Пад од 12. кат што можел да заврши трагично се претворил во вистинско чудо во турскиот град Адана. Четиринаесетгодишната Екрин Дениз Караџа преживеала откако паднала од висока станбена зграда додека ги надгледувала своите помали браќа и сестри.

Според турските медиуми, девојчето се навалило од прозорецот за да ги види децата кои си играле во дворот. Во еден момент ја изгубило рамнотежата и паднало, најпрво на покривна конструкција, а потоа и на бетонска подлога.

– Се навали премногу, ја изгуби рамнотежата и падна. Нејзината мајка слушна силен тресок. Кога излезе, ја виде како лежи на земја – раскажал таткото на Адана.

Моментот на падот бил снимен од безбедносните камери на зградата, а случаен минувач веднаш повикал помош. По укажаната прва помош, девојчето било пренесено во болница, каде лекарите констатирале дека се здобила со скршеница и пукнатина на ногата.

Повредите не биле животозагрозувачки. Нејзиното семејство вели дека закрепнува успешно, а случајот предизвика големо внимание во Турција поради неверојатниот исход од несреќата.

– Нашите соседи, кои случајно беа здравствени работници, веднаш ѝ пружија прва помош. Потоа ја однесовме во болница. За среќа, нема трајни повреди – додал таткото.

HASSAS | Adana’da 12. kattan düşen genç kız, bina girişindeki sundurmaya çarparak mucizevi şekilde hayatta kaldı. pic.twitter.com/scgeN51yuD

— DarkWeb Haber (@darkwebhaber) June 10, 2026

The post ВОЗНЕМИРУВАЧКО 📽️ ПАДНА ОД 12. КАТ, НЕ ВЕРУВАА ДЕКА Е ЖИВА Тинејџерка во Турција избегна трагедија appeared first on plusinfo.mk.

Морничави сцени се снимени во турската престолнина Анкара. Таткото М.Д. по расправија со сопругата, ја зграпчил својата тригодишна ќерка, која ја држел како заложник под закана со нож, на прозорецот од станот и се заканил дека ќе ја фрли. Припадници на специјалната полициска единица го неутрализирале осомничениот пукајќи во него.

Инцидентот се случил во станбена зграда во населбата Пијаде. објави Хаберлер која го објави и видеото.

По пријава од граѓани кои го виделе осомничениот како го држи девојчето за облеката и го спушта низ прозорецот, на местото на настанот биле испратени полициски, противпожарни и медицински екипи.

Екипите што го обезбедувале подрачјето се обидувале да го убедат М.Д. да се предаде, но не успеале. Поради ова, интервенирале припадници на специјалната полиција која пукаше во него и го неутрализира.

Во соопштението на Полициската управа во Анкара во врска со инцидентот се наведува:

„Бидејќи лицето, и покрај обидите да го убедат да се предаде, не се предаде и продолжи со дејствија што го загрозија животот на детето, беше спроведена интервенција. Како резултат на интервенцијата, детето беше спасено, додека лицето беше неутрализирано со повреди. За време на интервенцијата беше повредено и нашето службено полициско куче, чие лекување е во тек. Судската постапка во врска со овој настан продолжува со должно внимание“, соопшти полицијата.

Видео снимки од овој ужасен настан може да се види на следниот ЛИНК.

The post 🎥 ВОЗНЕМИРУВАЧКО! Татко држи тригодишна ќерка како заложник на прозорец, полицијата мораше да го застрела appeared first on plusinfo.mk.

Турската воена морнарица одржува голема воена вежба во Црното Море, Мраморното Море, Егејското Море и на Медитеранот. Маневрите почнаа вчера и ќе траат до 14 јуни.

Во воената вежба „Морски волк 2/2026“ учествуваат 125 бродови, 18.000 војници, дронови, хеликоптери и противбродски вооружени системи.

Началникот на оперативното одделение на турската морнарица, контраадмирал Алпер Догуканли истакна дека цел на вежбата е да се проценат оперативните, командните и контролните способности на турските поморски единици, да се зголеми нивната борбена готовност и да се подобрат нивните вештини за донесување одлуки во средина со повеќе закани.

The post ТУРСКАТА МОРНАРИЦА МАНЕВРИРА НА 4 МОРИЊА Турција одржува голема воена вежба appeared first on plusinfo.mk.

Европската Унија да размислува на големо и да цели на зголемува од сегашните 27 на околу 40 членки, изјаци претседателот на Финска на енергетска конференција во Хелински.

Александар Стуб порача дека Европа мора да го искористи сегашниот геополитички момент и да ја зголеми својата тежина на светската сцена.

Тој се осврна и на Западниот Балкан велејќи дека Балканот е најжешка точка во Европа:

– Што правиме со Србија, Косово, Албанија, Црна Гора, Северна Македонија? Што правиме со Босна и Херцеговина?

