Силното невреме што го зафати охридскиот регион предизвика голема материјална штета кај Љубаништа, каде што повеќе од 30 пловни објекти биле откорнати од своите места и исфрлени на брегот.

Како што може да се види на видеото објавено од ОхридСкај, чамците и другите пловни објекти се насукани на песокот, додека дел од нив се превртени поради силниот ветер и високите бранови.

Последиците од невремето се видливи и во Трпејца, каде што силните бранови целосно ја покриле плажата, објави Охрид1 Според снимките, морето – односно езерските бранови – стигнале сè до ѕидовите на куќите кои се наоѓаат во првиот ред покрај брегот, оставајќи зад себе драматични сцени.

The post 📽️ ЧАМЦИ НА БРЕГОТ, БРАНОВИТЕ СТИГНАА ДО КУЌИТЕ Невремето направи хаос кај Љубаништа и кај Трпејца appeared first on plusinfo.mk.

Претседателот на Владата Христијан Мицкоски денеска, одговарајќи на новинарско прашање дали ќе се гради колекторскиот систем во Трпејца во Општина Охрид, рече дека во втората половина на август започнува фирмата изведувач со работа, а целиот процес ќе се одвива во две фази.

– Да ќе се гради. Тој е поделен во две фази колку што јас располагам со информации. Првата фаза е пречистителната станица и двата дела од цевководи, потисниот и одводниот. Па потоа имаме препумпна станица и останатиот дел од овие два цевковода во втората фаза. Така што тоа што беше дадено ветување за трпејчани ќе биде реализирано, во втората половина на август, веќе се воведува фирмата изведувач во работа – истакна премиерот Мицкоски.

The post НАСКОРО ЗАПОЧНУВА ИЗГРАДБАТА НА КОЛЕКТОРСКИОТ СИСТЕМ ВО ТРПЕЈЦА Работата ќе се одвива во 2 фази appeared first on plusinfo.mk.

СВР Охрид поднесе кривична пријава против Н.П.(57), Р.П.(35), И.П(34) и А.П.(31), сите од Охрид, поради постоење основи на сомнение за сторено кривично дело „узурпација на недвижности”.

На државен имот во с.Трпејца, охридско, каде сопственици се пријавените, бил пробиен пат со помош на механизација, при што била уништена вегетација спротивно на условите на Јавната установа – Национален парк „Галичица”.

The post ПРОБИЛЕ „ПАТ“ ВО ТРПЕЈЦА Лица од Охрид користеле механизација на државен имот appeared first on plusinfo.mk.

Младиот пливачки херој Марко Пејчиновски утринава успеа да преплува неверојатни 64 километри во Охридското езеро, а охриѓани го пречекаа на пристаништето, пишува ОхридПрес. По повод празникот Голема Богородица тој вчера во 11 часот и 56 минути тргна на пат од Охрид кон Струга, па до Свети Наум. Со ова, Марко ги исполни ветувањето дека десет пати ќе го преплива езерото. Летово тој вкупно испливал околу 250 километри.

Според Марко, нема неостварливи цели и непремостливи препреки. Во интервју за Супер радио и OhridPress, неодамна тој истакна дека на овој начин сака ги инспирира и мотивира сите спортисти од Македонија, бидејќи имаме потенцијал и талент што е време да се искористат.

Претходното, деветто од десетте препливувања ова лето, беше на релација Градиште-Трпејца-Охрид, со должина од 20 километри. Пред тоа, Марко успешно ја преплива релација Заум-Охрид, на патека со должина од 18 километри. Една недела пред тоа, тој го оствари седмиот подвиг кога ја преплива релацијата Радожда-Трпејца-Градиште, само седум дена откако успешно ја преплива релацијата Струга-Градиште.

Неодамна тој исплива 21 километри од Струга до Пештани, а претходно пливаше од Струга до Св. Наум. На 26-ти јуни 2022 година, тој успешно ја исплива релацијата од Радожда до Трпејца, со должина од 20 километри.

Пред четири години Марко го преплива езерото, кога со само 12 години стана најмладиот маратонец што ја испливал 30-километарската делница од Свети Наум до Охрид.

Во септември минатата година тој пливаше во знак на поддршка на Децата со ретки болести. Претходно, на 1-ви август 2021, тој направи уште еден подвиг, откако по 3 пат ја исплива делницата Охрид-Св. Наум-Охрид и подвигот го посвети на неговата мајка.

The post ОХРИЃАНИ СЕ ГОРДИ НА СВОЈОТ ХЕРОЈ! Марко исплива 64 километри од Охрид кон свети Наум преку Струга (ВИДЕО) appeared first on plusinfo.mk.

Советникот и претседател на Комисијата за одбележување празници и манифестации Перчо Божиноски во име на Локалната самоуправа ги поздрави присутните со уверување дека и годинава културно-забавното лето во Трпејца ќе понуди сплет од креативна сценска програма, со уметнички, спортски и едукативни содржини, кои ќе привлечат многубројна публика.

– Престојот овде, во овој живописен амбиент на брегот на Охридското Езеро, што плени со најпрекрасните пејсажи кои природата секојдневно ги подарува, носи едно неописливо чувство на мир и хармонија. Секој момент поминат тука ни носи нова убавина и нова привилегја за неповторливо доживување – рече Божиновски.

На летната сцена вечерва ќе настапат младите од Црвен крст-Охрид со поетско-музичкиот перформанс „Треба да бидеме подобри“.

– Со сета своја уникатност оваа крајбрежна населба е своевидна атракција, која незапирливо го привлекува вниманието на гостите и туристите, а ваквите настани само ја надополнуваат и ја збогатуваат туристичката понуда – додаде тој.

Во наредните седум дена манифестацијата „На зајдисонце“ пред домашната и странска публика ќе прикаже културни, забавни и спортски содржини.

The post МАЈКЛ КЛОС И 8 BALLS „НА ЗАЈДИСОНЦЕ“ Богата 7-дневна програма за посетителите на Трпејца appeared first on plusinfo.mk.

Мажот од Трпејца од август до декември лани, на катарстарска парцела во селото Трпејца, во месноста „Трпејчко кале“ што е во состав на Националниот парк „Галичица“, без да поседува одобрени за градба изградил индивидуален објект и како доказ употребил фалсификат геодетски елаборат, изработен од охриѓанецот.

The post Со лажен елаборат изградил куќа во националниот парк „Галичица“ appeared first on plusinfo.mk.