Навременото препознавање на симптомите и навременото одење на лекар се клучни за спречување на бројни сериозни здравствени последици. Тромб, или згрутчување на крвта, може да се формира каде било во крвотокот, а непрепознавањето на симптомите може да доведе до фатални последици.

Што е тромб и како се формира?

Многу често, не сме ни свесни дека во нашето тело се формиралo згрутчување на крвта. Ризикот е поголем ако поминуваме долго време седејќи, ако имаме прекумерна тежина, имаме висок холестерол, дијабетес и генерално, намалена физичка активност.

Тромбот се формира со акумулација на протеини во крвта што доведува до згрутчување (коагулација). Ова е природен процес неопходен за спречување на крварење.

Проблемот се јавува кога згрутчувањето се формира без вистинска потреба, тогаш може делумно или целосно да го блокира протокот на крв низ крвните садови и да предизвика сериозни здравствени проблеми, за жал, со фатален исход.

Згрутчувањето на крвта може да се формира каде било во крвотокот, но најчесто се формира во вените. Ако се формира во артериите, може да предизвика срцев или мозочен удар.

Длабоката венска тромбоза се јавува кога згрутчувањето на крвта се формира длабоко во вените и може да се откине и да патува низ крвотокот до белите дробови, што може да резултира со белодробна емболија, состојба што е опасна по живот.

Симптоми на кои треба да се внимава

Оток: Згрутчувањето на крвта го забавува или го запира протокот на крв, предизвикувајќи оток, најчесто во долниот дел од ногата или листот, но исто така и во рацете или стомакот.

Промена на бојата на кожата: Затнатите вени можат да предизвикаат кожата на рацете или нозете да стане црвена или синкава.

Болка: Ненадејна, силна болка во градите може да сигнализира откинување на згрутчувањето на крвта и белодробна емболија. Болката може да се појави и во долниот дел од ногата, под грлото или во стомакот.

Промени во дишењето: Згрутчувањето на крвта во белите дробови или срцето може да предизвика тешкотии при дишењето, малаксаност, лупање на срцето или ладна пот.

Брзиот одговор и навремената медицинска интервенција можат да ви го спасат животот. Ако препознаете некој од овие симптоми, веднаш контактирајте го вашиот лекар и не ги игнорирајте знаците што ви ги испраќа вашето тело,

The post ОБРНЕТЕ ВНИМАНИЕ НА ОВИЕ СИМПТОМИ – МОЖЕБИ ИМАТЕ ТРОМБ! Ова се некои од раните знаци дека во вашето тело можеби се формирало згрутчување на крвта appeared first on plusinfo.mk.

Ксенија со Александар Вучиќ има две деца, Данило и Милица.

Уредникот на Информер, Драган Вучиќевиќ, во телевизиско гостување раскажува:

– Ксенија ја знаевме децении. Прекрасен човек, добар другар, пожртвувана мајка. Судбината е сурова. Почина во својот стан. Данило бил со неа, му починала на раце и тоа е страшно. Штом слушнал за тоа, претседателот отишол во нејзиниот дом. За 6-7 минути пристигнала Итната помош, се обиделе да ја реанимираат еден час, но немало помош.

Вучиќевиќ вели дека се уште не се знае причината за смртта на Ксенија, но се претпоставува дека станува збор за тромб.

И телевизискиот водител Немања Великиќ зборува за Ксенија Вучиќ, која во понеделникот му гостувала во студио.

– Разговаравме неколку часа пред снимањето, таа ми се пожали дека не се чувствува добро. Ѝ реков да не доаѓа во тој случај, дека ќе се снајдеме, но, знаете, Ксенија беше вистинска колешка и суров професионалец. Таа ми рече „не грижи се, јас веќе се подготвувам, знам како е кога гостинот ќе откаже“. И таа дојде! – Не ми се верува дека тоа беше нашата последна средба. Ксенија не ми беше само колешка, таа ми беше пријателка. Многу ми е тешко – изјави Великиќ.

