Во организација на Здружението за спорт и рекреација „Прв до врв“ – Скопје, утре ќе се одржи четиринаесеттото издание на традиционалниот спортско-рекреативен настан насловен како „Прв до врв“.

Во рамки на настанот ќе се реализира велосипедска трка со почеток во 09:45 часот, со траса на движење од пред Музеј на град Скопје по ул. „Св. Кирил и Методиј“, лево по бул. „Св. Климент Охридски“, право по бул. „Мајка Тереза“, лево по ул. „Тодор Александров“, а потоа по локалниот пат кон Средно Водно и до врвот на Водно (Милениумски крст).

Воедно, со почеток во 10:00 часот ќе се одржи и планинарска тура, која ќе стартува пред ООУ „Кочо Рацин“ на бул. „Мајка  Тереза“, ќе продолжи по ул. „Тодор Александров“, а кај ул. „Салвадор Аљенде“ учесниците ќе се движат десно по планинската патека кон Средно Водно и понатаму кон врвот на Водно (Милениумски крст).

Поради одржувањето на настанот, Одделението за безбедност на патниот сообраќај при СВР Скопје ќе преземе мерки за посебен режим на сообраќај, при што сообраќајот ќе се пренасочува по околните сообраќајници.

Министерството за внатрешни работи апелира до граѓаните да ги почитуваат наредбите и насоките што ќе ги издаваат полициските службеници на сообраќајниците каде што ќе се одвива настанот, со цел непречено и безбедно реализирање на истиот.

The post В НЕДЕЛА ПОСЕБЕН РЕЖИМ НА СООБРАЌАЈ ВО СКОПЈЕ Се одржува традиционалната трка „Прв до врв“ appeared first on plusinfo.mk.

Видеолотарија Касинос Австрија со особено задоволство и гордост продолжува да ги поддржува македонските спортисти. Тие се нашите најдобри амбасадори кои со своите успеси достојно ја претставуваат Македонија на светската спортска сцена.

Денеска ја споделуваме одличната вест за новиот успех на мотоциклистот Христијан Бузалковски, со кого Видеолотарија Касинос Австрија успешно соработува веќе пет години.

Бузалковски изминатиот викенд оствари извонреден резултат освојувајќи го третото место на FIM European STK1000 CUP, уште еднаш потврдувајќи го својот талент, посветеност и шампионски дух. Овој успех претставува уште еден значаен чекор во неговата кариера, но и голема мотивација за младите спортисти кои сонуваат за европски и светски успеси.

– Викендов стартуваа првите трки од FIM EUROPEAN STK 1000 CUP на стазата Гробник во Хрватска. Уште од самиот почеток успеавме да направиме добар сетап на моторот, да бидеме брзи и да напредуваме од сесија во сесија! Имавме добри квалификации и бевме блиску со сите возачи во нашата класа! Успеавме на двете долги трки и на спринтот да завршиме на третата позиција, иако имавме шанса за повисоко место на подиумот , но тоа се трките. Сезоната е долга, знаеме каде треба да напредуваме во однос на другите возачи од нашата класа и ќе дадеме се од себе за следната трка да се претставиме уште подобро! Огромна благодарност до сите наши поддржувачи, спонзори и фанови! Без вас ништо од ова не би можело да се реализира – изјави Бузалковски.

Поддршката на спортот и спортистите е важен дел од стратегијата на Видеолотарија Касинос Австрија како општествено одговорна компанија, која континуирано инвестира во развојот на спортот и промовирањето на здрави животни вредности и спортски навики кај младите.

Под слоганот „Играј со најдобрите”, Видеолотарија Касинос Австрија останува посветен партнер на младите таленти од спортот, образованието, културата и медицината, поддржувајќи ги оние кои со својата работа, дисциплина и визија создаваат успешни приказни за Македонија.

The post ВИДЕОЛОТАРИЈА КАСИНОС АВСТРИЈА ГОРДО ГО СЛАВИ НОВИОТ УСПЕХ НА БУЗАЛКОВСКИ Освои бронза на патеката Гробник во Хрватска appeared first on plusinfo.mk.

Скопје в недела ќе има изменет сообраќај поради одржување на меморијалната трка „Меморијал Ѓоко Кузмановски“, па возачите ќе мора да сметаат на затворени улици и пренасочување.

