Во четвртокот во 19:50 часот, во СВР Битола С.Х.Д.(32) од Шведска, со моментален престој во Дебар, пријавил дека на улицата Широк сокак во Битола, му пристапиле неколку непознати  лица на возраст од околу 20 години кои што сакале да му ја соблечат маицата што ја носел а на која имало исцртани симболи на друга држава, информираше Министерството за внатрешни работи (МВР).

Според пријавителот, откако увидел дека не може да се одбрани од лицата ја соблекол маицата и им ја дал, по што тие заминале во непознат правец.

„Се вршат проверки за настанот и се преземаат мерки за пронаоѓање на сторителите“, наведено е во полицискиот билтен.

The post ТУРИСТ ОД ШВЕДСКА ОСТАВЕН ГОЛ НА ШИРОК СОКАК Морал да ја соблече маицата за да не јаде ќотек appeared first on plusinfo.mk.

Во Мостар се случи инцидент што предизвика силни реакции, кога Швајцарецот Лука Бонт  – неразумно, без најава, облечен и, според сè, пијан – скокнал од Стариот мост, ризикувајќи ги својот и туѓите животи. За малку ќе паднел врз глисер што пловел по Неретва веднаш под него, објави Слободна Далмација.

Откако излегол од реката, го пречекала група лути Мостарци кои физички го нападнале, огорчени од неговиот неодговорен потег.

Бонт на Инстаграм напишал дека не му е јасно зошто бил нападнат, но се пошегувал дека сега станал познат во Босна и Херцеговина.

Погледнете снимка од друг агол – директно од мостот, токму во моментот кога скокнува.

The post 🎥 ШВАЈЦАРЕЦ НА ЧЕКОР ОД СМРТТА ОТКАКО СКОКНАЛ ОД СТАРИОТ МОСТ ВО МОСТАР За малку ќе паднел врз глисер – изел ќотек од гневни граѓани appeared first on plusinfo.mk.

Турист од Швајцарија пријавил во полиција дека бил измамен од скопски таксист, кој за возење од Центар до Средно Водно му наплатил астрономски 7.800 денари, соопшти МВР.

Настанот се случил вечерта, на 14 јуни, кога 43-годишниот Б.Ф.П.Х. од Швајцарија пријавил во СВР Скопје дека за време на патување со такси бил брутално прелажан. Откако го сфатил износот што му бил побаран за кратката релација, туристот реагирал, но наместо извинување, добил агресивно однесување од страна на возачот, кој веднаш потоа избегал со возилото.

Од Министерството за внатрешни работи информираат дека се преземаат мерки за расчистување на случајот и за пронаоѓање на сторителот.

Овој случај отвора сериозни прашања за безбедноста и за третманот на туристите во Скопје, особено во делот на нерегулирани такси услуги и злоупотреби од поединци.

The post МУ НАПЛАТИЛ 7.800 ДЕНАРИ ОД ЦЕНТАР ДО ВОДНО Турист од Швајцарија бил измамен од таксист appeared first on plusinfo.mk.

Турски турист починал во автобус на пат кон туристичкиот комплекс „Свети Наум“, вчера, соопшти полицијата.

Во СВР Охрид било пријавено дека во автобус кој превезувал група туристи од Република Турција кон „Св.Наум“, починал турскиот државјанин И.Х.(64).

Смрт без траги на насилство констатирал лекар од Итна медицинска помош, а увид на местото изврши екипа од СВР Охрид. По насоки на јавен обвинител, телото на починатиот е предадено на погребално претпријатие.

The post ТУРСКИ ТУРИСТ ПОЧИНАЛ НА ПАТ КОН „СВЕТИ НАУМ“ Телото е предадено на погребално претпријатие appeared first on plusinfo.mk.

Бројот на туристите во март 2025 година изнесува 70.902, од кои 22% се домашни туристи, а 78% се странски туристи, објави Државниот завод за статистика.

Бројот на ноќевањата во март 2025 година изнесува  132.015, од кои 28% се од домашните туристи, а 72 % од странските туристи.

Во периодот јануари – март 2025 година, во однос на истиот период од претходната година, вкупниот број на туристите е зголемен за  10,6%, односно кај домашните туристи има намалување за  9,2%, а кај странските има зголемување за  21,9%.

Во периодот јануари – март 2025 година, во однос на истиот период од претходната година, вкупниот број на ноќевањата е зголемен за 9,1% така што кај домашните туристи има намалување за 7,8%, а кај странските има зголемување за 21,7%.

Најмногу странски туристи во март 2025 година од Германија 10.410, од Турција (9.380), Франција (4 648) и Грција (4 504).

The post ГЕРМАНЦИТЕ ГО ПРЕЗЕДОА ПРИМАТОТ НАЈБРОЈНИ ТУРИСТИ Во март 10.410 ја посетиле земјава appeared first on plusinfo.mk.

Кит Харви има 58 години и живее во Вормервер, Холандија, а родум е од Англија.

