ВМРО-ДПМНЕ обвини дека политичкото влијание на СДСМ во синдикалните структури на Сојузот на синдикатите на Македонија (ССМ) станува сѐ поочигледно. Партијата го посочува организирањето на четиридневни спортски игри во Чањ, Црна Гора.

Според партијата, зад организацијата на настанот стои членот на Претседателството на ССМ и претседател на УПОЗ, Трпе Деаноски, а за реализација на спортските игри биле потрошени околу 60.000 евра.

ВМРО-ДПМНЕ тврди дека добила реакции од разочарани членови кои сметаат дека при изборот на учесници предност имале лица блиски до СДСМ. Според нив, наместо еднакви можности за сите членови, привилегиите биле резервирани за однапред избрани луѓе.

„Дали ваквите скапи патувања се приоритет на раководството на ССМ?“, прашуваат од ВМРО-ДПМНЕ, оценувајќи дека синдикалното раководство се оддалечува од реалните проблеми на работниците и функционира по политички и партиски линии.

Партијата наведува дека синдикатите треба да ги застапуваат интересите на сите работници, а не да бидат место каде што привилегиите и бенефитите зависат од политичка блискост.

Во соопштението се додава и дека ССМ континуирано губи членови, а дел од раководството, според ВМРО-ДПМНЕ, го претвора синдикатот во „политичка каста блиска до СДСМ“.

The post КОЈ ГО ПРАВЕЛ СПИСОКОТ ЗА ПАТНИЦИ ВО ЧАЊ? Деаноски го претвора УПОЗ во каста блиска до СДСМ appeared first on plusinfo.mk.

Ова во изјава за МИА го потврди претседателот на Синдикатот на УПОЗ, Трпе Деаноски, кој рече дека засега се очекува на протест да излезат вработените од министерствата за култура, животна средина, европски прашања, дигитална трансформација, транспорт и врски, економија и труд, како и вработените во Државниот завод за статистика.

Деаноски нагласи дека во понеделник официјално ќе биде објавено кој сѐ ќе учествува на протестот, бидејќи, како што рече, постои можност да се приклучат вработени и од други министерства.

– Во понеделник официјално ќе објавиме кој сѐ ќе учествува на протестот. Засега има шест министерства кои ќе излезат на протест, односно Министерство за култура, Министерство за животна средина, Министерство за европски прашања, Министерство за дигитална трансформација, Министерство за транспорт и врски, Министерство за економија и труд, како и вработените во Државниот завод за статистика. Барањата се потпишување колективен договор, со којшто вработените ќе имаат 30 проценти додаток на плата – изјави Деаноски.

The post ВРАБОТЕНИ ОД 6 МИНИСТЕРСТВА ЌЕ ИЗЛЕЗАТ НА ПРОТЕСТ На 14 јануари ќе протестираат и од Статистика appeared first on plusinfo.mk.

Претседателот на Синдикатот на УПОЗ, Трпе Деаноски посочи дека доколку Уставниот суд донесе одлука со која работниците нема да можат да го добиваат надополнувањето на плата, работата на Бирото за јавни набавки ќе прекине, со што ниту една институција во државата нема да може да набави било што и да биде потребно за вршење на нивната работа.

Додаде дека постои опасност Министерството за финансии да го затвори трезорот и ниту еден вработен во јавниот сектор да не добие плата.

– Доколку Уставниот суд донесе одлука со која што нема да можат овие работници да го добиваат ова надополнување на плата ќе предизвика големо незадоволство што би значело дека Управата за имотно правни работи нема да ги работи експропријација на „Бехтел“ и „Енка“, Бирото за јавни набавки нема да работи, нема да има ниту една институција во државата да може да набавува било што ќе им биде потребно за нивната работа, а пак има опасност Министерството за финансии да го затвори трезорот и ниту еден вработен во јавниот сектор да не добие плата, посочи Деаноски.

Деаноски вели од моментот на поднесување на иницијатива до донесување на времена мерка помина само еден месец, а Уставниот суд за иницијативи поднесени од Синдикатот нема одлучено две и пол години. Опасноста што следи, вели тој, е да Уставниот суд има право да донесе одлука – да ја одбие иницијативата.

