Претседателот на САД, Доналд Трамп, повторно ја нападна италијанската премиерка Џорџа Мелони на социјалните мрежи, објавувајќи нејзина фотографија со коментар дека е „потребна забрана за приближување“.

За време на состанокот на Г7 во француското одморалиште Евијан минатиот месец, Трамп и Мелони беа фотографирани како разговараат, но Трамп по тој разговор во интервју за ТВ Ла 7 изјави дека премиерката на Италија го молела да се фотографираат.

– Ме молеше да се сликам со неа, ми падна жал. Веројатно беше среќна затоа што разговарав со неа – рече тогаш Трамп, со што предизвика многу негативни коментари од Мелони и од други италијански функционери.

Потоа се огласи и Мелони, која му порача на Трамп дека неговите постојани, со ништо предизвикани напади се бесмислени, додавајќи дека на нејзината популарност во Италија сигурно не ѝ помогнало тоа што му е пријателка.

По повод најновиот напад на Трамп врз Мелони, прв се огласи лидерот на организацијата „Акција“ (Azione), Карло Календа. Тој на социјалните мрежи остро го критикуваше американскиот претседател и го нарече насилник.

– Трамп е подол, ситен насилник. Целосна солидарност со премиерката – порача Календа во својата објава, пренесува агенцијата АНСА.

The post ТРАМП ЈА ПРОВОЦИРА МЕЛОНИ НА СОЦИЈАЛНИТЕ МРЕЖИ Бара да ѝ се забрани да му се приближува appeared first on plusinfo.mk.

„Смешно е што САД продолжуваат по овој едностран пат кога односот не е реципрочен. Тие не беа таму за нас!!!“.

Со оваа порака и графикон за трошењето во НАТО претседателот на САД Доналд Трамп повторно ја разгоре дебатата за односите меѓу САД и НАТО, само неколку дена пред самитот на Алијансата во Анкара.

Според објавените бројки, САД за одбрана во Алијансата издвојуваат 999 милијарди долари. За споредба, Велика Британија издвојува 90,5 милијарди долари, Франција 66,5 милијарди, Италија 48,8 милијарди, а Полска 44,3 милијарди долари.

Токму разликата во финансискиот товар е една од темите на кои Трамп се навраќа со години.

Во последните недели тој повеќепати го отвори тоа прашање и во контекст на кризата со Иран, оценувајќи дека товарот на безбедноста непропорционално паѓа врз Вашингтон.

Неговата нова порака доаѓа во чувствителен момент за Алијансата, која се подготвува за нов самит во Истанбул и за дополнителни разговори околу зголемувањето на воените буџети.

The post 📷 ТРАМП СО ГРАФИКОН ЈА ПРЕДИЗВИКА АЛИЈАНСАТА ПРЕД САМИТОТ Европа е далеку зад американските 999 милијарди appeared first on plusinfo.mk.

Американскиот претседател Доналд Трамп го сподели интервјуто на српскиот претседател Александар Вучиќ за конзервативниот американски медиум „Брајтбарт њуз“. Потегот привлече внимание во Србија бидејќи во разговорот Вучиќ упати низа пофалби за Трамп и неговата политика.

Вучиќ изјави дека Трамп е веројатно најпопуларниот американски политички лидер во Србија во последните години. Според него, пред американските избори во 2024 година дури три четвртини од српските граѓани посакувале победа на Трамп.

„Три причини зошто Трамп ужива најголема поддршка“

Српскиот претседател рече дека бил изненаден кога некои европски земји биле претставувани како главни упоришта на Трамп. Според него, најголемата поддршка за американскиот претседател доаѓала токму од Србија.

Вучиќ наведе три причини за таквиот однос. Првата ја гледа во желбата на Србите за поинакви односи со САД по децении политички несогласувања. Втората е поврзана со ставовите на Трамп за општествените прашања. Третата причина зошто Србите го сакаат Трамп според Вучиќ е зачувувањето на христијанските вредности и повиците на Трамп за мир во светот.

Exclusive — Serbian President Aleksandar Vucic: Donald Trump ‘Much More Popular’ in Serbia than Any Other U.S. Leader Because He Is ‘Pragmatic,’ ‘Rational’:https://t.co/LFh45KijhF

( TruthSocial: May 31 2026, 2:03 PM ET )​​​‍​​‌‍​​‌‍​​​​​​​‌‍​​​​​​​‌‍​​​​​​​​‌‍​‌‍​​​​​​‌‍​‌‍… pic.twitter.com/DPAktTc9Mj

— Commentary Donald J Trump Truth Social Posts On X (@TrumpTruthOnX) May 31, 2026

Покана за Белград

Во интервјуто Вучиќ упати и директна покана до Трамп да ја посети Србија. Тој изрази уверување дека американскиот претседател би бил пречекан од повеќе од 100.000 луѓе и дека таква посета би претставувала ново поглавје во односите меѓу Белград и Вашингтон.

