Велосипедска тура во чест на загинатите и на повредените во трагедијата во Кочани ќе се одржи денеска со почеток во 10:30 часот.

Поаѓањето е од Паркот на Револуцијата, по што учесниците ќе возат низ Оризари, Прибачево, Грдовци, Мојанци, Подлог и покрај местото на трагичниот настан – „Пулс“, по што турата ќе заврши повторно во Паркот на Револуцијата.

Пријавени се околу 500 учесници – велосипедисти и рекреативци од Кочани и од други градови, кои на овој начин ќе оддадат почит и ќе испратат порака на солидарност и сеќавање на жртвите.

Пред почетокот на велосипедската тура, присутните ќе ги поздрави градоначалникот на Општина Кочани, Владко Грозданов.

Настанот е дел од повеќедневната програма за одбележување на годишнината од трагичниот пожар.

The post ВЕЛОСИПЕДСКА ТУРА ВО ЧЕСТ НА ЖРТВИТЕ ВО „ПУЛС“ Учествуваат над 500 велосипедисти appeared first on plusinfo.mk.

Актуелниот шампион на „Тур д Франс“, Тадеј Погачар имаше блага предност пред својот тимски колега Рафал Мајка, но на крајот се реши да му ја „подари“ победата на полскиот велосипедист така што пред самиот крај склучија доста интересен договор.

Имено, двајцата беа оддалечени доста од групата која ги следеше, па можеа да се договорат на кој начин ќе биде избран победникот.

Погачар и Мајка на крајот одлучија да одиграат партија „лист-камен-ножици“ по која беше познато кој прв ќе ја мине целта.

Мајка го победи својот конкурент во безвременската игра, и на крајот се радуваше на победа на трката која се вози низ улиците на Словенија.

Инаку, вчера Погачар победи на последната етапа во директниот дуел со словенецот Матеј Мохориќ, со што го запечати првото место во генералниот пласман на „Тур оф Словенија“, каде на краjот имаше предност од 12 секунди во однос на тимскиот колега Рафаел Мајка.

The post ПОГАЧАР ГИ ВООДУШЕВИ СИТЕ Кој ќе победи на етапата? Одлучи – „лист-камен-ножици“ (ВИДЕО) appeared first on plusinfo.mk.

„Осмото издание на Tour de Lake, е за поддршка и помош на Светлана Георгиевска, самохрана мајка, по потекло од Украина. Во моментов нема постојан дом за живеење заедно со нејзиното дете, а покрај тоа има и онколошки здравствен проблем. Кога ја дознавме приказната со Светлана, одлучивме ние како Здружение оваа година турата околу Охридското Езеро да ја организираме, токму за неа и колку што е во наша моќ, заедно со сите љубители на велосипедизмот да и помогнеме“, соопшти организаторот.

Пријавувањето за учество, според информацијата, е со донација од 300 или 500 денари, со што секој учесник ќе добие стартен пакет, обезбеден од поддржувачи на настанот.

„До пред почетокот на возењето пријавувањето може да се изврши електронски или лично во салонот на Мерида или на денот на турата. Може да се пријават и оние кои сакаат да помогнат, а не се во можност да бидат дел од овој хуманитарен настан. Од секоја донација, а со која во истовреме ќе се изврши и пријавување, по електронски пат треба да се направи Screenshot и да се испрати на Вибер на 071 604-604 или на „е-поштата macedonianbikeriders@gmail.com“, посочува Здружението.

Стартот на турата е во 9 часот на паркингот пред спортската сала Билјанини извори во Охрид. Ќе се вози по стариот пат кон Струга покрај езерото, преку Калишта кон граничниот премин Ќафасан, преку Лин, Поградец, Свети Наум до Охрид, во должина од 92 километри.

The post ВЕЛОСИПЕДИСТИ ОД ЦЕЛА МАКЕДОНИЈА ЌЕ ВОЗАТ ОКОЛУ ОХРИДСКО ЕЗЕРО Собраните пари ќе легнат на сметката на самохрана мајка со потекло од Украина appeared first on plusinfo.mk.