– Зошто го направи тоа Уставниот суд и нас се уште ни е нејасно, бидејќи од моментот на поднесување на иницијатива до донесување на времена мерка помина само еден месец, а Уставниот суд за наши иницијативи нема одлучено две и пол години. Апелирам уште еднаш кога ќе се носи одлуката Уставниот суд да си внимава за ретроактивноста, бидејќи не смее да се носат одлуки што се ретроактивни и да ги казни уште повеќе овие вработени, а да знаете и тоа дека сите вработени си ги планираа парите, земаа уште повеќе кредити, купија многу повеќе од тоа што треба, а сега тие пари им ги скратија на работниците, рече Деаноски.

Вели Синдикатот заедно со Министерството за финансии изнаоѓа начин како работниците ќе можат да ги задржат 30-те проценти надополнување на плата и додаде дека како Синдикат инсистираат на потпишување на колективен договор.

– Ние направивме состаноци со раководството на Министерството за финансии на исто мислење сме, наоѓаме начини како да го анулираме ова, како да направиме нешто што работниците ќе може да го задржат ова 30 проценти надополнување на плата. Ние инсистираме како Синдикат на потпишување на колективен договор. Останува во наредните денови повторно да се сретнеме со раководството на Министерството за финансии и мислам дека треба да најдеме заеднички начин да го решиме овој проблем, истакна Деаноски.

The post „ЌЕ ГО ЗАТВОРИМЕ ТРЕЗОРОТ И НИКОЈ ОД ЈАВНИОТ СЕКТОР НЕМА ДА ДОБИЕ ПЛАТА“ Вработените во Министерството за финансии не сакаат да се откажат од „надополнувањето“ од 30 отсто appeared first on plusinfo.mk.

И со минимална плата од 22.500 денари, износ кој го најави деновиве вицепремиерот, работниците нема да можат да ги задоволат своите основни месечни потреби, велат синдикатите кои додаваат дека ќе ги почекаат официјалните податоци во март следната година за да видаат колку точно ќе биде намален вистинскиот раст на минималната плата, поради владината опсесија со инфлацијата.

Бизнисмените, пак, се прашуваат како може да се зголемат платите кога продуктивноста на работниците опаѓа или стагнира, а трошоците секојдневно растат. Тие негодуваат што со административни мерки непотребно се зголемуваат трошоците за работа на бизнисите од кои еден се и платите.

– Кога зголемувањето на платата не кореспондира со продуктивноста, ние имаме проблем. Такво е секое зголемување на минималната плата бидејќи тоа е административна мерка која им се наметнува на компаниите. Посебен проблем имаат компаниите извозници меѓу кои и оние од текстилниот сектор, кои не можат да направат баланс меѓу трошоците и опстанокот на фирмата, бидејќи кај нив исто така има влијание и курсот на денарот, кој е врзан за еврото, но и неможноста поради лон-работење да ги зголемат цените на производите. Дополнително, со стара работна рака, бидејќи не можеме да дојдеме до млада, поради исто така административни мерки, не може да се зголемува продуктивноста и тука се вртиме во круг. Под еден ваков притисок не останува можност за наградување на заслужните работници – вели претседателката на текстилниот кластер Маријана Перковска.

Според неа, административните мерки, кои одат на штета на бизнисите, придонесуваат да се затворат голем број компании.

Бизнисмените велат дека и ваква каква што е, новата методологија на утврдување на минималната плата доведува до несразмерност во однос на просечната плата, а тоа влијае на останатите плати кои не можат да растат со темпото со кое расте минималната плата.

– Земјава е подобра и од европскиот просек во процентуалниот износ на минималната во просечната плата. Тој во земјава се искачи на ниво од над 60%, а во европските земји прагот оди надолу – вели Ангел Димитров од Организацијата на работодавачи.

Синдикатите, пак, во најавата на износ на минимална плата, 4 месеци пред таа официјално да биде пресметана, гледаат обид да се смират работниците пред да им се каже дека оваа плата наскоро нема да порасне. Сепак, велат дека ќе почекаат да ги видат официјалните податоци за параметрите од кои се пресметува минималната плата.

– Да ги видиме официјалните податоци, па ќе може да кажеме како сето тоа ќе се одрази врз работниците. Но, видливо е дека владата се обидува вештачки да ја намали инфлацијата на очекувано ниво, а со тоа и да ја намали можноста од реален раст на минималната плата. Видовме како инфлацијата падна на 3,5% во услови кога работникот сè помалку има изгледи да преживее со платата што ја добива поради високите цени. Последните пресметки се дека месечните трошоци, оние според пресметките на синдикалната кошничка пораснаа на 49.000 денари што не се покриваат ниту со две минимални плати – вели Трпе Деаноски, член на претседателството на ССМ.

