Додека подготвуваше празнично изненадување за своите деца, манекенката и ТВ водителка Криси Тајген (40) доживеа несреќа: го изгуби предниот заб поради едно од нејзините омилени божиќни слатки – шеќерно новогодишно бастумче, пишува Unilad.

Сè започнало кога Криси решила да изведе мала магија за децата. Идејата била да „насадат“ шеќерни бастумчиња заедно со Луна (9), Мајлс (7), Ести (2) и Рен (2).

Секоја вечер, додека децата спиеле, Криси ги менувала помалите шеќерни бастумчиња со поголеми, за да ги увери децата дека тие пораснале во саксиите во кои наводно ги засадиле користејќи „почва“ од здробени Орео колачи. На третиот ден, трикот се претвори во вистински мал кошмар.

– Одгледување стапчиња од бонбони – објасни таа во видео на Инстаграм, покривајќи го лицето со раката.

– Се обидов да отворам едно од овие лоши момчиња и забот ми испадна – вели Криси покажувајќи ја пред  камерата својата насмевка без еден преден заб.

– Имам цело парче – додаде таа, покажувајќи го скршениот дел.

– Ова е она што мајките го прават за своите деца, за да можат да помислат дека одгледале бонбонче. Се обидував да создадам магија, сега немам заб, а утре е зимското пеење, па… – вели таа.

 

View this post on Instagram

 

A post shared by chrissy teigen (@chrissyteigen)

Криси сепак присуствувала на училишната претстава на нејзините деца. Таа го заврши видеото со монтажа од селфиња на кои е со празна дупка во насмевката и „одгледани“ бонбони, придружени со песната „Just the Way You Are“ од Бруно Марс.

– Среќен Божиќ од нашето семејство – напиша таа шеговито во описот.

Наскоро откри дека била на стоматолог и добила нова навлака.

Нејзиниот сопруг, пејачот Џон Леџенд, брзо се вклучи со три смајли емотикони, покажувајќи дека и тој ја гледа смешната страна на целата ситуација.

The post 🎥 КРИСИ ТАЈГЕН ОСТАНА БЕЗ ПРЕДЕН ЗАБ Од празничното изненадување за децата, до беззаба насмевка appeared first on plusinfo.mk.

Кафе запалено во фолија се покажало како добар трик против роевите оси и пчели што летово се појавиле на плажите на познатиот грчки остров Тасос, пишува Б92.

– Четврти пат летуваме на Тасос. Осите и пчелите отсекогаш биле присутни, но оваа година ги има значително повеќе. Штом ќе ја извадите храната, 20 од нив слетуваат во рок од две минути – вели српски турист и истакнува дека локалците потврдуваат дека никогаш порано не виделe толку многу инсекти.

Трикот со кафето го користат локалните жители на островот. Дека трикот успева потврдуваат гости на отел во Гликади.

Но, зошто годинава се зголеми бројот на оси и пчели на островот? Експертите имаат неколку теории.

Како прва причина ги наведуваат зголемените температурите во последните години и сушата која прави билките да овенат, па оттука инсектите се вртат кон храната на луѓето.

Друга причина, според експертите, се пожарите кои во последните години беснеат во Грција. Билките се изгорени.

Но, исто така, летото и вообичаено е период кога инсеките бараат повеќе шеќер, а шеќерот неретко го има на трпезите.

Еден експерт истакнува:

„Доколку имате алергии или патувате со деца, размислете за преземање дополнителни заштитни мерки“.

Советите се јасни: избегнувајте парфеми и светли бои, користете природни репеленти и носете антихистаминик или авто-инјектор за адреналин за оние со сериозни алергии.

The post САМО ЕДЕН ТРИК ЌЕ ГИ ИЗБРКА ОСИТЕ ОД ЛЕТНАТА ТРПЕЗА Во Тасос се намножија, причината се пожарите? appeared first on plusinfo.mk.

Балмер, кој беше на чело на американскиот конгломерат од 2000 до 2014 година, откри трик-прашање што му го поставувал на секој кандидат за работа, објаснувајќи го и значењето.