Иако за љубителите на спортот не постои никаква пречка, кога станува збор за годишно време, сепак повеќето со нетрпение ја очекуваат пролетта за повторно да се вратат или да ги започнат спортските активности.

Па така во неделата, кога и официјално започна пролетта, здружението за друмски и планински велосипедизам „Macedonian Bike Riders“ организираше рекреативна велосипедска тура до Лешочкиот манастир. Оваа тура беше за сите оние кои ја започнуваат (стартуваат) велосипедската 2022 година, па поради тоа се возеше со умерено бавно темпо, со почести паузи и со кратки одмори.

Стандардно, како што е веќе познато, некаде пред 9 часот, група од 30-тина велосипедисти се собраа пред Универзалната сала од каде што тргна до второто збирно место, а тоа е бензинската во Ѓорче Петров пред мостот за влезот во Сарај. Иако утрината времето беше малку посвежо, сепак пролетното сонце најавуваше дека ќе биде убав ден за возење велосипед.

Претседателот на здружението, Горан Богоевски, откако се комплетираше групата, уште еднаш ги повтори правилата на движење, тој потенцираше дека сите учесници задолжително мораат да ги стават кацигите, да држат растојание помеѓу секој велосипедист, групата да се движи во колона по еден, затоа како што кажа тој, безбедноста е на прво место, бидејќи најважно е сите учесници да се вратат живи и здрави дома.

Потоа и официјално започна турата, која од Сарај се движеше по стариот пат за Тетово, преку Карпалак, Групчин, до Желино и оттаму кон Палатица, Озормиште и се до селото Лешок. Како што и беше најавено, групата се движеше со побавно темпо од претходно, затоа што меѓу велосипедистите имаше и такви кои паузирале за време на зимските месеци, па им е потребно време да се вратат во форма.

– Многу се радувам на пролетта, затоа што конечно можеме да возиме велосипед без да бидеме премногу наоблечени. Башка, природата се буди, се менува сè, почнува се да раззеленува, денот станува подолг, па можеме и преку недела да возиме велосипед – ни рече Марија, која со ова здружение возеше и во текот на зимските месеци.

Групата пристигна во Лешочкиот манастир каде што беше планирано и подолга пауза за дружење меѓу велосипедистите. Времето беше токму пролетно. Убава природа со многу зеленило и што е најважно со многу сонце.

– Веднаш кај сите се чувствува позитивна енергија, мислам дека потоплото време и сонцето си го прават своето. Возењето велосипед, покрај што е добро за нашето здравје, ни овозможува да посетиме убави места во нашата земја, но на поинаков начин. Друго е да се дојде со автомобил тука, а друго со велосипед. Мислам дека секој од нас треба да се занимава со некаков спорт, затоа што тоа е добро за нашето здравје, а јас се одлучив токму за велосипедот. Со ова здружение запознав нови пријатели со кои се дружиме секоја недела, затоа што тука не се збори за ништо друго, освен за убавите места кои ги посетуваме – вели Мими која до пред извесно време велосипедот го користела само како превозно средство до работното место.

По речиси час и половина уживање во сончевите зраци, кафе-муабетите, групата на велосипедисти ја поврати силата и тргна полека да се враќа кон Скопје. Како и секојпат, турите организирани од „Macedonian Bike Riders“, маршрутата се движеше преку Јегуновце, Радуша, Кондово и назад во Скопје.

– Прекрасно искористен ден. Сè беше перфектно, убава тура, времето не послужи како што треба, немам зборови за дружењето и луѓето. Токму како што претпоставував и очекував, иако ми беше малку потешко поради тоа што паузирав за време на зимските месеци, имам загубено од кондицијата, сепак мораше повторно да се почне. Со нетрпение очекувам недела повторно да дојде, а уште повеќе турата која ќе се вози – ни рече Михаил.

Со пристигнувањето во Скопје, полека групата почнуваше да се разретчува, секој заминуваше по патот кон својот дом, но поздравот беше ист, фала дечки за дружењето, се гледаме во недела.

