Германскиот тренер донесе неколку интересни одлуки, а објавениот состав значително се разликува од последните селекции под водство на Герет Саутгејт и последователно неговиот привремен наследник Ли Карсли.

Импресивно е враќањето на Маркус Рашфорд, кој падна во немилост на Манчестер Јунајтед, но неговиот трансфер во Астон Вила покажа дека се враќа во форма и веќе забележа четири асистенции. Друго изненадувачко име меѓу повиканите е она на Џордан Хендерсон, кој моментално е играч на Ајакс, како и на младиот талент на Арсенал, Мајлс Луис-Скели.

Меѓу избраниците на Тухел се и Ден Бирн, за кого ова не е прв повик, но се уште не дебитирал за тимот, како и Морган Роџерс, кој дебитираше на крајот на минатата година.

Интересна е и одлуката да се повикаат четворица голмани, кои покрај очекуваните имиња на Џордан Пикфорд и Дин Хендерсон, се враќаат и Арон Рамсдејл и Џејмс Трафорд, кој моментално настапува во Чемпионшип со Барнли.

На тимот му недостасува значајно име за Англија во последниве години, како што се Хари Мегваер, како и Конор Галагер, Морган Гибс-Вајт и Адам Вартон.

The post ОЧЕКУВАНИ ИЗНЕНАДУВАЊА? Тухел го објави својот прв состав како селектор на Англија appeared first on plusinfo.mk.

За прв пат, откако беше објавено дека Томас Тухел ќе го напушти Баерн Минхен на крајот на сезоната, раководството на германскиот гигант сериозно ја разгледува опцијата да го остави стручњакот да работи во клубот.

Според новинарот Флоријан Платенберг, спортските шефови на Баварците, Макс Еберле и Кристоф Фројнд, го поддржуваат Тухел и не гледаат проблем во тој да продолжи да ја води екипата.

Полна доверба во актуелниот тренер имаат и дел од играчите предводени од Мануел Нојер.

До денес, ситуацијата околу тренерската позиција во Баерн е крајно комплицирана. Ралф Рангник, со кого се водеа официјални разговори, избра да остане на чело на австриската репрезентација, додека Јулијан Нагелсман претходно ја отфрли можноста да се врати на „Алијанц Арената“.

На прес-конференција претходно денеска, Тухел прокоментира дека договорот меѓу него и клубот за раскин на неговиот договор останува на сила. Сепак, се чини дека постои реална можност тој да остане тренер на Баерн.

Во меѓувреме, Платенберг откри дека минхенската страна остварила контакт со Хулен Лопетеги, кој до неодамна беше фаворит да стане нов тренер на Милан. Шпанецот во никој случај не е прв избор на Баерн, но раководството на клубот упатил прашање дали тој е заинтересиран за работата.

The post ТУХЕЛ ОСТАНУВА ВО БАЕРН МИНХЕН? Баварците сега сакаат да го задржат тренерот appeared first on plusinfo.mk.

– Оваа одлука беше очигледна, мораше да се донесе. Беше кажано дека Томас ќе остане на чело на тимот до крајот на сезоната, но за тоа да се случи резултатите ќе треба да бидат константни. Во спротивно ќе си замине порано. Затоа Тухел е под притисок,- изјави Матеус за „Скај Спорт Германија“.

Тухел го презеде Баерн во март 2023 година. Клубот нема да го продолжи договорот на 50-годишниот Германец кој е со важност до крајот на јуни 2024 година.

Тимот од Минхен заостанува осум бода зад водечкиот Баер Леверкузен во Бундеслигата.

The post СЕ ТРЕСЕ ТЛОТО ПОД НОЗЕТЕ НА ТУХЕЛ Тренерот на Баерн Минхен трпи огромен притисок appeared first on plusinfo.mk.

Лондонски Челси потврди вечерва на својот официјален интернет сајт дека нов тренер на екипата е 47-годишниот Грахам Потер со кого е потпишан петгодишен договор.

Потер доаѓа на местото на германскиот стратег Томас Тухел, кој беше отпуштен ден по поразот на Челси во вторникот во Загреб од Динамо (0-1) во рамки на воведното коло од групната фаза во Лигата на шампиони.

Новиот тренер на Челси седеше на клупата на Брајтон од 2019 година, а претходно ги предводеше шведски Остерсунд и Свонси.

Потер го остави Брајтон на високото четврто место на табелата во Премиер лигата, додека Челси во моментов е шестопласиран.

The post ОФИЦИЈАЛНО ЌЕ СЕДНЕ НА КЛУПАТА Потер потпиша за Челси appeared first on plusinfo.mk.

Весникот „Дејли мејл“ наведува дека вкупните трошоци ќе го чинат Челси повеќе од 20 милиони евра, бидејќи со Тухел заминаа и неговите помошници.

Тухел дојде во Челси на 26 јануари 2021 година и со англискиот клуб ги освои Лигата на шампиони, Светското клупско првенство и Суперкупот на УЕФА.

Германскиот стратег претходно во кариерата ги водеше ПСЖ, Борусија Дортмунд, Мајнц и вториот тим на Аугсбург. 

The post ОТКАЗ ВРЕДЕН ЦЕЛО БОГАТСТВО Челси ќе го обештети Тухел со 17.5 милиони евра appeared first on plusinfo.mk.