Настанот ќе се одржи на 26 април од 09:00 до 13:30 часот, со старт и цел пред Спортски центар „Јане Сандански“. Учесниците ќе се движат по дел од булеварот АСНОМ, на потегот од крстосницата со улицата Васко Карангелевски до булеварот Србија, како и по дел од улицата Васко Карангелевски во правец кон Мајчин дом.

Поради трката, сообраќајот во овој дел од градот ќе биде привремено изменет, а возилата ќе се пренасочуваат по околните улици.

Надлежните ги повикуваат граѓаните да ги почитуваат упатствата на полицијата и да планираат алтернативни рути за да избегнат застои.

The post СООБРАЌАЈЕН ХАОС ВО НАЈАВА В НЕДЕЛА Делови од Аеродром ќе бидат блокирани неколку часа appeared first on plusinfo.mk.

Во духот на Movember, месецот за подигнување на свеста за грижа за машкото здравје, и како дел од својата општествено одговорна мисија, компанијата dm drogerie markt донира ваучери за реализирање на два типа на медицински прегледи во соработка со приватната болница Д.Мед Медикал , дел од германската групација D.med Healthcare.

Посетителите кои ќе бидат дел од големиот велосипедскиот настан „Пуштам брк, бркам здравје“, кој ќе се одржи на 16 ноември на Школка во Градскиот парк во Скопје со почеток во 11:00 часот, ќе имаат можност да остварат бесплатни консултации со доктори од различни медицински области – нефролог, кардиолог, уролог и општ лекар.

Покрај бесплатните медицински консултации, тие ќе имаат можност и да добијат ваучери за два типа на пакети со бесплатни медицински прегледи во болницата. Со еден ваучер може да се избере меѓу: ехо на уринарен тракт со простата и PSA маркер кој се препорачува за лица над 40 години или ехо на тестиси со beta-HCG и AFP кој се препорачува за лицата над 25 год. PSA тестот има големо значење во дијагностицирање и навремено лекување на карциномот на простата. Превентивните здравствени контроли не само што можат да спасат животи, туку и го подобруваат квалитетот на здравјето во вашето секојдневие.

dm drogerie markt со силна поддршка кон грижата за машкото здравје

Со оваа донација, како и со останатите активности кои се дел од кампањата Movember 2025, целта на dm е да ја подигне свеста за важноста на редовните медицински прегледи, особено во областа на урологијата и нефрологијата, како и да го отвори разговорот за најважните машки здравствени теми. Минатата година компанијата донираше и два цитоскоп апарати во вредност од над 360.000 денари на одделот за урологија, при Градската општа болница „8 Септември“ во Скопје.

„Среќни сме што и оваа година преку донација за бесплатни медицински прегледи придонесуваме за поквалитетно машко здравје. Ги охрабруваме мажите да ги искористат ваучерите и да заземат превентивен и проактивен пристап кон своето здравје. Преку нашите проекти се трудиме да го отвориме разговорот за важни здравствени теми, и со обезбедување на финансиски и едукативни ресурси да поддржуваме иницијативи кои ги охрабруваат луѓето да превземат активна грижа за своето здравје“, изјавија од компанијата.

Заедно со докторите од Д.мед Медикал и учесниците на велосипедскиот настан „Пуштам брк, бркам здравје!“, компанијата dm drogerie markt испраќа јасна порака: превенцијата не чека – закажете преглед, зборувајте отворено и грижата за своето машко здравје претворете ја во навика.

The post БЕСПЛАТНИ ПРЕГЛЕДИ ВО МЕСЕЦОТ НА МАШКОТО ЗДРАВЈЕ Кампања Movember 2025 на dm appeared first on plusinfo.mk.

Познатиот Формула 1 возач Макс Верстапен се радувал на триумф во Остин кога стигнала неочекувана вест: ФИА го повикала тимот на Ред Бул на сослушување поради можни прекршоци со спортскиот кодекс, јави Рејсинг Њуз.

Ред Бул доби глоба од 50.000 евра, јавува Моторспорт. Од таа сума, 25.000 се суспендирани, што значи, нема да бидат изречени доколку тимот не направи слична повреда до крајот на сезоната.

Неофицијално, еден од членовите на тимот се вратил на гридот откако зоната требала да биде расчистена, што може да претставува прекршување на член 12.2.1. од правилникот за безбедно изведување на трката.

