Помина времето во Македонија кога политичарите испраќаа пораки од скапи јахти и се натпреваруваа меѓусебно кој ќе летува во поскапо летувалиште. Дојдено е време за одговорен пристап и отчет пред граѓаните, да ги слушнеме сите нивни видувања, сите позитивни и негативни критики, порача лидерот на ЗНАМ, Максим Димитриевски во изјавата за медиумите пред почетокот на панел дискусија „Европска ЗНАМ, европска иднина, европска Македонија“, која се одржа денеска во Струмица.

Во своето обраќање, претседателот на Движење ЗНАМ, Максим Димитриевски, истакна дека присуството на караванот во Струмица е потврда дека граѓаните бараат нов начин на политичко дејствување, политика која слуша, работи и одговара пред народот.

– Додека народот се бори за секој денар, додека земјоделецот се бори за својот труд и својот производ, некои политичари се натпреваруваат кој ќе покаже поскапа јахта, полуксузен одмор и поголема привилегија. Тоа не е политиката што ја заслужува Македонија. Политиката не е создадена за некој да живее подобро од народот, туку за да работи за народот – рече Димитриевски.

Тој порача дека Македонија мора да стави крај на времето во кое политиката била користена како алатка за личен интерес и задржување на привилегии.

– Во политиката има луѓе кои влегле за да служат на народот, но има и такви кои политиката ја претвориле во лична корист и привилегија. Секој со својот крст. Граѓаните на Струмица многу добро знаат кој останал верен на идеите со кои започнал, а кој ги заменил принципите за удобност, функции и позиции. На крајот, не судат политичките центри на моќ, туку граѓаните, тие најдобро препознаваат кој се борел за нив, а кој за себе – рече лидерот на ЗНАМ.

Тој нагласи дека Движење ЗНАМ е создадено како одговор на политиките кои со години создаваа разочарување кај граѓаните и дека денес покажува дека може поинаку, без клиентелизам, без политички договори зад затворени врати и без ставање на партиските интереси пред државните.

– ЗНАМ не е создадено за да биде дел од старите политички матрици. Создадено е затоа што Македонија заслужува политика во која зборот има тежина, а резултатите се единственото мерило. Ние не бараме доверба заради функции, бараме доверба заради работата што ја правиме – рече Димитриевски.

Во рамките на панел-дискусијата, министерот за јавна администрација Горан Минчев говореше за реформите насочени кон создавање професионална, ефикасна и департизирана јавна администрација. Тој истакна дека институциите мора да бидат вистински сервис на граѓаните, а не алатка за партиски влијанија. Воспоставувањето на мерит-системот, професионализацијата на администрацијата и воведувањето современи стандарди во работењето се клучни чекори кон создавање држава која ќе биде поблиска, побрза и поефикасна за секој граѓанин.

Министерот за земјоделство, шумарство и водостопанство Борче Серафимовски посочи дека Струмичкиот регион е доказ за потенцијалот што го има Македонија, но и пример дека земјоделците заслужуваат државна поддршка и сигурни политики. Тој нагласи дека земјоделството мора да биде стратешки приоритет, со политики за сигурен пласман, фер услови, модернизација на производството и партнерски однос меѓу државата и земјоделците.

„Движењето ЗНАМ продолжува да ја гради својата политика врз директен разговор со граѓаните, чесно преземање одговорност и конкретни резултати, спротивно на политичките практики во кои граѓаните со години беа сведоци на празни ветувања, поделби и систем во кој малкумина имаа привилегии, а мнозинството ги носеше последиците“ – соошти Центарот за комуникации и аналитика на ЗНАМ.

The post ПОМИНА ВРЕМЕТО КОГА МАКЕДОНСКИ ПОЛИТИЧАРИ ИСПРАЌАА ПОРАКИ ОД СКАПИ ЈАХТИ Максим Димитриевски и ЗНАМ со трибина во Струмица го завршија својот карван appeared first on plusinfo.mk.

Европска Македонија не се гради со празни ветувања, туку со дела што граѓаните ги чувствуваат во секојдневниот живот – порача претседателот на Движењето ЗНАМ – За наша Македонија, Максим Димитриевски, од Прилеп, каде продолжи караванот под мотото „Европска ЗНАМ, Европска иднина, Европска Македонија“.