Според него, голем проблем ќе се јави во јавниот сектор каде што владата не дозволува усогласување на останатите плати со минималната, што ќе доведе до зголемување на бројот на работници кои ќе земаат минимална плата иако дел од нив извршуваат многу посложени работи.

– Владата инсистира да ја тргне минималната плата како основ за пресметка на платите во јавниот сектор, а сето тоа за да не се усогласуваат платите со износот на минималната плата. Заедно со вештачкото намалување на инфлацијата на сметка на работниците, говори дека владата воопшто не мисли на работниците – вели Деаноски.

Со Законот за изменување и дополнување на Законот за минимална плата утврдено е дека исплатената висина на минимална плата во бруто износ за месец март секоја година се усогласува со: 50% од порастот на просечно исплатената нето-плата во земјата, за претходната година, според податоците на Државниот завод за статистика и 50% од порастот на индексот на трошоците на живот, за претходната година.

Висината на минималната плата не може да биде пониска од 57% од висината на просечно исплатената нето-плата во претходната година.

Според податоците од статистиката годинава просечната плата на вработените расте речиси секој месец за околу 14%. Така, таа во јануари порасна за 13,2%, во февруари за 13%, март за 12,4%, во април за 14,6%, мај за 16,1%, во јуни за 14,6%, јули за 14,1% и август за 14,2%.

Инфлацијата, односно трошоците на живот по месеци изнесуваа: 17,1% во јануари, 16,7% во февруари, 14,7% во март. Априлската инфлација изнесува 13%, а во мај 11,3%. Во јули имавме инфлација од 8,4%, во август 8,3%, во септември 6,6% и во октомври 3,5%.

The post ЗА КОЛКУ ЌЕ ПОРАСНЕ МИНИМАЛНАТА ПЛАТА ОД МАРТ СЛЕДНАТА ГОДИНА? Битиќи смета дека ќе изнесува 22.500 денари appeared first on plusinfo.mk.

Работата во која ќе членуваат 5 министри од Владата и претставници на синдикатот на УПОЗ треба да се формира за една недела, а да донесе решение за 10 дена.

– Ние ги кажавме нашите барања, а на првата средба на работната група очекуваме претставниците на Владата да го понудат својот став по што ќе преговараме. Сепак, крајната одлука за предложеното на работната група ќе ја донесат вработените во судската администрација – вели Трпе Деаноски, претседател на синдикатот на УПОЗ.

Тој појаснува дека барањето за зголемување на платите е надвор од веќе добиеното зголемување договорено со потпишувањето на колективниот договор за кој се преговараше годинава.

– Овие вработени ќе го добијат она што е договорено со колективниот договор, но со оглед на ниските плати и одземените пари за додатоци на плата преку овој штрајк се бара дополнително зголемување на платите само за судската администрација и за вработените во судовите и во обвинителствата – вели тој.

Деаноски е јасен дека прво барање на синдикатот на УПОЗ на средбата на работната група ќе биде одлуката да биде донесена за 10 дена.

– Познато е во нашава земја зошто се формираат работните тела и колку долго трае нивната работа. Затоа се одлучивме да го ограничиме рокот за донесување решение на 10 дена што е разумен рок. Сè друго е само можност за одолговлекување на донесување решение на проблемот, а работниците да не го добијат бараното – вели тој.

Штрајкот ќе продолжи со намалено реализирање на работните задачи до почетокот на преговорите.

Вработените во правосудните институции во земјава најавија радикализација на штрајкот со целосно запирање на работата.

– Очекуваме дека доколку не се договориме ќе ни се приклучат и колегите од судовите и колегите од правобранителството, што би значело дека целото правосудство нема да извршува никакви работни задачи – вели Деаноски.

Вработените во судската администрација кои се жалат дека земаат ниски плати и со години не примаат додатоци на плата бараат зголемување на нивните плати од 78%, како што се донесе за функционерите и 35% зголемување на додатоците на плата.

– Доколку мислат дека ќе се пазариме за 5, 10 отсто покачување на плата ич да не почнуваме. Барањата ни се 78 отсто со 35 отсто додатоци – изјави вчера Изабела Илиева од синдикалната организација на јавни обвинителства.

