Четириесет и едногодишна жена од Охрид со тешки повреди завршила на лекување во Клинички центар Скопје откако била повредена на работното место во фабрика.

Според првичните информации, несреќата се случила во текот на ноќта, по што жената најпрво била пренесена во специјалната болница Св. Еразмо. Поради сериозноста на повредите, лекарите одлучиле таа итно да биде транспортирана во Скопје.

Случајот бил пријавен во СВР Охрид, а полицијата заедно со трудовата инспекција презема мерки за да се утврдат околностите под кои настанала несреќата.

The post НЕСРЕЌА ВО ФАБРИКА ВО ОХРИД Работничка со тешки повреди итно префрлена во Скопје appeared first on plusinfo.mk.

Во Клиничката болница во Битола вчера попладне е хоспитализиран 54-годишниот Б.В. од Битола, кој се здобил со тешки телесни повреди додека извршувал работни задачи во приватна фирма.

Според пријавата до СВР Битола, инцидентот се случил во текот на извршување на работните обврски на лицето. На местото на настанот извршен е увид од увидна екипа, а случајот е пријавен и до трудов инспектор за понатамошна истрага.

Полицијата ја истражува причината за повредите и околностите под кои се случил инцидентот, за да се утврди дали станува збор за непочитување на безбедносните протоколи на работното место.

The post ИНЦИДЕНТ НА РАБОТНО МЕСТО ВО БИТОЛА 54-годишен маж хоспитализиран со тешки телесни повреди appeared first on plusinfo.mk.

44-годишен работник од скопското село Никиштане е пренесен во болница со тешки повреди откако се повредил за време на извршување работни задачи пред објектот на Македонската филхармонија во центарот на Скопје.

Инцидентот се случил вчера околу 08:40 часот, кога од Градската општа болница „Св. Наум Охридски“ ја известиле полицијата дека кај нив е донесен повредениот Р.Ј. (44).

Според првичните информации, мажот се здобил со сериозни телесни повреди додека работел пред зградата на Филхармонијата, по што бил итно хоспитализиран.

Од полицијата велат дека случајот е пријавен и дека за настанот е известен надлежен трудов инспектор, кој треба да утврди дали биле почитувани сите безбедносни протоколи при извршувањето на работните задачи.

The post ТЕШКА НЕСРЕЌА ВО ЦЕНТАРОТ НА СКОПЈЕ Работник тешко повреден пред Филхармонијата appeared first on plusinfo.mk.

„Вчера околу 11.30 часот во Полициската станица Струмица било пријавено дека при извршување градежни работи на објект на улицата Братство Единство во Струмица, З.Б.(60) од село Вешала, тетовско, паднал и од здобиените повреди починал на местото“ соопшти денеска струмичката полиција.

Смртта ја констатирал лекар од Медицински центар Струмица, а увид на местото на несреќата извршиле јавен обвинител од ОЈО Струмица, инспектор од Државен трудов инспекторат и екипа на СВР Струмица.

По наредба на јавен обвинител телото на починатиот било предадено на обдукција.

The post ЗАГИНА 60-ГОДИШЕН ГРАДЕЖЕН РАБОТНИК ВО СТРУМИЦА Паднал од објектот во изградба, починал на лице место appeared first on plusinfo.mk.

По инцидентот, постапувајќи по насоки на Владата Надзорниот одбор на М-НАВ ги разреши претседателот на Управниот одбор Фахрудин Хамиди и секторскиот извршен директор. Владата тогаш даде насоки нов претседател на УО да биде Хекуран Асани, а Милан Кораќ секторски директор.

По владината одлука за промени во раководството на М-НАВ, Струковиот синдикат на контролори на летање (ССКЛ), кој во изминатиот период реагираше за работењето на актуелното раководство на М-НАВ и спроведувањето на огласите за вработување, ја стави во мирување одлуката за генерален штрајк.

За упадот во М-НАВ, Основното јавно обвинителство Скопје отвори истражна постапка против осум лица за кои постои основано сомнение дека како соизвршители сториле кривично дело – Загрозување на безбедноста на воздушниот сообраќај според член 303 став 2 во врска со член 22 од Кривичниот законик.