Пред прилепчани, Димитриевски испрати јасна порака дека политиката мора да се врати на страната на граѓаните и дека довербата се гради само со одговорност и резултати.

– Граѓаните премногу долго слушаа ветувања, а премалку гледаа промени. Денес Македонија има потреба од политика која не бара изговори, туку презема одговорност и решава проблеми. Тоа е политиката на ЗНАМ, работа, ред и резултати – истакна Димитриевски.

Тој посочи дека влегувањето на ЗНАМ во институциите не било само политичка одлука, туку преземање обврска пред граѓаните да се менуваат работите кои со години стоеле нерешени.

– Нашата цел не е да бидеме дел од системот заради функција. Нашата цел е системот да го направиме подобар за секој човек. Држава има смисла само ако граѓанинот ја чувствува, преку подобри услуги, правда, економски можности и сигурна иднина – порача лидерот на ЗНАМ.

Во рамки на панел-дискусијата беа отворени теми од клучно значење за развојот на државата, реформите во правосудството, јакнењето на институциите, економскиот напредок и поддршката за земјоделците.

Потпретседателката на Движењето ЗНАМ Весна Бендевска зборуваше за значењето на владеењето на правото, демократските институции и современото законодавство како основа на европската иднина на Македонија. Таа оцени дека блокирањето на новиот Изборен законик претставува обид да се спречат реформите и имплементацијата на препораките на ОБСЕ/ОДИХР, нагласувајќи дека Македонија не смее да биде заложник на теснопартиски интереси кога станува збор за европските стандарди и фер изборниот процес.

Потпретседателот на Движењето ЗНАМ и министер за земјоделство, шумарство и водостопанство, Борче Серафимовски, ги претстави политиките за унапредување на земјоделството, подобрување на условите за производителите и развој на руралните средини.

Патот кон европска Македонија се гради со доверба, работа и заедничка визија. Караванот под мотото „Европска ЗНАМ, Европска иднина, Европска Македонија“ продолжува низ градовите, со една јасна порака, Македонија има иднина кога политиката е во служба на граѓаните.

The post БЛОКИРАЊЕТО НА ИЗБОРНИОТ ЗАКОНИК ГИ КОЧИ РЕФОРМИТЕ Не можат да се импламентираат препораките на ОБСЕ/ОДИХР appeared first on plusinfo.mk.

Претседателот на ВМРО-ДПМНЕ, Христијан Мицкоски, денеска на трибината „Локални и глобални предизвици од младинско значење“ упати силни пораки до младите за нивната улога во партиите и иднината на државата. Настанот беше организиран од Унијата на млади сили на ВМРО-ДПМНЕ и младината на Меѓународната Демократска Унија (IYDU) во хотел Хилтон.

– Ако постои партија без млади, тогаш тоа е партија без суштина. Прашањето не е дали таа ќе исчезне, туку кога. Ние сме горди што имаме офанзивна младина и ја поддржуваме затоа што тие ќе бидат нашите наследници во иднината – рече Мицкоски, потенцирајќи дека младите се сржта на партиите и клучни за политичката стабилност.

Претседателот им упати порака да градат младина и да им даваат шанса на новите генерации.

– Развивајте ги и дајте им шанса на вашите наследници. Без млади, политичките партии ќе исчезнат – рече тој.

Мицкоски предупреди и за реалноста во денешниот дигитален свет.

– Не верувајте во чуда. Она што го гледате на Инстаграм и ТикТок не е реалност. Ако некој ви ветува чуда, тогаш ве лаже – вели претседателот.

Тој ја потенцираше и важноста на достоинството

– Зачувајте го вашето достоинство. Не бидете дволични. Ако го имате достоинството, го имате најважниот дел од вашиот карактер – истакна лидерот на ВМРО-ДПМНЕ.

Мицкоски додаде дека семејството е најважниот столб во животот на младите.

– Децата и семејството ќе го обликуваат вашиот живот. Споделувајте, учете, бидејќи тоа ќе ве подготви и за иднината на вашата нација – порача Мицкоски.

На крајот, претседателот на ВМРО-ДПМНЕ се осврна и на важноста на работа, посветеност и визија за иднината.

– Ако една нација, особено мала како македонската, не работи напорно со фокус и јасен патоказ, ќе исчезне. Борете се и размислувајте за работите што ќе го обликуваат човештвото и иднината на вашата нација – рече Мицкоски.

