Мапа објавена на brilliantmaps.com, која била споделена на Редит од корисникот „Породично стабло“ покажува колку секоја од земјите од Западен Балкан поминале под турско ропство. Резултатите се најтемни во Македонија. Земјата е рекордер со 518 години, или половина милениум. Како што се оди на север, може да се види дека бројката се намалува, па во делови од денешна Босна и Хрватска и Војводина бројката доаѓа до само 145.

Околу Белград се вртат бројките 263 и 197, а во делови на хрватското приморје 177 години. Познато е дека Македонија како централна територија на Балканот била тактички многу важна за Османлиите и тоа е една од причините, заедно со плодната почва погодна за одгледување и опиум и хашиш, што тие најдолго не ја предале оваа територија. Тоа важи и за собирањето даноци и други елементи на власта кои биле посилни на југот, отколку на северот. Турската власт била силна и на југот околу Солун, кој останал втор најбитен центар во европскиот дел на Империјата по Истанбул, слично како што било во Византија.

Освен Македонија, со темнозелена боја може да се види дека османлиската рута води кон делови на централа Босна и Херцеговина, каде според оваа мапа, Османлиите останале 415 години.

Мапата е потпишана од картографот Душан Дачиќ.

The post МАКЕДОНЦИТЕ 518 ГОДИНИ БИЛЕ ПОД ТУРСКО Мапа покажува колку време секој народ на Балканот поминал под „администрација“(ФОТО) appeared first on plusinfo.mk.

Како што истакнува Тасевски, дел од наставниците се побуниле и прашале како да ги предаваат лекциите за Илинденското востание без да ги спомнат Турците.

„На само еден ден по 4 мај, смртта на Гоце Делчев, побарале од даскалите во иднина да не употребуваат термин турско ропство, зашто тоа би било навредливо ако има Турче во одделението. Се кренале тука даскалите на нозе и станало драматично.

Како да предавам за Илинденско востание и за Македонска крвава свадба на Чернодрински? Што да им кажам зошто се случило востанието, од што им било фино на луѓето? Што да им кажам за јаничарите и данокот во крв? За беговите и нивните хареми со киднапирани Македонки од нива? Луѓе, се наоѓаме под офанзива на глутница велепредавници во власта поддржана од разни енџиоа. Мора да се реагира. За вакви милост не смее да има. Мора да се тргнат. Само не знам дали ќе сакаат со убаво. Јас би со убаво. Ама не знам дали ќе сакаат така“, пишува Тасевски на Фејсбук.

Одговор побаравме од МОН, но безуспешно. Единствено од СУГС „Владо Тасевски“ ни одговорија дека Бирото за развој побарало простории во ова училиште и дека обуки со наставници се одржале.

Го прашавме професорот по историја Борче Милошевски од средното училиште „Никола Карев“ во Скопје, како би им ги предавал на неговите ученици лекциите од тој период без да го спомене терминот „турско ропство“.

– Ова прашање не е нешто ново и веќе одамна се избегнува употребата на терминот „турско ропство“, поради тоа што во тој период немало робови во земјата. Јас како професор по историја повеќе ги употребувам термините, османлиска власт, управа и слично. Точно е дека народот имал лоши услови за живот, па поради тоа и била огранизирана национална борба за власт со цел создавање на своја самостојна држава. И во периодите кои следеле, луѓето не биле робови, туку само биле под власт на некоја друга држава, а тоа не е ропство – објасни професорот Борче Милошевски.

The post „Турското ропство“ оди во историјата, наставниците ќе користат друг термин appeared first on plusinfo.mk.