The post ПРОЛЕТНО БУДЕЊЕ Со велосипед од Скопје до Лешочкиот манастир (ГАЛЕРИЈА) appeared first on plusinfo.mk.

Жителите на градовите главно одат до најблиските излетнички места, планини, реки или езера да подишат чист воздух и да се релаксираат во убавините. Но има и такви, без разлика дали станува збор за превоз со автомобил, автобус, воз, мотор или со велосипед, кои се одлучуваат да ја истражат Македонија.

Екипа на Плусинфо заедно со членовите на здружението Маседониан бајк рајдерс тргна со велосипед од Скопје, а крајната дестинација беше езерото Глажња кое се наоѓа на околу 45 километри од главниот град и на 17 километри од Куманово и е во близина на селото Липково.

До овој преубав крај се стасува по стариот пат за Куманово кој води преку селото Арачиново, потоа кај Никушак се врти лево каде што патот се двои кон Куманово, а следното село е Виштица. Оттаму преку локалниот пат се стасува до Матејче, па потоа следи Отља и селото Липково. Жителите на овие села нѐ отпоздравуваа и нѐ бодреа во подвигот.

Од Виштица продолживме по патот кој води до браната во Липково, кој за жал, како што можевме да забележиме, на повеќе места е затрупан со шут, што претставува голем проблем ако оваа област сака да стане туристичко место и да ги искористи убавините привлекувајќи туристи од целата земја, но и пошироко.

Во едно интервју градоначалникот на Општина Липково, Еркан Арифи, изјави дека имаат подготвено урбанистички план за развој на туризмот кај езерото Глажња и Липковското езеро, дека се подготвени документите, но дека имало неколку пречки од управата на Македонски шуми. Урбанистичкиот план за браната Глажња предвидува на околу 15 хектари изградба на хотели, мотели, ресторани, викендички, отворени и затворени базени со единствена цел да се активира туризмот во општина Липково.

Липковското езеро е значајна хидроакумулација во Кумановско. Браната на ова езеро е оддалечена 2 км од селото Липково и 12 км од Куманово. Изградено е во 1958 година за водоснабдување, наводнување и производство на струја. Акумулацијата се наоѓа на надморска височина од 478 метри, во долината на Липковска Река, десна притока на реката Пчиња. Должината на акумулацијата изнесува 1.480 метри, а ширината 120 метри. Има зафатнина од 2,25 милиони метри кубни.

Акумулацијата Глажња се наоѓа на 5 км возводно од браната Липково. Овие две акумулации претставуваат систем кој овозможува рекреативни содржани со капење, сончање и риболов. Липковското е помало додека Глажња или уште познато како „Горно Езеро“ е многу поголемо. Покрај самата Липковска Река, настанало со преградување на реките Думановка и Гошинка. Составено е од два крака познати како Думановски и Гошински крак. На 350 метри низводно по езерото може да се забележи мал остров до кој кога езерото е полно може да се дојде само со чамец а летно време кога е празно може по копнен пат. Карактеристично за Думановскиот крак е што има потопено многу куќи, и една црква која сè уште може да се види кога водостојот опаѓа. Исто така, езерото Глажња во март минатата година, заедно со Ликовското езеро беше порибено со 350 килограми крап, па така тука исто така може да уживаат и риболовците.

И покрај проблемите со сметот пред браната Липково, како и тесниот пат, кој треба на повеќе места да се санира или евентуално да се постави нов асфалт со пешачки патеки, местото е прекрасно за прошетка во природните убавини околу вештачките езера, за пикник со семејството и со пријателите.

The post УБАВИНИТЕ НА МАКЕДОНИЈА ЗА КОИ МАЛКУМИНА ЗНААТ Недопрената природа околу езерата Липково и Глажња (ГАЛЕРИЈА) appeared first on plusinfo.mk.

Идејата за ваков спортски предизвик, Стојков ја добил кога починала мајка му, бидејќи не успеал да го исполни ветеното, да ја прошета по местата каде што работи.