The post БЕЗ МЛАДИ, ПАРТИЈАТА НЕМА ИДНИНА Мицкоски откри зошто младите се сржта на политиката appeared first on plusinfo.mk.

Постариот брат на НБА ѕвездата Никола Јокиќ, Страхиња доби условна казна од 12 месеци поради напад врз навивач за време на плејоф натпреварот на Денвер Нагетс, објави американскиот портал „TMZ Sports“.

Пресудата беше изречена во судот во Денвер, откако Страхиња се изјасни за виновен за нелегален влез на теренот и нарушување на јавниот ред и мир, соопшти обвинителството.

Инцидентот се случил на 22 април 2024 година, на натпреварот меѓу Денвер Нагетс и Лос Анџелес Лејкерс, кога камерите го забележале моментот во кој Страхиња удира навивач во лицето веднаш по завршувањето на натпреварот.

Според официјалните извештаи, нападнатиот маж добил потрес на мозокот како резултат на ударот.

Nikola Jokic’s older brother Strahinja threw a punch at a fan following the Nuggets’ 20-point comeback win vs. the Lakers

(via cgallegos67/TT)pic.twitter.com/gjYzt7c1kE

— ClutchPoints (@ClutchPoints) April 23, 2024

Иако првично Јокиќ тврдел дека само бранел постаро лице кое се наоѓало во негова близина, подоцна го променил исказот и прифатил вина.

Судењето започна во август 2025 година, а обвинетиот редовно се појавувал пред Окружниот суд во Денвер. Страхиња беше познат по тоа што редовно присуствуваше на натпреварите на својот брат Никола, но не е познато дали повторно се појавил во „Бол Арената“ по инцидентот.

Во меѓувреме, Никола Јокиќ се подготвува за својата 11-та НБА сезона, која започнува на крајот од октомври.

The post 📽️ ОСУДЕН БРАТОТ НА НИКОЛА ЈОКИЌ Страхиња доби условна казна за напад на навивач за време на плејоф натпреварот во Денвер appeared first on plusinfo.mk.

По денешната трибина на СДСМ под наслов „Македонија понижена – една година Влада“, од ВМРО-ДПМНЕ жестоко реагираа, нарекувајќи ја иницијативата „лицемерна и цинична“, со потсетување на долговите и кризите што, како што велат, биле оставени зад себе од претходната власт.

„Лицемерно е СДСМ да зборува дека Македонија била понижена, бидејќи токму таа партија ја донесе државата до раб на банкрот. За тоа што го направија во изминатите 7 години ќе треба многу време да се исправи, но ние имаме доверба од граѓаните да доведеме ред“, се вели во реакцијата.

Од партијата истакнуваат дека економијата била катастрофално водена, јавниот долг скокнал од 47% на 65%, а земјата се соочувала со неликвидност.

„Нека ги прашаат Филипче и Заев каде ги однесоа украдените пари од буџетот. Додека тие инвестираа во висококатници во Дубаи, ние ја направивме македонската економија четврта по раст во Европа“, се наведува во реакцијата на ВМРО-ДПМНЕ.

Партијата ја обвини СДСМ за негрижа кон земјоделците и работниците додека беа на власт.

„Во нивно време земјоделците протестираа секојдневно, субвенциите не се исплаќаа, а платите во државни претпријатија доцнеа со месеци. Денес има навремени исплати и рекордни 9 милијарди денари субвенции“, велат од ВМРО-ДПМНЕ.

Обвинувањата не застануваат тука. СДСМ, според партијата, ја оставила државата со незавршени инфраструктурни проекти, како Кичево–Охрид, кој за 7 години напреднал само 10%.

„Сега имаме договори што се транспарентни и јавни, а не договори во четири очи“, појаснуваат од ВМРО-ДПМНЕ.

На темата здравство и образование, од ВМРО-ДПМНЕ додаваат:

„Денес учениците имаат учебници, за разлика од времето на СДСМ. Болници не изгоруваат поради анекси за провизии, а постојат историски договори со здравствени работници“.

Од партијата велат дека се градат нови факултети, се реконструираат студентски домови и младите добиваат конкретна поддршка – како на пример 250 евра за електронски уред од септември.

За судството и безбедноста, обвинуваат дека под водство на СДСМ „се делеле пасоши на криминалци и се унапредувале судии од партиски тефтерчиња“.