Агенцијата за цивилно воздухопловство веќе го подготви прелиминалниот извештај од вонредниот надзор по инцидентот во националниот оператор за воздухопловна навигација во делот на обезбедувањето. Изготвен е конечен записник, врз основа на кој од 14 утврдени наоди изготвено е решение со наредба за преземање 11 задолжителни мерки и активности со различен рок на реализација, што ќе биде дефиниран во корективен план што заедно ќе го изготват овластените инспектори во АЦВ со одговорните во М-НАВ. Има и прекршочни платни налози заради утврдена конкретна одговорност, со санкции кон фирма и лица.

Надзор во М-НАВ врши и Државниот инспекторат за труд (ДИТ), исто така по препорака на Владата. Првичниот надзор е проширен по претставки на кандидати кои се јавиле на последните огласи за вработување и имаат и анонимна претставка за синдикатот.

The post МАКЕДОНСКА НАВИГАЦИЈА ДОБИ НОВ УПРАВЕН ОДБОР Освен смените продолжуваат и контролите appeared first on plusinfo.mk.

Томовска рече дека ќе ја разгледуваат документацијата околу вработувањата, како и тоа дали синдикатот има најави за штрајк согласно Законот.

– Во делот на вработувањето, дали се реализирани согласно Закон, огласот исто дали е согласно со Закон. Значи во моментов тие две работи ќе се проверуваат, ќе се проверуваат последните вработувања, потоа дали синдикатот има најава за штрајк и дали тоа се е во согласно со законот – вели Томовска.

Таа додаде дека најверојатно почетни информации за еден ваков надзор ќе има за повеќе од една недела, бидејќи инспекторите мора да ја разгледаат обемната документација, а потоа ќе разговораат и со синдикалниот лидер.

– Значи мора да ја разгледаме целокупната документација – вели Томовска.

Инспекторите на ДИТ во М-НАВ влегоа по настаните во оваа институција.

The post НОВИ ИНСПЕКТОРИ ВЛЕГОА ВО М-НАВ Трудова ќе ги „чешла“ вработувањата во Македонска навигација appeared first on plusinfo.mk.

Поради топлотниот бран што ја зафати земјава, Владата донесе одлука бремените жени и лицата над 60 години да бидат ослободени од работа, во установите за згрижување на децата да не се практикува физичка активност и да не се изнесуваат децата на отворено во периодот од 11 до 17 часот, а единиците на локалната самоуправа, Црвениот крст и Центрите за социјални работи, во регионите зафатени со топлотниот бран да пружаат помош на осамени, стари, изнемоштени лица и бездомници.

„Државните органи и јавните претпријатија и установи да ги почитуваат препораките. Сите правни субјекти кои вршат активности на отворено, да ги запрат активностите во периодот од 11:00 до 17:00 часот, а ова особено се однесува на работата на градежните работници“ – се вели во соопштението од Владата.

The post 30 ФИРМИ ДОБИЈА ЗАБРАНА ЗА РАБОТА Не ги почитувале мерките и препораките за заштита од високите температури appeared first on plusinfo.mk.

Директорот на Трудовиот инспекторат Аљадин Хавзиу денеска на прес-конференција во Владата потврди дека до нив се стигнати претставки од работници кои се принудени на потпишат отказни решенија или им се нудат договори за работа со скратено работно време.

– За жал, има неколку такви претставки и се постапува по сите согласно законот. Апелирам вработените да внимаваат што потпишуваат. Може да се јават во Трудовата инспекција во секое време, во секоја подрачна единица. Истакнати се броевите на инспекторите и тие се јавуваат на повик и може да ги консултираат. Вработените да не потпишуваат нешто што не знаат и потоа да има последици по нив – порача Хавзиу.

До Инспекторатот, како што посочи, нема доставено пријави од граѓани дека Агенцијата за вработување не ги регистрира работниците на кои им престанал работниот однос по основ на престанок на важност на договорот за работа.

The post Вработените да внимаваат какви договори или откази потпишуваат, апелираат од Трудовиот инспекторат appeared first on plusinfo.mk.