Доколку надлежните останат глуви за нивните барања од синдикатот на судската служба се заканија со блокада на целото правосудство.

– Штрајкувачкиот одбор одлучи дека протестите ќе продолжат од понеделник со блокирање на улици бидејќи ние сè уште не сме повикани на тие преговори, продолжуваме од понеделник со протести сѐ до исполнување на нашите барања – вели Јасмина Величкова, претседателка на Независниот синдикат на Судската служба.

Револтот кај вработените во јавните обвинителства и во судската администрација се јави откако Уставниот суд донесе одлука за покачување на платата на функционерите за 78%, а ним им се скратија додатоците на плата кои изнесуваа 35%.

The post „ИЧ ДА НЕ ПОЧНУВАМЕ ПРЕГОВОРИ АКО НЕ ДАДЕТЕ 78% ПОКАЧУВАЊЕ!“ Вработените во правосудните органи ѝ пресудија на Владата да одлучи за 10 дена appeared first on plusinfo.mk.

Синдикатот на УПОЗ во чиј состав се овие вработени најави дека штрајковите ќе се реализираат се до исполнување на барањата, а во тој период ќе се работат само итните случаи. Станува збор за 2.500 вработени во обвинителствата и судовите кои имаат просек на плата од 25.000 денари.

– Разликата на платите сега во обвинителствата и судовите порасна од 1:2 или 3 работник – избран раководител, на 1: 6 или 7 што е многу. Незадоволството кај вработените во јавните обвинителства и судовите е големо. Министерството за правда и судовите не прифаќаат преговори и ние одлучивме да штрајкуваме. На 27 септември први излегуваат вработените во обвинителствата, а на 29 ќе им се придружат и вработените во судовите. Барањата се исти зголемување на платите од најмалку 30 отсто до најмногу 78 отсто и редовна исплата на додатоците на плати. Ќе се штрајкува до исполнување на барањата – информира претседателот на синдикатот на УПОЗ Трпе Деаноски.

Тој информира и дека Синдикатот на УПОЗ испрати амандман на ребалансот на буџетот со тоа што ќе се зголеми износот на пари наменети за плати според бараното зголемување од најмалку 30 до најмногу 78%.

Претседателот на ССМ Слободан Трендафилов рече дека подолг период има незадоволство кај работниците во јавниот сектор.

– За време на преговорите за зголемување на платите ние кажавме дека за вработените зголемувањето на платите од 10% е мало, а високо е зголемувањето на платите на избраните раководители и функционери, но не бевме послушани и ни беше понудено зголемување од 10% со одложено дејство. Ние и тогаш и сега велиме дека ќе имаме жешка есен и тоа ќе се случува – вели Трендафилов.

Денеска во Собранието почнува расправата по имените на законот со кои се зголемуваат платите во јавниот сектор за 10%.

-Денеска ние бараме пратениците да не политизираат и да ги донесат овие измени.- рече Трендафилов.

Тој информира дека имаат информации од вработени во јавниот сектор дека раководителите не презеле никакви подготовки за зголемување на платите. тие треба да го применат општиот колективен договор за јавен сектор и да го применат зголемувањето од 10% – рече Трендафилов.

Тој рече дека вработените во јавниот сектор не се задоволни од зголемувањето.

– Денеска пред влада протестираат вработените во „Водостопанство“, а веќе наредната недела ќе почнат и другите штракови- рече Трендафилов.

The post ПОЧНУВА ЖЕШКА СИНДИКАЛНА ЕСЕН Вработените во обвинителствата и во судовите ќе бараат зголемување на платите од 78% appeared first on plusinfo.mk.

Дали на овој начин тимовите на синдикатите кои ги предводеа првите луѓе ја изневерија базата, па сега таа им возвраќа?

Синдикатите имаат различни ставови за ова прашање, но експерти велат дека оваа ситуација покажува дека е нарушена демократијата во синдикатите, која во основа подолг период се зема здраво за готово и наместо базата одлуки носат раководствата. Дополнително и неусогласувањето на барањата меѓу синдикалните здруженија ги прави синдикатите лесни за манипулирање и за преговарање со однапред донесени решенија од страна на владата и работодавачите.