Тој има здравствени проблеми и му требаат лекови, според објавата на пријателите. Носи ранец и е препознатлив по својата зелена коса.

Ако имате каква било информација за Кит, пријавете во полиција и исконтактирајте со неговите пријатели на е-адресата: barackca1993@gmail.com

The post АКО ВИДИТЕ СТРАНЕЦ СО ЗЕЛЕНА КОСА, ПРИЈАВЕТЕ Семејството го бара, последно е виден во автобус за Скопје appeared first on plusinfo.mk.

Србин се удави на море во туристичкото место Обзор во Бугарија, пренесува бугарскиот сајт Факти. Телото на 54-годишниот маж било извлечено од водата во понеделникот. Според првичните информации, на телото немало траги на насилство, а било пренесено во во Одделот за судска медицина во Бургас за обдукција.

Обзор е приморско одморалиште на брегот на Црното Море, кое го посетуваат туристи од регионот.

The post СРПСКИ ТУРИСТ СЕ УДАВИ ВО МОРЕ ВО БУГАРИЈА Телото е предадено на обдукција appeared first on plusinfo.mk.

Мажот кој беше каснат од отровен кафеав пајак во Пиргос, на западот на Грција, не успеа да преживее, јавија грчките медиуми.

Тие јавуваат дека 48-годишникот, минатиот вторник попладне дошол во болница со ужасни болки во ногата, но дотогаш не сфатил дека се работи за каснување.

Претходно бил прегледан од приватен ортопед кој веднаш го испратил во болница.

Здравјето на човекот се влошило еден ден подоцна кога развил симптоми кои потсетуваат на каснување, а медицинскиот персонал вложил напори да го одржи во живот.

– И покрај натчовечките напори на персоналот, пациентот на крајот не успеа да издржи. За жал, тоа беше нешто што се знаеше од самиот почеток. Ваквите инциденти не завршуваат добро. Се трудевме многу – велат од болницата.

Медиумите јавуваат дека мажот кој бил на одмор во Грција бил каснат високо кај бутот од ногата, но не почувствувал кога бил каснат.

– Од описот мислиме дека се работи за каснување од кафеав пајак. Не постои противотров и неговиот развој е генерално доста брз, иако на почетокот не изгледа дека е ништо сериозно. Има ненадејно влошување 72 часа по каснувањето – велат од болницата.

Кафеавиот медитерански осамен пајак е малку проучен. На предниот дел од телото има изразен белег кој наликува на виолина.

Активен е ноќе, додека дење се крие под камења и лисја.

The post ОТРОВОТ Е МНОГУ СИЛЕН, А ПРОТИВОТРОВ НЕ ПОСТОИ Турист во Грција почина откако бил каснат од кафеав пајак appeared first on plusinfo.mk.

Случајот, како што информира МВР, бил пријавен во СВР Охрид денеска во 12: 35 часот. На посоченото место веднаш биле упатени полициски службеници од Полициската станица Охрид и од Полициската станица за граничен надзор „Охридско езеро“.

„Лекар од итна медицинска помош кај него констатирал телесни повреди, по што со пловен објект на Полициската станица за граничен надзор е транспортиран до Езерската полиција. Оттука, повредениот со медицинско возило е пренесен до болницата „Св. Еразмо“ во Охрид“, се вели во соопштението од МВР.

Претходно Центарот за управување со кризи (ЦУК) информираше дека случајот бил пријавен на бројот за итни повици 112. Поради непристапнапноста на теренот, медицинската екипа не можела да интервенира и во акцијата се вклучиле пожарникарите од ТППЕ Охрид, полицајците од СВР Охрид и Планинарска спасителна служба „Патагонија“ од Охрид.

The post СПАСЕН АНГЛИСКИ ТУРИСТ ВО ОХРИД Паднал во езерото од карпа во близина на хотел appeared first on plusinfo.mk.

Планинарска спасителна служба вчера извлекла холандски турист со скршена нога од околината на село Елшани, а потоа бил предаден на екипа од Итната медицинска помош од Охрид.

„Планинарска спасителна служба од 13.40 до 15.00 часот имала спасителна акција на територија на општина Охрид. Извршено е извлекување на повреден холандски турист од околината на село Елшани, кој имал скршеница на нога и е предаден на екипа од Итната медицинска помош од Охрид“, соопшти денеска Центарот за управување со кризи (ЦУК).

Лицето е пренесено во болницата „Св. Еразмо“ во Охрид на понатамошен третман.

Од ЦУК посетуваат дека сите итни случаи може да се пријавуваат на Единствениот повикувачки број за итни случаи 112, особено кога граѓаните имаат животозагрозувачки ситуации. Истовремено, ЦУК информира дека е корисно да се следат препораките и информациите од медиумите за превенција, а и за реагирање при итни случаи.

The post СПАСУВАЧКА АКЦИЈА НА ТУРИСТ КАЈ СЕЛО ЕЛШАНИ Успешно извлечен Холанѓанец со скршена нога appeared first on plusinfo.mk.