– Прашањето гласеше вака: „Размислувам за број меѓу еден и сто. После секој обид ќе ви кажам дали бројот е превисок или пренизок. Ако погодите при првиот обид, добивате пет долари, тогаш четири, три, два, еден, и ако на крајот не погодите, ќе ми платите долар, два“ – изјави тој.

Целта на ова прашање не е само да се тестира размислувањето на кандидатот, туку и способноста за донесување стратешки одлуки – клучна одлика, којашто Балмер ја смета за важна, за успех во технолошката индустрија.

Која е целта на прашањето? Она што особено го интересира директорот Балмер е – дали кандидатите го разбираат поширокиот контекст на играта. Имено, доколку сакаат победа, кандидатот треба да разбере дека веројатноста да се изгуби е поголема од веројатноста за победа бидејќи има многу повеќе бројки на коишто можат да загубат отколку едната што носи победа.

Целта на прашањето е, всушност, да се види дали кандидатот прво ќе процени дали воопшто вреди да се игра.

Така, вистинскиот одговор е: „Не сакам да ја играм играва“, бидејќи тоа скоро секогаш ќе има негативен очекуван исход.

Балмер денес е сопственик на НБА-кошаркарскиот клуб Лос Анџелес клиперс и неговото богатство се проценува на 121,9 милијарди долари.

– Во една прилика, кандидатот веднаш ја погодил бројката напишана на хартија и рече дека играва не вреди. Тоа е правилен заклучок. Така, ја увидов способноста на кандидатот да размислува „вон рамките“ и неговата вештина да ги анализира проблемите пред да донесе одлука – се потсеќа Балмер.

На крајот, тој појасни дека неговата цел била да процени колку добро кандидатите ја разбираат анализата на ризик и донесувањето одлуки – клучни вештини за успехот во денешниот динамичен технолошки свет.

The post ТРИК-ПРАШАЊЕ ЗА ВРАБОТУВАЊЕ ВО „МАЈКРОСОФТ“ Точниот одговор ќе ве изненади appeared first on plusinfo.mk.

Под влијание на инфлацијата, патниците пронајдоа нов трик како да заштедат пари на авионски билети – купуваат билети со преседнување, а потоа го прескокнуваат вториот лет и остануваат на дестинацијата каде што требало да преседнат, бидејќи таквите билети обично се многу поевтини од директни летови.

Поедноставно кажано, тие резервираат лет од аеродромот А до аеродромот Ц со попатна посета на аеродромот Б, но потоа остануваат во дестинацијата Б и едноставно го прескокнуваат вториот лет.

Како што пишува Business Insider, на некои авиокомпании веќе им е преку глава од ова и почнале да ги казнуваат патниците кои прибегнуваат кон такви трикови – на пример, ако откријат дека не се качиле на друг, поврзувачки лет, повратниот билет им е откажан па, на многу луѓе на крај заштедата им се поништува.

Но, Business Insider предупредува дека оваа можност им е дадена на патниците поради фактот што авиокомпаниите всушност не ги почитуваат основните принципи на геометријата, таканаречената триаголна нееднаквост, која вели дека триаголник постои ако збирот на должините на двата пократки страните е поголема од должината на најдолгата страна.

Се очекува дека авио-операторите го следат ова правило и дека, земајќи ја предвид должината и цената на горивото, да наплаќаат повеќе билет од Њујорк до Лондон преку Амстердам отколку за директен билет Њујорк – Амстердам, но тоа очигледно не е правило и може да резултира со некои апсурдни ситуации како онаа кога во авионот седат двајца во исто време, од кои едниот платил помалку пари за два лета од оној што се симнува на „првата станица“.

Математичарот и научник Брајан Хејс овој феномен  се обиде да го објасни преку фактот дека разликата во цената произлегува од поголема побарувачка за директен лет отколку за поврзувачки лет.

The post ЛЕТ ЗА МАЛКУ ПАРИ Патниците откриле трик како да заштедат на авионските билети appeared first on plusinfo.mk.

Жена од Велика Британија на Фејсбук сподели супер трик со кој храната во теглата нема да се расипе, односно нема да мувлоса откако ќе ја отворите, а експертите се согласуваат дека тоа функционира, пренесува news.com.au. Ова е еден од оние кујнски трикови што не чинат ништо, а вредат многу.