Unbelievable weekend!!! Let’s keep this momentum up @redbullracing pic.twitter.com/VB4E53qii4

— Max Verstappen (@Max33Verstappen) October 19, 2025

Иако самата грешкка може да била поврзана со отстранување на трака (маркер) поставена од тимот Мекларе за позиционирање на возачот Ландо Норис, тоа не беше официјалниот прекршок. Прекршокот се базираше на безбедносното нарушување при влегувањето.

Од ФИА потврдиле дека повикот бил испратен веднаш по крајот на трката и најавиле дека дополнителни детали ќе бидат објавени по сослушувањето во просториите на стјуардите.

Ред Бул засега молчи, но исходот би можел драстично да влијае врз поредокот во шампионатот. Во случај на казна, победата би преминала во рацете на возачот на Мекларен, Ландо Норис, со што битката за титулата би добила сосема нов тек.

The post ПРЕСВРТ ВО ОСТИН, РЕД БУЛ КАЗНЕТ ВЕДНАШ ПО ПОБЕДАТА Член од тимот се вратил на гридот откако зоната била расчистена appeared first on plusinfo.mk.

Македонскиот автомобилски ас Игор Стефановски – Иџе продолжува да ја пишува историјата на македонскиот автоспорт. Трикратниот европски шампион во ридски патеки овој викенд ќе дебитира во ЕУРО НАСКАР ПРО, како дел од тимот Speed House S20 Team, во финалето на шампионатот што ќе се вози на легендарната патека Золдер во Белгија.

Иџе станува првиот Македонец кој ќе настапи во оваа престижна серија под лиценца на американскиот Наскар, најпопуларниот автомобилски шампионат во САД, кој веќе повеќе од една деценија има и своја европска верзија.

– Во 2020 година требаше да возам во ова првенство, но пандемијата го стопираше тоа. Конечно, пред неколку дена добив покана од организаторите да бидам гостин на последната трка во Золдер. Добро е што ја знам патеката, тука имам победа во ЕТЦЦ во 2017 година – изјави Стефановски.

Иџе вели дека ова ќе биде нов предизвик во неговата кариера, бидејќи ќе вози автомобил кој досега не го пробал, во класата со околу 26 професионални возачи.

– Ова ќе биде моја 201 трка, и со неа отворам ново поглавје. Ќе бидам дел од силна конкуренција. Mинатата година тука возеше Жак Вилнев, а годинава е и легендарниот Иван Милер. Ова е голема чест, но и огромна мотивација – додава тој.

Стефановски најавува дека резултатот нема да му биде приоритет, туку запознавање со новиот автомобил и со шампионатот, како вовед во можни идни настапи во оваа елитна категорија.

Видеолотарија Касинос Австрија со години стои зад Иџе како негов поддржувач, верувајќи во неговата спортска визија и во македонскиот успех. Со истиот дух на страст, храброст и истрајност, компанијата најави дека ќе продолжи да навива за Иџе – шампионот, кој ја носи Македонија на европските патеки.

The post ИГОР СТЕФАНОВСКИ – ИЏЕ Е ПРВ МАКЕДОНЕЦ ВО ЕУРОНАСКАР ПРО Ова е негова 201 трка и со неа отвора ново поглавје appeared first on plusinfo.mk.

Македонскиот атлетичар Дарио Ивановски во машка и Ирине Џеруто од Кенија во женска конкуренција победија на годинешното, 21. по ред, издание на Виз Ер скопски маратон.

Ивановски ја мина делницата во должина од 42 километри со време од 2:14:50 часа, триумфирајќи со извонреден финиш во кој во завршните два километри го остави зад себе Кениецот Џулиус Кипкоеч, кој долго време водеше во трката, а на крајот заврши второпласиран, заостанувајќи 30 секунди зад победникот. Третото место го освои Грузиецот Давити Каразишвили со време од 2:19:59 часа.

За Ивановски ова е втора победа на Виз ер скопскиот маратон, по успехот во 2021 година.

На женскиот маратон, Кенијката Џеруто беше најбрза со време од 2:38:31 часа, оставајќи ги зад себе Маринела Нинева од Бугарија (2:45:36), на второто и Ана Јусупова од Азербејџан (2:48:10), на третото место.

Годинешното издание на Виз Ер скопскиот маратон донесе рекорден број од 14.010 учесници од 58 држави.

