Четворица турски државјани се приведени во Скопје поради нерегулиран престој на територијата на државата, информираат од СВР Скопје.

Приведувањето е извршено на 11.06.2026 година, во периодот од 09:00 до 12:00 часот, на подрачјето на општина Аеродром, во рамки на спроведување на планот за пријавно-одјавна служба за месец јуни.

Полициските службеници при СВР Скопје ги привеле Б.М.Б. (21), К.У. (25), А.Е. (24) и К.Б. (24), сите државјани на Турција, поради нерегулиран престој во земјата.

Од МВР информираат дека по целосно документирање на случаите ќе бидат поднесени соодветни пријави и ќе се преземат понатамошни мерки согласно законските прописи.

The post ПРИЈАВИ ЗА ЧЕТВОРИЦА ТУРЦИ Престојот во Македонија им бил нерегулиран appeared first on plusinfo.mk.

Tурскиот државјанин Кадир Кара е осуден на 17 години затвор за убиството на турски студент во кафуле на плоштадот во Штип, објави на Канал 77.

Кара, роден во 2003 година, доби и мерка протерување од државата по отслужувањето на затворската казна, за убиството извршено на 8 мај годинава. Тој ја призна вината и за убиството и за неовластеното држење оружје на рочиштето одржано на 19 декември минатата година, по што судот му ја изрече казната. Притворот му е продолжен до почетокот на издржувањето на затворската казна.

Судот информира дека постапката против уште четворица обвинети, кои се товарат за помагање при извршување на убиството, продолжува. Денеска беа изведени докази, а следното рочиште е закажано за 20 јануари во Основниот суд во Штип.

Според истрагата, групата обвинети преку криминални канали набавила пиштол во Скопје, на кој бил избришан серискиот број. Кара по доаѓањето во Македонија бил сместен во стан во комплексот Џевахир Сити во Скопје, со помош на други турски државјани со регулиран престој во земјава.

На денот на убиството, околу 18:30 часот, тројца од обвинетите го превезле Кара со автомобил од Скопје до Штип. Претходно, преку „Instagram“ и „WhatsApp“, тој договорил средба со жртвата во „Вами кафе“ на штипскиот плоштад. По кратко задржување, Кара се упатил кон тоалетот, по што се вратил со изваден пиштол и испукал шест куршуми кон студентот.

Тешко ранетиот 25-годишник, исто така турски државјанин, бил пренесен во Клиничката болница во Штип, каде што починал од хеморагичен шок, односно обилно крварење.

По убиството, групата се обидела да ја избегне полициската потрага, па повикале женско лице, студентка на трета година по медицина во Штип, да ги превезе назад за Скопје. Таа, иако знаела дека е извршено убиство, прифатила да помогне.

Околу 21:30 часот, по барање на еден од обвинетите, студент на дентална медицина, жената со својот автомобил ги презела тројцата помагачи на паркинг во Штип, а потоа и Кара во центарот на градот, со цел сите да бидат однесени во Скопје.

Кога се приближиле до наплатната станица „Миладиновци“ и забележале полициско присуство, возилото запрело околу 300 метри пред рампата, за да му овозможи на Кара да избега. Сепак, полицијата ги запрела и уапсила тројцата обвинети помагачи, а набргу бил лоциран и приведен и самиот извршител на убиството. Оружјето со кое било извршено убиството било пронајдено и одземено.

The post 17 ГОДИНИ ЗАТВОР ЗА УБИСТВОТО ВО ШТИП Турчинот Кадир Кара осуден, ќе биде протеран по издржување на казната appeared first on plusinfo.mk.

Полицијата денеска во 12:45 часот добила пријава дека на кањон Матка, во близина на угостителски објект, патничко возило се превртило и паднало во коритото на реката Треска.

Веднаш по пријавата полициски службеници излегле на местото на настаноти и констатирале дека превртено е патничко возило „шкода фабија“ со скопски регистарски ознаки, сопственост на „рент а кар“ компанија од Скопје. Возилото било на брегот и делумно навлегло во реката Треска.

