Младиот охриѓанец, Марко Пејчиновски уште еднаш успеа да ја оствари својата нова мисија. Синоќа тој успешно го заврши својот модифициран „ајронмен“ триатлон, во должина од вкупно 107 километри, кои Пејчиновски ги помина со трчање, возење велосипед и со пливање.

Со овој подвиг, Марко уште еднаш покажа неверојатна истрајност и докажа дека кога се сака, сè се може.

Предзвикот Пејчиновски го започна вчера со трчање од Свети Наум до Струга, Оттаму со велоссипед се врати до Свети Наум, од каде што го започна последниот дел, пливањето до Охрид.

Трчањето од 42.2 километри Марко го заврши за време од 7 часа и 47 минути. За возењето од Струга назад до Свети Наум му беа потребни 2 часа и 33 минути. Најтешкиот предизвик беше последниот дел, пливањето за кое му беа потребни 9 часа и 29 минути.

На социјалните мрежи тој им се заблагодари на сите што го следеа и го поддржуваа во текот на неговиот предизвик, со зборовите: „Ви благодарам на сите за поддршката“.

 

View this post on Instagram

 

A post shared by Marko Pejchinovski (@markopejchinovskiofficial)

The post ГОЛЕМ ПОДВИГ НА ОХРИЃАНЕЦОТ МАРКО ПЕЈЧИНОВСКИ Помина 107 километри со трчање, пливање и на велосипед appeared first on plusinfo.mk.

Швајцарските триатлонци Адриен Брифо и Сајмон Вестерман не учествуваат во мешаната штафета на Олимписките игри во Париз поради цревна инфекција, соопшти прес-службата на швајцарскиот олимписки комитет.

Првично, Брифо кој беше 49-ти во поединечна конкуренција, беше пријавен за трката, но поради здравствени проблеми беше заменет од Вестерман. Но, подоцна и Вестерман пријавил цревна инфекција и се откажал од натпреварот.

Натпреварите во триатлон на Олимпијадата започнаа на 31 јули. Поради квалитетот на водата во Сена, беа одложени неколку тренинзи. По првиот тренинг пливање, двајца учесници повраќаа. Канаѓанецот Тајлер Миславчук и репрезентативката на Казахстан Екатерина Шабалина се чувствуваа лошо, додека шведската триатлонка Тилда Монсон, пак, се пожали на бојата и „одвратниот мирис“ на водата во Сена.

На 3 август, тренинзите за пливање на триатлонците беа повторно откажани на Олимпијадата во Париз. Претпладнево треба да се одржи мешаната штафета.

ГРАДОНАЧАЛНИЧКАТА НА ПАРИЗ СЕ ИЗБАЊА ВО СЕНА Пред стартот на Олипијадата сака да покаже дека реката е чиста

ЗАПЛИВА ВО СЕНА ЗА ДА ДОКАЖЕ ДЕКА Е ЧИСТА Француска министерка тврди дека олимпискиот пливачки тријатлон може да почне

ПАРИЖАНИ ЌЕ КАКААТ, А МАКРОН ЌЕ ПЛИВА Французите спремаат изненадување во реката Сена  

The post ЏАБЕ МАКРОН СЕ КОЛНЕШЕ ВО ЧИСТА СЕНА! Реката е полна со бактерии, триатлонците постојано се болни appeared first on plusinfo.mk.

Ова е настан на кој може да учествуваат натпреварувачи од сите возрасти и нуди идеални услови за почетници и професионалци од овој спорт.

– И оваа година ветуваме трка со која Скопје и спортската јавност ќе се гордее. Очекуваме и годинава да го достигнеме максималниот број учесници што условите ни го овозможуваат, а тоа се 300 и се надеваме дека Скопје сè повеќе гордо ќе стои на мапата на европски триатлон градови. Во овие тешки времиња за спортот, благодарни сме на сите поединци и општествено-одговорни компании што ни помагаат да го организираме настанот, особено нашиот главен спонзор Стопанска лизинг – вели Данчо Ѓорѓијевски, организатор на трката од клубот „Триоги рејсинг“ од Скопје.