Во полумаратонската трка најбрзо време истрчаа Албион Имери во машка и Греса Бакрачи во женска конкуренција, додека во најмасовната трка на 5 километри, на која на стартот се појавија околу 10.000 учесници, победија Григоријан Никовски и Ирма Хајдари.

Во штафетниот маратон – ЕУ за спорт, победата во машка конкуренција ја однесе екипата „Врањски маратонци“ (2:26:34).

Генерален покровител на традиционалниот Виз Ер скопски маратон годинава беше Министерството за спорт.

Резултати:

Маратон

машка конкуренција

Дарио Ивановски (2:14:50)

Џулиус Кипкоеч (2:15:20)

Давити Каразишвили (2:19:59)

Женска конкуренција

Ирине Џеруто (2:38:31)

Маринела Нинева (2:45:36)

Ана Јусупова (2:48:10)

Полумаратон (21 км)

Машка конкуренција

1 Албион Имери (1:07:57)

2 Иван Пешовски (1:11:30)

3 Александар Арсов (1:12:52)

Женска конкуренција

1 Греса Бакрачи (1:20:50)

2 Теа Божиновска (1:21:10)

3 Милјана Ристиќ Стојчевска (1:22:13)

Трка на 5 км

Машка конкуренција

1 Григоријан Никовски (15:53)

2 Гилман Јунузи (16:41)

3 Роберто Димитриевски (16:43)

Женска конкуренција

1 Ирма Хајдари (18:54)

2 Дарија Крстевска (20:02)

3 Николина Милевска Велјановска (21:19).

Штафетен маратон – ЕУ за спорт

Врањски маратонци (2:36:34).

The post РЕКОРДЕН БРОЈ ОД 14.010 УЧЕСНИЦИ ОД 58 ДРЖАВИ Ивановски и Џеруто најбрзи на Виз Ер скопски маратон 2025 appeared first on plusinfo.mk.

Игор Стефановски Иџе, најтрофејниот македонски автомобилист, овој викенд во Хрватска ќе одбележи голем јубилеј, а тоа е 200-та трка во кариерата.

На патеката во Бузет ќе се вози последната трка од ФИА Европскиот шампионат на ридски патеки (EHC) за 2025 година, каде Иџе ќе настапи со својот „ферари 488 B8“, автомобил специјално подготвен за овие патеки. На оваа трка се пријавени дури 241 возач, а Стефановски ќе настапи со бројот 32.

Годинава, во генералниот пласман од првата група на шампионатот, Иџе се наоѓа на втората позиција, а тој веќе е носител на европската титула во ова натпреварување, во група 1.

– Со силна возбуда, сакам да најавам дека очекувам добра трка. Посакувам да постигнеме одличен резултат и во овој шампионат. Благодарност до мојот неверојатен тим, тимот на Ферари, до моите спонзори и до сите вас кои ни давате безрезервна поддршка. Оваа трка е посебна, затоа што со неа одбележувам 200 настапи во кариерата, предизвик кој ме мотивира уште повеќе – изјави Стефановски.

Иџе ја започна својата кариера во 2001 година на патеките во Скопје, а повеќе од две децении подоцна зад себе има богато искуство, титули и победи што го вбројуваат меѓу најдобрите европски возачи на ридски патеки. Во изминатите 199 трки има 83 победи и 122 подиуми.

Видеолотарија Касинос Австрија останува посветена во поддршката кон автомобилскиот шампион и ќе продолжи да навива за Иџе и за Македонија.

The post 200-ТА ТРКА НА ИЏЕ ВО КАРИЕРАТА Ќе вози на Европскиот шампионат на ридски патеки во Хрватска appeared first on plusinfo.mk.

Украинците велат дека им е потребна повеќе помош бидејќи се во опасност да ја изгубат трката за вооружување со беспилотни летала со Русија. Според Скај њуз дроновите се најефикасно оружје на Украина во војната против Русија, но дека сега земјата губи таа предност.

Но, Русија полека jа добива трката. Пропагандно видео објавено минатиот месец, снимено во една од огромните руски фабрики за дронови, покажува стотици дронови за напад со крилја „Гераниум“ подготвени да бидат лансирани во Украина. Русија ја подобри технологијата што ја обезбедија Иранците за да произведува побрзи, посмртоносни верзии на своите дронови „Шахед“.