„Возилото било управувано од О.И., а сопатници биле Ч.Б. и Е.Х. сите турски државјани. Од страна на полициски службеници лицата се извадени од возилото и истите се изјасниле дека не им е потребна итна медицинска помош. Извршен е увид на местото на настанот, а возилото е безбедно извадено“, соопшти МВР.

Се преземаат мерки за утврдување на причините за настанот.

The post ТРОЈЦА ТУРЦИ СО „ШКОДА“ ЗАВРШИЛЕ ВО ТРЕСКА Излетале од патот кон Матка appeared first on plusinfo.mk.

По полноќ меѓу вторникот и средата, на крстосницата меѓу булевар „Трета македонска бригада“ и улица „Пролет“, автомобил „КИА“ управуван од 23-годишен турски државјанин излетал и удрил директно во билборд.
Тешко повредена е неговата 18-годишна сопатничка, исто така од Турција, која била пренесена во Клиничкиот центар „Мајка Тереза“.
Полицијата направила увид и работи на утврдување на причините за несреќата.

The post АВТОМОБИЛ УДРИ ВО БИЛБОРД НА ТРЕТА МАКЕДОНСКА БРИГАДА Тешко повредена млада патничка од Турција appeared first on plusinfo.mk.

Жител на Подгорица синоќа бил претепан и избоден од група Турци, што предизвикало револт кај локалните жители, кои се собрале и се обиделе да линчуваат тројца од напаѓачите. Полицијата морала да интервенира за да ја растера толпата, а владата најави дека денеска, по итна постапка, ќе го укине безвизниот режим за турските граѓани.

Синоќа беше воведена вонредна состојба во подгоричката населба Забјело, каде што полицијата спроведе рации откако таму беше претепан и избоден М. Ј., жител на Подгорица. Бројни жители на населбата, револтирани од чинот на насилство, се собраа и извикуваа навредливи пароли против Турците.

На местото на настанот имало голем број полицајци и инспектори, а биле контролирани неколку локации во тој дел од градот. Репортер на Телевизија „Вијести“ објави дека тројца турски државјани се забарикадирале во казино, откако група мештани се обиделе физички да се пресметаат со нив.

По нивното изнесување од казиното, полицијата привела двајца турски државјани, а според неофицијални информации од Телевизија „Вијести“, еден од нив е осомничен дека е вмешан во нападот. После тоа, групата граѓани почнала да се растура. Во полициската рација биле приведени вкупно 45 лица.

Премиерот на Црна Гора, Милојко Спајиќ, најави дека денеска ќе донесе одлука за привремено укинување на безвизниот режим за турските граѓани, по итна постапка.
„За да се зачува економската активност и добрите билатерални односи, во наредниот период ќе иницираме интензивни разговори со Република Турција со цел да се најде најдобриот модел во заеднички интерес, во духот на добрата соработка и сојузништвото“, напиша Спајиќ на платформата „X“.

За инцидентот реагираа повеќе политички партии и невладини организации, кои посочија дека ваквите настани придонесуваат за создавање анимозитет кон Турците во Црна Гора.

Според податоци од полицијата, заклучно со 30 септември 2025 година, 13.308 турски државјани имаат привремен престој или престој со работа во Црна Гора, а уште 87 имаат добиено постојан престој. Бројот на Турци со времен престој за само една година пораснал од 9.110 во 2024 на сегашните 13.308. Исто така, не е мал бројот на турски граѓани кои доаѓаат во Црна Гора како туристи — турските посетители учествуваат со речиси 4,9 % од вкупните ноќевања на странски туристи во 2024 година. Турците, исто така, се забележливи како инвеститори и основачи на компании — има околу 11.886 компании што се сопственост на турски државјани во Црна Гора.

ТУРЦИ ИЗБОДЕЛЕ ЦРНОГОРЕЦ, ЗА МАЛКУ ЌЕ БИЛЕ ЛИНЧУВАНИ! Јавноста револтирана, владата ќе го укине безвизниот режим со Турција

The post 🎥 ТУРЦИ ИЗБОДЕЛЕ ЦРНОГОРЕЦ, ЗА МАЛКУ ЌЕ БИЛЕ ЛИНЧУВАНИ! Јавноста револтирана, владата ќе го укине безвизниот режим со Турција appeared first on plusinfo.mk.