Настанот се реализира со техничка поддршка на Триатлон федерацијата на Северна Македонија. Пријавувањето ќе биде отворено до 9 мај 2024 или до пополнување на максималниот број учесници.

Kaтегории:
– Сениори (2004 и постари): 750м пливање, 20км велосипед, 5км трчање;
– Јуниори (2005-2008): 750м пливање, 20км велосипед, 5км трчање;
– Кадети (2009-20011): 375м пливање, 10км велосипед, 2,5км трчање.
– Деца 2 (2012-2014): 175м пливање, 4км велосипед, 1км трчање;
– Деца 1 (2015 и помлади – рекреативна категорија): 75м пливање, 2км велосипед,

500м трчање;
– Мастерс 1 (1994-1985): 750м пливање, 20км велосипед, 5км трчање;
– Мастерс 2 (1984-1975): 750м пливање, 20км велосипед, 5км трчање;
– Мастерс 3 (1974 и постари): 750м пливање, 20км велосипед, 5км трчање;
– Тимски триатлон: Tимoвите треба да се состојат од 3 члена (барем еден учесник од машки и еден од женски пол). Секој учесник штафетно одработува по една од дисциплините на спринт дистанцата: 750м пливање, 20км велосипед или 5км трчање.

Минималната возраст за велосипед сегмент и за трчањето е 16 години, а за пливањето е над 10 години со изјава од родител.

The post „СТОПАНСКА ТРИОГИ ТРИАТЛОН 2024“ НА 19 МАЈ ВО СКОПЈЕ Може да учествуваат натпреварувачи од сите возрасти appeared first on plusinfo.mk.

Станува збор за исклучителен талент кој на свои 3 години успеал да комплетира триатлон и е носител на бројни медали на државни и меѓународни првенства.

Јован со Васко Илијевски од АСОМ

Меѓу неговите најнови успеси се освоеното прво место на Националното триатлон првенство во Дојран, прво место во Хрватската триатлон лига и првото место во триатлон на меѓународно натпреварување во Германија, во својата категорија.

– Посебно нѐ радува што обезбедивме поддршка за млад талент кој уште во текот на првиот циклус преку своите родители пројави интерес за учество во кампањата. Талентот и енергијата кои Јован ги поседува се навистина импресивни, а неговите резултати говорат дека се работи за дете со огромен потенцијал, пред кое стојат уште многу успеси со кои нашата држава ќе се гордее – истакна Васко Илијевски, претседател на АСОМ.

Јован покрај освоените медали на натпреварувањата во триатлон, дуатлон и акватлон, лани го освоил и второто место на државното првенство во кајак, како и првото место во Купот на далечинско пливање кое неодамна се одржа во Преспа.

Неговата мајка вели дека сите овие успеси и жедта на Јован за нови предизвици била причина таа да го пријави за учество во кампањата.

– Навистина сум благодарна што Јован стана дел од кампањата „Вложуваме во млади таленти“ и што пред сѐ ќе добие можност за промоција на неговиот талент во триатлон, дуатлон и акватлон, бидеќи се работи за спортови кои во јавноста се малку експонирани. Секако значајна е и финансиската поддршка која ќе ни помогне Јован да го претстави својот талент надвор од нашите граници – истакна Ѓурѓица Кутаноска, мајка на Јован.

Преку кампањата „Вложуваме во млади таленти“ која се имплементира втора година по ред, AСОМ како општествено одговорен субјект обезбедува поттик и поддршка за развој на младите таленти од областа на спортот, уметноста и науката, со што дава значителен придонес за заедницата.

The post НА 3 ГОДИНИ КОМПЛЕТИРАЛ ТРИАТЛОН Поддршка од АСОМ за талентираниот Јован Кутаноски appeared first on plusinfo.mk.