Сето тоа го мотивираше да осмисли аматерска маратонска тура со велосипед, која ќе ги обедини сите тие места, сите главни градови на овие 6 држави, сите места од неговото детство, сите важни места за семејството, но и за нас како држава, Македонија.

Велосипедската тура почнува од родното место на Вера и на Александар, Свети Николе, на 21 март и ќе се вози низ 5 поранешни Ју-републики (Македонија, Србија, Хрватска, БиХ, Црна Гора) и Албанија, а финишот повторно е во Македонија, на 5 април година.

– Целта на оваа велосипедска тура е возобновување на човечките вредности, подзаборавени или изместени во последно време, враќање на соработката, разбирањето и љубовта од секаков вид, кои некогаш ги имаа, а денес помалку ги практикуваат народите кои живеат на овие простори. Да покажеме дека границите може да ограничат еден простор или држава, но не можат да не делат и да не спречат да се почитуваме – вели Александар.

Турата ќе се вози во вкупно 15 етапи, со околу 170 километри секоја, во 15 дена, со само два дена пауза меѓу етапите, што е подвиг еднаков на големите велосипедски натпреварувања.

– Единствената разлика меѓу големите трки и оваа тура, е ревијалниот карактер кој го има ВЕРА ТУР во оваа година, меѓутоа работиме и се надеваме, дека од следната година ВЕРА ТУР ќе прерасне во традиционална трка, пред се поради карактерот, меѓутоа и затоа што на овие простори нема таква слична гранд-велосипедска тура. Се планира оваа тура да прерасне во голема натпреварувачка трка на овие простори, пандан на француската (Тур де Франс), италијанската (Џиро д’Италиа) и шпанската (Вуелта а Еспања) и затоа оваа прво издание е дополнителен предизвик, што идејата е од тука, од Македонија, организацијата е наша и што уште сега сме препознатливи и уникатни по тоа – објаснува Александар.

Оваа година, на првото издание, единствен учесник на Вера Тур ќе биде Александар Стојков, кој ќе вози на сите 15 етапи. Тој ќе биде следен од велосипедски експерти во форма на стручен тим, медицински тим и едно возило со најблиските од семејството. На секоја етапа одделно, ќе го следат најдобрите велосипедисти и репрезентативци од секоја земја, каде што ќе поминува. Веќе се потврдени учества и на различни други групи ентузијасти (бајкери, трејлери…) кои сакаат да бидат дел од овој караван.

Повеќе за овој подвиг можете да следите на интернет страната veratour.me, како и на социјалните мрежи, фејсубк, инстаграм и Јутуб каналот.

The post Ѝ ВЕТИВ, НО НЕ ЈА ПРОШЕТАВ, КОВИДОТ ЈА ЗЕДЕ Александар од Свети Николе на велосипед по екс-ју републиките во чест на мајка му appeared first on plusinfo.mk.

Роднина на патник кој патувал преку Беса Транс реагира дека немаат никакви информации од одговорните лица во агенцијата, за несреќата дознале од Фејсбук

Енес Бакиу (41) од Скопје, кој бил во еден од четирите автобуси на Беса Транс, ниту се јавува, ниту пишува, вели неговиот братучед.

– За несреќата видов сабајле во 6 часот на интернет. Братучед ми Енес Бакиу патуваше со оваа тура за Истанбул. Но тој ниту се јавува, ниту пишува на телефон. Апелирам до надлежните институции да споделат информација, како што споделија дека има повредени. Во Беса Транс вртиме нонстоп, но никој, ама никој не крева со часови. Тие дури ги однесоа луѓето на турата, непрекинато им се јавуваа, праќаа мејлови, пишуваа на интернет. Сега ги нема збор да кажат – вели роднина на патникот Бакиу пред седиштето на агенцијата.

Роднината рече дека неговиот братучед на оваа тура заминал сам.

The post РОДНИНИТЕ ВО ОЧАЈ Ниту од агенцијата, ниту од властите не кажуваат ништо appeared first on plusinfo.mk.