Деми Мајнор, која отслужува 30-годишна затворска казна за прободување на нејзиниот поранешен старател, во јуни била префрлена од женскиот казнено-поправен дом „Една Мејхан“ во поправниот дом за млади лица „Гарден стејт“. Таа, притоа, се жали на кршење на нејзините права и во објава на својот блог тврди дека по преместувањето, се обидела и да се обеси.

– Прифатив дека сум во машка институција, но не прифатив дека сум ништо друго освен жена, која случајно е трансродова! – изјави таа.

Мајнор го обвини затворот дека ѝ нанел „непоправлива психолошка болка“ изложувајќи ја на овие предизвикувачки ситуации.

– Не умеам да живеам како маж и одбивам кога било да им се вратам на таквите навики или однесување – пишува таа на својот блог, жалејќи се и на тоа што новиот затвор нема клима-уред, ни кабловска телевизија и не дозволува видеоповици, како ниту ЛГБТК-групации.

– Психички не сум своја и ја губам својата суштина. Деми, која сака да се шминка и да се дружи со другарките, тука не смее – додаде таа.

Мајнор била префрлена откако било откриено дека е одговорна за бременоста на две затворенички. Установата со 800 затворенички, инаку, почна да прима трансродови жени вклучително и онакви на кои допрва треба да им биде извршена операција за промена на полот, по тужба минатата година. Сега има 27 транс-затвореници.

The post ТРАНСРОДОВА ЗАТВОРЕНИЧКА ЗАБРЕМЕНИЛА ДВЕ ДРУГИ ЗАТВОРЕНИЧКИ По разоткривање на настанот била преместена во машки затвор appeared first on plusinfo.mk.