– Има индиции дека е нарушена комуникацијата меѓу членството и раководството на синдикатите. Тимот што преговараше со владата околу покачувањето на платите го кажал најверојатно ставот на раководството на синдикатите и не се консултирал со членството кое не испадна дека прифаќа вакво зголемување на платите. Во вакви случаи кога синдикалната база не го прифаќа тоа решение, тимот на синдикати треба да го застапува ставот на базата. Во случајов базата не била консултирана туку за проблемот одлучувало раководството и тука настанал проблемот. Ова покажува дека демократијата (во која за решавање на проблемите главен глас има базата) во синдикатите се зема здраво за готово. Во ваков случај кога се разидуваат ставот на базата и раководството потребно е претседателот на синдикатите да ја преземе одговорноста за тоа и да поднесе оставка. Раководството не смее да носи решенија кои не се донесени преку консултација на базата – вели Савевски.

Претседателот на СОНК Јаков Неделков вели дека одлуката за 10% зголемување на платите во јавниот сектор е донесена без да се прифати ставот на КСС во чии рамки има најголем број работници од јавниот сектор, практично без да се почитува мислењето на поголемиот број работници.

– Нашиот став е дека прво треба да се усогласат платите на вработените со зголемувањето на минималната плата во бруто износ од 12,50%, па потоа да се зголемат платите за одреден процент. Да потсетам дека во некои сектори беше направено усогласување со минималната плата и вработените зедоа плус 2.175 денари, што во основа прави голема разлика во основицата за платите во секторите. Следната година е прескокната за усогласување на платите со инфлацијата и зголемените трошоци на живот, а тоа го баравме. Нашето барање беше игнорирано и сега ние сме пред нови преговори за усогласување на платите. Деновиве ќе се сретнеме со двајцата клучни министри за нашите плати – министрите за образование и за финансии, ќе ги презентираме нашите пресметки и ќе видиме каков е нивниот став. Во однос на тоа дали ќе штрајкуваме велам: Ако лани штрајкуваме за исто такво усогласување на платите, зошто не би го направиле тоа годинава – вели Неделков.

Тој додава дека владата не смеела да го игнорира нивниот став бидејќи најголемиот број од вработените, околу 50.000, се членови на СОНК и други синдикати во рамките на КСС.

– Испадна дека во преговорите се слушале само ставовите на „репрезентативниот синдикат“ – ССМ кој во свои рамки има некаде околу 25.000 синдикални членови од јавниот сектор. Но мислам дека одлуката е донесена многу порано и без консултација со базата, затоа ја имаме сега состојбата на незадоволство и во рамки на синдикатите на ССМ – додава тој.

Од синдикатот на УПОЗ, пак, велат дека она што е договорено меѓу синдикатите и владата во врска со зголемувањето на платите, е усогласено и прифатено во нивните органи и тела, и органите и телата на ССМ како репрезентативен синдикат.

– Се изборивме за многу повисоко зголемување на платите од она што го предлагаше владата. Нашето членство го прифаќа договореното, но ние како синдикат бараме институциите да ги почитуваат законите и да ги исплаќаат надоместоците кои им следуваат. И да појаснам, вработените во УЈП и во Царинската управа протестираат за исплата на надоместоците, а не за платите. Освен ова покачување на платите синдикатите треба да се изборат за решенија и на низа други проблеми кои ги имаат вработените во јавниот сектор и нашата борба продолжува натаму по овие прашања. Летниот период не е многу погоден за протести и штрајкување, а од септември ќе видиме што ќе правиме – вели Трпе Деаноски, претседател на синдикатот на УПОЗ.

Одлуката за повисоки плати за 10 отсто и исплата по 10.000 денари К-15 за 2023, која ја прифатија синдикатите на последната средба со владини претставници, треба да биде усвоена на Економско-социјалниот совет и дополнително да влезе во Општиот колективен договор за јавен сектор. Кога тоа ќе се случи не се знае.

Освен процентот за раст на платите и утврдениот регрес за годишен одмор, договорена е и нова методологија за пресметка на платата во која основа ќе бидат просечната плата помножена со коефициент. Таа ќе се применува од март 2025 година.

The post СИНДИКАЛНАТА „БАЗА“ НЕЗАДОВОЛНА ОД ДОГОВОРОТ СО ВЛАДАТА Ќе продолжи борбата за покачување на платите поголемо од 10% appeared first on plusinfo.mk.

