Последната недела од изборната кампања во Унгарија беше засенета од безбедносен инцидент поврзан со гасоводот што ја поврзува земјата со Србија. Претседателот Александар Вучиќ соопшти дека во близина на трасата е пронајдена поголема количина експлозив, што предизвика реакции во двете држави.

Независни унгарски новинари посочуваат дека веќе извесно време се дискутира за можноста надворешни фактори да се обидат да влијаат врз изборниот процес. Дел од медиумите во Унгарија наведуваат дека безбедносни експерти претходно предупредиле на потенцијална операција под лажно знаме насочена кон критична инфраструктура од унгарски интерес.

По објавата, премиерот Виктор Орбан свика итен состанок на Советот за одбрана, по што беше одлучено да се засили обезбедувањето на делот од гасоводот Турски тек што минува низ унгарска територија. Орбан изјави дека во инцидентот нема повредени и дека бил спречен можен акт на саботажа.

Во видео објавено на неговиот профил на Фејсбук, Орбан му се заблагодари на Вучиќ за, како што рече, брзиот одговор. Следниот ден, тој повторно се огласи со порака дека заминува кон унгарско-српската граница за да ја провери состојбата на терен.

– Велигденски понеделник, 6 часот наутро. Наместо да полеваме, одиме на унгарско-српската граница. Вчера се обидоа да го дигнат во воздух гасоводот од српска страна. Проверуваме дали сè е во ред од унгарска страна. Ќе известувам во живо за развојот на настаните – рече Орбан.

Во меѓувреме, опозицијата во Унгарија реагираше обвинувајќи дека станува збор за политички потег поврзан со изборната кампања, тврдејќи дека инцидентот се користи за мобилизација на гласачите.

Премиерот Орбан по обиколката на почетокот на унгарскиот дел од гасоводот „Турски тек“ во Кишкундорошма, во областа Сегедин, изјави дека ситуацијата е исклучително сериозна и дека засега снабдувањето со гас на Унгарија не е загрозено, но дека треба да се биде многу внимателен.

– Ситуацијата е исклучително сериозна. Претходно разговаравме за нафтата, бевме под блокада. Ќе го надоместиме тоа од друго место, но гасоводот е уште поголема артерија – рече Орбан на прес-конференција во Кишкундорошма, каде што е зголемена воената заштита на унгарскиот дел од „Турски тек“ и каде што врши инспекција на инфраструктурата откако вчера беа пронајдени експлозиви на српскиот дел од гасоводот, пренесува „Маѓар немзет“.

Тој потсети дека гасоводот веќе бил блокиран претходно поради што е и изграден „Турски тек“.

– Моментно сме под украинска гасна блокада, но можеме да ја надоместиме загубата од југ. Ако таа папочна врвца се пресече, унгарската економија ќе престане – рече унгарскиот премиер.

Како што истакна, „засега, снабдувањето со гас за Унгарија не е загрозено, но мора да бидеме многу внимателни“.

The post 📽️ 6 НАУТРО, СРПСКА ГРАНИЦА, ЌЕ ГО ПРОВЕРИМЕ ГАСОВОДОТ Орбан лично тргна да ја проверува состојбата appeared first on plusinfo.mk.

Унгарскиот министер за надворешни работи Петер Сијарто вчера изјави дека во последните недели десетици дронови го нападнале гасоводот „Турски тек“, преку кој се снабдува Унгарија, и додаде дека во таа серија напади имало и обид за напад и саботажа што бил спречен од српските власти, пренесе „Вјести“.

– Во последните недели, десетици дронови го нападнаа гасоводот „Турк стрим“, кој ја снабдува Унгарија, во Русија. Во оваа серија напади спаѓа и обид за напад и саботажа што беше спречен од Србите – рече Сијарто во видео на „Фејсбук“ по состанокот на Советот за одбрана што го свика премиерот Виктор Орбан.

Сијарто додаде дека за време на состанокот на Советот за одбрана, унгарскиот премиер наредил унгарскиот дел од гасоводот „Турски тек“ да биде ставен под воена заштита. Според него, Русија, Турција и Србија исто така се договориле да ја засилат физичката заштита на гасоводот.

Сијарто го опиша ова како „обид за терористички напад“, за кој рече дека е „дел од серија активности насочени кон спречување на испораката на руска нафта и гас во Европа“ и дека претставува сериозен напад врз суверенитетот на неговата земја.

Српските власти вчера објавија дека пронашле експлозивни направи во близина на гасната инфраструктура што ги поврзува Србија и Унгарија.

„Турски тек“ е гасоводен систем за транспорт на природен гас од Русија до Турција преку Црното Море, а потоа и кон делови од југоисточна и централна Европа. Системот беше пуштен во работа на почетокот на 2020 година и оттогаш стана еден од важните правци за испорака на руски природен гас во регионот, вклучително и за земји како Унгарија.

