Во парламентот во Анкара изби масовна тепачка. Пратеници од владејачката партија и од опозицијата се судрија околу именувањето на Акин Гурлек за министер за правда. Претседателот Реџеп Таип Ердоган го назначи во рамки на реконструкцијата на владата.

Опозициските пратеници се обидоа да го спречат Гурлек да положи заклетва. Атмосферата се вжешти. Следуваа туркања и удари. Претседателот на парламентот ја прекина седницата на 15 минути за да се воспостави ред.

Поранешниот главен обвинител на Истанбул сепак положи заклетва. Го опкружија пратеници од владејачкото мнозинство.

Кој е човекот што ја дели Турција?

Гурлек како главен обвинител водеше процеси против членови на Републиканската народна партија. Опозицијата тврди дека тие биле политички мотивирани. Владата инсистира дека судството постапува независно.

Во антикорупциски истраги беа уапсени стотици функционери од општини под контрола на опозицијата. Меѓу нив и градоначалникот на Истанбул, Екрем Имамоглу. Тој важи за главен ривал на Ердоган.

Во ноември Гурлек поднесе обвинение против Имамоглу. Го товари за 142 кривични дела поврзани со корупција и организиран криминал. Побара вкупна казна подолга од 2.000 години затвор.

Поддржувачите на Имамоглу тврдат дека процесот има политичка позадина. Турската влада го негира тоа.

Реконструкција без објаснување

Ердоган го именува и Мустафа Чифтчи за министер за внатрешни работи. Тој досега беше гувернер на Ерзурум. Официјалната формулација гласи дека разрешените министри „побарале да бидат ослободени од должност“.

Именувањата доаѓаат во чувствителен момент. Турција дебатира за можни уставни реформи. Паралелно се води мировна иницијатива со Курдистанската работничка партија. Целта е крај на повеќедеценискиот конфликт.

Се очекува парламентот да усвои реформи кои ќе го поддржат процесот.

The post 📽️ ТУРСКИОТ ПАРЛАМЕНТ СЕ ПРЕТВОРИ ВО РИНГ Заклетвата на човекот на Ердоган ја разбуди сенката на 2.000 години затвор appeared first on plusinfo.mk.

Во турскиот Парламент вчера изби тепачка откако еден опозициски пратеник беше нападнат откако повика да биде примeн во парламентот пратеникот Кан Аталај, кој е затворен поради обвиненија за финансирање антивладини протести и кој подоцна беше избран за пратеник.

На видео снимката се гледаат пратеници од владејачката Партија на правдата и развојот (АКП) како трчаат да го нападнат пратеникот Ахмет Шик додека зборуваше, додека уште десетици други се приклучуваат на тепачката. Некои пратеници се обидуваат да ја смират ситуацијата.

Кан Аталај беше осуден во 2022 година на 18 години затвор поради наводно организирање на протестите во паркот Гези во 2013 година заедно со Осман Кавала и уште шестмина други. Сите обвинети ги отфрлија обвиненијата.

И покрај затворската казна, Аталај во мај минатата година беше избран за пратеник од Работничката партија на Турција (ТИП). Парламентот првично му го одзеде местото, но на 1 август Уставниот суд го прогласи неговото исклучување за неважечко.

– Не сме изненадени што Кан Аталај го нарекувате терорист, исто како што тоа го правите со сите кои не се на ваша страна. Но најголемите терористи се оние кои седат на овие места – изјави Шик обраќајќи се кон пратениците од АКП.

Заменик-претседателот на парламентот објави пауза од 45 минути по тепачката.

ТИП исто така повика на ослободување на Аталај од затвор.

Во јуни, пратениците на АКП се судрија со пратениците на прокурдската Демократска партија на народите (ДЕМ) поради притворањето и смената на градоначалниците од нивните редови на југот на Турција поради наводни врски со милитантите.

The post 🎥 ОПШТА ТЕПАЧКА ВО ТУРСКИОТ ПАРЛАМЕНТ Им рече „Кан Аталај е пратеник, не е терорист“, а тие му скокнаа appeared first on plusinfo.mk.

Телевизиите објавија снимки од десетици пратеници од Партијата на правдата и развојот (АКП) на претседателот Реџеп Тајип Ердоган и опозициските политички сили како се тепаат меѓу себе.

Некои од нив си разменуваат тупаници, а други се обидуваат да ги смират колегите.

Според турски медиуми, Хусеин Јорс, пратеник од опозициската Добра партија бил удрен во лицето. За Јорс се грижел негов колега, лекар, по што со возило на брза помош бил пренесен во болница. Јорс страда од проблеми со срцето и превентивно е сместен на интензивна нега.

The post ЗАВРШИ НА ИНТЕНЗИВНА НЕГА Пратеник е во болница по тепачката во турскиот Парламент appeared first on plusinfo.mk.