Во тек на протестот тие добија покана за средба со директорот на Царината Стефан Богоев, кој истакна дека не очекува  во ниту еден случај да  дојде до затворање на гранични премини.

– Со службите на Царинска управа, ќе разговараме што досега е направено, бидејќи и досега се направени работи во поглед на работничките права и условите за работа. Во координација со Управата за јавни приходи, која има сличен проблем, ќе разговараме со Министерството за финансии – изјави Богоев.

Како што појасни Трпе Деаноски, претседател на Синдикатот на УПОЗ,  вработените во Царината бараат правилна примена на член 67 став 3 од Закон за Царинска управа, во кој е наведено дека царинските службеници добиваат 30% од платата како надополнување на редовната плата, поради посебните услови од работа како и поради посебна одговорност што произлегува од работното место.

Тој рече дека иако овој став е дел и од Колективниот договор, ниту еден вработен никогаш не го добил тој додаток.

– Со Законот за буџетите и со автентичното толкување на овој закон од Собранието, Министерството за финансии и сите органи во состав на Министерството, добија додаток на плата во висина од 30% – изјави Деаноски.

Овие вработени кои протестираат, дополни тој, го полнат државниот Буџет секоја година повеќе од 51 %, носат оружја, вршат претреси, изложени се на висок ризик и не бараат ништо повеќе од тоа да се почитува законот и колективниот договор.

Деаноски потенцираше дека протестот е за време на паузата и со него не се нарушува работниот процес, но оти не е исклучена можноста и за генерален штрајк на ниво на синдикат воопшто.

Очекуваат добар прием од новиот директор и решавање на проблемот, потсетувајќи дека кога бил градоначалник, со него бил склучен многу добар Колективен договор за вработените во Општина Карпош.

The post ЖЕЖОК КОСТЕН ЗА БОГОЕВ ВО ЦАРИНА Вработените му бараат 30 отсто додаток на плата appeared first on plusinfo.mk.

Од Синдикатот на УПОЗ велат дека синдикатите нема да отстапат од намерата по усвојувањето на методологијата за пресметка на плати таа веднаш да стапи на сила за да ги добијат работниците зголемувањата на платите, наместо да каскаат и со доцнењето на исплатата, како и со висината на процентот на зголемување зад функционерите и раководниот кадар во институциите кои веќе примаат плата по одлуката на Уставниот суд.

– Поминаа две недели и ние уште чекаме симулација за износите на платите според предлозите од економско социјалниот совет. Кога ќе бидат готови овие симулации не се знае, но ние нема да отстапиме од намерата новата методологија да почне да се применува веднаш – вели претседателот на синдикатот на УПОЗ Трпе Деаноски.

Предлогот на синдикатите кој во основа го прифати и владата е пресметката на платите да се врши според висината на просечната бруто-плата помножена со коефициентот за сложеност на работа, стажот и законските додатоци.

Синдикатот пресмета дека ако се прифати нивниот предлог тоа за работниците во јавниот сектор би значело зголемување на платата од месецот на донесување на методологијата за пресметка.

– Со нашата методологија помладиот соработник, доколку се потпише веднаш, ќе добие 33 270 денари. Тоа значи дека тој би добил плус од 9 до 10 илјади денари на сегашната плата – вели Деаноски.

Владата предлага основица за пресметка на платата да биде минималната плата која се множи со коефициентот, а се додаваат и стажот и надоместоците.

– Понудата на Влада е зголемување на платата да оди постепено и за 4 до 5 години да се добие очекуваниот износ. Четири години, колку што предлага владата да трае и општиот колективен договор, а со тоа и методологијата на пресметка на плата, е долго време да се чека за едно добро зголемување. Дополнително владата предлага методологијата да важи по една година, односно од март следната година, што пак е губење пари за работниците бидејќи тие зголемување ќе земат дури во март следната година. Ние тоа не го прифаќаме. Но ќе видиме што ќе се случува во следниот период. Прво треба да дојде симулацијата од Министерството за финансии – вели Деаноски.

Пресметките на владата кои ги пренесе деновиве вицепремиерот за економски прашања Фатмир Битиќи се дека нејзиниот предлог е подобар за работниците во јавниот сектор.

