рок за почетокот на откупот е 15 декември – посочи Ристески.

Годинава, 10 откупни фирми ќе го преземаат родот. Имаат лиценци и финансиски гаранции. Има најава за зголемување на бројот на откупните ваги. На тутунарите им претстојат средби во Министерството за земјоделство најавени за понеделник, како и со откупувачите на 4 ноември. Бараат повисоки откупни цени во споредба со ланските.

– Дискутираме со откупувачите. И ние не сме задоволни од моменталната цена што е на ланското ниво, односно 375 денари за прва, 300 за втора и 260 за трета класа откупен тутун. В понеделник имаме средба со министерот за земјоделство Цветан Трипуноски. Мислиме дека ќе наидеме на добра соработка, а на 4 ноември ќе имаме и средба со откупувачите. Целта ни е да постигнеме повисока цена на тутунот, да го задржиме производството, да ги задржиме младите да го работат тутунот, зашто според статистиките, просечната старост на тутунопроизводителите е преку 50 години – нагласи Ристески.

На теренот во земјава ќе има 320 откупни ваги.

The post САМО ШТО НЕ ПОЧНАЛ ОТКУПОТ НА ТУТУНОТ Побарувачката поголема од понудената производствена реколта appeared first on plusinfo.mk.

За разлика од лани, бројот на склучени договори е намален незначително, но мора да се потенцира тоа дека иако и лани се очекуваше производство од околу 26.000 тони на тутун, се откупија само 15.000 тони.

Според директорот на Државниот земјоделски инспекторат Јане Станкоски, годинава временските услови биле добри за тутунопроизводството и се очекувало побогат род.

– Сметам дека како што кажав претходно климатските услови кои ги имаме оваа година се многу поволни за тутунопроизводството, лани беше преполовено, но нивите беа насадени, луѓето го произведоа расадот, но стануваше збор за намалено производство по декар – вели Јане Станкоски, директорот на Државниот земјоделски инспекторат.

Но исто како и за ланската реколта така и за годинешната, иако се покажа одредена волја и се започнаа првични чекори за промена на законот за тутун до истото не дојде.

Според Станкоски, доколку се донесат некои измени истите може да се додадат со анекси на веќе склучените договори.

– Останува периодот тоа да се продолжи, никогаш не е доцна да се направи тоа. Доколку дојде до промена на законот за тутун, има време и за тоа. Ќе се конституира парламентот, ако се договорат засегнатите страни за нови членови во законот за тутун, со анекси може да се променат договорите и текот на откупот на тутун – кажа Станкоски.

Инаку, тутунот од ланската реколта се откупи по просечна цена од 365 денари за килограм и скоро целиот беше откупен во прва класа.

Субвенциите за секоја класа беа покачени за 20 денари и субвенцијата за прва класа изнесуваше 100 денари по килограм.

Како годинава ќе се одвива откупот и дали тутунарите ќе бидат задоволни ќе покаже периодот кој следува.

The post ТУТУНАРИТЕ ТРИЈАТ РАЦЕ Откупувачите бараат 26.000 тони тутун, лани имаше само 15.000 appeared first on plusinfo.mk.

– Сите регистрирани 263 пункта во земјава се отворени со 280 ваги од официјалниот почеток на откупната кампања на 15 декември. Досега се откупени преку 500 тони и за откупната сезона сепак е малку – изјави Јане Станкоски, директор на Државниот земјоделски инспекторат.

До Инспекторатот досега нема стигнато ниту една официјална поплака за неправилности. Но оттаму им порачуваат на откупувачите да не ги условуваат тутунарите дека ќе им доплатат ако и другите компании ги зголемат цените. Тоа може откупувачите да го сторат без условување.

– Одредени откупни компании имаат истакнато некое известување дека доколку се зголемеле цените, и тие ќе им доплателе. Сметам дека сакаат тутунарите да ги доведат во заблуда. Во Законот за тутун се вели дека има можност да се зголемат цените доколку има некои вонредни или неочекувани ситуации во текот на производството и на откупот. Со официјален анекс се решава и може да се зголемат цените по класи. Тоа што го истакнуваат некои фирми е небулоза. Тоа е и малициозно однесување спрема тутунарите. Да бидат сериозни и може да ги зголемат цените по класи. Апелирам тутунарите да не подлегнуваат на такви дејанија – рече Станкоски.

Годинава се склучени околу 30 000 договори за преку 26 000 тони тутун, но родот е преполовен. Се очекуваат од 13 000 до 15 000 тони тутун. Интензитетот на откупот се очекува по Нова година.

The post НЕ ГИ УСЛОВУВАЈТЕ ТУТУНАРИТЕ Зголемете ги цените на тутунот со анекс, побара директорот на Државниот земјоделски инспекторат appeared first on plusinfo.mk.