Српскиот претседател потсети дека последниот американски претседател кој официјално го посетил Белград бил Ричард Никсон. Изрази надеж дека Трамп ќе го следи неговиот пример и ќе допатува во Србија.

Флин потсети на операцијата „Халијард“

По објавата на Трамп, интервјуто го сподели и пензионираниот американски генерал и поранешен советник за национална безбедност Мајкл Флин. Во својата објава тој потсети на операцијата „Халијард“, позната и како „Воздушен мост“, која се смета за една од најголемите акции за спасување американски и сојузнички пилоти во Втората светска војна.

„Србија одигра клучна улога во спасувањето на стотици соборени американски и сојузнички пилоти за време на Втората светска војна, првенствено преку операцијата ‘Воздушен мост’, најголемото спасување на американски пилоти во историјата“, напиша Флин на социјалната мрежа Икс.

Вучиќ во интервјуто исто така потсети на сојузништвото меѓу Србија и САД во двете светски војни. Притоа ја спомена и улогата на српското население во спасувањето на американските пилоти соборени над окупирана Југославија.

The post ТРАМП ГО СПОДЕЛИ ИНТЕРВЈУТО НА ВУЧИЌ „Три причини зошто Србите го сакаат Доналд“ appeared first on plusinfo.mk.

Американскиот претседател Доналд Трамп изјави дека е потребен нов договор за ограничување на нуклеарните арсенали, откако истече договорот Нов СТАРТ.

Трамп порача дека САД не треба да одат кон продолжување на постојниот договор, туку кон изработка на нов документ, кој ќе биде поцврст и поусогласен со актуелната безбедносна реалност. Пораката ја објави на својата платформа Truth Social.

„Наместо да го прошируваат Нов СТАРТ, лошо испреговаран договор од страна на САД, кој, меѓу другото, грубо се крши, нашите нуклеарни експерти треба да работат на нов, подобрен и модернизиран договор што ќе трае долго во иднина“, напиша Трамп.

Истек на договорот, отворена дилема

Тој не наведе кои држави би биле опфатени со евентуалниот нов договор. Сепак, од Белата куќа потврдија дека контактите со Москва продолжуваат.

Портпаролката Каролајн Левит изјави дека разговорите со Русија остануваат активни, но прецизираше дека во овој момент нема преоден договор што би го продолжил Нов СТАРТ.

Трамп ја турка Кина во фокус

Американскиот претседател и претходно тврдеше дека не е загрижен од истекот на договорот. Во повеќе наврати инсистираше во идниот аранжман да биде вклучена и Кина, што досега не беше дел од билатералните договори за контрола на нуклеарното оружје.

Што беше Нов СТАРТ?

Нов СТАРТ беше потпишан во 2010 година и претставуваше последен важечки договор меѓу САД и Русија за контрола на нуклеарното вооружување.

Со него, арсеналите на двете држави беа ограничени на максимум 1.550 распоредени нуклеарни боеви глави, како и на најмногу 800 носачи на ракети и тешки бомбардери. Ова значеше речиси 30 проценти помалку нуклеарно оружје во споредба со лимитите утврдени во договорот од 2002 година.

The post НУКЛЕАРНО РЕСЕТИРАЊЕ Трамп бара нов договор по истекот на Нов СТАРТ appeared first on plusinfo.mk.

Американскиот претседател Доналд Трамп конечно се огласи во врска со мировните преговори за завршување на војната во Украина, објавувајќи на својата социјална мрежа Трут соушл (Truth Social) загадочна порака.
„Не верувајте дека е постигнат голем напредок помеѓу Русија и Украина – уште не“, предупреди американскиот претседател.
„Дали навистина е можно да е постигнат голем напредок во мировните преговори помеѓу Русија и Украина? Не верувајте додека не видите, но можеби нешто добро се случува. Бог нека ја благослови Америка“, напиша Трамп.

Trump urges caution: “Don’t believe in big progress between Russia and Ukraine — not yet”

On social media, Donald Trump said people shouldn’t believe reports of “big progress” between Russia and Ukraine — “not until you see it yourselves.” Yet he immediately added that… https://t.co/gwZYdRE3ga pic.twitter.com/RkEw2tE16J

— NEXTA (@nexta_tv) November 24, 2025

The post НЕ ВЕРУВАЈТЕ ДОДЕКА НЕ ВИДИТЕ, НО… Трамп повикува на воздржаност во поглед на мировниот план за Украина appeared first on plusinfo.mk.