Во 20 земји во Европа од анализирани 39, државните пензии не се доволни за покривање на трошоците за живот, покажува истражувањето на компанијата за плати и човечки ресурси Moorepay.

Резултатите би биле далеку полоши ако во пресметката на трошоците за живот се вклучи и киријата,  пишува Euronews.

Анализата што ги споредува пензиите со трошоците за живот на крајот на октомври 2025 година покажува дека во Северна и Западна Европа, вклучувајќи ги и нордиските земји, пензиите генерално ги покриваат или ги надминуваат основните трошоци за живот. Во Централна Европа, покриеноста е умерена, додека во Источна Европа и на Балканот, пензиите обично покриваат само дел од трошоците.

Соодносот се движи од само 22% во Грузија до дури 225% во Луксембург.

На врвот е Луксембург каде што просечната државна пензија изнесува 28.790 евра, додека трошоците за живот се проценуваат на 12.791 евра. Тоа им остава на пензионери вишок од речиси 16.000 евра.

Пензиите се повеќе од двојно поголеми од трошоците за живот во Италија (210%) и Финска (208%), а Шпанија (199%) и Данска (189%) се блиску до тоа ниво.

Во неколку други земји, пензиите значително ги надминуваат трошоците за живот, со сооднос помеѓу 150 и 180%.

Оваа група ги вклучува Исланд (179%), Норвешка (178%), Германија (176%), Белгија (170%), Австрија (165%), Франција (160%), Холандија (159%) и Шведска (158%).

Исто така, постојат шест земји каде што државните пензии ги покриваат основните трошоци на едно лице, но вишокот е многу помал.

Тоа се Швајцарија (131%), Ирска (126%), Обединетото Кралство (120%), Полска (112%), Чешка (108%) и Грција (103%).

Во дури 20 европски земји, државните пензии не се доволни за покривање на трошоците за живот.

Во некои од нив, како што се Словенија (95%), Словачка (94%), Естонија (91%) и Португалија (90%), пензиите покриваат поголем дел од трошоците. Во оваа група спаѓаат и Црна Гора (89%), Литванија (85%), Хрватска (82%) и Унгарија (81%).

Сепак, ситуацијата е многу потешка во други земји, каде што пензиите не покриваат ниту половина од трошоците.

На самото дно на рангирањето се Грузија (22%), Албанија (29%), Украина (29%) и Молдавија (42%).

Босна и Херцеговина (53%), Кипар (58%), Северна Македонија (61%), Турција (64%) и Латвија (65%) исто така имаат слаби резултати.

Податоците за трошоците за живот, собрани од Numbeo, го претставуваат националниот просек за едно лице и не ја вклучуваат киријата, додека податоците за пензиите доаѓаат од анализата на Moorepay.

The post НЕКОИ ЕВРОПСКИ ПЕНЗИОНЕРИ ЗАШТЕДУВААТ 16.000 ЕВРА, ДРУГИ НЕ МОЖАТ ДА ГИ ПОКРИЈАТ ТРОШОЦИТЕ Каде се тука македонските пензионери? appeared first on plusinfo.mk.

Годишната инфлација во септември мерена преку индексот на трошоците на животот во септември 2025 изнесува 4%, додека месечната инфлација е пониска од августовската за 0,2%, објави Државниот завод за статистика.

Според Статистика, цените на мало на годишно ниво бележат зголемување од 4,1%, а на месечно ниво се намалени за 0,7%.

Намалувањето на инфлацијата во септември во однос на август 2025 година, е резултат на намалувањето на трошоците на животот во групите: транспорт за 3,3%, ресторани и хотели за 1,3%, рекреација и култура за 0,7%, облека и обувки за 0,3%, разновидни стоки и услуги за 0,2% и храна и безалкохолни пијалаци за 0,1%.

Во септември во однос на август зголемување на трошоците на животот е забележано во следните групи: алкохолни пијалаци, тутун и наркотици од 2,8%, комуникации од 1,8%, мебел, покуќнина и одржување на домаќинствата  од 0,8%, здравје 0,4% и домување, вода, електрика, гас и други горива од 0,3%.

Трошоците на животот во групата образование остануваат на исто ниво како и во претходниот месец.

Извор: ДЗС

Трошоците на животот во септември 2025 година во однос на септември 2024 година, бележат зголемување од 4,0%, а на цените на мало бележат зголемување од 4,1%.