Стуб псочи дека иднината на овие земји мора да биде дел од сериозна европска дебата.

„Никој веќе не зборува за Турција“

Стуб предупреди дека Европската Унија не смее да ја занемари ниту Турција.

– Никој повеќе не зборува за Турција, но мора да ги отвориме умовите и да разбереме дека, барем од безбедносна перспектива, таа мора да биде што е можно поблиску – нагласи тој.

Покрај Турција, како можни идни партнери ги спомена и Норвешка, Исланд, Украина, Молдавија и Грузија.

Канада како 28. членка

Најголемо внимание привлече неговата идеја за Канада.

– Зарем не би било прекрасно Канада да биде 28-ма држава на ЕУ, наместо 51-та држава на САД? – праша Стуб.

Со ова алудираше на претходните изјави на американскиот претседател Доналд Трамп за можната анексија на Канада.

„Прозорецот нема долго да остане отворен“

Стуб смета дека војната во Украина и промените во американската политика создаваат ретка можност за големо проширување..

– Геополитичката моќ на Европа се заснова на големината, а најдобрата европска политика некогаш била токму проширувањето – порача финскиот претседател.

The post ШТО ПРАВИМЕ СО МАКЕДОНИЈА, СРБИЈА, ЦРНА ГОРА…? Финскиот претседател сака Унија со 40 членки appeared first on plusinfo.mk.

Турските власти преземаат исклучителни безбедносни мерки во пресрет на самитот на НАТО, кој ќе се одржи на 7 и 8 јули во Анкара.

Во турската престолнина се очекува да пристигнат голем број светски лидери, меѓу кои и американскиот претседател Доналд Трамп.

Според информациите на турските медиуми, воздушниот простор над Анкара ќе биде заштитен со системи за противвоздушна и противракетна одбрана од потенцијални закани.

На стратешки локации низ градот ќе бидат распоредени системи за борба против беспилотни летала. Борбени авиони Ф-16 на турските воздухопловни сили ќе бидат во состојба на зголемена борбена готовност во деновите пред самитот, како и за време на неговото одржување.

Повеќе од 40.000 припадници на безбедносните служби ќе бидат ангажирани во обезбедувањето на форумот, особено во зоните каде што ќе се одржуваат состаноците и околу претседателскиот комплекс Бештепе.

Безбедносни извори наведуваат дека маршрутите по кои ќе се движат странските лидери ќе бидат обезбедени со највисоко ниво на заштита, а засилени мерки ќе бидат воведени и во повеќе делови од турската престолнина.

The post БОРБЕНИ АВИОНИ, СИСТЕМИ ПРОТИВ ДРОНОВИ И 40.000 ПОЛИЦАЈЦИ ЌЕ ГО ЧУВААТ САМИТОТ НА НАТО Анкара ќе се подготвува за состанокот во јули appeared first on plusinfo.mk.

Турската фудбалска репрезентација беше спектакуларно испратена од Истанбул со конвој возила „Тог“ кон Светското првенство во фудбал во 2026 година. Се чини дека ова e потврда за огромната поддршка и доверба што нацијата им ја дава на своите фудбалери.

View this post on Instagram

 

A post shared by @millitakimlar

 

View this post on Instagram

 

A post shared by Togg (@togg2022)

The post 📽️ КОГА ТЕ ИСПРАЌААТ НА МУНДИЈАЛ СО СПЕКТАКУЛАРЕН КОНВОЈ… Турција верува во своите фудбалери appeared first on plusinfo.mk.

Македонската фудбалска репрезентација денеска не успеа да се врати во земјава според планираното, откако чартер авионот со кој патуваше експедицијата беше принуден да се врати на аеродромот во Истанбул поради технички проблем.

Авионот на компанијата „Фрибрд ерлајнс“, кој го извршуваше летот FH1949 кон Скопје, полетал во предвидениот термин и се очекувало да слета на Меѓународниот аеродром Скопје околу 13:40 часот.

Сепак, само дваесетина минути по полетувањето, пилотот ги информирал патниците дека е забележан технички проблем и дека авионот ќе мора да се врати назад во Истанбул.

Според податоците достапни на платформата за следење на летови, авионот направил круг над Истанбул и потоа безбедно слетал на аеродромот од каде што претходно полетал.

Засега нема официјални информации за природата на техничкиот дефект, ниту дали станува збор за помал проблем или посериозен технички недостаток кој бара дополнителни проверки.

Во авионот, покрај македонските репрезентативци и стручниот штаб, се наоѓале и претставници на Фудбалската федерација на Македонија, како и новинарски екипи кои ја следеле експедицијата.

Во моментов целата македонска делегација се наоѓа на аеродромот во Истанбул и чека дополнителни информации околу продолжувањето на патувањето кон Скопје.