Оваа година очекуваме преку 250 натпреварувачи, а потврдено е учество и на триатлонци од Хрватска, Бугарија, Турција, Србија, Koсово и од Црна Гора, велат организаторите.

– Подготвени сме со техничка поддршка од страна на Триатлон федерацијата на Северна Македонија и сопствена судиска екипа да обезбедиме трка на која секој натпреварувач би сакал да учествува и веруваме дека овој натпревар ќе прерасне во традиционален натпревар кој ќе им овозможи на македонските триатлонци да се натпреваруваат на домашен терен. Се радуваме што интересот почна да расте, после ланската многу успешна година кога имаме меѓународен карактер на натпреварот – вели Данчо Ѓорѓијевски, основач на клубот Триоги Рејсинг и организатор на натпреварот.

Инаку, ланското издание на Stopanska Triogy Triathlon беше најмасовниот триатлон настан одржан во нашата држава на кој учествуваа 250 триатлонци. На голема радост и оваа година ја продолжуваме соработката со Стопанска банка АД – Скопје.

Пријавувањето за Stopanska Triogy Triatlon е до 7 мај, на следниот линк.

Оваа година натпреварувачите ќе бидат поделени во неколку категории, во машка и женска конкуренција и тоа:

– Деца 1, родени 2013 г. и помали

– Деца 2, родени од 2012 г. до 2010 г.

– Кадети, родени од 2009 г. до 2007 г.

– Јуниори, родени од 2006 г. до 2003 г.

– Елитна група, родени пред 2002 г.(кои ќе се борат за титулата Државен првак на Македонија)

– Мастерс група или ентузијасти родени после 2002 г.

Триатлон натпреварот ќе се одржи на следните локации: во делот од пливањето на базенот СРЦ „Борис Трајковски“, во делот на велосипедизмот – долж булеварот Илинден од потегот на СРЦ „Борис Трајковски“, сè до исклучувањето кон „Скопје Сити мол“ и назад по десната коловозна лента. Делот од трчањето се изведува околу паркинзите на СРЦ „Борис Трајковски“.

За Триоги рејсинг:

„Триоги Рејсинг“ – Скопје е најтрофејниот триатлон клуб во Македонија. Постои 6 години, има повеќе од 100 члена и 100-ци медали освоени на домашни и на меѓународни натпревари. Ние вложуваме најмногу во развојот на овој спорт кај децата, затоа што сметаме дека само така ќе имаме здрава младина.

За Стопанска лизинг:

Стопанска лизинг АД – Скопје е новоотворена лизинг компанија на македонскиот пазар со широка понуда на финансиски и оперативен лизинг за корпоративниот и граѓанскиот сектор.
Поддршката на Триатлонот во Скопје е уникатна можност да се делува директно во развојот на овој актуелен спорт и во градење на нови спортски традиции за Градот и државата.

The post ПРИЈАВЕТЕ СЕ НА „STOPANSKA TRIOGY TRIATHLON“ Натпреварот ќе се одржи на 14 мај во Скопје appeared first on plusinfo.mk.

Организатор на натпреварот е триатлон клубот „Триоги Рејсинг“ заедно со техничкиот организатор Триатлон Федерацијата на Северна Македонија. Главниот град повторно ќе биде место каде што ќе се слави триатлонот – спорт кој е брзорастечки во светот, а и кај нас добива сè поголемо внимание.

Повеќе од 200 натпреварувачи од Македонија, Бугарија, Србија и од Косово ќе учествуваат и на голема радост квотата што може да се реализира во базенот „Борис Трајковски“ беше исполнета неколку дена пред крајот на рокот за пријавување.

На голема радост и со голема поддршка од Стопанска банка АД – Скопје, Stopanska Triogy Triathlon 2022 ќе стане возможна мисија. Подготвени сме со сопствена судиска екипа и техничка поддршка од страна на Триатлон федерацијата на Северна Македонија, да обезбедиме трка на која секој натпреварувач би сакал да учествува и веруваме дека овој натпревар ќе прерасне во традиционален натпревар кој ќе им овозможи на македонските триатлонци да се натпреваруваат на домашен терен, велат од „Триоги Рејсинг“.