Инфлацијата во август изнесуваше 4,4%.

The post ИНФЛАЦИЈАТА ВО СЕПТЕМВРИ ИЗНЕСУВА 4% На месечна основа е намалена за 0,2% appeared first on plusinfo.mk.

Во декември 2024, пак, во споредба со истиот месец од 2023 година, трошоците на живот се зголемени за 4,4%, а цените на мало за 4,3%.

Движењето на индексот на трошоците на животот во 2024 година беше различно кај одделни групи на потрошувачката.

Пораст на индексите е забележан во сите групи: ресторани и хотели за 9,9%, алкохолни пијалаци, тутун и наркотици за 7,6%, здравје за 5,3%, разновидни стоки и услуги за 5,1%, рекреација и култура за 4,9%, мебел, покуќнина и одржување на домаќинствата за 3,8%, облека и обувки за 3,1%, комуникации, храна и безалкохолни пијалаци за 2,9%, транспорт, домување, вода, електрика, гас и други горива за 1,4% и образование за 0,2%.

Движењето на индексот на цените на мало во 2024 година, исто така, беше различно кај одделни групи производи.

Пораст на индексите е забележан во сите групи: земјоделски производи за 7,1%, услуги за 5,0%, пијалаци за 4,0%, индустриско-прехранбени производи за 3,5%, индустриско-непрехранбени производи и тутун за 2,1%.

Инфлацијата мерена преку индексот на трошоците на животот во декември 2024 година, во однос на ноември 2024 година, изнесуваше 0,3%.

Зголемувањето на инфлацијата во декември 2024 година, во однос на ноември 2024 година, е резултат на зголемувањето на трошоците на животот во следните групи: транспорт за 4,8%, рекреација и култура за 1,7%, ресторани и хотели за 0,4%, облека и обувки за 0,2%, разновидни стоки и услуги за 0,1%.

Во декември 2024 година, во однос на ноември 2024 година, намалување на трошоците на животот е забележано во следните групи: комуникации за 0,4%, храна и безалкохолни пијалаци за 0,3%, мебел, покуќнина и одржување на домаќинствата за 0,2%.

Трошоците на животот во групите: алкохолни пијалаци, тутун и наркотици, домување, вода, електрика, гас и други горива, здравје и образование остануваат на исто ниво како и во претходниот месец.

Цените на мало во декември 2024 година во однос на ноември 2024 година бележат раст од 1,2%.

The post ТРОШОЦИТЕ НА ЖИВОТ ЛАНИ ПОРАСНАЛЕ ЗА 3,5% Цените на мало се зголемиле за 3,8% appeared first on plusinfo.mk.

Пораст на индексите на трошоците на животот во април 2023 година, во споредба со претходниот месец, е забележан кај цигарите за 8,1 %, свежиот и разладениот зеленчук, освен компирите и другите коренести плодови за 2,0 %, месото за 1,4 %, виното за 1,2 %, кафето, чајот, какаото за 0,5 %, минералната вода, газираните пијалаци, соковите од овошје и зеленчук, жестоките пијалаци за 0,4 %, рибата и морските плодови за 0,2 %.

Во април, исто така, пораст на индексите на трошоците на животот е забележан и кај воздухопловниот патнички транспорт за 42,4 %, туристичките аранжмани за 8,4 %, парамедицинските услуги за 6,7 %, домашните миленици и сродните производи за 5,4 %, услугите за рекреација и спорт за 3,3 %, обувките за 2,7 %, поправката на аудиовизуелната, фотографската и информатичката опрема за 2,4 %, игрите, играчките и хобијата за 2,2 %, облеката, поправките и изнајмувањето обувки за 2,1 %, поправката на апаратите за домаќинствата за 2,0 %, другите лични предмети за 1,7 %, чистењето, поправката и изнајмувањето облека, велосипедите, фотографската и кинематографската опрема и оптичките инструменти за 1,3 %, патниот патнички транспорт за 1,1 %. Кај информатичката опрема за обработка на податоците, услугите за сместување за има раст од 1 %, фризерските салони и центрите за разубавување за 0,9 %, ткаенините за изработка на облека, големите електрични апарати за домаќинствата, големите алатки и опремата, рестораните, кафулињата и слично за 0,8 %, услугите за одржување и поправки на живеалиштето, мебелот и покуќнината за 0,7 %, актуелните ренти исплатени од станари, стоматолошките услуги за 0,6 %, поправките на мебелот, покуќнината и покривките за подот за 0,4 %, моторните возила, накитот, часовниците и рачните часовници за 0,3 %, домашните услуги и услугите за домаќинствата, опремата за спорт, кампирање и рекреација на отворено, другите услуги, неспоменати на друго место за 0,2 %.