Имено, таа ги превртува сите тегли наопаку, а во групата The Prepped Mama вели дека со овој метод заштедува пари и го спречува фрлањето храна.

Прочитајте повеќе на „Арт кујна“.

The post КАКО НЕ СМЕ СЕ СЕТИЛЕ ДОСЕГА? Одличен трик против мувлосување на отворените тегли appeared first on plusinfo.mk.

Бројни истражувања покажаа дека лебот е незаменлив дел од трпезата во дури 76% од домаќинствата во Европа.

Сепак, многумина советуваат дека оваа намирница треба да ја избегнуваме поради високиот гликемиски индекс, односно поради високата бројка која го покажува интензитетот на лачењето на инсулин по конзумирање на одредена храна.

Ако го замрзнете пред да почнете да го јадете, ќе го намалите нивото на гликоза за половина, па наместо со шеќер, лебот ќе ги нахрани вашите мускули со јаглехидрати, кои се и тоа како потребни.
Овој трик можете да го користите на секој подготвен леб, од домашен до оној купен во продавница.

БОНУС СОВЕТ, односно, рецепт за леб кој е однадвор крцкав, а внатре мек како душа, побарајте на порталот „Арт кујна“.

The post КАКО ДА ГО ПРЕТВОРИТЕ БЕЛИОТ ЛЕБ ВО ЗДРАВА НАМИРНИЦА? Можете да го јадете колку сакате без да се дебелеете! appeared first on plusinfo.mk.

По упорните неколкудневни прозивки од ВМРО-ДПМНЕ дека нема демант на овие шпекулации кои потекнаа од извори во работната група за подготовка на уставните промени, денеска се огласи и премиерот Димитар Ковачевски.

– Тоа е уште една од низата небулози и замајување на јавноста од страна на опозицијата. Истата опозиција зборуваше и дека во државата ќе има не знам колку милиони мигранти, дека државата ќе се кантонизира, дека со гласањето на францускиот предлог ќе сме станеле бугаризирани и асимилирани и дека ќе сме го изгубеле македонскиот јазик, но ништо од тоа не се случи. Ова е најновата во низата лаги. Се работи за шпекулација и за зборување нешто од немајкаде. Кога сите факти ќе ве побијат, не ви останува ништо друго освен измислување нови небулози кои ќе шират хистерија и страв кај народот, а нема да направат ништо добро – рече Ковачевски.

Се работи за шпекулација и за зборување нешто од немајкаде. Кога сите факти ќе ве побијат, не ви останува ништо друго освен измислување нови небулози кои ќе шират хистерија и страв кај народот, а нема да направат ништо добро.

Димитар Ковачевски премиер

Трик за да се прифати „помалото зло“?

Извори на Плусинфо сепак тврдат дека ќе има обиди на членови на работната група за уставни промени, во координација со политички промени, албанскиот народ да добие потполно еднаков и симетричен статус со македонскиот во уставната Преамбулата. Што се однесува до албанскиот јазик, чија службена употреба сега е поврзана со формулата „20 отсто“, веќе и јавно постои предлог за негово официјализирање како службен јазик еднаков со македонскиот независно од процентуалната застапеност на Албанците.

Во врска со дилемите околу двонационалноста како можен уставен концепт, Плусинфо консултираше неколку аналитичари. Се чини дека е општо уверувањето дека една ваква промена би донела повеќе проблеми отколку решенија. Професорот Мерсел Биљали е категоричен:

– Јас сум за целосно граѓански концепт. Република Северна Македонија е држава на сите нејзини граѓани и – точка!

Биљали сепак потенцира дека е нужно да се има механизми за одржување на меѓуетничката кохезија и рамнотежа во институциите, во смисла на координативни, а по потреба и консоцијални механизми. Тој додава:

– Но, првенствено мора да се подигне мерит системот на сите нивоа, освен во врвните политички структури, кои се резултат на изборите. И ова треба да биде императив. При тоа, оставката мора да се предвиди како задолжителна како резултат од објективната одговорност – немање резултати, скандали, слаба функционалност на институциите и слично.

Ова може да биде „игра“ на ескалација и деескалација, за етничките Македонци да го прифатат „помалото зло“ – Бугарите во Уставот.

