Режисерката Дина Дума ја освои Nora Ephron Award на Tribeca Festival во Њујорк за својот втор долгометражен филм „Скејтбордингот не е за девојчиња“, кој ја имаше својата светска премиера во рамки на фестивалот.

Nora Ephron Award е специјално признание што се доделува на исклучителна жена филмска авторка која го претставува духот и визијата на легендарната американска сценаристка, режисерка и писателка Нора Ефрон. Со ова признание, Tribeca ја препозна Дина Дума како силен женски авторски глас на меѓународната филмска сцена.

Во образложението на жирито се истакнува дека Нора Ефрон претставува пример за тоа како јасен женски авторски глас во патријархален свет може да отвори врати за многу други.

– Делото на Ефрон често го поставуваше прашањето: како жените преживуваат во непријателски свет? Нашиот избор за добитничка на оваа награда одговара на тоа прашање на многу начини – се наведува во одлуката на жирито.

Жирито го опиша филмот „Скејтбордингот не е за девојчиња“ како лирски и политички, допирлив и автентичен, трогателен и топол, а истовремено проткаен со радост и хумор. Во образложението дополнително се истакнува дека, давајќи им глас на оние кои најчесто остануваат без глас, Дина Дума ја воведува публиката во посебно, длабоко човечко искуство, преку конкретни ликови кои ја слават солидарноста и семејството.

„Скејтбордингот не е за девојчиња“ беше дел од International Narrative Competition, главната меѓународна натпреварувачка програма на Tribeca Festival.

„Скејтбордингот не е за девојчиња“ е во продукција на „Сестри и брат Митевски“, со продуцентка Лабина Митевска, по сценарио на Дина Дума, Лидија Мојсовска и Теона Стругар Митевска. Во главните улоги се Ефќар Абаз, Симонида Селимовиќ, Џефрина Јашари и Ганимет Абдула. Филмот е копродукција меѓу Северна Македонија, Белгија, Словенија и Хрватска, со поддршка од Агенцијата за филм на Северна Македонија, Eurimages, Creative Europe MEDIA и фондови од земјите копродуценти.

Со Nora Ephron Award, Дина Дума добива едно од значајните специјални признанија на Tribeca Festival, кое го истакнува значењето на женската авторска перспектива, храброста да се раскажуваат комплексни приказни и силата на филмот да отвори простор за гласови кои ретко добиваат видливост на големата сцена. Наградата има и паричен фонд од 25.000 долари, како директна поддршка за понатамошниот авторски развој и за создавање нови филмски проекти.

The post ДИНА ДУМА ЈА ОСВОИ НАГРАДАТА НОРА ЕФРОН „Скејтбордингот не е за девојчиња“ на Tрибека фестивалот во Њујорк appeared first on plusinfo.mk.

Поранешниот канадски премиер Џастин Трудо (54) ја поддржа Кети Пери (41) на гала премиерата на концертниот филм „Katy Perry: The Lifetimes Tour – Live from Paris“, на фестивалот Трибека во Њујорк.

За појавувањето на црвениот тепих, поп-ѕвездата избра спектакуларен бел фустан со детали во форма на роза и женствена пунџа, додека Трудо изгледаше елегантно во класичен црн костум со бела кошула. Канаѓанецот не ги криеше своите емоции додека познатата пејачка ги поздравуваше фановите и новинарите.

– Ова е сосема различно од „Part of Me“ – изјавила Кети за People, осврнувајќи се на нејзината документарна серија од 2012 година.

– Тогаш, тоа беше документарец за мојот живот, а ова е навистина концертно искуство на највисоко ниво за фановите. Го правам ова за моите обожаватели, бидејќи тие се оние кои ме поддржуваа сите овие години – повеќе од 18 години – рече таа.

Парот претходно, поточно, во април, се појави заедно на настан за Нетфликс серијата „Beef“, кадешто позираа за фотографии со извршниот директор на Нетфликс, Тед Сарандос, и неговата сопруга. На настанот присуствуваа и принцот Хари, Меган Маркл, Чарлс Мелтон и Кери Малиган.

Гласините за романса почнаа да кружат во јули 2025 година, кога беа видени како  шетаат куче во парк во Монтреал, а потоа вечераат во ресторанот „Ле Виолон“. Претставник на ресторанот изјави за „Пипл“ дека биле „исклучително љубезни и пријателски расположени кон персоналот“ и дека лично отишле во кујната по вечерата за да им се заблагодарат на вработените.

По заедничката вечера, Трудо присуствуваше на нејзиниот концерт во Монтреал на 30 јули 2025 година. Врската започна само еден месец откако „Пипл“ потврди дека Пери и 48-годишниот Орландо Блум ја раскинале својата свршувачка по девет години врска.