Намалување на индексите на трошоците на животот во април 2023 година, во споредба со претходниот месец, е забележано кај маслото и маснотиите за 6,5 %, свежото и разладеното овошје за 3,2 %, млекото за 3,4 %, сирењето и урдата, шеќерот, џемот, медот, чоколадата и кондиторските производи за 1,5 %, лебот и житата, прехранбените производи, неспоменати на друго место за 0,4 % и пивото за 0,3 %.

Исто така, намалување на индексите на трошоците на животот е забележано и кај течните горива за домаќинствата за 4,9 %, градините, растенијата и цвеќињата за 3 %, гасот за домаќинствата за 2,9 %, малите алатки и останатите додатоци за 1,3 %, другите апарати и производи за лична хигиена за 1,2 %, текстилот за домаќинствата за 0,8 %, книгите за 0,7 %, малите електрични апарати за домаќинствата за 0,5 %, горивата и мазивата за сопствените превозни средства за 0,4 %, опремата за прием, снимање и репродукција на звук и слики за 0,3 %.

The post МЕСОТО, МОРСКИТЕ ПЛОДОВИ И ЦИГАРИТЕ ПОСКАПЕЛЕ ВО АПРИЛ Цените на мало за една година скокнале за 10% appeared first on plusinfo.mk.

Во декември 2022, пак, во споредба со претходниот месец, трошоците на животот се намалиле за 0,2, а цените на мало се зголемиле за 0,7отсто.

Движењето на индексот на трошоците на животот во 2022 година, беше различно кај одделни групи на потрошувачката. Пораст на индексите е забележан во групите: Храна и безалкохолни пијалаци за 20,9 отсто, Транспорт за 19,5 отсто, Ресторани и хотели за 15,5 отсто, Домување, вода, електрика, гас и други горива за 13,3 отсто, Разновидни стоки и услуги за 8,9 отсто, Мебел, покуќнина и одржување на домаќинствата за 8,6 отсто, Алкохолни пијалаци, тутун и наркотици за 7,5 отсто, Рекреација и култура за 4,9 отсто, Здравје за 4,0 отсто, Облека и обувки за 1,8 отсто, Комуникации за 0,4 отсто и Образование за 0,3 отсто.

Движењето на индексот на цените на мало во 2022 година, исто така, беше различно кај одделни групи на производи. Пораст на индексите е забележан во сите групи: Индустриско-прехранбени производи за 20.1 отсто, Земјоделски производи за 16,0 отсто, Индустриско-непрехранбени производи и тутун за 14,2 отсто, Пијалаци и Услуги за 8,3 отсто. Индексот на трошоците на животот во декември 2022 година, вo споредба со декември 2021 година, забележа пораст од 18,7 отсто, а индексот на цените на мало забележа пораст од 15,1 отсто.

The post ОВОЈ ДЕКЕМВРИ ЗА 18,7 ОТСТО ПОСКАП ОД ПРЕТХОДНИОТ Што и колку поскапело во 2022 година appeared first on plusinfo.mk.

Пораст на индексите на трошоците на животот во октомври 2022 година, во споредба со претходниот месец, е забележан кај свежиот и разладениот зеленчук, освен компирите и другите коренести плодови за 7.3 отсто, млекото за 5.9 отсто, сирењето и урдата за 5.7 отсто, месото за 3.6 отсто, прехранбените производи неспоменати на друго место за 3.2 отсто, рибата и морските плодови за 2.8 отсто, лебот и житата за 1.8 отсто, кафето, чајот, какаото за 1.4 отсто, шеќерот, џемот, медот, чоколадата и кондиторските производи за 1.1 отсто, виното за 0.9 отсто, минералната вода, газираните пијалаци, соковите од овошје и зеленчук за 0.5 отсто, пивото за 0.4 отсто и жестоките пијалаци за 0.3 отсто.