Сашо Клекоски Член на раководството на ВМРО-ДПМНЕ

Идејата во Преамбулата на Уставот да се вметне формулата „македонскиот и албанскиот народ“ и потоа останатите етнички заедници, вклучувајќи ги и Бугарите, не е чекор за конструктивно решение, туку дел од сценариото на закани за „мрачната иднина“ доколку нема уставни измени, кое го најавија специјални емисари, а го прифатија како наратив министри во Владата, смета Сашо Клековски, член на Извршниот комитет на ВМРИО-ДПМНЕ.

– Во услови на силно спротивставување (9 од 10 етнички Македонци) на уставните измени за вклучување на Бугарите во Уставот, создавање на перцепција на нова закана за нарушување на постигнатиот баланс меѓу етничките Македонци и етничките Албанци, отвара пат за раст на меѓуетнички тензии. Ова може да биде „игра“ на ескалација и деескалација, за етничките Македонци да го прифатат „помалото зло“ – Бугарите во Уставот. Истовремено со тоа ќе се дефокусира јавноста од неспособноста и криминалот на Владата на ДУИ и СДСМ – вели тој.

Вовед во безбедносна криза?

Зоран Димитровски од Демократскиот сојуз вели дека почитувањето на решенијата од Рамковниот договор за уредување на односите меѓу етничките заедници е услов за натамошна мирна коегзистенција на сите етникуми во Македонија.

– Рамковниот договор е мировен договор, неговите решенија се вградени во Уставот и какво било негово менување мора да биде со консензус на сите етнички заедници, пред сѐ на Македонците и на Албанците, или со нов договор кој може да се случи по евентуална нова безбедносна или сериозна меѓуетничка политичка криза. Како што можете да посведочите, непочитувањето на мировните договори во Босна и Херцеговина и на Косово, без оглед што овие држави за разлика од Македонија сѐ уште се полупротекторати, го доведува во прашање нивното постоење во формата каква што ја дизајнираа Дејтонскиот мировен договор за БиХ, како и Кумановскиот мировен договор и подоцнежните договори од Брисел за Косово – вели тој.

Менувањето на Уставот заради промена на конститутивната положба на која било етничка заедница во Македонија не може да биде на штета на другите помали етнички заедници. Со Рамковниот договор е направен каков-таков компромис, со тоа што Македонците, иако де јуре ја изгубија ексклузивната конститутивност во Македонија, сепак се запишани како „македонски народ“ а сите други етнички заедници во Преамбулата како „делови од народи“. Таа синтагма „делови од народи“ е еуфемизам за меѓународно усвоениот термин малцинства, но не е навредлива и ги изедначува сите етникуми кои се рамноправни во државата по сите основи, ако се има предвид и нормативниот дел од Уставот, анализира Димитровски и заклучува:

ДУИ и СДСМ со планот за уставни промени ја загрозуваат безбедноста на државата.

Зоран Димитровски Член на раководството на Демократски сојуз

– Со издвојување на два народа, македонскиот и албанскиот, би се направило де јуре рангирање на народи и малцинства, што е спротивно на решенијата од Рамковниот договор и тoa битно би го нарушило статусот на помалите етнички заедници. Од друга страна, потенцирањето на два народа како конститутивни во државата, е иницијална каписла за барање територијални решенија за какви било идни политички барања, со чие решение политичките елити на Албанците не би биле задоволни. А Рамковниот договор токму тоа го поставува како услов – дека во иднина не смее да има територијални решенија за политички барања! Се плашам дека последните закани што доаѓаат од власта, дека доколку не влезат Бугарите во Уставот сега и веднаш, може да ни се случи безбедносна криза, токму тоа и го навестуваат. Затоа сметам дека ДУИ и СДСМ со планот за уставни промени ја загрозуваат безбедноста на државата.

Станавме сектаријанска држава

Колку што погрешна беше идејата преку хрватскиот модел на Устав да се минимизира позицијата на Албанците во Уставот, така овој пат, со цел да се изигра една презадоцнета итроштина со вметнувањето на Бугарите, се прави обид да се направат етникуми од прва лига и етникуми од втора лига, вели аналитичарот Ивор Мицковски.