Како што соопшти партијата, таа очекува  бојкот на откупувачите од страна на тутунарите да продолжи додека не им се исполнат барањата за исплата на реална производствена цена.

-Цената која им се нуди од 300 ден за килограм прва класа е прениска за вложените инпути и тутунарите бараат истиот да се плати по 600 ден килограм. Годинешниов род на тутунот е квалитетен и според Сојузот на земјоделци, се цени на околу 13 000 тони – велат од Левица.

The post БАРАЊЕТО РЕАЛНА ЦЕНА ЗА ТУТУНОТ Е ЛЕГИТИМНО Левица смета дека лошите владини политики се причина за бојкотот на тутунарите appeared first on plusinfo.mk.

На протестот нагласија дека веќе трет пат за половина година излегуваат на улица со своите барања и очекуваат средба со министерот за земјоделство, за да укажат на безизлезната состојба во која се наоѓаат. Се заканија со радикализирање на протестот, односно со проширување на блокадата.

– Денес имаме нова ситуација во оризопроизводството – зголемени цени за репроматеријалите, а откупната цена на арпата е непроменета, па дури и се намалува. Бараме со финансиската поддршка од три денари за килограм арпа, обезбедена од ковид-мерките, да бидат опфатени сите оризопроизводители, наместо само некои, а рокот да биде продолжен до септември оваа година. Останатите субвенции да бидат исплатени до крајот на февруари и да се зголеми поддршката за „зелена нафта“. Исто така, бараме да се реорганизира акционерското друштво за водостопанство, односно да се врати како порано, на ниво на општина и водни заедници, кога самите земјоделци можеа да се организираат околу наводнувањето на површините. Ако не се сретнеме со министерот или со премиерот, ќе ги блокираме и двете коловозни ленти на магистралниот пат – истакна Тони Максимов, земјоделец од Облешево.

Земјоделците се пожалија дека сè уште не се исплатени субвенциите за минатата година, а поддршката за ковид-мерките ја добиле само 15 отсто од оние кои успеале да ја продадат арпата.

– Бараме минималната откупна цена на арпата да биде 40 денари за килограм, што е економски оправдано и логично, иако и со неа нема да живееме, туку ќе преживуваме. Не бараме ништо повеќе од тоа што го работиме да ни биде платено, да можеме да ги покриваме сите наши потреби. Минатата година една вреќа вештачко ѓубриво чинеше 650 денари, а сега е 1.650 денари, се прашувам како ние со вакви трошоци да излеземе на крај. Ќе чекаме од министерството или Владата некој да дојде, за да не бидеме принудени целосно да го блокираме патот – истакна Здравко Арсов, земјоделец од Облешево.

Поддршка на оризопроизводителите им даде и здружението „Тиквешки лозар“ од Кавадарци, како и тутунарите од регионот, чии претставници присуствуваат на денешниот протест во Облешево.

The post ПРОИЗВОДИТЕЛИТЕ НА ОРИЗ ЈА БЛОКИРАА МАГИСТРАЛАТА А3 Бараат итна средба со министерот за земјоделство appeared first on plusinfo.mk.

Дел од производителите реагираат дека откупната цена е ниска, а шест градоначалници и четворица пратеници од Пелагонискиот регион минатата недела најавија официјално барање до Парламентот за промена на Законот за тутун поради увозот и неможноста на државата да има контрола во откупот.

– Откупот се одвива непречено, без проблеми и оспорувања. Досега се откупени половината од договорените количества од околу 3.000 тони, просечната цена е 197 денари за еден килограм. Во зависност од тоа каков квалитет на тутунот кооперантите носта за откуп, таква е цената и се надеваме наредниов период просечната цена ќе се зголеми. Нема оспорувања на процената и нема проблеми – вели Станкоски.

Дел од тутунарите, особено од новоформираните тутунски здруженија, остануваат на ставот дека и покрај квалитетната реколта, откупната цена е ниска.

Како што истакнува Игор Мирчески, координатор на четирите новоформирани здруженија, тутунарите работат со загуба.

– Реколтата е квалитетна, ама нема реална процена на тутунот и тутутнарите се во загуба. Така е овие три години. нема оправдувања за ваквите ниски цени. Затоа инсистираме да се направат измени во Законот за тутун за да се забрани увозот пред да се откупи целата реколта – вели Мирчески.

Шест градоначалници и четворица пратеници од Пелагонискиот регион минатата недела на средба најавија официјално барање до Парламентот за промена на Законот за тутун, поради увозот и неможноста на државата да има контрола во откупот.

– Бараме измени во Законот, да нема увоз додека не се откупи домашната реколта. Проблемот е и во ниската откупна цена, а според Законот  „главен збор“ имаат откупувачите, што не е во ред – вели пратеникот од ВМРО-ДПМНЕ Ристески, еден од четоврицата кои најавија дека до Собранието ќе поднесат предлог за измени на Законот за тутун.