– Во име на сите во клубот, сакаме да ја изразиме својата благодарност до Томас и неговиот персонал за сите нивни напори за време на нивниот престој во клубот. Томас со право ќе има место во историјата на Челзи по освојувањето на Лигата на шампионите, Суперкупот и Светското клупско првенство во своето време овде. Со оглед на тоа што новата сопственичка група наполни 100 дена од преземањето на клубот, и како што продолжува со својата напорна работа да го подигне клубот напред, новите сопственици веруваат дека е вистинско време да се направи оваа транзиција. Тренерскиот штаб на Челзи ќе го преземе тимот за тренинзи и подготовка на нашите претстојни натпревари, бидејќи клубот брзо се движи кон назначување на нов главен тренер. Нема да има дополнителни коментари додека не се назначи нов тренер – стои во објавата на Челзи.

„Сините“ од Лондон вчеравечер загубија од Динамо Загреб со 1:0 во првото коло од Лигата на шампионите.

Во Премиер лигата, Челзи по шест кола има три победи, еден нерешен резултат и два пораза.

The post СКАПО ГО ПЛАТИ ПОРАЗОТ ОД ДИНАМО Челзи го отпушти тренерот Тухел appeared first on plusinfo.mk.

Сепак, тренерот на Челси, Томас Тухел, нема дадено зелено светло за реализација на овој трансфер. Викендот беше објавено дека неговата позиција била под влијание на разговорот со поранешниот менаџер на Манчестер јунајтед, Ралф Рангник.

Роналдо нема постигнато гол на четири натпревари во Премиер лигата оваа сезона со Манчестер јунајтед.

Португалецот најчесто натпреварите ги почнуваше од клупата за резервни играчи, а стартер беше само на средбата со Брентфорд (0:4).

The post РОНАЛДО ВО ЧЕЛСИ? Тренерот Тухел сѐ уште нема дадено зелено светло appeared first on plusinfo.mk.

Според „The ​​Telegraph“, на тренерот му било ветено дека ќе може сам да управува со трансфер политиката на клубот, исто како што е во Манчестер сити и Ливерпул, каде Пеп Гвардиола и Јирген Клоп имаат големо влијание на трансферите.

Во клубот од Лондон се уверени дека најдобриот начин да се принудат Манчестер сити и Ливерпул да се борат за титулата во Премиер лигата е да му се даде на Тухел истата моќ што ја имаат Гвардиола и Клоп. На неодамнешниот состанок, Тод Боели му сигнализираше на Тухел дека новите сопственици ќе дадат се од себе за да ги исполнат барањата на тренерот.

Германецот се уште интензивно работи со директорката на Челзи, Марина Грановскаја и клупскиот советник Петр Чех, но сега мислењето на Тухел ќе биде главно во одлучувањето.

Мислењето на Тухел ќе биде одлучувачко и за иднината на напаѓачот на Челзи, Ромелу Лукаку, кој сака да се врати во Интер. За Белгиецот минатото лето „сините“ потрошија 97,5 милиони фунти.

The post ТУХЕЛ ДОБИВА ОДВРЗАНИ РАЦЕ Тренерот на Челзи ја презема контролата над трансферите appeared first on plusinfo.mk.

– Разговаравме за Ерлинг неколку пати, вклучително и за време на минатиот летен преоден рок. Точно, во тоа време неговиот трансфер за нас изгледаше нереално. Редовно зборуваме за него бидејќи е фантастичен фудбалер и дефинитивно важна фигура во Борусија, која е сериозен конкурент во Лигата на шампионите. Дали можам да ги замислам Лукаку и Халанд заедно на теренот? Зошто не, можеме да разговараме за тоа! Мислам дека не разговаравме сериозно за ова, но да видиме што може да се случи во наредните недели – изјави Тухел за „Билд“.

Во тековната сезона Халанд одигра 10 натпревари за Борусија, постигна 13 гола и четири асистенции.

„Transfermarkt.com“ го проценува 21-годишниот Норвежанец на 150 милиони евра.

The post ХАЛАНД И ЛУКАКУ ВО ТАНДЕМ? Тухел потврди за интересот на Челзи за Норвежанецот appeared first on plusinfo.mk.

Тухел потпиша договор на 18 месеци, со можност соработката да биде продолжена за уште една година, соопшти клубот од Лондон.

Тухел, кој освои две последователни шампионски титули со екипата на Пари-Сен Жермен пред да биде отпуштен на крајот од декември, доаѓа во Челзи само ден по отказот што сопственикот Роман Абрамович му го врачи на тренерот Френк Лампард поради слаби резултати.

– Сакам да му се заблагодарам на Челзи за укажаната доверба кон мене и мојот тим. Сите имаме голем респект кон работаta што тука ја вршеше Френк Лампард. Во исто време, нестрплив сум да се запознаам со мојата нова екипа и да се натпреварувам во една од највозбудливите фудбалски лиги. Благодарност што сум дел од семејството на Челзи – чувството е неверојатно – истакна Тухел во својата прва изјава по назначувањето за нов тренер на лондонскиот премиерлигаш.

Тухел, кој е прв германски тренер во историјата на Челзи, веќе вечерва ќе го води тренингот на екипата, пред утрешното премиерлигашко деби против Вулверхемптон.

The post Лампард стана, а Тухел седна на клупата на Челзи appeared first on plusinfo.mk.