The post КСЕНИЈА ВУЧИЌ ПОЧИНАЛА НА РАЦЕТЕ НА СИНОТ ДАНИЛО Сурова судбина на поранешната сопруга на претседателот Вучиќ appeared first on plusinfo.mk.

Тој посочува дека кога се топи тромбот, еден негов протеин се дели на два дела, а токму тие делови се нарекуваат Д-димери.

– Создавањето и топењето на тромбовите се одвива постојано во телото и секогаш постои некоја вредност на Д-димери во крвта. Но, кога рамнотежата е нарушена, тогаш доаѓа до зголемување на тромбозата и топењето на тромбовите – објаснува д-р Јочиќ.

Не може само Д-димерите да бидат индикација за давање терапија, бидејќи ако нивото на Д-димери е нормално, тогаш практично не постои тромбоза. Но, и доколку нивото е зголемено, тоа повторно не значи дека пациентот има тромбоза.

Д-р Дарио Јочиќ Васкуларен хирург

На прашањето дали треба „опсесивно“ да се мерат Д-димерите, тој вели дека не треба воопшто да се следи нивото.

– Не треба воопшто да го следите нивото на Д-димери во крвта. Сега сите одат во лабораториите и го мерат нивото. Секако дека мерењето е задолжително согласно 12-от протокол за лечење од ковид-19, но понекогаш пациентите го носат како налог, а ние не знаеме што да правиме со тоа. Важно е да знаете дека не се лекува вредноста на Д-димер, туку се лекуваат пациентите од нивните заболувања – вели д-р Јочиќ.

Заболувањата се важна тема, бидејќи васкуларниот хирург подвлекува дека тромбозата не се појавува само поради зголемено ниво на Д-димери.

– Тромбозата најчесто не е скриена и таа не е нешто што исчезнува, а ние да не можеме да го забележиме. Постојат тегоби кои укажуваат на згрутчување на крвта, па затоа ние веднаш се сомневаме на тромбоза. Но, не може само Д-димерите да бидат индикација за давање терапија, бидејќи ако нивото на Д-димери е нормално, тогаш практично не постои тромбоза. Но, и доколку нивото е зголемено, тоа повторно не значи дека пациентот има тромбоза – објаснува д-р Јочиќ, пренесува Мондо.

The post ЗГОЛЕМЕНОТО НИВО НА Д-ДИМЕРИ ЗНАЧИ ДЕКА ИМАТЕ ТРОМБОЗА? Српскиот хирург д-р Јочиќ вели дека тоа е една голема заблуда appeared first on plusinfo.mk.

Но, што се случува кога ќе се формираат тромби без очигледна причина, како што е физичка повреда?

Тоа само укажува дека нешто во нашето тело (и крвните садови) е опасно погрешно.

Згрутчувањето на крвта станува се почеста во денешно време, што не е изненадувачки затоа што поминуваме многу време седејќи, а нашата исхрана се заснова на транс масти и нездрави јаглехидрати.

Покрај тоа, мнозинството од населението денес пуши, редовно консумира алкохол и зема разни лекови.

Сето ова носи голем товар на крвните садови, го зголемува притисокот во нив, ја згуснува крвта и значително го зголемува ризикот од опасна тромбоза.

Од плак до тромб

Д-р Томас Коуан, американски холистички лекар, вели дека блокадата на крвните садови најчесто се јавува поради оштетување во самите садови, како и воспалителните процеси што се случуваат во нив.

За да се заштитат од високиот крвен притисок што настанува во нив, крвните садови во нивните sидови создаваат плак, што го стеснува просторот за циркулација на крвта.

Оваа состојба се нарекува атеросклероза.

Дел од тој плак под притисок на крвта може да се одвои или да се откине со текот на времето.

Ова создава тромб кој може да патува низ вашите артерии или вени, а потоа да се зачаури во мозокот, срцето, бубрезите, белите дробови или екстремитетите.

Ова може да доведе до срцев или мозочен удар, фацијална парализа, оштетување на внатрешните органи, па дури и до смрт.

Некои од опасните состојби поврзани со згрутчување на крвта се белодробна емболија и длабока венска тромбоза.

