Турски државјанин на возраст од 26 години е лишен од слобода откако во товарно возило на гранично подрачје кај Куманово бил пронајден поголем количински товар од кожен материјал, соопштија надлежните органи.

Вчера во 16:15 часот мобилен тим од Мобилната единица за компензаторни мерки при Одделот за гранични работи и миграција, при движење од Куманово кон Крива Паланка, забележал товарно возило „мерцедес-бенз“ со косовски регистарски ознаки и го сопрел за контрола.

При деталниот преглед на возилото, управувано од Т.Б.К. (26) од Турција, во товарниот дел биле пронајдени шест вреќи со вкупно 118 парчиња кожен материјал, со проценета површина од околу 177 квадратни метри.

По насоки на дежурен јавен обвинител од Основното јавно обвинителство Куманово, лицето е лишено од слобода по член 278-б од Кривичниот законик, за „прикривање на стоки кои се предмет на криумчарење и царинска измама“.

Тој е спроведен во Полициската станица Куманово, каде што ќе следуваат понатамошни постапки, додека надлежните работат на целосно расчистување на случајот.

The post ГО ФАТИЛЕ СО 77 м² КОЖЕН МАТЕРИЈАЛ Турски државјанин приведен по контрола на мобилен тим appeared first on plusinfo.mk.

Турски државјанин на возраст од 57 години се здобил со повреди по пад во работнички камп во кичевското село Извор, откако, според пријавеното, при сечење гранки од дрво изгубил рамнотежа.

Инцидентот се случил вчера утрото околу 10:40 часот, во камп во кој работел во градежна фирма. Според информациите, мажот во еден момент се обидел сам да сече гранки, при што поради невнимание паднал и се здобил со скршеници.

По несреќата, веднаш била повикана Итна медицинска помош, која го пренела повредениот во Специјалната болница „Св. Еразмо“ во Охрид, каде му е укажана лекарска нега.

Надлежните служби го документираат случајот.

The post ТУРЧИН СЕЧЕЛ ГРАНКИ И ПАДНАЛ ОД ДРВО Работник заврши со скршеници во камп во Извор appeared first on plusinfo.mk.

Турски државјанин е приведен во Скопје, откако полицијата во неговиот дом пронашла дрога и опрема преку која организирал онлајн игри на среќа.

Како што информираат од Министерство за внатрешни работи, на територијата на Центар полициски службеници од Единицата за недозволена трговија при СВР Скопје го лишиле од слобода Б.Б. (29), турски државјанин со престојувалиште во главниот град.

При претрес во неговиот дом, извршен со судска наредба, биле пронајдени пет саксии со канабис, марихуана, дигитална вага и два лаптоп компјутери. Според полицијата, компјутерите биле користени за организирање онлајн игри на среќа.

Од МВР додаваат дека за случајот е известен јавен обвинител и дека по целосно документирање ќе биде поднесена соодветна кривична пријава.

The post ОРГАНИЗИРАЛ ОНЛАЈН ИГРИ НА СРЕЌА, МУ НАШЛЕ И ДРОГА Приведен турски државјанин во Скопје appeared first on plusinfo.mk.

На локалниот пат Гевгелија – Граничен премин Богородица, синоќа околу 23 часот, полициски службеници од Одделението за безбедност на патниот сообраќај Гевгелија го уапсиле Ф.С. (46) од Република Турција, кој превезувал мигранти.

При сообраќајна контрола, полициските службеници запреле патничко возило „Дачија“ со албански национални ознаки, управувано од приведениот, во кое биле затекнати пет лица мигранти – четворица од Авганистан и едно лице од Турција, соопшти МВР.

Ф.С. е приведен и задржан во Полициската станица Гевгелија. По целосно расчистување и документирање на случајот, против него ќе биде поднесена соодветна пријава.

The post ШВЕРЦУВАЛ МИГРАНТИ ОД АВГАНИСТАН Турски државјанин уапсен кај Гевгелија appeared first on plusinfo.mk.

Обвинителство од Штип поднесе обвинение за петмина турски државјани инволвирани во убиството на Енес Оздемир од Турција во мај годинава.

Еден од обвинетите се товари за директно извршување на убиството и за неовластено држење на оружјето со кое било извршено убиството, додека тројца ќе одговараат за помагање во убиството.