„Македонија е повторно на патот на изградба, со над 1.200 градилишта, нови градинки, училишта и патишта“, заклучуваат од ВМРО-ДПМНЕ и додаваат:

„Со дела, не со соопштенија. Со ред, не со хаос. Македонија е повторно твоја!“

The post „СДСМ ЈА ДОВЕДЕ ДРЖАВАТА ДО РАБ НА БАНКРОТ“ Жестока реакција од ВМРО-ДПМНЕ за трибината на опозицијата appeared first on plusinfo.mk.

Загрижувачка и тензична сцена се случи на тенискиот меѓу Ема Радукану и Каролина Мучова на турнирот во Дубаи. Некогашната шампионка на Ју-Ес Опен Радукану ја прекина играта по два гејма во првиот сет и отиде да разговара со судијата. Таа тврдеше дека на трибините го видела човекот кој ја прогонува со денови и заплака.

Радукану почна да плаче. Мучова дотрча во обид да ја поддржи.

Прогонувачот беше приведен и изнесен на трибините. Мечот продолжи, а Радукану загуби со 7:6 и 6:4. На крајот таа ѝ се заблагодари на Мучова за поддршката.

Emma Raducanu’s fright when she realizes that a man who had approached her the day before in a public place in Dubai was attending her match against Muchova.

The man was fortunately arrested and banned from all WTA events.pic.twitter.com/63jdBNQb8V

— We Are Tennis (@WeAreTennis) February 19, 2025

The post 📽️ ГО ВИДЕ ЧОВЕКОТ КОЈ ЈА ПРОГОНУВА СРЕДЕ НАТПРЕВАР Ема Радукану се расплака на турнирот во Дубаи appeared first on plusinfo.mk.

Наташа Јаневска, проектен менаџер во Стопанската комора, изјави дека „образование по мерка на бизнисот“ отсекогаш било меѓу приоритетите на Комората, затоа што, рече, на компаниите им е потребен квалитетен и стручен кадар којшто може веднаш да премине од училишната во работната средина и да одговори на потребите и на сите технолошки процеси и промени со кои се соочуваат компаниите.

– Ако имаме стручно образование кое треба да биде квалитетно, а има своја специфика, потребно е сите чинители да бидат учесници во креирањето на стручното образование. Но, главниот правец треба да го даде бизнисот, а образовните институции да бидат тие коишто веднаш ќе излезат во пресрет во креирањето разни програми за образование и стекнување квалификации од страна на учениците – рече Јаневска.

Министерката за образование и наука Весна Јаневска рече дека дошла на настанот за да ги слушне предлозите бидејќи, како што рече, бизнис-заедницата е исклучително значајна во градењето кадар подготвен за пазарот на трудот. Особено сега кога е во тек изработката на законот за стручно образование и обука со кој, меѓу другото, системски треба да се уреди и дуалното образование за кое постои сѐ поголем интерес.

– Стручното образование е од исклучителна важност затоа што е општопознато дека имаме недостиг од работна рака, имаме иселување на нашите млади луѓе. Ова е една можност да ги подобриме условите за да останат во сопствената земја и да придонесуваат за сопствената земја. Со задоволство ќе ги слушнам сите потреби на компаниите за да можеме да го подобриме и да го доразвиеме стручното образование. Дополнително, во тој правец, во моментов веќе е при крај изработката на законот за средно стручно образование во кој, конечно, ќе ги решиме системски и дуалните паралелки – истакна министерката.

Во оваа и во претходната учебна година е зголемен бројот на запишани ученици во средните стручни училишта што се должи и на кампањата што ја спроведуваше МОН во соработка со Стопанската комора, компаниите и општините за дефинирање на квотите во конкурсот за запишување во средните училишта.

Според податоците на МОН, во 2024/2025 година од околу 17.000 запишани во прва година, 12.000, односно две третини, избрале стручно образование. Од тие 12.000, околу 4.000 ученици се запишале во дуалните паралелки во 60-ина училишта.

Учениците од дуалните паралелки имаат можност да добијат и стипендија од  Министерството –  во годинашниот Конкурс се предвидени 1.500 стипендии во месечен износ од 3.500 денари за девет месеци во годината.

The post ЗАКОНСКИ ЌЕ СЕ РЕГУЛИРА ДУАЛНОТО ОБРАЗОВАНИЕ Бизнисот бара образование според негова мерка appeared first on plusinfo.mk.