Симптоми кои укажуваат на тромб

Некои од симптомите што можат да укажат на згрутчување на крвта во органите или во делови од телото се:

Срце: тежина или болка во градите, отежнато дишење, мачнина, потење
Мозок: слабост во лицето, рацете или нозете, отежнато зборување, проблеми со видот, ненадејна силна главоболка или вртоглавица
Белите дробови: отежнато дишење, остра болка во градите, силно чукање на срцето
Рацете или нозете: ненадејна болка и оток, преосетливост и чувство на топлина
Абдомен: силна болка во стомакот, повраќање, дијареја

Добрата вест е дека можете да избегнете згрутчување на крвта со едноставно менување на вашиот животен стил и исхрана и со земање на одредени природни лекови кои ќе ја подобрат еластичноста и проодноста на вашите крвни садови.

Кои природни сојузници го спречуваат згрутчувањето на крвта прочитајте на порталот „Арт кујна“.

The post Како да го спречите згрутчувањето на крвта? appeared first on plusinfo.mk.

– Заклучивме дека формирањето на тромб треба да се наведе како можен несакан ефект на вакцината – рече директорот на ЕМА, Емер Кук.

Придобивките од вакцината „АстраЗенека“ сè уште ги надминуваат ризиците, соопшти Европската агенција за лекови (ЕМА). Сепак, одборот за безбедност на агенцијата соопшти дека е важно да се знаат знаците за можен тромб.

Што е згрутчување на крвта?

Згрутчување на крвта се формира кога крвта се згуснува и формира полуцврста маса. Може да биде корисен одговор при запирање на крварењето во случај на повреда, но тромбот можат да создаде проблеми доколку го запре протокот на крв во виталното подрачје.

Згрутчување на крвта може да предизвика блокада на нозете, стомакот и белите дробови. Поголемиот дел од згрутчувањето на крвта поврзано со вакцината „АстраЗенека“ се случило во вените на мозокот на луѓето кои ја примиле вакцината.

Овој тромб, познат како тромбоза на церебрален венски синус (CVST), може да доведе до мозочен удар, напад или смрт.

Досега, повеќето од пријавените случаи на пријавен тромб се појавија кај жени на возраст под 65 години во рок од две недели по вакцинирањето.

Бидејќи младите имаат поголема веројатност да го доживеат овој несакан ефект, британските регулатори препорачуваат луѓето под 30-годишна возраст да не ја земаат вакцината „АстраЗенека“, освен ако веќе не ја примиле првата доза на оваа вакцина.

Симптомите на згрутчување на крвта вклучуваат отежнато дишење и главоболка. ЕМА наведе дека луѓето кои веќе примиле „АстраЗенека“ треба да контактираат со својот лекар ако почувствуваат некој од следниве симптоми:

недостаток на воздух,

болка во градите,

оток во нозете,

стомачна болка,

невролошки симптоми кои вклучуваат заматен вид и постојани главоболки.

Некои несакани ефекти кои вклучуваат болка во местото на пункција или болки во телото се лесни и нормални несакани ефекти во првите неколку дена по вакцинирањето и не претставуваат причина за загриженост.

Меѓутоа, ако имате потешки и подолги симптоми во периодот од четири до 20 дена по вакцинирањето, треба да се консултирате со лекар, советува Светската здравствена организација (СЗО).

Згрутчувањето на крвта обично се третира со антикоагуланси, пренесува „Science Alert“ и може да се избегнат компликации доколку тромбот се забележи рано.

The post Како да препознаете дали крвта ви се згрутчува по вакцинирањето? appeared first on plusinfo.mk.

Како што е наведено во текстот, научниците веруваат дека станува збор за сличен проблем како со лекот „хепарин“ кој служи за разредување на крвта. Овој лек, објаснуваат експертите, го активира имунолошкиот систем за да произведува антитела кои активираат тромбоцити, кои, пак, предизвикуваат згрутчување на крвта кај пациентот.

Но, лекот „хепарин“ не е единствениот кој го има ова својство. Научниците посочуваат дека има и други лекови кои предизвикуваат згрутчување на крвта, а како што велат, можно е и вакцината на „АстраЗенека“ да биде таков активатор.