Во годината откако почнаа да се забавуваат, Пери ги запозна децата на Трудо. Неговиот син Ксав, 18, кој е исто така музичар, неодамна откри дека се потпира на неа за музички совети.

– Кога сум навистина задоволен од некоја песна, ѝ ја праќам. Таа секогаш со задоволство дава совет или кажува што треба да сменам – рекол Ксав.

The post 🎥 КЕТИ ПЕРИ И ЏАСТИН ТРУДО НЕ ГИ КРИЈАТ ЕМОЦИИТЕ Синот на поранешниот канадски премиер се потпира на музичките совети на пејачката appeared first on plusinfo.mk.

Основното јавно обвинителство Скопје донесе Наредба за спроведување на истражна постапка против две лица, жители на Скопје, на возраст од 19 и 28 години, за кои постои основано сомнение дека го сториле кривичното дело – Насилство од член 386 став 6 во врска со став 3 во врска со став 1 од Кривичниот законик.

Осомничените на 20 февруари 2021 година, околу 19:30 часот, во просториите на угостителскиот објект „Трибека„ во Скопје, заедно во група ги малтретирале, грубо навредиле и ја загрозиле сигурноста на две лица.

Воедно, во јавноста предизвикале чувство на несигурност, загрозување и страв. Осомничените заедно со еден од оштетените влегле во објектот, седнале на маса и го повикале второто оштетено лице да им се придружи.

Откако оштетениот им се придружил, еден од осомничените веднаш започнал со тупаници да го удира по лицето. На ваквите дејствија се спротивставило лицето кое заедно со нив влегло во објектот, но осомничените почнале и него да го удираат со тупаници по лицето и носот, нанесувајќи му тешки телесни повреди.

Веднаш потоа, еден од осомничените изреволтиран од зборувањето по телефон на една од гостите , започнал вербално да ја навредува, го одзел нејзиниот телефон и го скршил, а потоа започнал да го крши и инвентарот во угостителскиот објект.

Во насока на натамошно непречено одвивање на кривичната постапка, јавниот обвинител до Основниот кривичен суд Скопје поднесе предлози за определување на мерка притвор за осомничените.

The post ОЈО со детали за дивеењето во „Трибека“, притвор за двајца од насилниците appeared first on plusinfo.mk.

– На 20.02.2021 околу 20:15 часот во угостителски објект на бул.„Илинден“ во Скопје од страна на полициски службеници од СВР Скопје се лишени од слобода Х.Ј.(19) и А.С.(27) двајцата од Скопје, а во врска со претходна пријава дека во угостителскиот објект дошло до нарушување на јавниот ред и мир со физичка пресметка помеѓу П.Ѓ.(28) од Скопје и Х.Ј.(19), по што А.С. (27) почнал да го крши инвентарот од угостителскиот објект – велат од МВР.

Според сведочењето на присутните, сите тројца претходно седеле на иста маса.

– Потоа А.С. физички ја нападнал и Е.Х.(18) од Скопје која била заедно со С.С.(19) од Скопје, а потоа и го искршил мобилниот телефон на Е.Х. – стои во соопштението од министерството.

На местото на настанот е извршен увид, известен е јавен обвинител и по документирање на случајот ќе биде поднесен соодветен поднесок.

The post Седеле на иста маса, а потоа почнале да се тепаат и да фрлаат столици appeared first on plusinfo.mk.

Првпат излагам после коронава, и одма се дешава ТРИБЕКА ФАЈТ КЛУБ, па то маси, столици се фрлаат во шанкови, па то … алфи – хорори :)))))

— edencoek (@edencoek) February 20, 2021

Другари што се дешава во #Трибека????
Полиција врие, столици фрлање у шанк! Уште пиштоли да извадеа

— Milena (@mi_l3na) February 20, 2021

Александра Котели од Државниот пазарен инспекторат за ТВ21 истакна детали околу вчерашните акции низ Македонија каде биле затворени неколку локали поради непочитување на протоколите.

– Така беше во Скопје Север, Волково, едно во Прилеп, еден објект во Македонски Брод – посочи Котели.

Таа истакна и детали околу синоќешната акција во познат угостителски објект на булеварот Илинден.

– Во обид да направиме надзор за почитување на протоколите околу 20:30 часот при влез во локалот се соочивме со толпа народ која што масовно излегуваше од објектот, што значи дека Пазарниот инспекторат воопшто не влезе внатре во локалот. Видовме дека веднаш дојдоа припадници на Министерството за внатрешни работи и Државниот пазарен инспекторат се упати на друга локација – посочи Котели.

The post Жестока тепачка во Трибека! Летаа столици, уште пиштоли да извадеа! appeared first on plusinfo.mk.