За здружението на производители на тутун при Стопанската комора, не е проблем увозот. Откупувачите законски се обврзани да го преземат договорениот род со кооперантите, а увезениот не е од истите сорти.

За Сојузот на земјоделските здруженија на Македонија, проблемот треба да се бара во ниските цени по класи.

Претседателот на Сојузот, Менде Стомнароски вели дека цената не е соодветна на квалитетот, но проблемот се ниските цени по класи.

– И да се промени Законот за тутун, нема да значи за нас. Просечната цена од 190инекој денар не е соодветна на квалитетниот род. проблемот е во ниските цени по класи. Затоа е битно, сите заедно да дејствуваме за наредната реколта да се зголемат цените по класи – вели Стомнароски.

Откупот на тутунот ќе се интензивира оваа недела, по новогодишните и божикните празници. Според тутунарите, реколтата тешко ќе стигне до 20.000 тони, иако се склучени договори за 22.000 тони тутун. Се очекува откупната кампања, главно, да заврши со почетокот на февруари, иако законскиот рок е до крајот на март.

The post ТУТУНОТ ЧИНИ, ЦЕНАТА НЕ ЧИНИ Производителите се жалат дека работат со загуба appeared first on plusinfo.mk.

– Донесов околу 500 до 600 килограми тутун за процена. Тутунот е квалитетен и очекувам добра цена за разлика од лани – изјави тутунарот Методија Ѓорѓиоски.

За претседателот на тутунското здружение „Мице Козар“ од Прилеп, Злате Дамески, реално е тутунарите да очекуваат добра цена поради квалитетот и апелираат да носат тутун од сите класи.

– Квалитетот е добар и очекуваме добра откупна цена. Првиот ден во Прилепскиот комбинат го потврдува тоа. Ќе видиме наредните денови како ќе биде. Апелирам тутунарите да носат за откуп род од сите класи – изјави Дамески.

И координаторот на четирите новоформирани тутунски здруженија Игор Мирчески вели дека ќе следат како тече откупот. Очекуваат и Сојузот на земјоделските здруженија и Земјоделскиот инспекторат будно да го следат откупот.

– Еве, три компании почнаа со откуп на тутунот. Во „Сокотаб“ не тргна според очекувањата, но ќе почекаме со оценките како ќе биде наредните денови. Бараме Сојузот на земјоделските здруженија со поверениците да го следи откупот, како и Земјоделскиот инспекторат да биде буден на теренот – изјави Мирчески.

Проценителите на вагите во Прилепскиот тутунски комбинат потврдуваат дека тутунот е поквалитетен и се надеваат дека и производителите ќе бидат задоволни.

Директорот на Прилепскиот тутунски комбинат Кире Станкоски се надева дека откупот ќе тече без проблеми. Од четврток ќе се отворат пунктовите во населените места, а исплатата ќе биде за еден ден.

– Без проблеми почна откупот на тутунот во Комбинатот. Од денес се откупува на пунктот во градот, а од четврток ќе бидат отворени 21 откупен пункт со 31 вага во населените места. Потврдено е дека родот годинава е добар и се очекува далеку повисока откупна цена од лани – изјави Станкоски.

Според директорот на Земјоделскиот инспекторат Зоран Шапуриќ, сите компании треба да ги отворат пунктовите до 15 декември.

– Откупот почна на 20 од вкупно 173 откупни пункта во земјава. Од осумте компании уште една деновиве треба да достави гаранција за исплата. За годинашнава реколта се потпишани договори за околу 22.300 тони тутун. Родот е квалитетен. Очекуваме добар тек на откупот, а инспекторатот секако ќе биде на терен да ја следи откупната кампања – изјави Шапуриќ.

Откупот официјално трае до 31 март наредната година.

The post ПОЧНА ОТКУПОТ НА ТУТУНОТ Родот е квалитетен, тутунарите очекуваат добра цена appeared first on plusinfo.mk.

– Затоа како политичка партија побаравме уште во декември минатата година во Собранието да се расправа за оваа тема. Но, за жал владејачкото мнозинство не излезе во пресрет на таквите барања. Сега е продолжен откупот до крајот на март, но гледаме ситуацијата не се менува и голем број на тутунопроизводители остануваат со непродаден тутун а од тоа егзистираат. Цениме дека ваквиот начин и однос од власта не е соодветен со трудот и времето кое се вложува од страна на тутунарите во производството на тутун – рече Милошоски.

Тој најави дека пратениците на ВМРО-ДПМНЕ ќе се обидат повторно во Собранието оваа тема да ја подигнат во јавноста и со самото тоа да создадат притисок врз властите и компаниите да го испорачаат она што тутунопроизводителите го заслужуваат.

The post Милошоски: Тутунарите се незадоволни од третманот на власта, како пратеничка група ќе вршиме притисок трудот да им се исплати appeared first on plusinfo.mk.