Италијанската јавност е во шок откако 14-годишно девојче забременило по учеството во опасен предизвик, наречен – „Секс рулет“, во кој малолетници имаат незаштитени сексуални односи со непознати лица. Накратко, младите имаат „романтична средба“, а девојката „губи“ ако остане во бремена.

Овој опасен тренд тивко се шири низ Европа, сериозно загрозувајќи го здравјето и безбедноста на многу малолетници. Според информациите овој тренд започнал на социјалните мрежи на Балканот, наводно од Белград, пренесува грчкиот портал „прототема“.

„Секс рулет“ брзо се прошири на остатокот од Стариот континент, предизвикувајќи сериозна загриженост кај експертите од превентивната медицина, психологијата и образованието.

Како што пренесуваат италијанските медиуми, овој предизвик е создаден на социјалните мрежи и се карактеризира со неговата опасна природа, бидејќи ги поттикнува малолетниците да учествуваат во незаштитени сексуални дејствија со непознати лица, со цел да се зголеми адреналинот.

Во овој конкретен „предизвик“, „победник“ е онаа што нема да забремени, додека „губитник“ е онаа што ќе забремени. Адвокатката Марина Конталео го презеде случајот со 14-годишното девојче кое забременило како резултат на учеството во овој предизвик.

Како што објаснува Контолео, девојчето не ни знаело кој е татко на нејзиното дете, бидејќи станува збор за непознато лице, кое преку социјалните мрежи го нашла да учествува во предизвикот.

„Секс рулет“ како резултат не е ограничен само на бременост. Со цел да се зголеми опасноста и чувството на ризик, учесниците може да одлучат да вклучат лице заразено со ХИВ во нивната група, без да знаат за кого станува збор, со што се зголемува ризикот од предизвик.

Овој предизвик наводно започнал во круговите на богатите семејства во Белград и брзо се проширил во Шпанија, Обединетото Кралство, а неодамна и во Италија.

Според Конталео, учесниците се организираат преку паралелни разговори на социјалните мрежи и договараат место и време за состаноци, секогаш без употреба на кондоми. Девојката (14), која е во шестиот месец од бременоста, се чувствувала како да го „изгубила предизвикот“ и била „избркана од групата“, а како што вели не е толку разочарана поради бременоста, туку поради чувството на исклучувањето.

Sex Roulette: Ανήλικες συνευρίσκονται με αγνώστους και «χάνουν» όσες μείνουν έγκυοι – Ανησυχία για το challenge στα social media https://t.co/kg4tKPn0s9 pic.twitter.com/35BGmeHpbg

— Protothema.gr (@protothema) September 30, 2024

Според експертите, малолетниците вклучени во вакви предизвици се изложени на сериозни ризици поради недостаток на информации и емоционална нестабилност. Контолео нагласува дека феноменот повеќе не е ограничен само на оддалечените области, туку влијае и на учениците во централните училишта во Рим.

Друг пример се нарушувањата во исхраната како што е анорексијата, кои родителите ги игнорираат бидејќи се премногу зафатени со сопствените обврски.

Предизвикот „Секс рулет“ не е единствениот опасен феномен. Предизвиците како што се „Калипо турнеја“ и „Чиното турнеја“, во кои малолетници патуваат во различни региони на Италија за да имаат секс со непознати, се снимаат и објавуваат на социјалните мрежи, изложувајќи ги учесниците на ризик од физичка и ментална повреда.

Incinta a 14 anni per una challenge di TikTok.

Si chiama sex roulette e consiste nel fare sesso con un gruppo di sconosciuti. “Se arriva la gravidanza, perdi” https://t.co/rXcK6QxS6q

— Fanpage.it (@fanpage) September 24, 2024

Во четврток, на 26 септември, во Рим беше организиран експертски состанок на кој учествуваа лекари, здруженија и експерти, со цел да се реши овој опасен тренд кој создава сериозни ризици за младите.

Конференцијата ја организираше организацијата „Правна љубов“, во соработка со претседателката на организацијата „Пат кон зелено 2020“, Барбара Молинарио и адвокатката Марина Кондолео.

Експертите ја нагласуваат потребата од итна интервенција и едукација на младите, како и поддршка од нивните семејства, со цел да се заштитат од лошото влијание на социјалните мрежи и самоуништувачкото однесување кое произлегува од потребата да припаѓаат на групи и да бараат екстремни искуства.

The post ИМААТ ОДНОСИ СО НЕПОЗНАТИ, А ГУБИ ТАА ШТО ЌЕ ОСТАНЕ БРЕМЕНА Малолетни девојчиња учествуваат опасен предизвик наречен „Секс рулет“ appeared first on plusinfo.mk.