Во октомври, исто така, пораст на индексите на трошоците на животот е забележан и кај другите медицински производи за 4.6 отсто, другите услуги за опремата за сопствен превоз за 3.7 отсто, цврстите горива за домаќинствата за 3.4 отсто, парамедицинските услуги за 1.8 отсто, гасот за домаќинствата, поправката на аудиовизуелната, фотографската и информатичката опрема, домашните миленици и сродните производи за 1.7 отсто, обувките, рестораните, кафулињата и слично за 1.6 отсто, облеката, другите апарати и производи за лична хигиена за 1.4 отсто, медицинските услуги за 1.3.отсто, горивата и мазивата за сопствените превозни средства за 1.2 отсто, игрите, играчките и хобијата за 1.0 отсто. Малите електрични апарати за домаќинствата, производите за домаќинствата – нетрајни поскапеле за 0.9 отсто, информатичката опрема за обработка на податоците за 0.8 отсто, малите алатки и останатите додатоци, одржувањето и поправката на сопствените превозни средства, канцелариските материјали и материјалите за цртање за 0.7 отсто, течните горива за домаќинствата, текстилот за домаќинствата, медиумите за снимање за 0.6 отсто, поправките и изнајмувањето обувки, патниот патнички транспорт за 0.5 отсто, материјалите за одржување и поправки на живеалиштето, услугите за одржувањето и поправките на живеалиштето, поправката на апаратите за домаќинствата, стаклените садови, кујнскиот прибор и другата опрема за 0.4 отсто, големите електрични апарати за домаќинствата, домашните услуги и услугите за домаќинствата, електричните апарати за лична хигиена за 0.3 отсто, опремата за прием, снимање и репродукција на звук и слики, другите лични предмети за 0.2 отсто.

Намалување на индексите на трошоците на животот во октомври 2022 година, во споредба со претходниот месец, е забележано кај свежото и разладеното овошје за 3.6 отсто и маслото и маснотиите за 0.8 отсто.

Во октомври, исто така, намалување на индексот на трошоците на животот е забележан и кај услугите за сместување за 12.4 отсто, туристичките аранжмани за 10.4 отсто, теписите и другите подни покривки за 4.5 отсто, воздухопловниот патнички транспорт за 1.7 отсто, градините, растенијата и цвеќињата за 1.4 отсто, резервните делови и приборот за сопствените превозни средства за 1.1 отсто, моторните возила за 0.7 отсто.

The post НЕМА ШТО НЕ Е ПОСКАПЕНО! Трошоците на живот зголемени за 19,8 отсто, цените на мало за 15.4 appeared first on plusinfo.mk.

Пораст на индексите на трошоците на животот во септември 2022 година, во споредба со претходниот месец, е забележан кај сирењето и урдата за 9,9 отсто, свежото и разладеното овошје за 6,3 отсто, млекото за 5,7 отсто, рибата и морските плодови за 3,5 отсто, свежиот и разладениот зеленчук освен компирите и другите коренести плодови за 3,1 отсто, пивото за 2,9 отсто, лебот и житата за 2,6 отсто, месото за 2,2 отсто, виното за 1,6 отсто, прехранбените производи неспоменати на друго место за 0,7 отсто, жестоките пијалаци за 0,6 отсто и шеќерот, џемот, медот, чоколадата и кондиторските производи за 0.2 отсто.

