Турскиот актер Халит Ергенч кој во регионот е најпознат по улогата на султанот Сулејман во популарната турска серија „Сулејман Величествениот“, беше меѓу истакнатите гости на 32. Сараево филм фестивал. Тој се фотографираше со босанскохерцеговскиот режисер и сценарист Срѓан Вулетиќ кој потоа ги објави фотографиите од нивната средба. Двајцата позираат прегрнати и расположени, а објавата веднаш предизвика бројни реакции.

Вулетиќ во описот на фотографиите духовито напиша:

– Одбрав да се фотографирам со Сулејман Величествениот, големиот турски актер Халит Ергенч.

Фановите, очекувано, веднаш ја поврзаа фотографијата со серијата. Во коментарите се појави и прашањето: „А каде е Хурем?“, додека други се воодушевуваа од средбата на двете познати имиња од филмскиот свет.

 

View this post on Instagram

 

A post shared by Srdan Vuletic (@srdanvuletic)

Иако од премиерата на „Сулејман Величествениот“ поминаа години, ликот на османлискиот султан и понатаму е една од најпрепознатливите улоги на Ергенч. Серијата му донесе огромна популарност во Турција, но и во земјите од регионот.

Во Сараево актерот не пристигна само како гостин на фестивалот. Тој во рамките на програмата CineLink Drama го претставува и својот нов проект „The Valley“.

The post СУЛЕЈМАН ВЕЛИЧЕНСТВЕНИОТ СЕ ПРОШЕТА ВО САРАЕВО Како изгледа денес Халит Ергенч, познат по улогата во култната турска серија appeared first on plusinfo.mk.