Системот за влез/излез на Европската Унија претставува удар за викенд туристите кои патуваат во Грција, изјави Аркан Керим, претседател на Туристичко-угостителска комора при ССК, во синоќешната дебата во „Топ тема“ на ТВ Телма.

Тој додава дека кога се најавуваше воведувањето на системот било кажано дека еднаш ќе се фотографира лицето и потоа само со отисок на граница се забележува влез во ЕУ, меѓутоа во пракса се гледа дека не е така.

– Пресметавме дека тоа се некаде околу 250.000 туристи. Тоа се истите туристи кои што одат викенд четврток – недела или петок – понеделник во Грција и тие ќе бидат засегнати со овој систем. Другите кои имаат свои куќи, станови, приколки, тие секако ќе одат и ако треба ќе чекаат и по повеќе часови и ќе поминат граница – рече Керим.

Тоа, пак, е шанса за македонското туристичко стопанство, со убави понуди да се пренасочат туристите.

– Наместо да одат да чекаат повеќе часови на граница, да одат да уживаат во Охрид, во Струга, во Дојран, на Преспа, Битола и сите останати наши убави локалитети. Затоа сум оптимист дека штом Грција воочи колку голем економски удар е системот, бидејќи 1,2 милиони македонски граѓани годишно ја посетуваат Грција, тогаш мислам и тие ќе сакаат на некој начин да го суспендираат системот за побрз проток на патниците – смета претседателот на Туристичко-угостителска комора.

The post ПРОПАЃА ВИКЕНД-ТУРИЗМОТ КОН ГРЦИЈА Македонија треба тоа да го искористи appeared first on plusinfo.mk.

Туристичко-угостителската комора побара од грчкото Министерство за туризам, за време на летната туристичката сезона туристите од земјава да бидат изземени од биометриските контроли за влез и излез на ЕУ (ЕЕС) за да се намали метежот на границите и да се намалат трошоците на туристичките агенции поврзани со доцнењето, информира првиот човек на комората Аркан Керим.

– Денеска стапивме во контакт со грчката министерка за туризам и побаравме македонските туристи да бидат изземени од овој систем во периодот од 1 јуни до 1 септември. Се надеваме дека министерката ќе го земе предвид нашето барање и дека деновиве ќе добиеме позитивен одговор – вели Керим.

Ова барање на македонската Туристичко-угостителска комора доаѓа по информацијата според која грчката влада одлучи  граѓаните на Велика Британија да не подложат на биометриска контрола при влегување во земјата, а главна причина за тоа беше дека 4,89 милиони британски туристи ја посетиле Грција во 2025 година.

Туристичките работници од земјава веруваат дека Грција ќе ја искористи препораката на Европската комисија која вели дека секоја земја во одреден момент може да го запре системот ЕЕС (влези излез од ЕУ) кога ќе се пребукираат границите и системот ќе стане многу бавен.

– Системот покажува слабости уште на почетокот од неговото воведување. Автобусите со туристи на грчкиот дел од границата чекаат и по 5 часа што создава големи колони. Ако, пак се појават големи двокатни туристички автобуси со 90 патници пред вашиот автобус чекањето може да трае и повеќе од 5 часа. Грчката граница е опремена со добра апаратура, но при отпечатоците на прстите процесот заглавува на секој 10-ти патник и потоа се чека. Проблемот го знаат и грчките власти, но што ќе преземат за време на големите гужви на грчката граница со почетокот на летната сезона, не се знае – вели Дончо Нацев.

Нацев потсетува и на дополнителните проблеми на туристичките работници со работното време на возачите, туристичките водичи и доцнењето на посакуваната дестинација и трошоците што ги имаат агенциите.

– За време на велигденскиот викенд нашиот автобус на грчката граница се задржа 5 часа. Ако турата е поврзана со возниот ред на траектите за Крф, Закинтос и на островите тогаш во старт доцниме, а билетите за траект се обезбедени. Тоа е еден дел од проблемот. Возачите кои се задржале 5 часа на граница и тргнале од Македонија, веќе го поминале дозволеното работно време и треба да се менуваат. Заедно со враќањето ги надминуваат работните часови, а и времето за престој во Шенген зоната. Сето ова го прави работењето проблематично. Што се однесува до туристите тие треба да потрошат плус еден или два дена за патување пред да го почнат летувањето – вели тој.

Нацев смета дека покрај коморите за туризам кои први реагираат, потребно е и Министерството за култура и туризам да побара од грчкото Министерство за туризам да се заложи за преземање конкретни мерки да се намалат долги чекања на границата, бидејќи македонските туристи во Грција се бројни и редовни, а грчките туристички работници не би сакале да ги испуштат.

Покрај нашите туристички работници и српските се надеваат дека Грција ќе ги ослободи  граѓаните од Србија од биометриската контрола на грчките граници, ако не со посебна одлука, барем со почеста примена на исклучокот што го дава Европската комисија.

Системот за влез и излез во ЕУ (ЕЕС) кој почна да се применува пред две недели предизвика големи гужви на сите граници во ЕУ, посебно во авиосообраќајот каде што се чека и по неколку часа за да се завршат формалностите, а патниците ги испуштаат и авионите. Поради ова авионските организации побараа поголема флексибилност на границите.

The post ЌЕ ОДАТ ЛИ МАКЕДОНЦИТЕ ЛЕТОВО НА ОДМОР ВО ГРЦИЈА БЕЗ БИОМЕТРИСКИ ПРОВЕРКИ? Туристичката комора поднесе барање и чека позитивен одговор appeared first on plusinfo.mk.

Керим е долгогодишен туристички работник, сопственик на туристичка агенција и на хотел и истакнат амбасадор на македонскиот туризам ширум светот.

Во своето излагање пред присутните на Собранието, Керим потенцираше дека неговите активности како претседател на Комората ќе бидат насочени кон развој и унапредување туристичкиот сектор, развој на нови трендови во угостителскиот сектор како и кон заштита на интересите на деловните субјекти од овој сектор.

– Ќе го вратиме сјајот на туристичко-угостителскиот сектор и ќе го презентираме туристичкото стопанство на сите светски етаблирани саеми. Во партнерски однос со институциите ќе се залагаме сите членови на ТУК да имаат пристап до ликвидни средства за раст на компаниите и за проширување на делокругот на активности. Туристичко-угостителската комора во наредниот период ќе ја реорганизираме во пет посебни сектори кои ќе функционираат во рамки на Комората, угостителство, транспорт, туристички агенции, хотелиерство и обука на кадри за туризмот – истакна Керим.

Согласно поделбата од секој сектор ќе биде избран и по еден потпретседател на Туристичко-угостителската комора, со цел сите деловни субјекти од различни дејноста да имаат рамноправен пристап во одлучувањето. Керим најави и воспоставување на регионални претставници во повеќе градови од државата Скопје, Битола, Куманово, Крушево и Дојран, со што со активностите подеднакво ќе бидат реализирани во сите региони.

The post СМЕНА НА КОРМИЛОТО Аркан Керим е нов претседател на Tуристичко-угостителска комора appeared first on plusinfo.mk.