Во септември, исто така, пораст на индексите на трошоците на животот е забележан и кај цврстите горива за домаќинствата за 15,2 отсто, велосипедите за 9,1 отсто, мебелот и покуќнината за 6,9 отсто, фризерските салони и центрите за разубавување за 6,1 отсто, малите алатки и останатите додатоци за 6,0 отсто, резервните делови и приборот за сопствените превозни средства за 5,9 отсто, теписите и другите подни покривки за 5,4 отсто, поправката на апаратите за домаќинствата за 4,2 отсто, опремата за прием, снимање и репродукција на звук и слики, канцелариските материјали и материјалите за цртање за 3,9 отсто, течните горива за домаќинствата за 3.7 отсто, медицинските услуги за 3,3 отсто, производите за домаќинствата – нетрајни за 2.8 отсто, домашните услуги и услугите за домаќинствата за 2,7 отсто. Пораст е заблежан и кај рестораните, кафулињата и слично, другите апарати и производи за лична хигиена за 2,4 отсто, големите електрични апарати за домаќинствата, услугите за култура за 2,1 отсто, одржувањето и поправката на сопствените превозни средства за 2,0 отсто, стоматолошките услуги, парамедицинските услуги за 1,9 отсто, фотографската и кинематографската опрема и оптичките инструменти за 1,8 отсто, услугите за одржувањето и поправките на живеалиштето за 1,5 отсто, патниот патнички транспорт за 1,4 отсто, поправките на мебелот, покуќнината и покривките за подот за 1,3 отсто, облеката, стаклените садови, кујнскиот прибор и другата опрема за 1,1 отсто, материјалите за одржување и поправки на живеалиштето, текстилот за домаќинствата, информатичката опрема за обработка на податоците, накитот, часовниците и рачните часовници, другите лични предмети за 1,0 отсто, чистењето, поправката и изнајмувањето облека за 0,9 отсто, фармацевтските производи за 0,7 отсто, другото образование за 0.6 отсто, терапевтските помагала и опремата, медиумите за снимање, домашните миленици и сродните производи за 0,5 отсто, другата облека и додатоците за облека за 0,4 отсто, опремата за спорт, кампирање и рекреација на отворено, другите услуги, неспоменати на друго место за 0,3 отсто и високото образование за 0,2 отсто.

Намалување на цените во септември 2022 година, во споредба со претходниот месец, е забележано кај маслото и маснотиите за 1,1 отсто и минералната вода, газираните пијалаци, соковите од овошје и зеленчук за 0,6 отсто.

Во септември, исто така, намалување на индексот на трошоците на животот има и кај воздухопловниот патнички транспорт за 34.0 отсто, туристичките аранжмани за 13,2 отсто, гасот за домаќинствата за 4,4 отсто, услугите за сместување за 3,8 отсто, горивата и мазивата за сопствените превозни средства за 2,9 отсто, електричните апарати за лична хигиена за 1,1 отсто, игрите, играчките и хобијата за 0.3 отсто и моторните возила за 0,2 отсто.

The post ТРОШОЦИТЕ НА ЖИВОТ ЗА ЕДНА ГОДИНА ЗГОЛЕМЕНИ ЗА 18,7 ОТСТО Цените на мало се повисоки за 14,7 отсто appeared first on plusinfo.mk.

Трошоците на живот во јануари биле зголемени за 1,5 отсто, а цените на мало за 1,2 отсо во однос на декември, објави денеска Државниот завод за статистика.

Пораст на трошоците на живот е забележан кај кафето, чајот и какаото за 4,3 отсто, рибата и морските плодови за 3,5 отсто, кај свежото овошје за 3,4 отсто, пивото за 2,6 отсто, како и кај виното, минералната вода, газираните пијалоци, соковите, шеќерот, медот, чоколадото и кондиторските производи.

Зголемување има и кај централното греење за 14 отсто и електричната енергија за домаќинствата за 9,4 отсто.

Намалување на трошоците на животот има кај воздухопловниот патнички транспорт за 8,4 отсто, медиумите за снимање за 4,2 отсто, обувките за 1,7 отсто, парамедицинските услуги за 1,2 отсто, информатичката опрема за обработка на податоците, туристичките аранжмани….

Споредбено со јануари лани, зголемување од 6,7 отсто има кај трошоците на живот, а за 7,3 отсто кај цените на мало.

The post ЏАБЕ ЗАМРЗНАТИ ЦЕНИ, ЖИВОТОТ ПОСКАПЕ ВО ЈАНУАРИ За 1,2 отсто скокнаа цените на другата храна appeared first on plusinfo.mk.

Според најновите ревидирани прогнози на НБМ годинава инфлацијата ќе достигне 3,1 отсто. Во меѓувреме – сите податоци мерат раст на цените за крајните потрошувачи преку раст на продажните цени на производителите.

За дури 13,8 отсто во септември во однос на истиот месец лани се зголемени продажните цени на призводителите од индустријата. Овој пораст веќе се рефлектираше и во секојдневието на граѓаните – трошоците на живот во октомври во споредба со истиот месец лани се зголемени за 4,1 отсто.

Речиси во сите индустрии има пораст на продажните цени на призводителите – најмногу во енергетскиот сектор. Така, продажните цени од индустријата со електрична енергија, гас, климатизација се зголемени за 24,5 отсто.