„Првообвинетиот 21- годишник без регулиран престој во државава, на почетокот на мај од непознато лице во Скопје, неовластено купил полуавтоматско огнено оружје –пиштол марка “FEG” , калибар 9 мм, со избришани податоци за модел и сериски број. Преку мобилни апликации се договорил со оштетениот на 8 мај да се сретнат во кафе бар во центарот на Штип, седнале на една од масите во аголот од летната тераса на кафе барот и разговарале околу 15 минути. Во еден момент обвинетиот отишол до тоалетот и веднаш се вратил, го извадил пиштолот и започнал да пука кон оштетениот, нанесувајќи му 6 огнострелни повреди од кои починал“м наведе обвинителството во соопштението.

Тројца обвинети, иако знаеле и биле свесни за неговите намери да го лиши од живот оштетениот, му обезбедиле логистичка поддршка за извршување на делото.

„Кога првообвинетиот пристигнал во Скопје, на 30.04 му обезбедиле сместување во станот кој и тие го користеле подолг временски период претходно, а му помогнале и преку засега непознати лица да го набави пиштолот. На денот на убиството, со возило на еден од обвинетите, заедно го превезле до Штип. По извршување на убиството, со цел да не бидат откриени, ја повикале и петтата обвинета да ги превезе со друг автомобил во нејзина сопственост, па сите заедно се упатиле кон Скопје. Кога пристигнале пред наплатната рампа за патарина Миладиновци и кога забележале дека на патарината е поставено полициско возило кое врши контрола, обвинетата иако знаела дека првообвинетиот е извршител на убиство и по него се трага, се обидела да му помогне да не биде откриен и фатен. Таа го запрела возилото на околу 300 метри пред патарината, овозможувајќи му на директниот извршител да излезе и да почне да бега надвор од коловозот, покрај автопатот, каде подоцна бил пронајден и уапсен“, се наведува во соопштението.

Останатите продолжиле да се движат со возилото кон патарината и биле запрени од полициските службеници, кои започнале да ги легитимираат и да вршат преглед над возилото. Иако се обиделе да се дадат во бегство, сепак за кратко време биле фатени и лишени од  слобода.

За четворица обвинети јавниот обвинител побара да биде продолжена мерката притвор, додека за петтата обвинета на сила се претходно определени мерки на претпазливост.

The post ГО ПОКАНИЛ НА КАФЕ ВО ШТИП И ГО УБИЛ Поднесено обвинение за убиецот и за четворица други кои му помагале appeared first on plusinfo.mk.

Македонската полиција го расчисти случајот со турскиот државјанин М.А.О.(61) кој на 24 септември бил донесен со тешки повреди во Комплексот клиники „Мајка Тереза“. Преку обдукција и службени разговори било утврдено дека несреќата се случила додека М.А.О. работел на градилиште во населбата Стопански двор, од каде паднал од висина.

Турскиот државјанин починал неколку минути по пристигнувањето, а човекот што го донел исчезнал со „хонда сивик“. Информацијата ја потврди Секторот за внатрешни работи Скопје.

„На 23.09.2025 во 16:40 часот од Клиниките било пријавено дека маж со тешки повреди бил донесен со приватно возило, по што возачот го напуштил местото“, стои во полициското соопштение.

По брза истрага на Единицата за насилен криминал бил пронајден и возачот, Х.М.

ТЕШКО ПОВРЕДЕН ТУРЧИН „ИСТОВАРЕН“ ПРЕД КЛИНИЧКИ Починал набрзо по приемот

The post ТУРСКИОТ ДРЖАВЈАНИН КОЈ ПОЧИНА НА КЛИНИЧКИ БИЛ ГРАДЕЖЕН РАБОТНИК Паднал од висина на објект во Стопански двор appeared first on plusinfo.mk.

Тој е задржан во Полициската станица Гостивар и по целосно документирање на случајот против него биде поднесена соодветна пријава.

The post СО „ХОНДА“ УДРИЛ ВО ПОЛИЦАЕЦ Турски државјанин уапсен во Гостивар appeared first on plusinfo.mk.

Центарот за управување со кризи (ЦУК).

ЦУК апелира на внимателност при прошетките во природа, на повисоките места и планините во нашата држава бидејќи при зимски услови на места со снег и мраз е лизгаво, особено на осоите на почетокот и на крајот од денот.

