Војната трае предолго, би сакал да заврши во рок од еден месец му рекол американскиот претседател Доналд Трамп по телефон на украинскиот колега, тврди извор за порталот Аксиос. Разговорот пред денешната средба на дипломати во Женева за крај на војната доаѓа во чувствителен момент.

Трамп и украинскиот лидер Володимир Зеленски се слушаат по телефон за првпат по светскиот економски самит во Давос во време кога Вашингтон го притиска Киев да одржи парламентарни избори и референдум за мировен договор со Русија.

Летото како цел, март како тест

Според истите извори, украински функционер и две анонимни лица, Трамп сакал мировен договор да се постигне до летото. Но, разликите околу прашањето за регионот Донбас меѓу Украина и Русија остануваат значителни.

Три извори за Аксиос го опишале разговорот како „многу пријателски и позитивен“. Зеленски му се заблагодарил на Трамп за досегашната поддршка.

– Само Трамп може да го принуди Путин да ја запре војната – рекол Зеленски.

Украинскиот претседател изразил надеж дека конфликтот ќе заврши оваа година.

Тројната средба, услов на Зеленски?

Една од клучните теми била можноста за трилатерален самит меѓу лидерите на САД, Украина и Русија. Зеленски претходно изјавил дека разликите околу териториите може да се надминат преку директни разговори со Трамп и Владимир Путин.

„Очекуваме овој состанок да создаде можност разговорите да се подигнат на ниво на лидери. Претседателот Трамп поддржува таков низа чекори. Ова е единствениот начин да се решат сите сложени и чувствителни прашања и конечно да се заврши војната.“

Трамп, според изворите, рекол дека ќе работи на организирање таков самит ако состанокот на преговарачите во март донесе напредок. Денеска во Женева  пратениците на Трамп, Џаред Кушнер и Стив Виткоф ќе се сретнат со украински преговарачи.

Рускиот преговарач ќе се сретне само со Американците

Двајцата пратеници учествувале и во телефонскиот разговор меѓу Трамп и Зеленски.

На денешната средба постои можност да „намине“ и рускиот претставник Кирил Дмитриев. Тој би можел да оствари одделни разговори со американските претставници, пишува Аксиос.

Украински функционер додал дека Трамп ја повторил подготвеноста да ѝ понуди на Украина значајни безбедносни гаранции од САД како дел од можен мировен договор.

The post ВОЈНАТА ДА ЗАВРШИ ЗА ЕДЕН МЕСЕЦ, БАРЕМ ДО ЛЕТОТО Трамп притиска по телефон, Зеленски бара тројна средба appeared first on plusinfo.mk.

Рускиот претседател Владимир Путин му рекол на американскиот претседател Доналд Трамп дека сака да се види насамо на средба со украинскиот претседател Володоир Зеленски, објави Политико.

Повикувајќи се на извор во администрацијата на Трамп, медиумот објави нови детали од телефонскиот разговор меѓу Доналд Трамп и Владимир Путин синоќа. Трамп направи пауза на состанокот со Зеленски и со европските лидери за да одржи телефонски разговор со Путин.

Според тој извор, рускиот лидер побарал неговата средба со Зеленски да се одржи еден на еден, без присуство на Трамп.

– Кога Трамп го поканил и му понудил да се сретне со него и со Зеленски, Путин одговорил: „Не мора да доаѓаш, сакам да го видам еден на еден – вели изворот на Политико.

Тимот на Трамп, според изворот, веднаш почнал да работи на тоа, а посебната задача за подготовка на сè му била дадена на советникот на Трамп, Стив Виткоф.

Досега и Трамп и Зеленски изразија подготвеност за трилатерален состанок, но Путин сè уште официјално не го објави тоа. Европските лидери бараат четиристран состанок, односно и претставник на Европа да учествува во  разговорите со Путин.

The post ПУТИН ПОБАРАЛ НАСАМО ДА СЕ ВИДИ СО ЗЕЛЕНСКИ Му рекол на Трамп дека не мора да доаѓа на трилатерален самит appeared first on plusinfo.mk.