– Една вистински мултиетничка држава не би требало да се сведува на биетничка, односно, грешката што при осамостојувањето не се дефиниравме како национална држава на македонскиот народ, сега да ја исправаме со бетонирање на бинационален карактер. Toa e нешто што на долги патеки може да го загрози унитарниот карактер на државата, да прерасне во федерализација или во идни територијални претензии. Или ќе се вратиме на оригиналниот граѓански дух на Уставот или ќе се дефинираме како македонска нација составена од македонски народ и потоа сите останати заедници, но мислам дека е предоцна веќе за оваа опција и дека таа е политички неизводлива – смета тој.

Ова последното во суштина е хрватскиот модел и мислам дека тој е неприфатлив за Албанците. Но, вистинскиот проблем е што ние етнички се делиме преку нашите во суштина етнички партии, односно, проблемот е партизираноста на државата која го деформира Уставот, го прави подложен на политички дилови, како впрочем и секоја друга сфера од нашиот политичко-општествен живот, смета Мицковски.

– Видовме дека мајоризацијата од доминација на мнозинството врз малцинството, може да се претвори во доминација на малцинството врз мнозинството. И ќе се сoгласиме дека и двете се опасни тенденции, но второво е далеку поопасно. Тоа се проблеми кои нема да се решат со никаква, макар и виртуозна уставна промена, туку со промена на практичното однесување и владеење на партиите, кои од позиција на моќ, ги погазуваат и изборните резултати и уставните норми. Станавме сектаријанска држава, каде секоја етничка партија наместо да се грижи за целовитоста и унитарноста на државата, се занимава строго со своите етнички, политички, територијални и финансиски интереси. Унитарноста се сведе на излитена церемонијалност и фолклористика – вели тој.

The post БИНАЦИОНАЛНОСТА МОЖЕ ДА ДОВЕДЕ САМО ДО КОНФЛИКТ Некој шири хистерија или ова е трик да се прифати „помалото зло“? appeared first on plusinfo.mk.

Ако одите во набавка на храна еднаш месечно и плус, сигурно купувате поголеми количини храна, вклучително и јајца. Но, тие не можат да траат многу долго, особено ако ги чувате на вратата од фрижидерот.

Што треба да направите за да го продолжите рокот на траење на јајцата, прочитајте на порталот „Арт кујна“.

The post ЕДНОСТАВЕН ТРИК ЗА ПРОДОЛЖУВАЊЕ НА РОКОТ НА ТРАЕЊЕ НА ЈАЈЦАТА Потребна ви е само една состојка од кујната appeared first on plusinfo.mk.

Досега сте научиле како да пржите јајца, да правите омлет, можеби дури и ги совладавте јајцата Бенедикт. Сепак, усовршувањето на тврдо варени јајца е вештина која никогаш не успевате да ја совладате. Освен тоа, готвењето е само половина од битката. Исто така, треба да научите како лесно да ги излупите, а со еве понекогаш се мачат дури и најдобрите готвачи. Еве како да го направите тоа:

Како да сварите тврдо варени јајца за лесно да се лупат?

Повеќе за ова на порталот „Арт кујна“.

The post НА МАКИТЕ ИМ ДОЈДЕ КРАЈОТ Едноставен трик за совршено лупење на тврдо варени јајца appeared first on plusinfo.mk.

Сигурно ви се случило да купите совршено филетирано парче риба, во кое, следејќи ги упатствата од Интернет или гледајќи видео на Јутјуб, веќе сте вложиле многу време за да ја отстраните секоја коска. Време е за печење. Ја вадите тавата и кога добро ќе се загрее, ја ставате рибата, а потоа – повторно утка!

Кожата се залепила на дното од тавата и се обидувате со шпатула да ја одлепите и некако да го зачувате парчето цело пред целосно да се распадне.
Со оглед на тоа што ова сценарио се случува дури и во кујната на поискусните, можеби не е на одмет, на порталот „Арт кујна“ да го погледнете видеото што го најдовме.

The post КАКО ДА ИСПРЖИТЕ СОВРШЕНО ПАРЧЕ РИБА Со овој трик нема утка (ВИДЕО) appeared first on plusinfo.mk.