-Радосни сме што интересот за триатлонот расте и кај нас, а за тоа зборува и интересот да се учествува на ваква трка. Скопје заслужува да има триатлонска трка и се надеваме дека нашиот ентузијазам ќе биде мотивација за приватниот сектор и за институциите да го поддржуваат реализирањето на ваков тип натпревари – вели Данчо Ѓорѓијевски, основач на „Триоги Рејсинг“.

Натпреварот ќе се бодува и ќе биде дел од државното триатлон првенство.

The post ТРИАТЛОНЦИТЕ ЌЕ НАСТАПАТ ВО СКОПЈЕ Утре нè очекува Stopanska triogy triathlon 2022 appeared first on plusinfo.mk.

„Нашиот прв триатлон натпревар одржан во 2019 години претставува најмасовен триатлон натпревар во нашата држава со преку 150 учесници. За жал, во 2020 и 2021 година, поради пандемијата од ковид-19, не добивме дозвола за да го организираме настанот повторно“, велат од „Триоги рејсинг“.

Оттаму додаваат и дека на голема радост и со голема поддршка од Стопанска банка АД – Скопје, Stopanska Triogy Triathlon 2022 ќе стане возможна мисија.

„Подготвени сме со сопствена судиска екипа и техничка поддршка од страна на Триатлон федерацијата на Северна Македонија, да обезбедиме трка на која секој натпреварувач би сакал да учествува и веруваме дека овој натпревар ќе прерасне во традиционален натпревар кој ќе им овозможи на македонските триатлонци да се натпреваруваат на домашен терен“, додаваат од клубот.

Tриатлон натпреварот ќе биде директно пренесуван на Македонската Радио Телевизија.

Оваа година очекуваме преку 200 натпреварувачи, а потврдено е учество и на триатлонци од Хрватска, Бугарија, Турција, Србија и од Црна Гора.

Пријавувањето за Stopanska Triogy Triatlon е до 7 мај, на следниот линк.

Оваа година натпреварувачи кои ќе бидат поделени во неколку категории, во машка и женска конкуренција и тоа:

-Деца 1, родени 2013 г. и помали

-Деца 2, родени од 2012 г. до 2010 г.

-Кадети, родени од 2009 г. до 2007 г.

-Јуниори, родени од 2006 г. до 2003 г.

-Елитна група, родени пред 2002 г.(кои ќе се борат за титулата Државен првак на Македонија)

-Мастерс група или ентузијасти родени после 2002 г.

Триатлон натпреварот ќе се одржи на следните локации: во делот од пливањето на базенот СРЦ „Борис Трајковски“, во делот на велосипедизмот – долж булеварот Илинден од потегот на СРЦ „Борис Трајковски“, сè до исклучувањето кон „Скопје Сити мол“ и назад по десната коловозна лента. Делот од трчањето се изведува околу паркинзите на СРЦ „Борис Трајковски“.

„Триоги рејсинг“ – Скопје е најтрофејниот триатлон клуб во Македонија. Постои 6 години, има повеќе од 100 члена и 100-тици медали освоени на домашни и на меѓународни натпревари. Ние вложуваме најмногу во развојот на овој спорт кај децата, затоа што сметаме дека само така ќе имаме здрава младина.

Стопанска банка АД – Скопје е Банка со најдолга традиција на пазарот и како општествено одговорна компанија е долгогодишен поддржувач на спортот во С. Македонија. Поддршката на триатлонот во Скопје е уникатна можност да се делува директно во развојот на овој актуелен спорт и во градење на нови спортски традиции за Градот и државата.

The post ПРИЈАВЕТЕ СЕ ЗА СКОПСКИОТ ТРИАТЛОН Stopanska Triogy Triathlon ќе се организира по втор пат appeared first on plusinfo.mk.