„Со вчерашниот изборен ден покажавме дека живееме во демократска држава каде моќта е на народот! Онака како што и треба да биде. Благодарам на сите граѓани кои вчера излеговте и го дадовте својот глас за промени по ваша мерка! Во нашиот мандат како Социјалдемократски сојуз на Македонија, никој не оставивме сам, носевме мерки и закони кои помагаат на сите граѓани“, посочи Тренчевска.

Таа додаде дека се донесени највисоките плати и пензии, се грижеле за најмладите и за лицата со попреченост.

„Затоа денес се повлекувам од мојата функција како претседателка на форумот на жени на СДСМ, функција која ја извршував чесно, достоинствено и во служба на граѓаните. Но, од моето делување сфатив дека на граѓаните не им се потребни само добри закони, туку и силни реформи! Продолжувам цврсто напред“, појасни Тренчевска.

Потенцираше дека нема да дозволи уназадувањe на социјалната работа и укинување на мерки кои се од полза на граѓаните. Како што појасни, се води од вредности во кои секој заслужува поддршка, можности и напредок, и така ќе делува од позиција на пратеник.

„Од партиските структури се повлекувам целосно одговорно и самосвесно, со сигурност дека не сум ја изневерила довербата која ми е дадена, а од денес во СДСМ нека настапат оние со квалитети, вистински знаења, лицата блиски до народот на кои им се верува. Нови лица, неизвалкани од бремето на претходните функционери. Јас верувам во моите социјалдемократи и знам дека промените ќе бидат на подобро“, појасни Тренчевска.

The post ПОВТОРНО ОСТАВКА ВО РЕДОВИТЕ НА СДСМ Јованка Тренчевска веќе не раководи со форумот на жени appeared first on plusinfo.mk.

Министерот за внатрешни работи Оливер Спасовски нагласи дека изминативе години во светот и кај нас во голема мерка се рушат предрасудите околу родовото насилство, особено насилството врз жените и девојчињата, за што, како што потенцира, говори и тенденцијата што сѐ поголем број жени се охрабруваат и ги пријавуваат случаите на семејно насилство наспроти податокот дека до пред пет години само 2 проценти од жените кои доживеале насилство од партнерот, пријавиле во полиција, изјаснувајќи се дека домашното насилство треба да се решава во семејството.

– Колку за илустрација, во контекст на полициското соочување со проблемот на семејното насилство, треба да се истакне дека во периодот јануари-септември 2023 година – на ниво на држава беа евидентирани 875 жртви на насилство од кои 678 се жени, сопруги, вонбрачни сопруги, мајки, ќерки…. На овие показатели за истиот период треба да се додадат и 295 жртви на насилство при констатирани и санкционирани прекршоци и 3.776 поплаки против членови на семејството, при што во 2.511 случаи жртвите се жени – рече Спасовски.

Изминативе години, како што посочи, МВР се прилагодила кон новите трендови и стандарди во третманот на насилството врз жената, поставувајќи стандардни оперативни процедури коишто опфаќаат еден широк спектар на активности, не само за идентификување и управување со ризиците, туку и за обезбедување на безбедноста на жртвата во сите фази на полициското постапување.

Mинистерката за труд и социјална политика Јованка Тренчевска истакна дека дигитализацијата и социјалните медиуми носат нови облици на насилство врз жените. Токму затоа, потенција таа, оваа година фокусот на кампањата го ставаме на демнењето, онлајн вознемирувањето, говорот на омраза, сексуалното насилство, злоупотребата на интимни фотографии, фемицидите и вознемирувањето на работно место.

– Секој од овие облици на насилство уверена сум дека ја допира секоја од нас. Верувам дека секоја од вас го почувствувала гневот во себе за неможноста да ја заштити другарката, колешката од насилникот, но и од немоќта да ја убеди да го напушти насилството токму во мигот на доверување, на слабост и на солзи. Затоа горда сум што ќе кажам дека не говориме само овие денови за борба со насилството врз жените и девојките, ниту јас, ниту моите колеги од Владата – рече Тренчевска.

Таа потенцира дека ќе продолжат да зборуваат против насилството на жените и во наредните денови, а не само на следните осум настани кои се дел од оваа кампања.

– Ќе продолжиме заедно согледувајќи ги пропустите, броејќи ги предизвиците, чекорејќи кон промените. Насилството ги сокрива потенцијалите на жените, им ја одзема моќта, а со тоа ја одзема силата на нашето општество. Уверена сум дека секој од нас тука верува во еднаквоста, во можностите, затоа Ве повикувам: да го ставиме нашето парче во сложувалката; да охрабриме, да поддржиме, да пријавиме и да се избориме; да го осветлиме заедно мракот на насилството– за нас, за нашите деца, за оние девојки кои живеат во сенката на молкот и стравот, за жени оние кои ги изгубија своите животи – рече Тренчевска.

The post ПОЧНА КАМПАЊАТА „СЛОЖУВАЛКА“ 16 дена активизам за борба против насилство врз жените appeared first on plusinfo.mk.

Таа информираше дека со владината одлука околу 330.000 пензионери и 36.000 домаќинства приматели на гарантирана минимална помош ќе земаат дополнителни 1.000 денари за месеците март, април и мај. Исто така очекува измените во Предлог законот за изменување и дополнување на Законот за пензиско и инвалидско осигурување што поскоро да ја поминат собраниската процедура, за да може помошта да биде исплатена според најавеното темпо.

– Нема да има ваучери, туку по 1.000 денари во наредните три месеци пензионерите ќе добиваат на своите трансакциски сметки, заедно со исплатата на пензиите. Овие финансиски средства ќе можат да ги искористат за купување на прехранбени производи, за сметките за струја или за нешто друго. За да стасаат парите што поскоро и до граѓаните кои се приматели на гарантирана минимална помош, исплата по 1.000 денари во наредните три месеци исто така, најверојатно ќе се изврши преку трансакциските сметки, заедно со исплаќањето на правото на ГМП. Во месеците март, април и мај околу 36.000 домаќинства ќе добијат дополнителни 1.000 денари, како дел од сетот на владините 26 мерки за полесно справување со кризата, во која се наоѓа, не само нашата држава, туку и другите земји во светот. Доколку исплатата се прави со ваучери, тогаш постапката би траела многу подолго – рече министерката Тренчевска во гостувањето на ТВ Сител.

Тренчевска информираше и за бројот на лицата приматели на „социјална пензија“.

– Со реформите во социјалната заштита од 2019 година го воведовме правото на социјална сигурност за стари лица, популарно наречена социјална пензија. Ова право го користат граѓаните кои на било кој начин не остваруваат право на пензија, а се материјално необезбедени. По навршувањето на 65 години, овозмоќивме овие лица да се стекнат со правото за социјална пензија. Ова право кое изнесува 6.317 денари, во моментот го користат 10.028 граѓани во државата – рече министерката.

The post НЕМА ВАУЧЕРИ, ТУКУ ПАРИ НА СМЕТКА Тренчевска објасни како пензионерите и социјалните случаи ќе добија по 1.000 денари appeared first on plusinfo.mk.