Тој посочи дека 28-годишна девојка од Македонија, која минатата недела се вакцинирала со „АстраЗенека“ во Србија, во моментов лежи во болница поради тромботичен ефект, најверојатно предизвикан од самата вакцина.

– Има регистрирано еден случај на 28-годишна девојка која се вакцинирала со „АстраЗенека“ во Србија, а која од вчера е на болничко лекување поради тромботичен ефект. Проблемот се појавил 6 до 7 дена по вакцинацијата, а кај девојката не се констатирани претходни заболувања. Токму затоа решивме да бидеме претпазливи и нема да продолжиме со вакцинацијата на помладите луѓе сè додека не добиеме потврда дека оваа вакцина е безбедна. Станува збор за тромботична реакција како резултат на вакцината, а се јавува само кај помладите луѓе. Се работи за исклучително мал број случаи, но ние сепак сакаме да сме претпазливи. Еден дел од граѓаните се вакцинираше во Србија, но засега нема препораки дека нешто превентивно треба да се прави ако некој примил една доза од вакцината. Во однос на ревакцината, сите граѓани коишто се вакцинирале ќе бидат ревакцинирани согласно препораките – рече Филипче.

Ризикот да се зарази човек од ковид-19, додаде тој, е многу поголем од ризикот да се појават несакани ефекти од вакцината.

– Додека нема да сме сигурни, нема да ја започнеме вакцинацијата на останатите групи граѓани. Сите што сте вакцинирани, нема простор за паника. Не треба ништо превентивно да се прави. Несаканите ефекти не се јавуваат кај повозрасните граѓани, туку само кај помладите – рече Филипче.

Тој рече дека одлично тече процесот на вакцинација на повозрасното население кој започна и дека сè е добро организирано.

– Нема никакви проблеми, организацијата е одлична. Уредно се обележани сите места каде што се врши имунизацијата. До овој момент, околу 20 отсто од пријавените не се појавиле на пунктовите за вакцинација, но засега е премногу рано за да се каже колкав ќе биде тој процент – рече Филипче.

На прашањето дали Македонците ова лето ќе можат да се сончаат на грчките плажи, министерот одговори дека утрово добил информација дека Грција планира да ги отвори границите на 14 мај.

– Имаме честа комуникација со грчкиот премиер за здравство и со грчкиот министер за туризам, а денеска добив информација дека Грција планира да ги отвори границите на 14 мај. Но, ќе биде задолжително да се прикаже потврда за вакцинација или негативен ПЦР тест – истакна Филипче.

The post Филипче: 28-годишна девојка е во болница поради згрутчување на крвта откако се вакцинирала со „АстраЗенека“ appeared first on plusinfo.mk.

Тромбоцитите, чија улога е да го запрат крвавењето преку создавање тромбоцитен чеп и коагулација на крвта, биле многу активни во примероците земени од пациентите заразени со ковид-19, наведено е во извештајот. Ова откритие, додаваат истражувачите, многу е важно при лекувањето на пациентите позитивни на коронавирусот, бидејќи им дава увид на лекарите за ризикот од создавање грутни, а тоа би можело да предизвика големи компликации или да предизвика мозочен удар, срцев удар или емболија.

Д-р Роберт Бонов, професор за кардиологија на Универзитетот Нортвест, рекол дека ковид-19 е единствен вирус кој може да предизвика згрутчување на крвта. Тој истакнал и дека „шилците“ на вирусот, кои се закачуваат за рецепторите во ќелиите, исто така би можеле да се врзат за крвните садови.

Кај дури 30 отсто пациенти кои имаат тешка клиничка слика и кои се лекуваат на интензивните одделенија, забалежано е зголемено згрутчување на крвта поради ковид-19, покажуваат резултатите од истражувањето.

Извештајот покажува дека само минатата недела дури 62 проценти од вкупно 125 хоспитализирани пациени во Велика Британија доживеале мозочен удар во текот на нивото лежење во болница.

The post Научниците со предупредување: Ковид-19 ја згрутчува крвта и предизвикува мозочен или срцев удар appeared first on plusinfo.mk.