Продажни цени на производителите

Енергија, гас, климатизација                           24,5%

Рударство                                                                14,6%

Преработувачка индустрија                              13,0%

Продажните цени значајно се зголемени во прехранбената индустрија за 5,3 отсто, производство на кожа за 4,8 отсто, производство на хемиски производи 10,4 отсто. Драматичен раст на продажните цени за цели 55,2 отсто има во индустријата за производство на метали, а во ек на енергетска криза продажните цени во секторот вадење јаглен и лигнит се со раст од 13,8 отсто.

Овие показатали во индустриите веќе се одразија и за крајните потрошувачи – вградени во крајните производи. Во октомври годинава во споредба со истиот месец лани – трошоците на живот за транспорт се зголемени за дури 18,4 отсто, за храна и безалкохолни пијалаци за 4,6 отсто, за масла и масти 24,9 отсто, за горива 31,9 отсто, гас 33,3 отсто. Според официјалната статистика – зголемени трошоци има речиси за се што значи основна живеачка – леб, масло за јадење, зеленчук, бензин, гас, транспорт.

Трошоци на живот

Течни горива                                             31,9%

Гас                                                                33,3%

Масла и масти                                           24,9%

Храна и безалкохолни пијалаци          4,6%

Транспорт                                                  18,4%

Оваа 2021 година завршува со ценовно цунами – надлежните тврдат дека состојбата се следи и дека сеуште инфлацијата е умерена. Во последната ревидирана прогноза, НБМ ја зголеми инфлацијата на ниво од 3,1 отсто за годинава, а за следната очекува намалување на 2,4 отсто.

„Ризиците за инфлацијата главно се поврзани со неизвесноста за светските цени на примарните производи, а пред сѐ на енергенсите, како и со подолготрајни нарушувањата на глобалните синџири на снабдување коишто ја ограничуваат понудата на стоки, што упатува на потреба од будно следење“, нотираат од НБМ.

Гувернерката Анита Бежоска соопшти дека нема да се преземат инстант мерки бидејќи ценовната стабилност се „брани“  со историско највисоко ниво на девизни резерви од 3,6 милијарди евра. Сепак – анализите укажуваат на тоа дека годинашниот тренд на ценовен раст ќе се прелее и во 2022 година.

„Тековно се очекува значително поголем раст на цените на прехранбените производи за оваа година, додека за следната година се очекува умерен раст, наместо мал пад на цената на пченицата и малку помал пад на цената на пченката. За цените на металите за 2022 година се предвидува нивен раст, наспроти претходно очекуваниот мал пад. И понатаму се очекува значителен раст на цената на нафтата во 2021 година, но посилен од проектираниот во април и мал раст, наместо пад, во 2022 година. Нагорната ревизија е одраз на зголемената глобална побарувачка, при намалена понуда“, се наведува во најновиот Квартален извештај на НБМ.

Порталб во повеќе наврати анализираше дека годинава се соочуваме со раст на цените кои влијаат на „топење“ на животниот стандард, пренесувајќи изјави на експерти, но и на узвоници кои алармираат дека уште во летото се соочуваат со значително зголемени цени на увозните производи, на репроматеријалите за производство, на горивата – што предизвика раст и на крајните цени за потрошувачите.

The post ШТО НЕ ОЧЕКУВА ВО 2022 ГОДИНА? Ценовното цунами ќе продолжи да го топи стандардот на граѓаните appeared first on plusinfo.mk.

Во анализата се споредуваат цените во 36 европски земји. Цените се земени од јули оваа година.

Според анализата скапи за живот се и Германија, Данска, Луксембург, Холандија, Белгија и Австрија.  Но, животот во Полска е 46 отсто поевтин отколку во Германија, а во Чешка  28 отсто.

Македонија, заедно со земјите од регионот – Србија, Косово, Албанија, Босна и Херцеговина, е во групата на земји со ниски трошоци за живот.

Во Бугарија, Романија и Босна и Херцеговина, трошоците за живот се околу 50 отсто пониски отколку во Германија, во Литванија и Хрватска 36 отсто, во Шпанија 13 отсто, а во Италија 9 отсто.

The post КАКО СЕ ЖИВЕЕ ВО ЕУ? Земјава во редот на земји со пониски тошоци, а Швајцарија најскапа appeared first on plusinfo.mk.