Двајца турски државјани, Е.О. (29) и Е.А. (22), се лишени од слобода на подрачјето на Центар во Скопје, откако биле фатени при примопредавање на 40.000 евра. Акцијата ја спровеле полициски службеници од Единицата за насилен криминал и Единицата за интервентна полиција при СВР Скопје, во координација со јавен обвинител.

„Двајцата осомничени се затекнати во момент на примање на 40.000 евра од 26-годишниот Х.Џ.Ч. од Република Турција, со привремен престој во Скопје. Парите претходно беа кримтехнички обработени“, соопшти полицијата.

Случајот започнал откако Х.Џ.Ч. пријавил во полициска станица дека неколку дена бил изложен на закани од лице Б.О., турски државјанин кој живее во Обединетите Арапски Емирати.

„Тој постојано му се заканувал дека ќе го убие доколку не му дава пари“, велат од МВР.

Според пријавата, пред да го информира полицијата, на Х.Џ.Ч. му се јавил Е.О., кој го известил дека парите треба да му ги предаде нему и најавил дека на средбата ќе дојде со уште едно лице.

Двајцата осомничени се задржани во полициска станица.

„По целосно документирање на случајот, против нив ќе биде поднесена соодветна пријава“, додаваат од Министерството за внатрешни работи.

The post МУ БАРАЛЕ 40.000 ЕВРА И МУ СЕ ЗАКАНУВАЛЕ СО СМРТ Фатени двајца Турци со илјадници евра во Скопје appeared first on plusinfo.mk.

Полициски службеници од Единицата за интервентна полиција при СВР Скопје денеска во 16.20 часот на булеварот Борис Трајковски во Скопје лишија од слобода двајца турски државјани.

Како што соопшти полицијата, кај О.Ф.Т. (23) е пронајдена марихуана, а кај А.Ј.Б. (20) се пронајдени 19 куршуми пиштолска муниција калибар 7.62 мм.

По документирање на случајот ќе бидат поднесени соодветни поднесоци.

The post ИМ НАШЛЕ 19 КУРШУМИ СРЕДЕ БЕЛ ДЕН ВО СКОПЈЕ Уапсени двајца турски државјани appeared first on plusinfo.mk.

Министерот за внатрешни работи, Панче Тошковски од собраниската говорница истакна дека голем е бројот на апликантите со турско потекло на кои не им е одговорено од 2022 година до сега за добивање на државјанство по основ на потекло по изменувањето и дополнувањето на Законот за државјанство донесен во 2021 година.

– Точни бројки на жал не можам да ви дадам во овој момент. Станува збор за поголем бројка на апликанти на кои што не е одговорено во минатото од 2022 година па досега. Огромен број на апликации во минатото не биле решавани, не само за нашите иселеници со турско потекло, туку и за нашите иселеници со албанско, со македонско потекло. Јас сум министер од 2024 година. И ќе ви одговориме соодветно во писмена форма, доколку тоа е во ред. Морам да потенцирам дека во текот на вчерашниот ден, имав чест да имам еден работен состанок со амбасадорот на Република Туркије и морам да констатирам дека истиот беше многу задоволен од тоа како сегашната Влада пристапува по сето она кое што е од значење за Република Туркије, а особено се и граѓаните кои се чувствуваат за Турци и живеат во Македонија. И многу ми е жал што морам да констатирам дека кога ја презедов да ја вршам оваа функција особено во рамки на техничката Влада, покрај многуте други проблеми кошто ги наследив, наследив и една фактичка состојба која во однос на турската заедница навистина беше разочарувачка. Зошто? Заради тоа што немаше дури ниту обрасци за издавање на патни исправи на турски јазик, коишто државата согласно закон е должна да ги издаде – рече Тошковски одговарајќи на прашањето на пратеникот Бејџан Иљас од Турската демократска партија за информација за процесот за реализација на апликациите за државјанство особено по изменување и дополнување на Законот за државјанство и по основ на потекло донесен во 2021 година.