The post „ТУРСКИ ТЕК“ Е ЦЕЛ НА НАПАДИ СО ДРОНОВИ И ОБИДИ ЗА САБОТАЖА Целта е да се прекине испораката на руска нафта и гас до Европа appeared first on plusinfo.mk.

Испораките на руски гас до Европа преку гасоводот Турски тек скокнаа во март, пресмета руската агенција ТАСС врз основа на податоци од европскиот оператор на мрежа ЕНТСОГ, што сигнализира пораст на побарувачката поради ниските температури и прекините во снабдувањето од Блискиот Исток.

Според овие пресметки, испораките од европската гранка на Турски тек се зголемија во март за 21% во споредба со истиот месец минатата година, на 1,7 милијарди кубни метри. Во споредба со февруари, тие се зголемија за 12%.

Просечно 55 милиони кубни метри гас дневно беа испорачани на пазарите во јужна и југоисточна Европа во март, што значи дека беа искористени 97% од неговиот капацитет.

Во првиот квартал, европската гранка на Турски тек испорача вкупно 4,96 милијарди кубни метри гас, што е за 10% повеќе отколку во истиот период минатата година.

Откако „Гаспром“ го суспендираше транспортот на гас преку Украина на почетокот на 2025 година поради истекот на договорот, „Турски тек“ е единствениот активен гасовод преку кој рускиот гас стигнува до Европа. Капацитетот на гасоводот е да транспортира 31,5 милијарди кубни метри гас годишно.

Во 2025 година, 18,1 милијарди кубни метри руски гас пристигнаа во Европа преку „Турски тек“, што е за 8,3% повеќе отколку во 2024 година. Русија, исто така, малку ги зголеми испораките за Турција, на 21,2 милијарди кубни метри, а новинската агенција ТАСС забележува дека рускиот гас пристигнува во Турција преку Црното Море и гасоводот „Син тек“.

Украина подолг се обидува да го запре снабдувањето со руски гас на земјите од јужна и југоисточна Европа. Нападите се зголемени од почетокот на конфликтот а Украина со Унгарија и Словачка околу снабдувањето преку гасоводот „Дружба“.

ТАСС денеска објави дека е спречен последниот обид на Украина да ја нападне Компресорската станица „Рускаја“, која снабдува гас преку „Турски тек“.

„Газпром“ соопшти дека од 17 до 19 март ескалирале нападите врз неговите објекти што го снабдуваат извозот на гас преку гасоводите Турски тек и Син тек за Турција. Поточно, 22 обиди за напад со беспилотни летала (БЛН) се регистрирани во компресорската станица Рускаја, три во компресорската станица Казачја и еден во компресорската станица Береговаја.

Гасоводот Турски тек е последната активна рута за снабдување со руски гас до Европа откако престана транзитот низ Украина.

The post ДРАСТИЧНО ЗГОЛЕМЕНИ ИСПОРАКИТЕ НА РУСКИ ГАС ПРЕКУ ТУРСКИ ТЕК Украина за само 2 дена имаше 22 обиди да ги сопре испораките appeared first on plusinfo.mk.

Унгарија ќе потпише долгорочен договор за снабдување со природен гас од западен правец, изјави денес министерот за надворешни работи на земјата, Петер Сијарто.

„Нема сомнение дека природниот гас ќе биде важен извор на снабдување со енергија за Унгарија на долг рок. Колку повеќе гас можеме да купиме на повеќе правци, толку сме побезбедни. Затоа денес потпишуваме уште еден долгорочен договор за купување природен гас“, напиша Сијарто на Фејсбук, во објава од аеродромот во Будимпешта.

Тој вели дека Унгарија отсекогаш се залагала за диверзификација на енергијата, но не прецизираше од која западна земја ќе се увезува гасот.

„Ова ќе биде нашиот најдолготраен договор за купување природен гас на запад“, додаде Сијарто во соопштението.

Поголемиот дел од гасот сè уште пристигнува во Унгарија преку долгорочни договори со рускиот Гаспром преку гасоводот Турски тек и неговите компоненти преку Бугарија и Србија.

Во 2022 година, преку Турски тек во Унгарија беа испорачани 4,8 милијарди кубни метри гас, а оваа бројка се зголеми на 5,6 милијарди во 2023 година и рекордни 7,6 милијарди кубни метри во 2024 година.

The post УНГАРИЈА ЌЕ КУПУВА ГАС ОД ЗАПАДОТ, АМА НЕ СЕ ОТКАЖУВА ОД РУСКИОТ Сијарто тврди дека е тоа добро бидејќи гасот ќе доаѓа од повеќе страни appeared first on plusinfo.mk.

