Патниците на летот на „Туркиш ерлајнс“ врескале од страв откако авионот бил погоден од силни турбуленции за време на слетувањето кон Тунис, а еден патник тврдел дека во еден момент авионот почнал брзо да губи висина по неколку неуспешни обиди за слетување во бурно време.

Авионот што летал од Истанбул во четврток се приближувал кон меѓународниот аеродром Тунис-Картагина кога претходно мирниот лет се претворил во драматична битка со лоши временски услови.

Патничката Марина Мајскаја објавила на Инстаграм видео од кабината, каде што се гледа како патниците се држат за своите седишта додека авионот силно се тресе, а вресоците одекнуваат низ кабината за време на кружењето пред обидот за слетување.

FLASH | De violentes turbulences ont semé la panique à bord d’un vol Turkish Airlines reliant Istanbul à la Tunisie.

Alors que l’appareil tournait en attente en raison du mauvais temps, de fortes secousses ont provoqué les cris de nombreux passagers. Le vol a finalement été…

— Cerfia (@CerfiaFR) September 13, 2026

„Самиот лет беше мирен, но штом почнавме да се спуштаме, сè стана апсолутно застрашувачко. Никогаш во животот не сум се плашела толку за мојот живот, а мајка ми беше со мене“, напиша таа.

Според неа, пилотот дури три пати се обидел да го спушти авионот на аеродромот додека авионот минувал низ бура.

– Секој пат бевме силно потресени, а за време на третиот обид навистина одеднаш почнавме да се уриваме – рече патникот.

Екипажот на крајот се отакажаа до слетувањето на Тунис-Картагина и го пренасочи авионот кон меѓународниот аеродром Енфида-Хамамет, околу 100 километри јужно од Тунис.

И покрај драматичните моменти за време на спуштањето, авионот безбедно слета на алтернативен аеродром и нема пријавено повредени патници.

– Сето ова го поминавме безбедно, можеби благодарение на пилотите на Туркиш ерлајнс – рече Мајскаја по слетувањето.

The post 🎥 ПАТНЦИТЕ ВРЕСКААТ ДОДЕКА АВИОНОТ „ТОНЕ“ ЗА ВРЕМЕ НА СИЛНА ОЛУЈА Пилотот три пати безуспешно се обидува да слета во Тунис appeared first on plusinfo.mk.