– Методологијата што ја понудивме ние е сите плати во јавниот сектор да се дефинираат според минималната плата како основна, плус бод, плус помножена со вредност на бодот. Тоа е една методологија во која се содржи и проекција како платите би растеле во следните 4 години. По оваа методологија по која ги имавме деталните калкулации, еден помлад соработник со високо образование, со сегашна плата од некаде 24 000 денари би требало за 4 години да постигне основна плата од 38 000 денари, плус додатоците што му следат – вели Битиќи.

Битиќи тврди дека двете методологии водат до исто решение.

– Да, просечната плата е повисока од минималната, но коефициентите на сложеност се детерминирани. Највисокиот е оној на претседателот на државата или на Уставен суд во висина од 5. Решението што сега е дадено од Синдикатот е полошо од нашето решение. Ако според нашите проекции помладиот соработник за 4 години би зел 38.000 денари плата, според коефициентот што го понуди синдикатот од 0,8. тој помлад соработник би зел 27 000 денари плата, дури и да има проекција на раст на просечната плата. Еве просечната и да порасне на 40 000 денари, коефициентот секогаш ќе ја намалува и таа на помладиот соработник ќе изнесува 32.000. Ние велиме со нашата методологија ќе зема 38.000 – вели Битиќи.

Но од синдикатот велат дека вицепремиерот прави пресметка со одложена примена на методологијата, а синдикатот со нејзина примена веднаш па разликите се очигледни.

И двете страни очекуваат на економско социјалниот совет да го донесат вистинското решение, но прво ги очекуваат симулациите. Од тоа колку долго ќе се чека на подготовката на симулациите за изгледот на платите и почетокот на примена на новата методологија ќе зависи и колку долго работниците во јавниот сектор ќе чекаат да добијат повисоки плати.

Едно е сигурно дека тие со месеци подоцна од нивните претпоставени ќе го добијат очекуваното покачување кое ќе биде и далеку процентуално пониско. Тоа ќе биде предизвикано од постапката за потпишување на општиот колективен догово и на колективните договори по сектори кои треба да се потпишат по него.

Во меѓувреме некои самостојни синдикати веќе ги повикаа работниците на протести за зголемување на платите. Еден од протестите е закажан за утре на просветните работници кои ќе бараат да се почитува веќе потпишаниот колективен договор и да се зголемат нивните плати.

The post КОМУ ПОДОБРО МУ ОДАТ ПРЕСМЕТКИТЕ? Раководителите си добија повисоки плати, а на работниците ќе им ги тестираат нервите appeared first on plusinfo.mk.

Според нив, паднаа маските на владата дека сака да потпише општ колективен договор за јавниот сектор и да ги усогласи платите на вработените со висината на минималната плата. Сето тоа било маска за зголемување на платите на функционерите. Синдикатите подготвуваат остар одговор на ваквото однесување на  владата.

Претседателот на синдикатот на УПОЗ, Трпе Деаноски, вели дека не очекувале вакво однесување на влада која се декларира за социјалдемократска и промовира солидарни вредности. Тој алармира дека во министерствата, судовите и во обвинителствата се прават малверзации, за да се обезбедат пари за зголемување на платите на избраните лица. Во дел од нив веќе се укинуваат надоместоците и додатоците за плати на останатите вработени.

– Во одделни министерства, судови, јавни обвинителства и јавни институции, за да се обезбедат парите за повисоките плати на функционерите, судиите, обвинителите или за раководителите, се доцни со исплата на платите. На вработените им е кажано дека нема да има исплата на надоместоци и додатоци на плата ниту унапредувања, само да се исполни задачата за покачувањето од 78 отсто на платите на раководниот кадар. Фактички тоа значи дека покрај замрзнувањето на платата, што ја најави министерот за финансии, се укинуваат и надоместоците и додатоците на плата. Работниците, поради платите на нивните раководители, до следната година треба да се простат од надоместоците за плати – вели Деаноски.

Тој додава дека синдикатот нема да толерира вакво однесување и се подготвува за реакција.

– Ако Владата мисли дека работниците ќе стојат со скрстени раце, се лаже. Со најавата на министерот за финансии Фатмир Бесими дека вработените во јавниот сектор нема да добијат зголемување на платите оваа година, паѓа во вода сето она што се договара и преговара во економско-социјалниот совет и во Владата за усогласување на платите, или за линеарно зголемување во текот на оваа година. Ние нема да молчиме. Се консултираме за нашата реакција со членството, а како опции ни остануваат напуштање на преговорите со владата и на учеството во Економско социјалниот совет, а како крајна опција е активирањето на штрајкот во мирување. Постојат и други опции, но тоа ќе зависи од договорот со членството – вели Деаноски.