Српскиот тенисер Новак Ѓоковиќ се пласираше во третото коло на Вимблдон победувајќи го домашниот тенисер Џејкоб Фирнли (3:1), а само во еден момент се забележа неговата нервоза. Тоа беше по загубениот сет, но не поради послабата игра, туку по којзнае кој по ред провокатор на трибините на Централниот терен, пишува српски Мондо.

Ѓоковиќ бурно реагираше додека се преслекуваше, веднаш побара реакција од судијата велејќи дека мора да го исфрли навивачот од трибините бидејќи постојано го провоцира. Веднаш го повика обезбедувањето да реагира бидејќи не сака да игра во такви услови.

Познато е дека Ѓоковиќ трпеше провокации од навивачите, не се справуваше со нив, но кога ја преминуваат границата на „добриот вкус“, тој секогаш реагира.

– Тој не сакаше да ме гледа во очи кога зборував со него, гледаше во телефонот. Речиси на секој натпревар ми се случуваат ситуации кои се непожелни. Во 95% од случаите го толерирам тоа. Тоа е нешто сосем нормално. Луѓето платиле карта, тие се страсни, сакаат противникот да победи, а ти да испаднеш… Тоа е прашање на личен избор и нивно право – рече Ѓоковиќ на прес-конференција.

Судијата сепак го игнорираше, го остави навивачот на трибините, а по мечот му пријде Ѓоковиќ и се обиде да разговара со него за неприфатливо однесување.

– Меѓутоа, кога некој ќе ја премине границата на спортски дух – реагирам. Цел живот сум таков и ќе бидам до крајот на кариерата. Нема да дозволам никој да ме провоцира, понижува и да ме омаловажува. Ги гледам сите в очи и мирно спијам кога ќе се соочам со некого, интересно е како повеќетемина, речиси сите, само ја спуштаат главата. Секој е храбар кога вниманието не е насочено кон него – заклучи тенисерот.

За потсетување, Новак Ѓоковиќ денеска е слободен, а в сабота ќе игра против Алексеј Попирин.

The post ШТОМ ГИ ПОГЛЕДНАМ ВО ОЧИ, ЈА СПУШТААТ ГЛАВАТА Ѓоковиќ разгневен поради провокаторот на Вимблдон appeared first on plusinfo.mk.

Натпреварот се одигра на стадионот на Шалке „Велтинс Арена“, кој беше исполнет до последно место од англиски и српски навивачи, а по мечот во зората се случи прилично чудна ситуација.

Имено, еден навивач на „Гордиот Албион“ се разбудил во четири часот наутро на празниот стадион во Гелзенкирхен! Како што објави на социјалните мрежи и самиот бил шокиран од фактот кога се разбудил и видел целосно празен стадион околу него.

– Само што се разбудив. Сега е 4 часот наутро. Сум запал на стадионот на Шалке – вели премрзнатиот Англичанец.

Очигледно атмосферата, како и преголемото количество алкохол го опијаниле Англичанецот, кој по победата на својот тим решил малку да се одмори во тишината на „Велтинс арената“. Едноставно е неверојатно што никој од обезбедувањето на стадионот не го видел Англичанецот на трибините.

An England fan woke up at 4am in an empty stadium

pic.twitter.com/CaGiouthVp

— Out Of Context Euro2024 (@NoContextEPL) June 17, 2024

The post 📽️ ПИЈАН АНГЛИЧАНЕЦ СЕ РАЗБУДИЛ ВО 4 НАУТРО НА ПРАЗЕН СТАДИОН Неверојатна случка по натпреварот Англија-Србија appeared first on plusinfo.mk.

Иницијативата е на бизнисот, а кадрите кои ќе произлезат – дигитални земјоделски инженери, треба да овозможат намалени трошоци и поголеми приноси на храна, а особено да ја помогнат дигитализацијата кај малите производители.  Од бизнисот потенцираат дека дигиталните земјоделски инженери се значајно потребен кадар во производството на квалитетна и ценовно конкурентна храна.

На конференција што се одржува денеска во Скопје со учество на претставници на образовни институции, на бизнис секторот и на експерти од државава,  Хрватска и Словенија, беа изнесени и примери како со употреба на дигитализација и експертиза во областа на информатичките технологии ќе се обезбеди поголема економичност, зголемени приноси и производството на квалитетна и безбедна храна.