Тошковски смета дека треба да се решаваат сите проблеми кои се од интерес за граѓаните. Посочи дека во иднина треба да фокусираат на системски решавања на проблемите, а не само ад хок решение.

The post ОГРОМЕН БРОЈ ТУРСКИ ГРАЃАНИ НЕ ДОБИЛЕ ОДГОВОР ЗА ДРЖАВЈАНСТВО Тошковски откри пропуст на претходната влада appeared first on plusinfo.mk.

На 8 февруари полициски службеници од Одделот за криминалистичка полиција при БЈБ на МВР, Сектор за економски криминал и корупција, Сектор за компјутерски криминал и дигитална форензика, СВР Скопје и инспектори од УЈП, врз основа на наредба на судија на претходна постапка од Основен суд Скопје, извршиле претрес на домови на две локации во Скопје, поради постоење основи на сомнение за сторено кривично дело „приредување на игри на среќа без лиценца односно дозвола од надлежен орган”, предвидено и казниво по чл. 156 од Законот за игрите на среќа и за забавните игри.

МВР соопшти дека при претресите во објектите се пронајдени и одземени 50 лаптоп компјутери, 351 мобилен телефонски апарат, 237 СИМ картички, 14 компјутери и 3 ДВР од надзорни камери. Во објектите биле затекнати 16 лица, од кои 11 турски државјани, за кои е известен Секторот за странци, а 3 лица се приведени, со наредба од ОЈО Скопје и изведени пред Јавен обвинител.

По целосно расчистување и документирање на случајот ќе бидат поднесени соодветни кривични пријави.

The post РАЦИЈА ВО ДВЕ ИЛЕГАЛНИ КОЦКАРНИЦИ ВО СКОПЈЕ Одземени 50 лаптопи и 350 мобилни телефони, затекнати 11 турски државјани appeared first on plusinfo.mk.

Основното јавно обвинителство Тетово донесе наредба за спроведување истражна постапка против двајца државјани на Турција и против тетовска фирма , кои се осомничени за кривично дело – избегнување на плаќање акциза.

Според ОЈО, двајцата сториле кривично дело согласно член 279-б став 1 и став 5 соодветно, а во врска со член 19 (во обид) од Кривичниот законик.

Осомничените, управител и одговорно лице во тетовското правно лице, се обиделе да пуштат во промет акцизни добра без акцизна дозвола, со што би избегнале плаќање на акциза во вкупен износ од 792.514 денари.

„На 6 март, на царинската испостава „Блаце“ осомничените пријавиле за увозно царинење 29.800 килограми бруто маса адитив, а на царинската испостава „Скопје 1“ уште 29.750 килограми бруто маса адитив. Двете пратки од испраќач од Обединетите Арапски Емирати имале приложена царинска декларација која се однесува на препарати против детонација, препарати за спречување оксидација, за спречување на таложење смола, подобрувачи на вискозитет, антикорозивни препарати и други адитиви за минерални масла. По извршена контрола и земени мостри од пријавената стока, било утврдено дека се работи за различна стока од наведената во царинската декларација, односно дека станува збор за масла добиени од нафта, средни и тешки масла за други намени“, информира Обвинителството.

Јавниот обвинител оцени дека во конкретниот случај постои опасност од бегство, можност за влијание врз сведоци и повторување на делото, па до судијата на претходна постапка во Основниот суд Тетово достави предлог за определување мерка притвор за двајцата осомничени странски државјани.

Судијата го прифати предлогот и им определи притвор во траење од 30 дена, кој за едниот осомничен е веќе ефективен, додека за другиот ќе се реализира по неговото пронаоѓање и лишување од слобода.​​

The post ОБВИНИТЕЛСТВОТО БАРА ПРИТВОР Двајца државјани на Турција осомничени за злоупотреби со акцизна стока appeared first on plusinfo.mk.