Реакцијата и на Сојузот на синдикатите е слична. Тие ја оценија изјавата на министерот за финансии како неразумна.

– До кога Владата ќе глуми социјален дијалог, до кога владините претставници ќе зборуваат едно на Економско социјалниот совет, а друго по медиумите и дали некогаш ќе се засрамат за тоа што си ги зголемија платите за 78 отсто во најголемата инфлација, а со ништо не заслужија такво зголемување? Дали имаат барем трошка совест кога говорат дека ако се зголемат платите на работниците, ќе се покачи инфлацијата, додека над 1.100 функционери си ги полнат џебовите? – велат од ССМ.

Професорот по трудово право Лазар Јовевски вели дека ситуацијата со зголемувањето на платите на функционерите и најавата за замрзнување на платите на вработените во јавниот сектор е контроверзна, контрадикторна и на линија „верувале или не“.

– Прво, ако гледаме од правен аспект, зголемувањето на платите на функционерите е покриен со одлуката на Уставниот суд. Но, да не заборавиме дека покрај ова  има и морална димензија. Владата овој расчекор на платите можеше да го реши со законски измени со кои би го свела зголемувањето во разумни граници. Тоа не се случи и сега, за да се обезбеди висината на платите на функционерите, се предлага замрзнување на платите на работниците. Сметам дека владата не смее да дозволи да се одлага зголемувањето на платите на другите вработени во јавниот сектор или поточно да не ги замрзнува нивните плати со одлагање на донесувањето на клучниот колективен договор. При тоа не треба да заборави дека најголемиот дел од работниците од најниските категории се на ниво на минимална плата – вели Јовевски.

Тој додава дека владата и преку колективниот договор се обидува да ги изманипулира работниците, бидејќи предлага фиксирање на платите што не е добро.

– Претходно се обиде тоа да го направи и со законот за плати, а сега тоа го прави и со колективниот договор за јавниот сектор – вели професорот.

Синдикатите деновиве преку протести го искажаа незадоволството од платите на вработените во Управата за јавни приходи, во културата и во здравството. Во здравството веќе е најавено зголемување на платата од 3.000 денари, 2.500 и 2.000 денари за сите вработени во јавните здравствени институции. Но, прашање е дали ќе ги добијат овие пари, ако владата ја реализира најавата за замрзнување на платите на вработените во јавниот сектор на сегашното ниво.

Министерот за финансии Бесими пред два дена на брифинг со новинарите изјави дека пред 2024 година не би требало да има зголемување на платите во јавниот сектор.

– Сметам дека сега не е најповолно време за усогласување и зголемување на платите во јавниот сектор, бидејќи ќе има импликации на инфлацијата и препорачува зголемувањето на плати да се имплементира од 2024 година – изјави Бесими.

Тој очекува неговата најава да се поткрепи и со времетраењето на договорите за колективниот договор во јавниот сектор и во Законот за плати во јавниот сектор, кои не очекува да бидат брзо донесени. Според него, платите во јавниот сектор треба да растат ако расте продуктивноста и ако се зголемат платите во реалниот сектор.

И Народната банка вчера препорача претпазливост во однос на зголемувањето на платите бидејќи тоа ќе влијае на инфлацијата и дефицитот.

– Доколку се предвидени одредени зголемувања коишто можат да значат поттикнување на јавната потрошувачка и евентуално притисок врз ценовното ниво, треба внимателно да се пристапи – изјави гувернерката Анита Ангеловска Бежоска.

Да потсетиме дека наспроти замрзнувањето на платите на вработените поголема плата добија 1.060 функционери, а за таа намена годишно од Буџетот ќе се трошат 960 милиони денари.

НЕ МОЖЕ ОДЕДНАШ ДА СЕ ЗГОЛЕМИ ПЛАТАТА НА СИТЕ ЗА 50 ИЛИ 80 ОТСТО Битиќи бара време за усогласување

The post МОРЕ КАКОВ ЛИСЕЦ, ФУНКЦИОНЕРСКИТЕ ПЛАТИ ДО НЕБО, А РАБОТНИЧКИТЕ ПЛАТИ ПОД МРАЗ! Фатмир Бесими најави замрзнување, синдикалците вџашени appeared first on plusinfo.mk.