Деканот на ФЗНХ, проф. д-р Миле Маркоски, очекува голем интерес од средношколците за студирање на новата студска програма. Со неа, како што вели, Факултетот одговора на барањата на бизнис заедницата да се подготви кадар кој ќе се соочи со предизвиците на новото време од дигитализација на образовниот процес и на сите процеси во примарното и секундарното земјоделско производство.

Целта, рече, е  да оформиме современи земјоделски инженери кои ќе се соочат со практичните решенија кои ги носат современите дигитални текови.

-Факултетот за земјоделски науки и храна  при УКИМ секогаш бил предвесник на нови иницијативи и нови бранови во високото образование,  па така и сега, заедно со уште три факултети од единиците на УКИМ, формираат нова насока дигитално земјоделство,  што се надевам ќе побуди голем интерес кај идните средношколци и матуранти да се запишат. Насоката е компилација  од предмети значајни за земјоделскиот и прехранбениот сектор, како и за техничките науки, а заедно прават нова студиска програма на нов современ инженер кој ќе се соочи со новото време, дигитализацијата на образовниот процес и на процесот на производство во земјоделско-прехранбениот простор – изјави Маркоски.

Зденко Лончариќ од Факултет за земјоделско-биотехнички науки „Јосип Јурај Штросмајер“, Универзитет Осиек, оцени дека состојбата со дигитализацијата во земјоделството во Хрватска е речиси иста како кај нас и оти нема отпор за прифаќање на дигитализацијата и од помладите и од постарите генерации.

-Во некои работи сме чекор напред, во некои заостануваме, но имаме исти проблеми и иста цел  – да  го оптимизираме производството преку дигитализацијата, која е насекаде околу нас. Заеднички детектираме дека најголем проблем и предизвик ќе биде да се оспособат агрономите да бидат доволно способни и компетентни да се преброди проблемот со пренесувањето на дигитализацијата на малите земјоделски производители и истовремено да бидеме во чекор со големите технологии. Големите производители ќе се снајдат. Сакаме агрономите и во Македонија и во Хрватска да бидат способни да го водат процесот на дигитализација – рече Лончариќ.

Тој на конференцијата појасни како да се одговори на предизвиците и полесно да се применат решенијата кои се покажале како успешни во Хрватска.

Според проректорот за финансии на УКИМ проф. Лазар Пендовски, со формирањето на новата студиска програма Универзитетот ги воведува новите концепти во земјоделството, кое учествува со 9-10% во БДП, и ќе има огромно значење за државата.

-Универзитетот секојпат ги следи новите концепти и дава силна поддршка особено на мултидисциплинарниот пристап за создавање на ваква концепциска студиска програма во која што се вметнати традиционалното земјоделие коешто ќе се изучува на Факултетот за земјоделски науки и храна, како носител на студиската програма. Ќе и се додаде би кажал една машинска прецизност со помош на нови дигитални технологии и иновации –  паметни алатки, за да може да се произведува храна на поекономичен начин, во којшто ќе се искористат сите можни ресурси, за да може да се зачува и зелената економија и средината во која што живееме – рече Пендовски.

Професор д-р Розалија Цвејиќ од Биотехничкиот факултет во Љубљана, посочи дека македонските институции се на почеток на процесот и истакна дека со отворање на оваа студиска програма, значајно би се унапредил земјоделско-прехранбен сектор во земјата.

И Горан Дамовски, тим лидер од Програмата ИМЕ, порача дека дигитализацијата е неопходен процес за осовременување и зголемена конкурентност на агробизнисот.

-Новата студиска програма за дигитално земјоделство ќе обезбеди интензивно запознавање на земјоделските инженери со информатичката технологија и користење на дигитални решенија и алатки кои се применуваат за прецизно и напредно земјоделство, базирано на податоци и знаење. Програмата е развиена со швајцарска поддршка, користејќи европски и регионални примери, во целосна соработка и согласно потребите на агробизнис секторот. Стручните кадри кои ќе произлезат од неа ќе имаат клучна улога во модернизација и развој на земјоделскиот сектор во државата – изјави Дамовски.

The post СЕ ОТВОРА НОВА СТУДИСКА ПРОГРАМА НА ЗЕМЈОДЕЛСКИ ФАКУЛТЕТ Ќе се образуваат дигитални земјоделски инженери appeared first on plusinfo.mk.