Центарот информира дека во последното деноноќие имало вкупно 2.169 повици на Единствениот број за итни случаи 112. Од нив „реални“ повици биле 36,42 отсто, а 63,58 отсто биле за други потреби на граѓаните што не биле итни.

Кон Полиција биле упатени 57,85 отсто од повиците, кон Итната медицинска помош 31,42 отсто, а кон пожарникарите 9,20 отсто од реалните повици кон 112.

Пожари на шуми и вегетација на отворено во државата сè уште има според извештаите на Регионалните центри за управување со кризи. Во последното деноноќие имало десетина пријавени пожари за запалена нискостеблеста шума и друга вегетација, а пожарникарите гаснеле и отпадоци, ѓубришта и запалени контејнери на отворено на територијата на државата.

ЦУК апелира да не се палат стрништа, шума и друга вегетација, отпадоци, ѓубришта и контејнери на отворено бидејќи тоа го намалува квалитетот на амбиенталниот воздух. Граѓаните да ги слушаат препораките на пожарникарите преку медиумите за превенција од пожари.

The post ИЗВЛЕЧЕН ТУРСКИ ДРЖАВЈАНИН КОЈ ЗАГЛАВИЛ ВО СТРУМИЧКО Се изгубил меѓу Ново Коњарево и границата со Бугарија appeared first on plusinfo.mk.

Тој рече дека полицијата спровела повеќе од 30 рации и привела 47 лица во врска со нападот. Јерликаја изјави дека во нападот на италијанската католичка црква „Санта Марија“ бил убиен турски државјанин, кој бил цел на вооружени лица.

Јерликаја на платформата „Икс“ не го наведе мотивот на нападот и не откри кој го извршил нападот. Министерот рече дека двајцата напаѓачи носеле маски и биле присутни со верниците за време на неделната молитва.

Исламска држава ја презеде одговорноста за нападот преку објава на Телеграм, велејќи дека нападот бил одговор на повикот на лидерите на ИД да ги таргетираат Евреите и христијаните.

The post УАПСЕНИ СЕ ДВАЈЦА ОСОМНИЧЕНИ ЗА НАПАДОТ ВО ЦРКВАТА ВО ИСТАНБУЛ Цел на нападот бил турски државјанин appeared first on plusinfo.mk.

„Осомничениот 55-годишник бил корисник на старосна пензија во Република Турција, додека во земјава бил ангажиран со договор на дело како возач на автобус во превозник од Скопје. На 7 август осомничениот управувал со автобус на редовна линија Пореч, Р.Хрватска – Гостивар Р.С. Македонија. На граничниот премин Табановце, преку царинска линија, при влез во земјава, се обидел да ја избегне царинската контрола и пренел непријавена стока од големи размери – златен накит, часовници и златни плочки во вкупна вредност од 36.305.644,81 денари“, соопштија од Jавно обвинителство на Република Северна Македонија.

Пратката со златни предмети, појаснуваат, претходно ја зел од хрватски државјанин и ја скрил во делот каде што се наоѓа вентилацијата на автобусот.

„При контрола од овластени царински службеници таму биле пронајдени 18 пакувања во кои имало 97 златни прстени, 39 златни огрлици, 133 златни нараквици, четири парчиња нараквици со полускапоцени камења, пет парчиња сини златни нараквици, осум парчиња жолти златни нараквици, пет парчиња гумени нараквици со златни плочки, пет парчиња часовници златни без механизми и нивни делови, 33 парчиња златни приврзоци, 91 парчиња златни обетки, 23 парчиња златни монети, 48 парчиња златен кршен накит, 73 парчиња златни плочки во правоаголна и друга форма и 3 пакети злато во гранули. Златните предмети биле со вкупна тежина од 13,3 килограми“, се наведува во соопштението од Jавно обвинителство на Република Северна Македонија.

Основно јавно обвинителство Куманово до судијата на претходна постапка на Основниот суд во Куманово поднесе предлог за определување на мерката притвор против осомничениот, бидејќи постои основан страв дека може да се даде во бегство, но и да го повтори кривичното дело доколку се брани од слобода.

The post ПРОБАЛ ДА ШВЕРЦУВА ЗЛАТО ВРЕДНО 580.000 ЕВРА НА ТАБАНОВЦЕ Турски државјанин фатен со 13 килограми накит, часовници и плочки appeared first on plusinfo.mk.