турција поплави Archives - plusinfo.mk https://plusinfo.mk/tag/turci-a-poplavi/ Thu, 15 Oct 2026 07:52:08 +0000 en-US hourly 1 https://wordpress.org/?v=7.1.3 📽️ ТРАГЕДИЈА ВО ИСТАНБУЛ ПО ОБИЛНИТЕ ДОЖДОВИ Дете загина од струен удар, уште едно лице го загуби животот во поплавите https://plusinfo.mk/tragedija-vo-istanbul-po-obilnite-dozhdovi-dete-zagina-od-struen-udar-ushte-edno-lice-go-zagubi-zhivotot-vo-poplavite/ Thu, 15 Oct 2026 07:52:08 +0000 https://plusinfo.mk/?p=896816

Најмалку две лица, меѓу кои и 14-годишно дете, загинаа во поплавите во Истанбул. Во некои делови од градот наврнале 242 литри дожд на квадратен метар, а надлежните најавуваат продолжување на обилните врнежи.

The post 📽️ ТРАГЕДИЈА ВО ИСТАНБУЛ ПО ОБИЛНИТЕ ДОЖДОВИ Дете загина од струен удар, уште едно лице го загуби животот во поплавите appeared first on plusinfo.mk.

]]>

Најмалку две лица, меѓу кои и едно дете, го загубиле животот во поплавите што ја погодија Турција. Обилните врнежи предизвикаа сериозни проблеми, а надлежните ги повикаа жителите да останат дома доколку немаат неодложна потреба да излегуваат.

Првата трагедија се случила во населбата Балат, во општината Фатих, каде што 14-годишниот М.И нагазил во насобрана вода во близина на паркот Чукурбостан и доживеал струен удар. Момчето било пренесено во болница во бессознание, но лекарите не успеале да го спасат. Истанбулските власти потврдија дека е отворена истрага за причините за несреќата.

Втората жртва е 34-годишно лице, идентификувано со иницијалите С.Ј., кое загинало во населбата Ајазага, во општината Саријер. Според турската новинска агенција Анадолу, лицето се обидувало да ја премине улицата Деребоју, која била поплавена од силните дождови, кога се лизнало и со главата удрило во тротоарот.

 

По падот, 34-годишното лице останало во насобраната вода и не можело самостојно да се извлече. Граѓани кои биле во близина успеале да го извлечат, по што интервенирале екипи на итната медицинска помош. Било пренесено во болницата Сејрантепе Хамидије Етфал, каде што, и покрај обидите на лекарите, починало. И за овој случај е отворена истрага.

Двете трагедии се случија во текот на невремето што предизвика сериозни поплави во најголемиот турски град. Водата носеше автомобили, поплави стотици домови и деловни објекти, а во повеќе делови од градот сообраќајот беше отежнат или целосно прекинат.

 

Според претходно објавените податоци на истанбулските власти, во средата биле регистрирани 1.277 пријави за поплавување и 47 случаи на заглавени граѓани. Во справувањето со последиците се ангажирани околу 8.000 припадници на надлежните служби и 2.000 возила и градежни машини.

 

Поради опасноста од нови поплави, денеска, 15 октомври, наставата во сите јавни и приватни училишта во Истанбул е прекината. Властите ги повикаа граѓаните да избегнуваат непотребно движење, особено во близина на подвозници, водотеци и поплавени улици.

The post 📽️ ТРАГЕДИЈА ВО ИСТАНБУЛ ПО ОБИЛНИТЕ ДОЖДОВИ Дете загина од струен удар, уште едно лице го загуби животот во поплавите appeared first on plusinfo.mk.

]]> 📽️ ПОТОП ВО САМСУН ВО ТУРЦИЈА Автомобили пловеа низ улиците, 12 лица повредени https://plusinfo.mk/potop-vo-samsun-vo-turci-a-avtomobili-plovea-niz-ulicite-12-lica-povredeni/ Wed, 13 May 2026 11:49:53 +0000 https://plusinfo.mk/?p=858219

Според „Анадолија“, дел од повредените сами побарале лекарска помош, додека други биле пренесени во болница од медицински екипи. Нема тешко повредени. Но, штетите се големи.

The post 📽️ ПОТОП ВО САМСУН ВО ТУРЦИЈА Автомобили пловеа низ улиците, 12 лица повредени appeared first on plusinfo.mk.

]]>

Силно невреме и поројни дождови предизвикаа сериозни поплави во турската провинција Самсун, објави државната агенција „Анадолија“. Најмалку 12 лица биле повредени, додека спасувачките служби извлекувале жители од поплавените домови и улици.

Обилните врнежи што ја погодија областа Хавза, во близина на турското црноморско крајбрежје, довеле до излевање на реките и нагло слевање вода низ улиците. Автомобили биле носени од поројот. Поплавени останале подруми, приземја и деловни објекти.

 

Според „Анадолија“, дел од повредените сами побарале лекарска помош, додека други биле пренесени во болница од медицински екипи. Нема тешко повредени. Но, штетите се големи.

 

На терен биле распоредени пожарникари, полиција и служби за управување со катастрофи, кои работеле на спасување на заглавените жители и на расчистување на последиците од невремето.

The post 📽️ ПОТОП ВО САМСУН ВО ТУРЦИЈА Автомобили пловеа низ улиците, 12 лица повредени appeared first on plusinfo.mk.

]]>