Македонската репрезентација се враќа од Турција, каде вчера на стадионот „Шукру Сарачоглу“ во Истанбул одигра пријателски натпревар против домашната селекција. Турција славеше убедлива победа од 4-0 со головите на Оркун Кокчу, Џан Узун, Дениз Гул и Бариш Алпер Јилмаз.

The post ДРАМА ВО ВОЗДУХОТ ЗА МАКЕДОНСКИТЕ ФУДБАЛЕРИ Авионот се вратил во Истанбул по само 20 минути лет appeared first on plusinfo.mk.

Селекторот на Турција, Винченцо Монтела смета дека македонската репрезентација е идеален тест пред мундијалските предизвици.

– СП е огромен турнир. Земјите добиваат шанса да ја покажат својата фудбалска култура на теренот. Ја избравме Македонија бидејќи мислам дека нивниот стил на игра е сличен на оној на Австралија. Верувам дека ова ќе биде сличен тест на натпреварот што ќе го играме против Австралија на Мундијалот. Нашата прва цел е да ја минеме групната фаза. Потоа ќе размислуваме натпревар по натпревар и ќе видиме до каде можеме да стигнеме – изјави Монтела на денешната прес-конференција.

За македонската репрезентација ова ќе биде уште еден силен тест против учесник на Светското првенство, по пријателскиот натпревар со Босна и Херцеговина, додека за Турција дуелот ќе претставува важна проверка пред  настапот на најголемата светска фудбалска сцена.

Натпреварот помеѓу селекциите на Турција и Македонија се игра во Истанбул на стадионот „Шукру Сарачоглу“ на Фенербахче во понеделник со почеток од 18:30 часот.

The post МАКЕДОНИЈА Е СЛИЧНА НА АВСТРАЛИЈА Монтела објасни зошто ја избрал нашата репрезентација appeared first on plusinfo.mk.

Дванаесет лица, меѓу кои бебе и неговиот татко, загинале, а 33 биле повредени во две тешки сообраќајни несреќи во Турција, при што најмногу жртви однела автобуска несреќа во близина на Денизли.

Осум лица загинале, а 33 биле повредени кога автобус излетал од патот, удрил во заштитна ограда и се запалил, објави турската државна телевизија ТРТ Хабер.

Автобусот сообраќал на релацијата Измир-Анталија. Несреќата се случила на автопатот Денизли-Ајдин во близина на Сарајкој. Меѓу загинатите се бебе и неговиот татко.

Првичните информации од истрагата укажуваат дека возачот ја изгубил контролата врз автобусот непосредно пред несреќата. Истражителите разгледуваат повеќе можни причини. Меѓу нив се технички дефект и момент на невнимание.

Десетици патници биле префрлени во болница. Дел од нив се здобиле со потешки повреди. Засега не се соопштени дополнителни детали за нивната состојба.

 

View this post on Instagram

 

A post shared by ntv (@ntv)

Уште една тешка сообраќајна несреќа се случила во друг дел од Турција. Во неа загинале четири лица. Не се објавени повеќе информации за околностите под кои се случил вториот инцидент.

Двете несреќи заедно однеле 12 животи.

Вчера беше последниот ден од муслиманскиот празник Курбан Бајрам, забележуваат агенциите и додаваат дека во овој период често има голем број сообраќајни несреќи поради густиот сообраќај.

The post 📽️ 12 ЗАГИНАТИ ВО ДВЕ СООБРАЌАЈНИ ТРАГЕДИИ ВО ТУРЦИЈА Меѓу жртвите се бебе и татко appeared first on plusinfo.mk.

Три танкери се нападнати со дронови во Црното Море, во близина на северниот брег на Турција во Црното Море, јави турската поморска агенција Трибека.

Танкерот Џејмс Втори, кој пловел под знамето на Палау и бил натоварен, бил нападнат на околу 80 километри северно од областа Туркели во Црното Море. Недалеку оттаму, за време на претовар биле нападнати и танкерите Алтура и Велора, кои пловеле под знамето на Сиера Леоне.

Бродови за крајбрежна безбедност се испратени на местото на настанот за да помогнат. Сите членови на екипажот на танкерите се наводно во добра состојба, соопшти агенцијата Трибека.

Пристаништата и танкерите во Црно Море се чести цели на напади на Москва и на Киев, откако почна војната во Украина пред повеќе од 4 години. За последните напади досега никој не ја презеде одговорноста.

Турското министерство за транспорт не беше веднаш достапно за коментар за инцидентите, кои се случија за време на муслиманскиот празник Курбан Бајрам.

The post ТРИ ТАНКЕРИ НАПАДНАТИ СО ДРОНОВИ ВО ЦРНОТО МОРЕ Во инцидентите нема загинати морнари appeared first on plusinfo.mk.