„Елиот инвестмент менаџмент“, американска фирма за управување со инвестиции, е во рани разговори со „Булгартрансгаз“ за купување удел во пакет инфраструктурни средства што го вклучува и бугарското продолжување на гасоводот Турски тек, пишува „Волстрит џурнал“.

Гасоводот е последната голема рута за извоз на руски природен гас во Европа, а потецнијалниот договор, сметаат некои експерти, може да ја продолжи зависноста на Европа од руските енергенси.

Од друга страна, бугарските власти се надеваат дека ова ќе го заштити гасоводот од идните санкции. Гасоводот снабдува околу 19% од увозот на гас во Европа, што е намалување од 45% пред 2022 година.

Унијата сака целосно да го прекине увозот на рускиот природен гас до 2027 година.

The post АМЕРИКАНЦИ ГО КУПУВААТ БУГАРСКИОТ ДЕЛ ОД „ТУРСКИ ТЕК“? На продажба е последната точка на извоз на руски гас во Европа appeared first on plusinfo.mk.

Од 3 до 9 февруари, повеќе од 390 милиони кубни метри гас беа испумпани преку компресорската станица Странџа-2 на турско-бугарската граница (копнено продолжување на морскиот дел на Турскиот тек), според податоците од Европската мрежа на преносни системи за гас (ENTSOG).

Минатата недела неколку пати беше соборен и рекордот за дневна испорака на гас, кој во понеделникот на 10 февруари достигна 56,7 милиони кубни метри.

Претходниот максимум беше забележан минатиот месец, со 376 милиони кубни метри за неделата од 13 до 19 јануари.

Вкупниот обем на испораки на гас преку Турски тек се зголеми за 23% на годишно ниво на 16,7 милијарди кубни метри во 2024 година.

Гасоводот Турски тек има капацитет од 31,5 милијарди кубни метри гас и е наменет за снабдување на Турција и земјите од Јужна и Југоисточна Европа.

Турски тек е последната активна рута за испорака на руски гас во Европа, откако беше суспендиран транзитот низ Украина. Почетната точка на Турски тек е компресорската станица Рускаја изградена во близина на пристаништето Анапа на руската Краснодарска територија.

The post РЕКОРДНА ИСПОРАКА НА РУСКИ ГАС КОН ЕВРОПА За една недела низ гасоводот Турски тек минале 390 милиони кубни метри гас appeared first on plusinfo.mk.

Според Ференц, на 1 февруари „Гаспром“ почнал да испорачува гас на најголемиот енергетски оператор во Словачка преку гасоводот Турски тек.

Тој најави дека испораките ќе се удвојат од април.

-Договорот со компанијата „Гаспром експорт“ е со важност до 2034 година. Нема да го прекинеме – рекол директорот.

Транзитот на руски гас во Европа преку украинска територија беше целосно суспендиран на 1 јануари поради одбивањето на Киев да го продолжи договорот.

Словачка и Унгарија побараа продолжување.

Словачкиот премиер Роберт Фицо минатиот месец изјави дека рускиот претседател Владимир Путин и ветил на Словачка дека „Гаспром“ ќе најде алтернативни начини за испорака на договорениот гас.

The post СЛОВАЧКИОТ ПРЕМИЕР ПОВТОРНО СЕ ЗАМЕРИ СО ЗЕЛЕНСКИ Почна да увезува руски гас преку „Турски тек“ appeared first on plusinfo.mk.

Русија денеска соопшти дека соборила девет украински беспилотни летала што се обиделе да нападнат дел од инфраструктурата на гасоводот „Турски тек“, преку кој рускиот гас тече кон Турција и Европа, пренесуваат британските медиуми.

Руското Министерство за одбрана соопшти дека нападот бил насочен кон компресорска станица во јужна руска област Краснодар, но објектот работи нормално и нема жртви.

Британските медиуми забележуваат дека не може да се потврди точноста на информацијата од независни извори и дека засега Украина не излезе со коментар.

„Турски тек“ и Син тек“, гасоводите што одат по дното на Црното Море и ги поврзуваат Русија и Турција, се последните рути за испорака на руски гас во Европа, откако Украина претходно оваа година одби да го обнови договорот за транзит на гас, што и овозможи на Русија да продолжи транзитирање гас низ нејзината територија и покрај војната.

Во соопштението на руското министерство се наведува дека остатоците од едно од беспилотните летала предизвикале мала штета на зградата и опремата на мерната станица на компресорската станица, но тимовите за итни случаи брзо ги отстраниле.

Трасата на гасоводот започнува од компресорската станица „Рускаја“ во близина на градот Анапа, поминува низ Кајакој, во Турција, и продолжува кон Европа. Компресорските станици долж трасата го стабилизираат притисокот и го контролираат протокот во цевководот.

