Драматичен инцидент се случи на западната страна од островот Тенерифе, кога огромен бран однесе група туристи во морето. Три лица загинаа, тројца се повредени, а едно лице сè уште се води како исчезнато.

Несреќата се случила кратко по 16 часот, во популарен природен базен во близина на Лос Гигантес, во регионот Сантијаго дел Теиде. Капачите биле и на карпите и во водата кога ненадејно ги зафатил огромен бран и ги одвлекол кон отворено море.

Според службите за итни случаи на Канарските Острови, неколку лица биле однесени во морето, а потрагата по едно исчезнато лице продолжува. Весникот „Диарио де Ависос“ објави дека меѓу загинатите има и странски туристи.

Captan el momento en el que rescatan a una de las personas afectadas en la piscina natural de Isla Cangrejo, en la zona de Los Gigantes (Santiago del Teide), donde un golpe de mar ha dejado como consecuencia tres fallecidos y varios heridos pic.twitter.com/8J2IKuOZ7C

— Diario de Avisos (@diariodeavisos) December 7, 2025

„Хеликоптер за спасување на море спаси едно лице од водата и пронајде едно тело“, соопштија службите за итни случаи на Канарските Острови.

Властите потврдија дека три лица ги загубиле животите, двајца мажи и една жена. Еден од мажите имал 35 години, а жената 55 години. За третата жртва засега нема дополнителни информации.

Друга жена доживеала срцев удар на карпите. Таа била спасена со џет-ски, реанимирана на брегот и со хеликоптер префрлена во болница.

Спасувачките екипи го барале исчезнатото лице до доцна вечерта, но без резултат. Во потрагата учествувале служба за спасување на море, хеликоптер за спасување, противпожарни екипи, служби за брза помош и полицијата.

Медиумите јавуваат дека неколку лица биле успешно извлечени од водата. Државниот радиодифузен сервис „RTVE“ потсети дека властите на Канарските Острови веќе предупредиле на опасни бранови во неделата. Иако природните базени се голема атракција за туристите, при немирно море тие можат брзо да се претворат во смртоносни стапици. Високите бранови ги влечат капачите кон длабочините, а силните морски струи го прават речиси невозможно нивното враќање на брегот.

Гигантските бранови предизвикаа хаос на Тенерифе и на 8 ноември, кога голем број луѓе беа одвлечени во морето. Тогаш загинаа три лица, а 15 беа повредени. Сегашниот трагичен настан уште еднаш ја потврдува опасноста што ја носат овие природни појави.

The post 📽️ ОГРОМНИ БРАНОВИ ОДНЕСОА ЛУЃЕ ВО МОРЕТО, ТРОЈЦА СЕ УДАВИЛЕ Хорор снимки од тропски рај, има сериозно повредени appeared first on plusinfo.mk.