Кај четири претходно здрави лица кои ја примиле вакцината на „АстраЗенека“ се развиле потенцијално смртоносни згрутчувања, а имале ист вид антитела кои активираат тромбоцити и предизвикуваат формирање грутки во тромбоцитопенија предизвикана од хепаринот, напишале германските, австриските и канадските научници во студијата објавена во понеделникот на „Research Square“.

Трудот не ја поминал научната рецензија. Дваесет вакцинирани лица кои не развиле згрутчувања немале такви антитела. Во коментарот објавен заедно со студијата се напоменува дека тромбоцитопенијата предизвикана од лекови може да се лекува ако точно се дијагностицира.

Милиони луѓе ја примија вакцината без никакви проблеми, а европските регулатори и Светската здравствена организација објавија дека придобивките од „АстраЗенека“ ги надминуваат ризиците.

И министерот за здравство, Венко Филипче, денеска соопшти дека во Македонија е регистриран првиот случај на згрутчување на крвта кај пациент кој неодамна се вакцинирал со „АстраЗенека“. Како што објасни министерот, станува збор за 28-годишна девојка која од вчера е во болница.

The post Научниците објаснуваат зошто вакцината на „АстраЗенека“ може да предизвика згрутчување на крвта appeared first on plusinfo.mk.

Тој посочи дека 28-годишна девојка од Македонија, која минатата недела се вакцинирала со „АстраЗенека“ во Србија, во моментов лежи во болница поради тромботичен ефект, најверојатно предизвикан од самата вакцина.

– Има регистрирано еден случај на 28-годишна девојка која се вакцинирала со „АстраЗенека“ во Србија, а која од вчера е на болничко лекување поради тромботичен ефект. Проблемот се појавил 6 до 7 дена по вакцинацијата, а кај девојката не се констатирани претходни заболувања. Токму затоа решивме да бидеме претпазливи и нема да продолжиме со вакцинацијата на помладите луѓе сè додека не добиеме потврда дека оваа вакцина е безбедна. Станува збор за тромботична реакција како резултат на вакцината, а се јавува само кај помладите луѓе. Се работи за исклучително мал број случаи, но ние сепак сакаме да сме претпазливи. Еден дел од граѓаните се вакцинираше во Србија, но засега нема препораки дека нешто превентивно треба да се прави ако некој примил една доза од вакцината. Во однос на ревакцината, сите граѓани коишто се вакцинирале ќе бидат ревакцинирани согласно препораките – рече Филипче.

Ризикот да се зарази човек од ковид-19, додаде тој, е многу поголем од ризикот да се појават несакани ефекти од вакцината.

– Додека нема да сме сигурни, нема да ја започнеме вакцинацијата на останатите групи граѓани. Сите што сте вакцинирани, нема простор за паника. Не треба ништо превентивно да се прави. Несаканите ефекти не се јавуваат кај повозрасните граѓани, туку само кај помладите – рече Филипче.

Тој рече дека одлично тече процесот на вакцинација на повозрасното население кој започна и дека сè е добро организирано.

– Нема никакви проблеми, организацијата е одлична. Уредно се обележани сите места каде што се врши имунизацијата. До овој момент, околу 20 отсто од пријавените не се појавиле на пунктовите за вакцинација, но засега е премногу рано за да се каже колкав ќе биде тој процент – рече Филипче.

На прашањето дали Македонците ова лето ќе можат да се сончаат на грчките плажи, министерот одговори дека утрово добил информација дека Грција планира да ги отвори границите на 14 мај.

– Имаме честа комуникација со грчкиот премиер за здравство и со грчкиот министер за туризам, а денеска добив информација дека Грција планира да ги отвори границите на 14 мај. Но, ќе биде задолжително да се прикаже потврда за вакцинација или негативен ПЦР тест – истакна Филипче.

The post Филипче: 28-годишна девојка е во болница поради згрутчување на крвта откако се вакцинирала со „АстраЗенека“ appeared first on plusinfo.mk.