Тие убиваат десетици цивили секоја вечер, а Украина очекува да види до 1.000 од нив ноќе во наредните месеци. Русија усовршува дронови со оптички влакна. Украинската фабрика има и прототип на оптички модел. Тие велат дека нивниот е поефикасен од рускиот, но дека Русите почнале да ја користат технологијата порано и го зголемиле своето производство.

Украинската компанија за беспилотни летала „Генерал Чери“ е основана од волонтери на почетокот на војната, произведувајќи 100 беспилотни летала месечно, но сега произведуваат 1.000 пати повеќе. Андриј Лавренович од компанијата изјавил дека и тоа не е доволно.

– Русите имаат многу војници, многу возила, а нашите војници секој ден ни кажуваат дека ни треба повеќе оружје, дека треба да бидеме побрзи и подобри, истакнува тој.

Локацијата на украинската фабрика е строго чувана тајна и често се преместува бидејќи Русија ја користи секоја можност за да напаѓа фабрики за оружје.

Скај њуз опишува како се склопуваат и редат дроновите, илјадници од нив. Тие се склопуваат како играчки, рачно склопени. Квадкоптерите се разликуваат по големина, некои носат експлозиви за да го нападнат непријателот. Други летаат до шест километри за да ги нападнат руските дронови за надзор. Еден украински дрон вреден 1.000 долари може да собори непријателски авион вреден 300 пати повеќе, пишува Скај њуз.

„Тие имале значителна помош од Кинезите. Цели фабрики таму имаат договори за снабдување со влакна исклучиво на Русија, произведувајќи ги во огромни количини“, велат за Скај Њуз од украинската фабрика.

Украинскиот претседател Володимир Зеленски оваа недела изјави за новинарите дека Русите го зголемиле бројот на беспилотни летала, додека Украина не била во можност да го стори тоа поради недостаток на средства.

The post УКРАИНА ЈА ГУБИ ТРКАТА СО БЕСПИЛОТНИ ЛЕТАЛА Русите масовно ќе произведуваат дрон со оптички влакна appeared first on plusinfo.mk.

По исцрпувачката НБА сезона и елиминацијата од плејофот, српскиот кошаркарски ас Никола Јокиќ одлучи да се повлече од вревата на американските арени и да се врати таму каде што најмногу се чувствува свој – на Балканот.

Откако беше забележан на рафтинг по реката Тара, па потоа и на краток одмор во Црна Гора, сега Јокиќ се врати во неговиот роден Сомбор, каде што повторно го насочи вниманието кон својата втора голема љубов – коњските трки.

На хиподромот во Сомбор, Јокиќ беше дел од публиката која со голем ентузијазам ја следеше трката во која настапи неговиот коњ. Спортистот, кој често знае да нагласи дека коњите и трките му претставуваат вистинска терапија, беше емоционално вклучен и овој пат – нешто што го потврди и снимка што се прошири на социјалните мрежи.

На видеото се гледа како Јокиќ со нетрпение го следи финишот од трката, а потоа и неговата искрена реакција откако коњот, за кого очигледно навиваше, ја изгуби победата во последните метри.

За разлика од неговиот смирен и неконфликтен став на теренот, каде ретко покажува силни емоции, на хиподромот Никола не ја криеше разочараноста. Фановите веднаш почнаа да коментираат дека таа негова страна го прави уште попривлечен за јавноста – човек кој, и покрај милионите и славата, останал приземјен и верен на своите корени и пасии.

За Јокиќ ова е повеќе од само хоби. Трките со коњи се семејна традиција и лична страст што тој ја негува со истата посветеност како и кошарката. По заморната сезона, одморот помеѓу блиските и животните кои ги сака, е неговиот начин на полнење батерии.

И додека многумина од неговите колеги го бираат луксузот на тропските острови, Јокиќ избира да биде „еден од народот“, со чизми во кал и раце на узди, далеку од светлата на големата сцена – но сè уште под светлото на љубовта на своите луѓе.

@alo_portal Jokićeva reakcija nakon što je njegov konj izgubio u završnici trke  #alo #alodnevnenovine #alonovine #aloportal #nikolajokic #sombor #konjsketrke #viral_video ♬ original sound – Alo_portal

The post 🎥 КАКО ЈОКИЌ НАВИВА ЗА СВОЈОТ КОЊ Реакцијата на кошаркарот ги насмеа сите appeared first on plusinfo.mk.