The post УКРАИНА СО ДРОНОВИ ГО НАПАДНА ТУРСКИ ТЕК? Москва тврди дека соборила 9 летала appeared first on plusinfo.mk.

Не станува збор за прекин на транзитот на природен гас од Руската Федерација преку Бугарија, јавија руски медиуми часови подоцна откако бугарскиот министер за енергетика Владимир Малинов предупреди дека „Булгартрансгаз“ може да го запре трансферот на гас за Србија и за Унгарија доколку не се најде решение како руската страна ќе плати за тоа по 20 декември.

Исплатата беше доведена во прашање поради санкциите што САД ги воведоа кон „Газпромбанк“.

Прекин на транзитот на рускиот природен гас низ Бугарија би било екстремна мерка и засега не станува збор за тоа, тврди неименуван извор кого руската агенција ТАСС го идентификува како близок до „Булгаргаз“, пренесоа бугарските медиуми.

Ситуацијата не е пријатна, но ништо критично не се случува. Следната исплата треба да се изврши до 20 декември, кога истекува преодниот рок наметнат од САД, додал соговорникот на руската агенција, пренесоа бугарски медиуми.

Според него, доколку проблемот не се реши, ќе стапат на сила механизмите за решавање спорови предвидени со руско-бугарските договори. Може да резултираат казни за задоцнето плаќање. Друга опција е транзитот на гасот да го плаќаат земјите приматели.

Меѓу погодените ќе биде и Унгарија, која продолжува да се потпира на својот долгорочен договор со „Гаспром“.

Во 2022 година Унгарците добија 4,8 милијарди кубни метри сино гориво преку гасоводот Турски поток низ Бугарија. Во 2023 година овој показател се зголеми на 5,6 милијарди.

Бугарскиот министер за енергетика синоќа предупреди дека во отсуство на плаќања, операторот со гас може да го прекине транзитот по Балканскиот поток. Сепак, сите доспеани плаќања сега се направени и услугите се заштитени од режимот на санкции до 20 декември 2024 година. По тој датум, „Гаспром“ мора да обезбеди алтернативен механизам за плаќање.

The post БУГАРИЈА МОЖЕ ДА ГО СОПРЕ ТРАНЗИТОТ НА РУСКИ ГАС? Санкциите кон Москва ја отежнуваат работата appeared first on plusinfo.mk.

Денеска претседателот на македонската влада, Христијан Мицкоски во своето обраќање на Самитот на Европската политичка заедница(ЕПЗ) кој се одржа во Лондон се осврна на енергетиката.

– Енергетиката е денес важно прашање во светот во услови на руска агресија на Украина. Да се зборува за енергетика во политиката е една работа, а кога се зборува за реализација на енергетски проекти од технички аспект е сосема друга. Да нагласам дека реализацијата на енергетските проекти бара време, не може само да замислиш и веднаш истото да се реализира. Мора да направиш план, да ја завршиш домашната работа и потоа да следи една декада до реализација – истакна Мицкоски.

Тој посочи дека е неопходна регионална соработка на овој план, бидејќи сите земји од регионот и Европа треба да најдат алтернатива на рускиот гас и неговата злоупотреба за политичко влијание.

– Мора да ги консолидираме нашите планови и да работиме заедно, затоа што без разлика дали сме членови на ЕУ или кандидати за членство, ние мора да работиме заедно, затоа што сите ние сме поврзани. Ние сме мала земја, ние не сме голем конзумент на енергија, но сме значен дел затоа што сите транзитни договори низ Украина истекуваат до крајот на годината. Единственото решение ќе останат јужниот и турскиот поток што значи руски гас и Русија ќе го искористи тоа за политичко влијание. Затоа мора да најдеме начин како да го замениме рускиот гас со други извори – објасни премиерот.

Мицкоски посочи дека Македонија забрзано работи на полето на енергетиката, се работи на изградба на интерконектори и целта е државата да има важна улога во идниот транзит на азербејџански, катарски, американски или друг извор на гас кон Европа.

– Ние можеме да бидеме значаен транзитен фактор. Ние ја забрзуваме изградбата на интерконектор со Грција и наскоро ќе почнеме со изградба на интерконектор со Србија. Со тоа и централно европските земји би имале подобар пристап до азербејџански, катарски, казахстански и гас од САД. Транзитот низ мојата земја е во корист на Европа. За таа цел ние имаме нов ресор во Владата, министерство за енергетика, рударство и минерални суровини кое ќе биде одговорно за ова прашање, бидејќи сакаме да бидеме значаен играч на ова поле – рече Мицкоски.

The post РАБОТИМЕ НА ИЗГРАДБА НА ИНТЕРКОНЕКТОРИ Транзитот на гас низ Македонија е во корист на Европа, порача Мицкоски од Лондон appeared first on plusinfo.mk.